المساعد الشخصي الرقمي

مشاهدة النسخة كاملة : طلب شراء لابتوب ... والمطلوب فى الداخل



oMaR4eVeR
05-03-2009, 07:19
السلام عليكم

أنا عايز اشترى لاب توب وانا من اسكندريه مصر

والفلوس المتاحة لدي من 4000 الى 6000 جنيه

الاب توب عايزوا علشان النت و ألعاب وقليل من التصميم

واتمنى ان ارى الأنواع التى ستكون مناسبه مع سعرى ... وما اطلبه

وياريت تقوليولي مواصفاتوا وسعروا فى مصر ان امكن

Michohat
06-03-2009, 19:16
كنت فى حيرة زييك كده كنت محتار بين توشيبا والاتش بى والديل
التوشيبا ضمانها حلو جوا مصر وده سبب ارتفاع سعرة يعنى تلاقى جهاز ديول كور ب 4000 وصينى
الاتش بى له قطع غيار كتير و حمال اسية برضه و بيقدم مواصفات عاليه و معظم العروض اللى بتنزل فى كارفور و هايبر بتبقى عليه بس برضه صينى
الديل كنت مستتقل دمه وسمعت عن اجهزة بتنفجر وحاجات زى كده بس اللى شدنى له ان فيه منه صينى وفيه منه بولندى ولما سئلت وسعيت فى البحث عن الاخبار ومعرفه توافر قطع الغيار له لقيت انه يعتبر انسب جهاز اقدر اشترية ودلوقتى اشتريت جهاز ديل استديو 1537 ديول كور وجبته من التوكيل بتاعه ووقف عليا ب 4555
وانا هناك شوفت جهاز انسبريون كور تو ديو امكانياته اعلى من اللى اشتريته وكان ب 4000 بس كان صينى والجهاز اللى معايا بولندى
ارجو ان اكون افدتك

oMaR4eVeR
06-03-2009, 19:54
ربنا يخليك يارب الف شكر على النصيحة

يعنى من رأيك

دلوقتى معايا فى حدود من 4000 الى 5000 او 6

اشترى انهى نوع و اي مواصفات ؟

؟؟ ديل استديو 1537 ديول كور ؟؟

Michohat
06-03-2009, 23:40
المبلغ اللى معاك يجيب ليك لاب توب محترم جدا بس يا ترى انت محتاج ايه اكتر لاب توب ولا ديسك توب لازم تفكر فى الناحيه دى لان الدسك توب ممكن تحدث فيه و تخليه يقعد معاك فترة اطول غير الحال مع الاب توب مش له تحديث غير فى الرامات والهارد دسك وبس يعنى مش ينفع تعلى بروسيسور وفى بعض الاب توبات ممكن تركب كارت شاشة اعلى
من كلامك شوفت انك محتاجه علشان :
النت : لو فعلا الصفه دى اللى غالبه معاك فيه دلوقتى انواع مصغرة من الاب توب اسمها نت بوك ودى بشاشة صغيرة مش زياده عن 10 بوصه و ميزتها سهوله التنقل وغالبيتها بيجى بمعالج Atom معقول فى سرعته بس مش زى الباقيين لان الجهاز ده معمول علشان النت وبس وكمان مفيش فيه سى دى روم فكده هتكون شغال فلاشات يعنى لو هتنزل وندز يبقى من على فلاشة مع ان معظم النت بوك بيجى ب بارتيشن مخفى عليه نسخه من السيستم علشان فى اي وقت تقدر تعمل ريكفرى

الالعاب : الالعاب عاوزة كارت شاشة محترم ورامات و شاشة معقولة يعنى كده انت لازم تخلى بالك وانت تشترى ان معظم الاب توب كروت الشاشة اللى بتنزل فيها كارت بلت ان يعنى بيسحب من الرامات المتركبه على الجهاز فكده محتاج تركب رامات اضافيه وعلشان تعلى عن 4 جيجا لازم ليك نسخه وندز 64 بت , ومش مستحب ان شاشة الاب توب تبقى زياده عن 15 بوصه علشان كده هيبقى حمل عليك فى التنقل نصيحه لو عاوز جهاز علشان الالعاب الدسك توب افضل وبيديك اداء اعلى بالنسبه للعبه لانك ممكن تركب اكتر من كارت شاشة و كده مفيش سحب من الرامات وكمان شاشات ال lcd فى منها من اول 17 بوصه الى 24 بوصه وده كله ف اللعب بيفرق

التصميم : التصميم بيكون عاوز كارت شاشة كويس ويفضل انه يكون خارجى مش بيسحب من الرامات وكمان شاشة تكون الفريم ريت بتاعها عالى وباعتقادى ان شاشة الاب توب مش هتدى نفس اداء مثيلتها فى الدسك توب

خلاصه القول انت اللى تقدر تحدد انت يناسبك ايه لان الاب توب من الاجهزة اللى اسعارها مش ثابته وبتقل مع الوقت (زميلى اشترى لاب السنه اللى فاتت كان ب 7000 دلوقتى فيه احسن منه وبمواصفات اعلى و ب 5000)والاستعمال بطريقة مخيفه و كمان انت محكوم بمكونات الاب توب ومش تقدر تعلى بروسيسور لما اللى عندك لا قدر الله يحصل له حاجه
انا مش لجأت لل لاب توب الا لاحتياجات الشغل عندى

oMaR4eVeR
17-03-2009, 22:43
امممممممم

انا محتار والله اجيب ايه واعمل ايه

وانا بردوا مش عارف احدد استخداماتى بالظبت

علشان انا بس لو فكرت اجيبوا علشان انزل عليه كام لعبه من الجداد

حيبقى مشكله وحيبقى اغلى

مش عارف والله ... وكل واحد بيقول رأي

وشكرا على تواجدك

واتمنى ارى ايضا اراء ناس تانيه

تقبل مرورى

engineer911
20-03-2009, 21:35
شوف الأسعار في موقع متخصص لبيع الكبيوتر المحمول
www.laptop.com.sa
تحياتي

فاطمة سامي
22-03-2009, 11:01
انتي في حير لية اذهبي الى مركز بيع الكمبيوترات واسالي اي نوع افضل وكم السعر


واتمنى ان تشترى في اقرب وقت وافضل نوع ان شاء الله

فاطمة سامي
22-03-2009, 11:06
:confused:;):ah27:

انتي في حير لية اذهبي الى مركز بيع الكمبيوترات واسالي اي نوع افضل وكم السعر





واتمنى ان تشترى في اقرب وقت وافضل نوع ان شاء الله

وحيدة الزمان
22-03-2009, 11:19
:):)أتمنى ان توفقي في الشراء

مصرى فى الكويت
22-03-2009, 13:20
Dell Studio 1535
Core 2 duo 2.0
VGA ATI HD3450/3650
Ram 3 gb ddr2
hdd 320 gb
price 280 kd
بالمصرى يمكن 5 ونص او 6
فيه اعلى منه بس ده مناسب

nemo7hm
27-10-2009, 16:41
بصراحة انا اشتريت
dell studio 1535 Core2due
من مصر من شركة ECA
و دى ممكن تجيب كل المعلومات عنها من النت
و انا شتريتة ب 6000 جنية مصري
و بصراحة مش عارف ان كان غلاى ولا رخيص
على فكرة الكلام ده كان من سنه تقريبا

worldxboy
28-10-2009, 11:55
اعتقد ان sony افضل

egyzero
28-10-2009, 12:43
dell studio 1535 جيد بالنسبة لاستخداماتك والسعر المحدد لة ...العاب وانترنت وتصميم هيبقى ممتاز معاك توكل على الله

أبو وضحاء
28-10-2009, 16:13
أخي عندك هذا الموديل من شركة MSI يمكن تقول شركة بايزة و غير معروفه و غيره من الكلام الي يقوله الناس لاكن هل جربوا هذه الإمكانيات

http://www.msi.com/uploads/prod_b__20091027112323.jpg

GX620 هذا هو الموديل تحفة بصراحة و عن تجربة و مشغل عليه جراند الجديدة معاه كرت شاشة من إنفيديا 9600 DDR3

وفيه خاصية رفع التردد بزر واحد فقط و يصير زي الصاروخ ما شاء الله

أتركك مع الرابط من الشركة و مواصفاته

http://www.msi.com/index.php?func=proddesc&maincat_no=135&cat2_no=271&prod_no=1529

على فكرة سعره عندنا في السعودية بـ 4200 ريال شوف كم يصير بالجنيه المصري

TheInfernal
28-10-2009, 20:50
HP DV6-1225 هتلاقيه بحوالي 6000 ل6500.
مواصفاته ممتازة Core 2 Duo 2.53GHz و رامات 4 جيجا و هارد 500 و كارت الشاشة HD4650 DDR3 أقوى حتى من ال9600GT DDR3.