المساعد الشخصي الرقمي

مشاهدة النسخة كاملة : لقاء مع تاجر محل الكمبيوتر.......



THE PRO KING
06-04-2009, 14:38
السلام عليكم ورحمة الله وبركاته

أمس ذهبت إلى محل كمبيوتر لكى يجمعلى جهاز وأشوف السعر هيبقى كام

فقلتلوه فى الأول خالصك:أنا عاوز البروسيسور AMD

قالى:AMD مش مشهور ومش معروف وكل الناس بتشترى Intel
فقلتلوه:ماشى على ما أشوف باقى كلامه
فقلتلوه:أنا عاوز كارت الشاشة ATI
قالى:بس دى مش حلوة خالص علشان الالعاب وقالى:خذ كارت الشاشة Geforce وهو أحسن واحد
قلتلوه بكام
قالى:معلش هى غالية شوية هى ب 450 جنيه
كنت عاوز أقوله أما بقى لو شفت اللى ب 3310 جنيه هاتعمل ايه
فبعدين سألته على الكيسة قالى إن أحسن نوع عنده ب 130 جنيه
فأنا أستغربت أنا رايح على أساس ان الكيسة على الأقل ب 250 جنيه
فبعدين أعدنا نضيف شوية حاجات للجهاز وفى الآخر طلع الجهاز ب 1850 جنيه
فبعدين أنا اخدت منه الورقة اللى مكتوب فيها التجميعة على أساس انى هارحلوه كمان يومين علشان أشتريه
وسألته اجهاز ده يشغل الألعاب كويس قالى ده جهاز جبار يشغلك كل الألعاب
وجيت بقى علشان أسألكم جهاز زى ده فعلا يبقى حلو ولا أى كلام والراجل اللى أنا اتكلمت معاه ده بتاع فراخ ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

moatez
06-04-2009, 14:56
طبعا متاخدتش على الكلام ده اغلب التجار عندنا مش فاهمين اى حاجه فى اى حاجه بس فى ناس فاهمه برده بس للاسف قلة قليله جدا خد النصيحه من المنتدى من هنا وان شاء الله هتطلع كسبان فى الاخر ربنا يوفقك :)

Extreme2
06-04-2009, 15:23
طيب يا أخي معلش انتا كتبت قصة حياتك مع التاجر ولم تضع المواصفات اللي عرضها عليك :D
ضع المواصفات بالتفصيل حتى نقدر نساعدك .

arteta
06-04-2009, 15:33
ده منجد مش بتاع كمبيوتر

Stone
06-04-2009, 16:56
ده منجد مش بتاع كمبيوتر

:D:D:D:D:D

THE PRO KING
06-04-2009, 17:00
طيب يا أخي معلش انتا كتبت قصة حياتك مع التاجر ولم تضع المواصفات اللي عرضها عليك :D
ضع المواصفات بالتفصيل حتى نقدر نساعدك .




نوع الكيسة عادى جدااااااااا يعنى يكاد يكون مش من شركة هههههههه

كارت الشاشة Geforce 9400 GT

البروسيسور Intel Dual Core 2.5 2mb cahce

المازربورد مش بس رقم كبييييييييييير كده ب 300 وحاجة :confused:

الهارد 320 جيجا :ah2:

محمد أبو خضرة
06-04-2009, 17:14
أخى الأفضل لك أن تقول لنا ماذا تريد فى استخدامك لجهازك وأقصى حد للمبلغ النهائى لسعر الجهاز

بذلك نستطيع أن نخدمك لأن هذه المواصفات قد تكون قوية جداً لغيرك وتكون ضعيفة جداً لك.

حسب الاستخدام الشخصى وهذا راجع لك.

فإذا أردت النصيحة كاملة فأرجو إبلاغنا بذلك.

ونصيحة عامة من أقوى المولات كخبرة بائعين وكأسعار وكجديد أول بأول وضمان محترم عندك منطقة مصر الجديدة - ميدان روكسى (مولات سوق العصر والسخاوى والأسيوطى)

vmidov
06-04-2009, 17:31
نوع الكيسة عادى جدااااااااا يعنى يكاد يكون مش من شركة هههههههه
كارت الشاشة Geforce 9400 GT
البروسيسور Intel Dual Core 2.5 2mb cahce
المازربورد مش بس رقم كبييييييييييير كده ب 300 وحاجة :confused:
الهارد 320 جيجا :ah2:



يانهار أبيض البروسيسور E5200 وكارت شاشه 9400 دى أخر حاجه ممكن تفكر فيها كجهاز جديد لا حول ولا قوه إلا بالله
ياأخى متطلبش من تاجر أبدا مهما كان بيفهم انه يجمعلك لأنه حتى لو كان فاهم هيديلك اللى عنده عشان متشتريش من بره اما لو كان مش فاهم فهيغرقك زى الاخ ده يارت تذكر المبلغ اللى معاك وأيه الحاجه اللى عايز تجيبها وأستخداماتك للجهاز وان شاء الله نقولك على التجميعه المناسبه

beboegypt
06-04-2009, 18:23
الحقيقة يا اخوان ان سوق الكمبيوتر في مصر لا يحكمها الا التجار عديمي الكفاءه وكل من هب ودب يعمل في هذه المهنه فقد اصبحت مهنة من لا مهنة له وكل واحد اضاف لاسمه لقب مهندس كمبيوتر واللقب منه براء فهو لا يفهم شيئا وكل مؤهلاته انه يستطيع تنزيل ويندوز على جهاز وتججميع قطع ليس لها علاقه ببعضها وانا تعاملت معهم كثيرا

khaled samra
07-04-2009, 17:05
اخي الكريم نصيحة مني لك
توجه نحو هذا الجهاز وحطلك شوية فلوس وطريح لسنوات طويلة وعليه اجماع من مشرفي المنتدى.
http://www.arabhardware.net/forum/showthread.php?t=114302