المساعد الشخصي الرقمي

مشاهدة النسخة كاملة : النصيحة الاخيرة قبل الشراء



الصفحات : [1] 2

boshra2
31-08-2009, 18:19
السلام عليكم ورحمة الله وبركاته


بعد تردد ومفاضلة بين الانتل والامد وبين الفبينوم والاثلون وبين كارت الشاشة الخارجى والكارت والمدمج وحاجات تانية كتيرة استقر - بنسبة 90 فى المائة - قلبى وجيبى معاً :) على هذه التجميعة وارجو ان تشاركونى ملاحظاتكم على هذه التجميعة وتقولولى هل هذه التجميعة هى الانسب فعلاً بالنسبة لاستخداماتى - التى سأذكرها لكم - ام ان هناك تعديل اخير يجب ان اضعه فى الحسبان قبل الشراء الوشيك بإذن الله ؟



التجميعة المقترحة
_____________


Athlon II X2 250 3.0GHz, 2MB Total Cache, 4000MT/s Bus
Gigabyte GA-MA780G-UD3H
Kingston DDR2 2GB bus 800MHz
Western Digital Green 500GB AACS 16M Cache SATAII
Hec 350w


الاستخدامات
__________


الالعاب : اهم حاجة اشغل البرو 2009 على الهاى بسرعة كويسة واقدر طبعا انى اشغل النسخة الجديدة من اللعبة - اللى حتنزل فى اكتوبر - بنفس كفاءة تشغيل 2009


التطبيقات : برنامج الاوتوكاد , برنامج الفوتو شوب , برامج تحرير الفيديو والاوديو الخفيفة مثل Sony Vegas (http://www.jsoftj.com/1496-sony-vegas-movie-studio.html) , مشغلات الافلام , وبقية التطبيقات المكتبية العادية كالاوفيس وماشابه بالاضافة طبعاً للتصفح


تبقى ملاحظتين هامتين جدا :


1- اننى ممن يشغلون الجهاز ويتركونه بالايام لانى مدمن دونلود والغرفة عندى تهويتتها سيئة للغاية وتكاد تكون فرن تنكر فى هيئة غرفة ... فهل سيكفى الباور فى جعل البروسيسور محتفظاً بحرارته الطبيعية خاصةً مع مشكلة الفولتات الزائدة للبروسيسور والرامة فى الماذر ال 780 ؟ ام ان موضوع الحرارة الزائدة - بالطبيعة - لبروسيسورات الامد ستوثر بالسلب على اداء الجهاز فى ظل هذه التهوية السيئة ؟


2- قيام الكارت المدمج hd3200 بتشغيل البرو - النسخة الحالية والقادمة - بكفاءة عالية امر حاسم فى قرار الشراء ... لذا ارجو من الاخوة الذين يملكون المازر ان يتأكدوا من تلك النقطة جيدا


وهذه هى متطلبات التشغيل للنسخة الجديدة


Processor: Intel Core 2 Duo 1.8Ghz, AMD Athlon X2 64 2.4Ghz


Memory: 1.5GB


Free Hard Drive Space: 12GB


Video Card: 256MB NVidia 7900GT / 256MB ATI X1900


DirectX 9 compatible Stereo Sound Card


ولأهل الخبرة القول الفصل فى مدى قدرات مواصفات جهازى المقترحة على تشغيلها بكفاءة فى ظل هذه المتطلبات


وجزى الله خيراً كل من يشاركنى بالنصيحة الخالصة , ويثقل الله بها ميزان حسناته فى هذا الشهر الكريم

Marine
31-08-2009, 19:26
برو 2010 اظنها قد تعمل ميديوم تو هاي او ميديوم

boshra2
01-09-2009, 00:26
برو 2010 اظنها قد تعمل ميديوم تو هاي او ميديوم

شكرا ياباشا على سرعة الاستجابة
بس هل افهم من كلامك ان الكارت ال ati اللى مطلوب فى متطلبات تشغيل البرو 2010 اعلى من hd3200 ؟!!!

محتاج برضه ياباشا رأيك فى نقطة حرارة البروسيسور وتهوية غرفتى السيئة ؟!!!!!!!!! عشان ديه نقطة مهمة جدا

وفى انتظار اراء بقية الاخوة

DR ! ZERO
01-09-2009, 00:46
1- اننى ممن يشغلون الجهاز ويتركونه بالايام لانى مدمن دونلود والغرفة عندى تهويتتها سيئة للغاية وتكاد تكون فرن تنكر فى هيئة غرفة ... فهل سيكفى الباور فى جعل البروسيسور محتفظاً بحرارته الطبيعية خاصةً مع مشكلة الفولتات الزائدة للبروسيسور والرامة فى الماذر ال 780 ؟ ام ان موضوع الحرارة الزائدة - بالطبيعة - لبروسيسورات ستوثر باللب على اداء الجهاز فى ظل هذه التهوية السيئة ؟

لو حرارة الغرفة سيئة جدا زى ما بتقول كده يبقى تجيب كيسة كويسة و لتكن الجاما مع الباور ال 350 وات ده ب 280 جنيه و تهويتها ممتازة و متقلش من التشغيل الطويل للجهاز ده أمر عادى مفيهوش مشاكل المهم تريح الراوتر و الجهاز برضو لو ساعة كل كام يوم يفضل كل يوم .

بالنسبة للتأثير على مكونات الجهاز فميش أى حاجة هتتأثر الا من الحرارة لو حرارة البروسيسور ارتفعت أو الكرت ،

اول ما تجيب الجهاز ان شاء الله نزل برنامج زى Core temp أو أى برامج قياس الحرارة للبروسيسور و شوف الحرارة فى الخمول و فى الضغط .

و بما ان مش هيبقى عندك كرت خارجى فالموضوع ده مفيش أى قلق منه خالص .


2- قيام الكارت المدمج hd3200 بتشغيل البرو - النسخة الحالية والقادمة - بكفاءة عالية امر حاسم فى قرار الشراء ... لذا ارجو من الاخوة الذين يملكون المازر ان يتأكدوا من تلك النقطة جيدا

يشغلها و باعدادات كويسة جدا كمان

ادخل على ال Youtube و اعمل Search عن


HD 3200

مثلا أو أى اسم لعبة جمبه .


بس هل افهم من كلامك ان الكارت ال ati اللى مطلوب فى متطلبات تشغيل البرو 2010 اعلى من hd3200 ؟!!!

المتطلبات دى بتبقى اللى تشتغل عليها اللعبة مش أعلى متطلبات أو الأفضل يعنى دى تشتغل و خلاص متعرفش الاعدادات ايه و لا اى حاجة ، تشتغل بس و كاتب كرت 7900 بذاكرة 256 ، كرت HD 3200 هيشغلها كويس جدا و ده من تجربة الأعضاء هنا .

Marine
01-09-2009, 00:54
اتفق مع دكتور زيرو

boshra2
01-09-2009, 01:24
شاكر ليك جدا يادكتور زيرو على النصيحة الغالية , والشكر بالطبع موصول للاخ العزيز مارين الذى لايتأخر فى الرد على طلبات اى عضو هنا
بالنسبة للراوتر صحيح .. ايه احسن راوتر فى حدود 150 ل 200 جنينه بالكتير .. انا اتعاملت زمان مع دى لنك بس مش عارف ايه نظامه دلوقتى

ياريت برضه ياجماعة لو حد سمع عن حوار رسيفر الشيرنج اللى ب 600 جنيه وبيفتحلك كل القنوات الرياضية المشفرة لمدة سنة يقولنا تجربته معاه .. لان لو الكلام ده صح وسرعة السرفر كويسة وفاتح الشوتايم والجزيرة والايه ار تى يبقى الحوار ده حوار الموسم فعلاً

Marine
01-09-2009, 01:31
بص انا معرفش الاسعار بس الbillion و 3com كويسين اوي بس دلوقتي معرفش اوي حكاية ريسيفر الشيرنج علي حد علمي بالريسيفر بتاعي غالبا بتروح تشترك مع واحد في سرفر و بتدفع مبلغ كل شهر بس قليل يعني من 30 الي 50 وبيفتح القنوات اللي بفلوس بس غالبا كل نوع وليه سرفره بس بيتهيالي في انواع فيها كل القنوات غير كدا معرفش وقد تجد اخطاء في كلامي لاني ضعيف شوية في الحاجات دي

DR ! ZERO
01-09-2009, 02:55
شاكر ليك جدا يادكتور زيرو على النصيحة الغالية , والشكر بالطبع موصول للاخ العزيز مارين الذى لايتأخر فى الرد على طلبات اى عضو هنا
بالنسبة للراوتر صحيح .. ايه احسن راوتر فى حدود 150 ل 200 جنينه بالكتير .. انا اتعاملت زمان مع دى لنك بس مش عارف ايه نظامه دلوقتى

ياريت برضه ياجماعة لو حد سمع عن حوار رسيفر الشيرنج اللى ب 600 جنيه وبيفتحلك كل القنوات الرياضية المشفرة لمدة سنة يقولنا تجربته معاه .. لان لو الكلام ده صح وسرعة السرفر كويسة وفاتح الشوتايم والجزيرة والايه ار تى يبقى الحوار ده حوار الموسم فعلاً


لأ و الله أسعار الراوتر مش بفهم فيها أوى و لا الشرنج ، تقدر تسأل فى موضوع الأسعار أعضاء كتير عاملين نظام الشيرنج ده تقريبا و أغلبهم عارف الأسعار كويس .

http://www.arabhardware.net/forum/showthread.php?t=57861

:) ..

boshra2
01-09-2009, 04:04
دكتور زيرو
فى واحد صديقى عنده البوردة اللى انا مختارها فى التجميعة نصحتنى وقالتلى بدل المازر الجيجا وجيب
ecs780
وعلى حسب كلامهم ان المازر ديه برغم انها ارخص ب 100 جنيه من الجيجا الاانها احسن منها بكتير
بيقولوا الجيجا فيها مشكلة السنسور وقراءته الغلط ، ومشكلة التأخير 7 - 15 ثانية فى البداية ، ومشكلة فولت الرامة أحيانا يحلها البيوس الجديد وأحيانا لأ !!
ايه رأيك فى الكلام ده ؟
وياريت اى من الاخوة اللى عندهم بوردة من الاتنين يقول رايهم فى الكلام الخطير ده

khalefa14
01-09-2009, 06:07
مبروك يا باشا على الجهاز

وبصراحه انا هجيب النهاردة ان شاء الله ecs780

للاعتبارات الاتيه

1. انا مش هجيب بروسيسور اعلى من 95 وات حتى لو حبيت اجيب بروسيسور اقوى اكيد مش هيعدى 95 وات والبروسيسورات ال95 وات ملي السوق حتى لو فكرت اجيب مش هجيب قبل سنه او سنتين اكيد هحدث الجهاز كله على بعضة علشان انتقل برده للDDR3

2. كله هيقول الجيجا بايت كلها مكثفات صلبه وبتعيش اكتر والكلام ده كل ده على راسي من فوق بس احنا ايام البنتيوم 3 والبتيوم 4 كنا شغالين وبمكثفات عادية والحياه حلوة

3 . انا مشفتش اى حد اشتكى من ecs780 خالص بالعكس كله بيشكر فى درجه الحراره

4. فى ناس ممكن تقول كروس فاير البورده GA-MA780G-UD3H مفيهاش كروس فاير فيها هايبرد كروس فاير حتى لو اخترعولها بايوس بيشغل الكروس فاير هيكون مالوش لازم لانه هيشغل الكارتين بسرعه 4x

5. فرق السعر 100 جنيه اجيب بيها اى حاجة تانية للجهاز احسن

لو تسمحلى اقول حاجة اخيره على البروسيسور

Athlon II X2 240 2.8GHz, 2MB Total Cache, 4000MT/s Bus وده سعره 390 جنيه

Athlon II X2 245 2.9GHz, 2MB Total Cache, 4000MT/s Bus وده سعره 410 جنيه

Athlon II X2 250 3.0GHz, 2MB Total Cache, 4000MT/s Bus وده سعره 455 جنيه

الفرق بين كل واحد بالترتيب 100 مجا هرتز يعنى فرق عبيط جدا والفرق بيهم فى الفلوس بين الاول والتانى ال100 ميجا هرتز ب20

والفرق بين التانى والتالت 100 ميجا هرتز ب 45 جنيه

يبقى اللى يكسب فى معادلة السعر والاداء هو Athlon II X2 245

بالنسبة للرمات حضرتك عارف راى وانا بعتلك على الخاص

انا مستغلى الكنج ستون جدا حرام توصل لسعر الرامات OCZ وكمان التايمنج بتاعها CL 6 انا فاكر فى اجازة نص السنة اللى فاتت كانت الرام الكنج ستون ال2 جيجا ب 105 جنيه وكانت CL5 وكانت فى معرض الكمبيوتر ب 85 جنيه يبقى كده فشلت فى معادله السعر والاداء يبقى انا اشترى ال OCZ احسن

وبالتوفيق ان شاء الله وتجمع الجهاز على خير

تحياتى

TheInfernal
01-09-2009, 07:26
التطبيقات : برنامج الاوتوكاد , برنامج الفوتو شوب , برامج تحرير الفيديو والاوديو الخفيفة مثل Sony Vegas (http://www.jsoftj.com/1496-sony-vegas-movie-studio.html) , مشغلات الافلام , وبقية التطبيقات المكتبية العادية كالاوفيس وماشابه بالاضافة طبعاً للتصفح


تبقى ملاحظتين هامتين جدا :


[QUOTE]1- اننى ممن يشغلون الجهاز ويتركونه بالايام لانى مدمن دونلود والغرفة عندى تهويتتها سيئة للغاية وتكاد تكون فرن تنكر فى هيئة غرفة ... فهل سيكفى الباور فى جعل البروسيسور محتفظاً بحرارته الطبيعية خاصةً مع مشكلة الفولتات الزائدة للبروسيسور والرامة فى الماذر ال 780 ؟ ام ان موضوع الحرارة الزائدة - بالطبيعة - لبروسيسورات الامد ستوثر بالسلب على اداء الجهاز فى ظل هذه التهوية السيئة ؟الداونلود مش بيضغط على البروسيسور, و حرارة البروسيسور اثناء الداونلود مفروض هتكون نفس حرارته أثناء الخمول.




وهذه هى متطلبات التشغيل للنسخة الجديدة

Video Card: 256MB NVidia 7900GT / 256MB ATI X1900
هي دي المشكلة. ال7900GT و الX1900 أقوى بحوالي 4 أو 5 مرات من الكارت المدمج في ال780G. فلو فعلا دي متطلبات PES 2010 ففيه احتمال كبير انها متشتغلش على ال780G كويس.



ولأهل الخبرة القول الفصل فى مدى قدرات مواصفات جهازى المقترحة على تشغيلها بكفاءة فى ظل هذه المتطلبات
ياريت تحدد ميزانيتك.



دكتور زيرو
فى واحد صديقى عنده البوردة اللى انا مختارها فى التجميعة نصحتنى وقالتلى بدل المازر الجيجا وجيب
ecs780
وعلى حسب كلامهم ان المازر ديه برغم انها ارخص ب 100 جنيه من الجيجا الاانها احسن منها بكتير
بيقولوا الجيجا فيها مشكلة السنسور وقراءته الغلط ، ومشكلة التأخير 7 - 15 ثانية فى البداية ، ومشكلة فولت الرامة أحيانا يحلها البيوس الجديد وأحيانا لأ !!
ايه رأيك فى الكلام ده ؟
وياريت اى من الاخوة اللى عندهم بوردة من الاتنين يقول رايهم فى الكلام الخطير ده
فيه عضو واحد بس بيقول كده. و أنا أعرف كذا واحد عندهم الماذربورد الجيجابايت و معندهمش المشاكل دي. و عموما ECS أنا منصحكش تشتريها لأن الشركة سمعتها مش كويسة. لو عايز توفر في الماذربورد اشتري الMSI ال780G و سعرها حوالي 375 جنيه.

DR ! ZERO
01-09-2009, 12:01
دكتور زيرو
فى واحد صديقى عنده البوردة اللى انا مختارها فى التجميعة نصحتنى وقالتلى بدل المازر الجيجا وجيب
ecs780
وعلى حسب كلامهم ان المازر ديه برغم انها ارخص ب 100 جنيه من الجيجا الاانها احسن منها بكتير
بيقولوا الجيجا فيها مشكلة السنسور وقراءته الغلط ، ومشكلة التأخير 7 - 15 ثانية فى البداية ، ومشكلة فولت الرامة أحيانا يحلها البيوس الجديد وأحيانا لأ !!
ايه رأيك فى الكلام ده ؟
وياريت اى من الاخوة اللى عندهم بوردة من الاتنين يقول رايهم فى الكلام الخطير ده

الصراحة أنا مسمعتش الكلام ده قبل كده لكن عموما اللى جرب البوردة الجيجابايت مشتكاش منهاو لا فيها أى عيوب من دى خالص .

Marine
01-09-2009, 16:45
فعلا ال جيجابايت ناس كتير جابتها ومشتكتش منها غير كدا الecs خامات سيئة وحرارة اسوأ

khalefa14
01-09-2009, 23:06
يا جماعه مع احترامى لانفرنال ودكتور زيرو

انا جبت ECS النهاردة اقل ما يقال عنها ممتازة والله مفيش اى مشاكل ده غير ان الجسر الجنوبى فيها 750 مش 700 زى الجيجا بايت ده فى الفيرجين 1.1 بس

الاخ مارين هل حضرتك جربت البورده ولقيت ان خاماتها سئه وحرارتها اسواء ؟؟ قريت ريفيو واحد على النت بالكلام ده ؟؟؟؟؟؟؟

درجه الحراره عندى فى الاربعينات والبورده ماشاء الله عليها مفيهاش اى مشاكل

boshra2
01-09-2009, 23:16
فعلا ال جيجابايت ناس كتير جابتها ومشتكتش منها غير كدا الecs خامات سيئة وحرارة اسوأ

مارين الكلام الى انا قلته على مشاكل البوردة الجيجا

مشكلة السنسور وقراءته الغلط ، ومشكلة التأخير 7 - 15 ثانية فى البداية ، ومشكلة فولت الرامة أحيانا يحلها البيوس الجديد وأحيانا لأ !!
دخ عن تجربة واحد صاحبى عنده البوردة

فهل كلامك عن الخامات والحرارة السيئة عن تجربة حد تعرفه ولا دخ كلام فى المطلق استناداً على ان ماركة البوردة من تصنفيات الدرجة الثانية

boshra2
01-09-2009, 23:22
يا جماعه مع احترامى لانفرنال ودكتور زيرو

انا جبت ECS النهاردة اقل ما يقال عنها ممتازة والله مفيش اى مشاكل ده غير ان الجسر الجنوبى فيها 750 مش 700 زى الجيجا بايت ده فى الفيرجين 1.1 بس

الاخ مارين هل حضرتك جربت البورده ولقيت ان خاماتها سئه وحرارتها اسواء ؟؟ قريت ريفيو واحد على النت بالكلام ده ؟؟؟؟؟؟؟

درجه الحراره عندى فى الاربعينات والبورده ماشاء الله عليها مفيهاش اى مشاكل

اعذر جهلى ياحازم
بس الجسر الجنوبى ده يفرق فى ايه بالظبط .. ياريت يكون يبفرق فى حاجو غير كسر السرعة عشان الحوار ده انا اصلا مش فاهمه وحاسس انى مش حالجا ليه نهائى

Marine
01-09-2009, 23:23
يا خليفة الecs سمعتها وحشة جدا وكذا موديل فيها وحشين اوي

boshra2
01-09-2009, 23:24
فعلا ال جيجابايت ناس كتير جابتها ومشتكتش منها غير كدا الecs خامات سيئة وحرارة اسوأ

مارين الكلام الى انا قلته على مشاكل البوردة الجيجا

مشكلة السنسور وقراءته الغلط ، ومشكلة التأخير 7 - 15 ثانية فى البداية ، ومشكلة فولت الرامة أحيانا يحلها البيوس الجديد وأحيانا لأ !!
دخ عن تجربة واحد صاحبى عنده البوردة

فهل كلامك عن الخامات والحرارة السيئة عن تجربة حد تعرفه ولا ده كلام فى المطلق استناداً على ان ماركة البوردة من تصنفيات الدرجة الثانية

boshra2
01-09-2009, 23:25
يا خليفة الecs سمعتها وحشة جدا وكذا موديل فيها وحشين اوي

طب والموديل اللى احنا بننكلم عليه ده من ضمن هذه الموديلات

Marine
01-09-2009, 23:28
الصراحة لا لان في كذا موديل قديم وحش جدا فبطلت اقرا عنها ممكن تكون اتحسنت قريب انما قبل كدا كانت سيئة جدا ولو
هاجيبها هافكر 100 مرة قبل ما اجيبها

Islam XTrack
01-09-2009, 23:46
موضوع رايي دا بيبقى صعب نظرا لوجود منتجات مختلفه وبطابع وظيفتي لا املك ان اقول لك هذا او ذاك للحساسيه مش اكتر .
الجهاز كويس بس موضوع التهويه اللي بتتكلم عنه خلي بالك منه وبالنسبه لاحتياجاتك فهو هيشغلها وممكن تبقى تجيب كارت شاشه رخيص هيبقى احسن شويه من المدمج
ومش لاقي حاجه اقولها تقريبا معظم الاعضاء اتكلمو في كل حاجه .
تحياتي.

boshra2
01-09-2009, 23:59
موضوع رايي دا بيبقى صعب نظرا لوجود منتجات مختلفه وبطابع وظيفتي لا املك ان اقول لك هذا او ذاك للحساسيه مش اكتر .
الجهاز كويس بس موضوع التهويه اللي بتتكلم عنه خلي بالك منه وبالنسبه لاحتياجاتك فهو هيشغلها وممكن تبقى تجيب كارت شاشه رخيص هيبقى احسن شويه من المدمج
ومش لاقي حاجه اقولها تقريبا معظم الاعضاء اتكلمو في كل حاجه .
تحياتي.

من واقع تجربتك مع البيع والمرتجعات وكده بما انك راجل فى السوق
انهى بوردة من الاتنين افضل عشان انا الحيرة حتقتلنى

boshra2
02-09-2009, 00:01
فى حاجة كمان ياجماعة
الرامات OCZ
ايه نقاط القوة اللى بتميزها عن الكينجستون من حيث الاداء

Islam XTrack
02-09-2009, 00:06
من واقع تجربتك مع البيع والمرتجعات وكده بما انك راجل فى السوق
انهى بوردة من الاتنين افضل عشان انا الحيرة حتقتلنى

بلاش ال ECS

boshra2
02-09-2009, 00:18
طب يااسلام
فى متطلبات تشغيل البرو 2010 مطلوب الكارت 256MB ATI X1900
فهل كده الكارت 3200 اللى فى البوردة الجبجا 780 حيقدر بشغلها ولا لازم اشترى كارت خارجى

Marine
02-09-2009, 00:24
بعد اذن استاذ اسلام هل المتطلبات دي المفضلة ولا الاقل

boshra2
02-09-2009, 00:40
بعد اذن استاذ اسلام هل المتطلبات دي المفضلة ولا الاقل

:ah19::ah19:
Minimum requirements

Marine
02-09-2009, 01:04
يبقي هتعمل بس علي اقل الاعدادات الممكنة واحتمال مش اكيد انها تهنج

khalefa14
02-09-2009, 01:52
انا والله مش بشكر فى الحاجة اللى جبتها بس فعلا تستاهل

وعلى فكره البروده مع العضو wild cat (http://www.arabhardware.net/forum/member.php?u=120057) بقالها معاه فتره كبيره انا سالته قبل مايجيبها ومش تكلملش عن خامات رديئة ولا اى مشاكل فيها

وتقدر تكلمه وتساله عنها

انا معاك ان ecs زى مابتقول كده سمعتها وحشة بس زى مانت فاهم غلط انت تحكم على منتجات شركة بالظبط زى ماكنت الناس بتقول ان amd وحش

وخصوصا البورده دى محدش قال عنها حاجة وحشة او عملت اى مشاكل

Marine
02-09-2009, 02:00
ماشي يا باشا بس الواحد برضه يبعد عن الشر احسن خصوصا اكتر من موديل كان فيه مشاكل

سؤال بخصوص الرامات ملقتش الelixir خالص طب دورت في ماكسيمام هاردوير وازاي الكنجستون ب 160 حرام طبعا لان

التوقيتات عالية علي الفاضي عكس الelixir