المساعد الشخصي الرقمي

مشاهدة النسخة كاملة : فكرة : إنشاء مجلة اسعار مصرية شهرية جديدة ؟



الصفحات : [1] 2

miro the king
16-09-2009, 10:29
انا يا جماعة جتلى فكرة وانا بدور على اسعار كروت الشاشة انا قولت استاذن الجميع او المختصيين وخاصة
Fusion لانة هو الاعد مجلة
أسعار الهاردوير في السوق المصرية

ومعاونية ان يعملو مجلة شهرية بها اسعار القطع الموجودة بالسوق المصرى او حتى اسعار كروت الشاشة والبروسيسور والبوردة فالحمل اقل بعد اذنكم يريت تردوا عليا لانى انا وكثيير من الاعضاء يطالبون بعمل مجلة شهرية على الاقل وشكرا ودمتم سالمين ورمضان كريم والعيد يا حلوين ويريت محش يزعل :D

Marine
16-09-2009, 10:40
يعني مجلة تانية غير بتاعت استاذ محمد بس شهرية لان بتاعت استاذ محمد تقريبا كل 3 شهور

miro the king
16-09-2009, 10:42
ايواة كدة بس تكون صغيرة تقتصر على الحاجات الى فوق دى البوردة والبروسيسور وكرت الشاشة

optimus prime
16-09-2009, 10:45
الاسعار مش بتتغير بشكل دائم عندينا
وحتى لو طرأ اي تغيير سريع بيحطه الاستاذ فيوجن ف الصفحة الاولى من الموضوع
انا شايف ان مجلة واحدة تشمل كل حاجة واحدث التقنيات افضل بكتير من مجلة بتصدر كل شهر وتكون ناقصة

miro the king
16-09-2009, 10:57
ماشى يا احمد بس الاسعار بتنقص يعنى كل 3 شهور يبقى نقصان جامد فكل حاجة وخلاص يبقى كل حاجة بس شهرية بردة احسن

Ҝ ђ Λ Ł Є δ
16-09-2009, 10:59
لا اؤيد الفكرة مطلقا !

اي تغيير بسيط يحدث في الاسعار يتم تقيده في المشاركة الاولي في موضوع أسعار و أخبار الهاردوير في السوق المصرية
وهذا مُوضح في هذه الجملة المُقتبسة من المشاركة الاولي في موضوع أسعار و أخبار الهاردوير في السوق المصرية

و لكي لا يطول الانتظار بين العدد و الآخر, سنقدم احدث الأسعار في هذه المشاركة باستمرار لحين صدور العدد القادم.وبعد فترة طويلة وعندما يحدث تغيير كبير في الاسعار يتم اصدار عدد جديد من المجلة.


تعديل :اسف استاذ احمد حسن لم الاحظ مشاركتك !

miro the king
16-09-2009, 11:04
ماش يا جماعة بس فى مكونات ليست موجودة مثلا لا يوجد كرت 4650 مثلا يعنى فاهم قصدى يلم الشمل

optimus prime
16-09-2009, 11:07
لا اؤيد الفكرة مطلقا !

اي تغيير بسيط يحدث في الاسعار يتم تقيده في المشاركة الاولي في موضوع أسعار و أخبار الهاردوير في السوق المصرية
وهذا مُوضح في هذه الجملة المُقتبسة من المشاركة الاولي في موضوع أسعار و أخبار الهاردوير في السوق المصرية
وبعد فترة طويلة وعندما يحدث تغيير كبير في الاسعار يتم اصدار عدد جديد من المجلة.


تعديل :اسف استاذ احمد حسن لم الاحظ مشاركتك !


استاذ مين يا كبير دا انت الاستاذ والله


ماش يا جماعة بس فى مكونات ليست موجودة مثلا لا يوجد كرت 4650 مثلا يعنى فاهم قصدى يلم الشمل


كرت 4650 مش مطلوب كتير لان في البديل الاقوى عنه ال4670 وبيتهيالي سعره موجود ف المشاركة الاولى + ان لو اي حد عايز سعر حاجة ومالقهاش ف المجلة او في المشاركة الاولى بيطلب من الاعضاء والاعضاء مش بيقصروا معاه

miro the king
16-09-2009, 11:12
ياسيدى وتاج راسى انا بدى مثل يعنى كل عضو ممكن يشوف الى هوة عوزة من غير موضوع واسعار واخبار الهردوير فى السوق المصرية الواحد عشان يعرف سعر الى طلبة يكون عدة صفحات صح ولا اة وكمان دة عشان الاعضاء الجدد والقدامى

DR ! ZERO
16-09-2009, 11:23
متفق مع رأى أحمد حسن و خالد ، المجلة فى الأساس بتصدر لما يكون فى تغيير فى الأسعار جامد و نزول منتجات جديدة السوق و يحصل تغيير كبير فى السوق تقريبا ، حتى ممكن متكونش بميعاد محدد يعنى مش 3 شهور زى ما بتقول حضرتك ، العدد العاشر أنا فاكر ان المفروض كان هيصدر فى يوم معين لكن حصل ان كان فى انتظار لأعار منتجات جديدة هتنزل الوق و تقرريبا كان منهم الكرت ال TOXIC 4890 و الباوركلر 4890 فطبعا تأجيل صدور المجلة كان فى محله .

فأنا شايف ان المجلة تفضل زى ما هى و اى أسعار جديدة بتضاف للصفحة الأولى فى الموضوع + ان السؤال مش صعب :) ..

optimus prime
16-09-2009, 11:29
ياسيدى وتاج راسى انا بدى مثل يعنى كل عضو ممكن يشوف الى هوة عوزة من غير موضوع واسعار واخبار الهردوير فى السوق المصرية الواحد عشان يعرف سعر الى طلبة يكون عدة صفحات صح ولا اة وكمان دة عشان الاعضاء الجدد والقدامى


مبدأيا المعرفة تمنها مش رخيص والي عايز يعرف حاجة هيدور ويلف لحد ما يلاقي الحاجة الي هو عايزها + ان موضوع اسعار واخبار الهاردوير هو الهدف منه اساسا ان الناس تعرف الاسعار وبالتالي الي عايز يعرف حاجة هيدخل عليه لو طلب الحاجة وضاعت منه يدور عليها او مبدأيا يتابع الموضوع اول باول علشان يعرف الاخبار

Marine
16-09-2009, 11:31
ممكن بس اجدها مكررة لان الاسعار الجديدة استاذ محمد بيضيفها في اول صفحة اسال المشرفين لو لاقت الفكرة اعجابهم

خلاص اعملها

LoAy FaYeZ
16-09-2009, 11:53
الاسعار مش بتتغير بشكل دائم عندينا



وحتى لو طرأ اي تغيير سريع بيحطه الاستاذ فيوجن ف الصفحة الاولى من الموضوع


انا شايف ان مجلة واحدة تشمل كل حاجة واحدث التقنيات افضل بكتير من مجلة بتصدر كل شهر وتكون ناقصة



لا اؤيد الفكرة مطلقا !

اي تغيير بسيط يحدث في الاسعار يتم تقيده في المشاركة الاولي في موضوع أسعار و أخبار الهاردوير في السوق المصرية
وهذا مُوضح في هذه الجملة المُقتبسة من المشاركة الاولي في موضوع أسعار و أخبار الهاردوير في السوق المصرية
وبعد فترة طويلة وعندما يحدث تغيير كبير في الاسعار يتم اصدار عدد جديد من المجلة.


و لكي لا يطول الانتظار بين العدد و الآخر, سنقدم احدث الأسعار في هذه المشاركة باستمرار لحين صدور العدد القادم.

تعديل :اسف استاذ احمد حسن لم الاحظ مشاركتك !


متفق مع رأى أحمد حسن و خالد ، المجلة فى الأساس بتصدر لما يكون فى تغيير فى الأسعار جامد و نزول منتجات جديدة السوق و يحصل تغيير كبير فى السوق تقريبا ، حتى ممكن متكونش بميعاد محدد يعنى مش 3 شهور زى ما بتقول حضرتك ، العدد العاشر أنا فاكر ان المفروض كان هيصدر فى يوم معين لكن حصل ان كان فى انتظار لأعار منتجات جديدة هتنزل الوق و تقرريبا كان منهم الكرت ال TOXIC 4890 و الباوركلر 4890 فطبعا تأجيل صدور المجلة كان فى محله .

فأنا شايف ان المجلة تفضل زى ما هى و اى أسعار جديدة بتضاف للصفحة الأولى فى الموضوع + ان السؤال مش صعب :) ..




لا أؤيد الفكرة مطلقا


DR ! ZERO , A7MAD 7ASSAN , KALID KHALIL

:rolleyes: ;)

Masry
16-09-2009, 11:56
انا معاك في الفكرة دي بحيث انه شهرياً يتكتب في المجلة ارخص سعر لكل حاجة عشان لما حد ينزل يشتري يبقى عارف وفاهم مش نازل على اسعار من تلات شهور
انا لما نزلت اشتري من يومين لقيت الاسعار فرقت جامد عن العدد الاخير يعني في الجهاز كله الفرق يعدي الـ200 جنيه اعتقد !

optimus prime
16-09-2009, 11:59
انا معاك في الفكرة دي بحيث انه شهرياً يتكتب في المجلة ارخص سعر لكل حاجة عشان لما حد ينزل يشتري يبقى عارف وفاهم مش نازل على اسعار من تلات شهور
انا لما نزلت اشتري من يومين لقيت الاسعار فرقت جامد عن العدد الاخير يعني في الجهاز كله الفرق يعدي الـ200 جنيه اعتقد !

فكرت تراجع المشاركة الاولى ؟ :rolleyes:
فكرت تسال الاعضاء عن اخر الاسعار:rolleyes:
ممكن تقولنا ايه الحاجات الي فرقت 200 جنيه ؟:rolleyes:

bika08
16-09-2009, 12:03
انا مش مع الفكرة اخى MIRO ........
المجلة موجودة اصلا......و كمان فى الموضوع الخاص بالاسعار :confused: :confused:

و بعدين ممكن اعرف معنى....


يا اصدقائى اتخلو وابدو رايكم
<http://www.arabhardware.net/forum/customavatars/avatar11146196_1.gif (http://www.arabhardware.net/forum/member.php?u=11146196) a7mad 7assan (http://www.arabhardware.net/forum/member.php?u=11146196)
<http://www.arabhardware.net/forum/customavatars/avatar163461_4.gif (http://www.arabhardware.net/forum/member.php?u=163461) bika08 (http://www.arabhardware.net/forum/member.php?u=163461)
<http://www.arabhardware.net/forum/customavatars/avatar161892_3.gif (http://www.arabhardware.net/forum/member.php?u=161892) MAVRIK (http://www.arabhardware.net/forum/member.php?u=161892)
http://www.arabhardware.net/forum/customavatars/avatar11147653_3.gif (http://www.arabhardware.net/forum/member.php?u=11147653) SNAKE180592 (http://www.arabhardware.net/forum/member.php?u=11147653)
<http://www.arabhardware.net/forum/customavatars/avatar11152751_6.gif (http://www.arabhardware.net/forum/member.php?u=11152751) marine (http://www.arabhardware.net/forum/member.php?u=11152751)

Masry
16-09-2009, 12:04
فكرت تراجع المشاركة الاولى ؟ :rolleyes:
فكرت تسال الاعضاء عن اخر الاسعار:rolleyes:
ممكن تقولنا ايه الحاجات الي فرقت 200 جنيه ؟:rolleyes:
طبعاً يا باشا راجعت وسألت كمان
بس الناس اللي عملتلي تجميعات وكتبتلي اسعار اخدت الاسعار من المجلة
مفيش حاجة تفرق 200 جنيه طبعاً انا قلت في اجمالي الجهاز كله الاسعار قلت تقريباً 200 جنيه .

miro the king
16-09-2009, 12:06
اة الى مزعلك ان واحد او اتنين موفقين على الفكرة وانا عن نفسى هحاول مع ناس مختصيين عمل هذة الفكرة وشكرا على رفضكم هذة الفكرة :(

DR ! ZERO
16-09-2009, 12:13
اة الى مزعلك ان واحد او اتنين موفقين على الفكرة وانا عن نفسى هحاول مع ناس مختصيين عمل هذة الفكرة وشكرا على رفضكم هذة الفكرة :(

مش فكرة موافقة أو اعتراض ، الفكرة ان كده هيبقى فى مجهود اضافى على أ- محمد مش هيبقى بالضرورى من الأساس ، و الموضوع هيتحول لملل ان المجلة تنزل بميعاد مثلا و ميعاد مش بعيد :) .

miro the king
16-09-2009, 12:23
والميعاد امتة

S@M
16-09-2009, 12:25
يا عزيزى ميرو .....المجلة كدة كدة موجودة ......والقائمين على عمل المجلة مش بيبخلو بوقت ولا بجهد ....وكمان الاسعار مش بتتغير كل يوم او حتى شهر ....الآسعار بتتغير كل 3 شهور على الاقل طبقا لنظرية الكوارتر اللى معمل بيها برة ....(( تغير كل 3 شهور )).....يبقا بيتهيقلى ان فكرة كل شهر دى مش هتبقى مجدية..... لآن مش من المعقول انهم ينزلو ويتعبو زيلفو كل شهر عشان يجيبو الاسعار ..

وفى الآخر تطلع هية هية ............دة حتى هيبقا مجهود على الفاضى.........:(

مشكور على طرح الموضوع .............وتقبل مرورى ....:)

SeeNoEvil
16-09-2009, 12:46
بصراحه موضوع غريب!!
طيب مهي المجله موجودة اساساً!!


ومعذرة بس كلمة "العضاء" تكتب "الأعضاء" !!

miro the king
16-09-2009, 12:47
الفكرة جتلى لما شوفت اسعار تختلف عن 50 ل 100 عن العدد

miro the king
16-09-2009, 12:49
بصراحه موضوع غريب!!
طيب مهي المجله موجودة اساساً!!


ومعذرة بس كلمة "العضاء" تكتب "الأعضاء" !!

يا عمى انا معايا كيى بورد وير ليس عاوز حجارة فبيقطع

crypt76
16-09-2009, 13:05
اة الى مزعلك ان واحد او اتنين موفقين على الفكرة وانا عن نفسى هحاول مع ناس مختصيين عمل هذة الفكرة وشكرا على رفضكم هذة الفكرة :(

أولاً: أنت طلبت الرأي والمشورة، فإن اختلف معك البعض لا يعني هذا أن تحزن أو تغضب، وإلا أنت في الاصل تطلب "التأييد والتأمين" وليس المشورة.

ثانياً: الفكرة الأصلية تخص الأستاذ محمد، وبغض النظر تماماً عن رأي أي منا فلا يحق لأي أحد اتخاذ أي خطوة أو "يحاول مع ناس مختصين عمل هذه الفكرة" بدون أن يستأذن منه (وأظن أن الحرج قد يمنعه من الرفض، ولكن اللبيب بالإشارة يفهم)

ثالثاً: كلما يأتي احد بجديد يوضع في أول صفحة من الموضوع، يعني بمجرد النظر هناك سيجد كل من يبحث عن شيء ما يريده.

رابعاً: بعد كل ذلك إن لم تجد ما تبحث عنه يمكنك أن تسأل الأعضاء، سواءً في الموضوع أو على الخاص (وأعتقد أنك فعلت ذلك معي ومع غيري وتم الرد عليك بشكل تام وشافي على كل زوايا الأسئلة التي طرحتها، ومع ذلك لم تتخذ القرار ومازلت مستمراً في رحلة السؤال والاستفسار والاستشارة)

خامساً: تصدر المجلة عند حدوث تغير كبير في الأسعار على العديد من المنتجات أو ظهور منتجات جديدة تستحق صدور عدد جديد، ولكن التغيرات في القطع ما بين 10 و20 جنيه لا يستحق اصدار عدد جديد بكل ما يتكلفه من مصاعب للإعداد من أجل ذلك الرقم، أجل أتفق معك أنه عند تجميع جهاز كامل قد تؤدي تلك ال10 أو 20 إلى فارق ليس بالبسيط، ولكن أعتقد أن من سيقوم بتجميع جهاز جديد سيكلف نفسه عناء النزول إلى السوق والبحث والتقصي (حتى لو صدرت مجلة الأسعار كل ربع ساعة).

سادساً: اختلاف الرأي لا يفسد للود قضية، والجميع هنا في خدمة الجميع أيضاً، ومن يسأل أو يستفسر سيجد الردود تتساقط عليه كالمطر.

peterlover
16-09-2009, 13:12
طوب وايه المشكله لو عملناها شهريه وحتي ان كان التغير في الاسعار صغير ولو حتي كان ثابت اظن ان ده مش هيضر حد ؟؟؟

net_cruiser
16-09-2009, 13:14
ماشى يا احمد بس الاسعار بتنقص يعنى كل 3 شهور يبقى نقصان جامد فكل حاجة وخلاص يبقى كل حاجة بس شهرية بردة احسن
فعلا اتفق معاك و اكثر ناس هيهمها الاسعار الدورية بشكل مستمر هى الناس اللى ساكنة فى الاقاليم لان ساعات بيبقى فى تفاوت فى الاسعار جامد بين شركات القاهرة وبين الاقاليم لان هنا فى الاقاليم ساعات بتبقى بضاعة مركونة عنده و بيبعها بالسعر القديم و بيكون نزل سعر جديد مع الشحنات الجديدة

net_cruiser
16-09-2009, 13:16
حلوين ويريت محش يزعل :D

صح بص على عنوان الموضوع كدا "ايها العضاء ويا ايها المشرفين ويا Fusion" مين العضاء دول lol

DR ! ZERO
16-09-2009, 15:42
ما أظنش فى كلام بعد اللى قاله أ- هيثم و أنبه جدا على موضوع التعب فى اعداد المجلة و النزول للسوق البحث كما هو الحال و ما يفعله أ- محمد و بعض الأعضاء جزاهم الله خيرا ممن يساعدونه و منهم محمد سبايدر و علاء و غيرهم ..

و ركز جدا على النقطة دى


ثانياً: الفكرة الأصلية تخص الأستاذ محمد، وبغض النظر تماماً عن رأي أي منا فلا يحق لأي أحد اتخاذ أي خطوة أو "يحاول مع ناس مختصين عمل هذه الفكرة" بدون أن يستأذن منه (وأظن أن الحرج قد يمنعه من الرفض، ولكن اللبيب بالإشارة يفهم)

..

ahmedelsabbagh
16-09-2009, 15:50
ايه ياعم العنوان ده:ah25: .. ده انا قولت البيت بيوقع ولا حاجة .. حرااام عليك . :ah34: