المساعد الشخصي الرقمي

مشاهدة النسخة كاملة : باركولى ياجماعة .. خلاص جبت الجهاز اللى صدعتكم بالسؤال على مكوناته



boshra2
17-09-2009, 00:54
شكراً لدكتور زيرو ودكتور هاردوير وشلاع العتر ومارين وخليفة 14 :ah4: و وزاانفرينال و واسلام باور كلر وكل الناس الجميلة التانية اللى ساهمت ولو برد بسيط .. فالردود دى هية اللى كان ليها ليها الفضل بعد ربنا فى انى وصلت لقرار الشراء السليم بإذن الله
بس فى كام مشكلة بسيطة كده ارجو ان تكملوا جميلكم وتساعدونى على حلها عشان الحلو يكمل بإذن الله

الاول اقولكم على مكونات الجهاز

Gigabyte GA-MA780G-UD3H
Athlon II X2 245 2.9GHz, 2MB Total Cache, 4000MT/s Bus
OCZ GOLD Series 2 GB
PowerColor ATI HD 4670 1GB GDDR3
GAMMA small 350W
Western Digital Green 500GB 32M Cache SATAII

اول مشكلة بقى هى ان الجهاز بطىء فى الدخول .. بيعد من 6 ل 8 عدات فى صفحة الويندوز , ده غير ان الاكس بى نزل فى 25 دقيقة وهو نفس الوقت اللى كان بينزل فيه الويندوز فى جهازى القديم وبرضه نفس زمن الفتح .. بالنسبة للشغل على الجهاز جوه بقى فحاسس بفرق ايجابى بس موضوع البطىء اللى بره ده مقلقنى

تانى مشكلة بقى هى انى مش عارف اعمل تحديث البايوس بتاع البوردة ازاى .. نزلت الملف الصغير من موقع الجيجا بس مش عارف اعمل بيه ايه ؟ , وبرضه مش عارف ازاى اقلل فولت البرويسور يدوى ازاى ؟!!!
وياريت يارجالة المشكلة ديه بالذات تحطولى حلولها بالتفصيل وبالصور ان امكن عشان صاحبكم ضايع خالص فى موضوع التحدثيات والحاجات ديه واخاف اعك الدنيا والفرحة ماتكملش

تالت حاجة خاصة بالكيسة .. هى فيها مروحة كده على الباب الجانبى المفروض تبقى مواجهة للبروسيسور بس المشكلة انها مش شغالة برغم ان الكابل بتاعها راكب فى مكان بس غالباً المكان غلط وكنت عايز من الناس اللى عندها الكيسة الجاما ديه تقولى على المكان الصح عشان المروحة ديه اكيد حتظبط موضوع الحرارة شوية

رابع حاجة هية استفسار مش مشكلة
انا قسمت الهارد عن طريق سدهاية الويندوز اكس بى البوتابول اضطريت طبعا بعد ماالويندوز دخل انى افرمط البارتشينين التانيني - غير السى - على البطىء عشان يرضوا يفتحوا وعلى فكرة برضه خدوا وقت طويل جدا ومش عارف ده عشان مساحة كل واحد منهم اللى بتعدى 200 جيجا ولا ده استمرار لمسلسل البطء .. اللى انا عايز اسأله فى الجزئية ديه .. هل الاسلوب اللى قسمت وفرمت بيه الهارد الجديد شغال ولاحيبقى ليه اثاره السلبية اللى حتظهر بعد كده عكس لو كنت استخدمت البرامج المعدة اساسا لهذا الغرض

انا عارف انى طولت عليكم بس عشمى فيكم كبير جدا , ومتاكد انكم مش حتستريحوا غير لما تريحونى عشان ديه شيم الكبار وانتوا طول عمركم كبار

max pret
17-09-2009, 01:12
اول مشكلة هي اصلا مش مشكلة .. لان سرعة تنزيل النسخة بيعتمد بشكل كبير على سرعة ال DVD اكثر من امكانيات الجهاز
يعني انا جهازي نزلته XP اقل ب 3 دقايق من الجهاز ال p3 اللي كان عندي .. موضوع التحميل البطيء قبل دخول الويندوز مش مقياس سرعة الجهاز ..

تاني مشكلة انت بتقول تحديث بوردا ؟؟ يعني ايه تحديث بوردا ؟؟ تقصد تعريفات و لا تقصد تحديث البايوس ؟؟

تالت مشكلة اسهل حاجة انك تفتح مانيول البوردا و تقرا شرح الاماكن فيها بالارقام و المانيول بالعربي يعني مفيش مشاكل

رابع مشكلة انا مقسم زيك بالظبط ومتقلقش من حاجة مفيش اثار سلبية ولا حاجة ..
و انت عملت الفورمات العادي مش الكويك .. الفورمات الكويك بياخد ثاني و الفورمات العادي بياخد وقت و ده طبيعي

boshra2
17-09-2009, 01:16
تحديث البايوس ياماكس
وشكرا على الاجابات الاخرى ومستنى على احر من الجمر الاجابة الاهم :) وخصوصا انى ملاحظ ان عندك نفس البوردة اللى عندى
وياريت برضه اعرف درجات الحرارة الطبيعية لمكونات الجهاز الرئيسية عشان اعرف الخط الاحمر بتاعى فين

max pret
17-09-2009, 01:22
انا عملتلك ايضاح بسيط كده لمكان تركيب باور المروحة ..
ان شاء الله ينفع يوصلك الموضوع

http://img193.imageshack.us/img193/5610/20090917011852.png

max pret
17-09-2009, 01:26
تحديث البايوس ياماكس
وشكرا على الاجابات الاخرى ومستنى على احر من الجمر الاجابة الاهم :) وخصوصا انى ملاحظ ان عندك نفس البوردة اللى عندى
وياريت برضه اعرف درجات الحرارة الطبيعية لمكونات الجهاز الرئيسية عشان اعرف الخط الاحمر بتاعى فين



بص هو انا الطبيعي عندي من غير الاوفركلوك بيبقى الحرارة في رينج 37 بالكتير اوي وده في الخمول
في الضغط ببرنامج prime95 بتوصل ل 49
و مدام الحرارة موصلتش عندك في الطبيعي ل 50 يبقى تمام اكتر من كده حاول تركب مراوح و تهويها
..

بالنسبة لتحديث البايوس انت ليه عاوز تحدثه ؟؟ في مشكلة عندك في المازر ؟؟

boshra2
17-09-2009, 01:26
ربنا يخليك ياماكس .. انت كده مالكس حل :)
انا قاعد فى سايبر دلوقتى اول مااروح البيت حاجربها وياريت ترد عليا فى حوار تحديث البايوس ده .. انا قاعد شوية حاستنى , ولو مش حتقدر او عندك اى ظرف رد عليا بس هنا عشان ما افضلش قاعد على الفاضى .. وشاكر ليك مرة تانية ياجميل

max pret
17-09-2009, 01:26
صحيح .. لو جربت تنزل ويندوز 7 هتنزل معاك في 13 دقيقة :)

boshra2
17-09-2009, 01:31
بص هو انا الطبيعي عندي من غير الاوفركلوك بيبقى الحرارة في رينج 37 بالكتير اوي وده في الخمول
في الضغط ببرنامج prime95 بتوصل ل 49
و مدام الحرارة موصلتش عندك في الطبيعي ل 50 يبقى تمام اكتر من كده حاول تركب مراوح و تهويها
..

بالنسبة لتحديث البايوس انت ليه عاوز تحدثه ؟؟ في مشكلة عندك في المازر ؟؟




اصل كل الناس اللى كان عندها البوردة ديه قالولى ان الفولت اللى مديها المازر للرامات عالى واللى بيظبطه التحديث f4 بتاع البايوس
الحاجة التانية بتاعة التعديل يدوى برضه عشان بيقولوا الفولت اللى داخل للبرويسور عالى ولازم يتظبط يدوياً عند نسبة معينة
انا عارف دلوقتى تلاقيك بتقول لنفسك طب وليه الناس ديه ماعملتلكش الحوار ده .. الحقيقة ان فى ظروف مانعة التواصل معاهم دلوقتى , وانا مستعجل عشان عايز اركب الهارد القديم بتاعى فى الجهاز كسلاف واشغل عليه برنامج ماى ريكفر عشان ارجع حاجات مهمة كانت عليه وطارت .. وبما ان البرنامج ده بيتطلب ان الجهاز يفضل شغال لمدة اربعة وعشرين ساعة كاملة لكى يقوم بعمله فانا عايز اظبط الدنيا عشان اسيب الجهاز وانزل او انام وانا مطمن

max pret
17-09-2009, 01:42
اصل كل الناس اللى كان عندها البوردة ديه قالولى ان الفولت اللى مديها المازر للرامات عالى واللى بيظبطه التحديث f4 بتاع البايوس
الحاجة التانية بتاعة التعديل يدوى برضه عشان بيقولوا الفولت اللى داخل للبرويسور عالى ولازم يتظبط يدوياً عند نسبة معينة
انا عارف دلوقتى تلاقيك بتقول لنفسك طب وليه الناس ديه ماعملتلكش الحوار ده .. الحقيقة ان فى ظروف مانعة التواصل معاهم دلوقتى , وانا مستعجل عشان عايز اركب الهارد القديم بتاعى فى الجهاز كسلاف واشغل عليه برنامج ماى ريكفر عشان ارجع حاجات مهمة كانت عليه وطارت .. وبما ان البرنامج ده بيتطلب ان الجهاز يفضل شغال لمدة اربعة وعشرين ساعة كاملة لكى يقوم بعمله فانا عايز اظبط الدنيا عشان اسيب الجهاز وانزل او انام وانا مطمن




لا معتقدش الكلام ده صحيح .. بس عموما ادخل هنا

http://www.arabhardware.net/forum/showthread.php?t=125290

boshra2
17-09-2009, 01:43
فى برضه حاجة تانية عايزك تفيدنى فيها ياماكس بما انك عندك كارت ati زيى مع حفظ المقامات طبعا :)
الاسطوانة اللى كانت مع الكارت ماكانش فيها غير ابديت لدى فى اكس 9 بس
فهل فى حاجة تانية المفروض انزلها تانى سواء دى فى اكس جديد عشرة مثلا او اى حاجة بعده او حتى تعريف جديد لكارت الشاشة عشان الاداء يعلى .. لو فعلاص فى حاجات محتاج احملها ياريت تحطلى لينكاتها

max pret
17-09-2009, 01:58
نزل اخر تعريف لبرنامج الكاتلايست من هنا
http://game.amd.com

boshra2
17-09-2009, 02:06
اوك ياماكس .. بس ايه برنامج الكاتلايست ده ؟!!!!!!

boshra2
17-09-2009, 02:08
اه اه ده اخر تعريف للدريفرات .. تمام ياباشا
بالنسبة بقى للدايركت اكس 10 ايه نظامه .. مالوش لينك تحميل هو كمان
معلش ياماكس انا عارف انى تقلت عليك .. واتمنى انك ماتكونش اتضايقت منى

max pret
17-09-2009, 02:08
هو بيبقى تعريف بينزل للكارت و كل فترة بينزل تعريف احدث بيرفع اداء الكارت الي حدا ما ..

max pret
17-09-2009, 02:15
http://game.amd.com/us-en/drivers_catalyst.aspxs

boshra2
17-09-2009, 02:18
الصفحة مش بتفتح

max pret
17-09-2009, 02:27
http://game.amd.com
ادخل هنا و من فوق دوس drivers & tools و حمل التعريف

khalefa14
17-09-2009, 04:32
الف مبروك على جهازك يا مان

على فكره انا مش شايف اى بطئ فى الجهاز كل حاجه تمام وشغاله ميه ميه

اه درجه حرارة البروسيسور كام عندك لان انا عندى نفس البروسيسور ودرجة الحرارة مع الضغط اخرها 42

boshra2
17-09-2009, 05:29
طب ياخليفة انا عايزك تقولى على البرنامج اللى بتقييس بيه درجة حراراة البروسسور وياريت لو لينك ليه وطريقة استخدامه تكون مبسطة

EHWILLIAM
17-09-2009, 08:07
بالنسبة بقى للدايركت اكس 10 ايه نظامه .. مالوش لينك تحميل هو كمان

الدايركت أكس 10 ده بيبقى موجود فى الويندوز فيستا أو 7
لكن مش موجود فى ال XP

Marine
17-09-2009, 08:40
مظبوط دكتور ايهاب

DR ! ZERO
17-09-2009, 12:08
و الله مفيش كلام يتقال بعد كلام ماكس الراجل مقصرش و الله :)

بالنسبة لل DX 10 لو شغال على ويندوز فيستا أو 7 هيبقى موجود لوحده ، و التعريف نزله من هنا

http://support.amd.com/us/gpudownload/Pages/index.aspx

و اختار النظام اللى شغال عليه و كل حاجة بعدين نزل التعريف .

و مبروك على الجهاز و متقلقش من حاجة الجهاز تمام جدا و كل دى حاجات طبيعية .

بالنسسبة للحرارة نزل برنامج زى Everest لمعرفة حرارة قطع الجهاز كاملة

http://www.softpedia.com/get/System/System-Info/Everest-Home-Edition.shtml

أو Core temp لحرارة البروسيسور

http://www.softpedia.com/get/Windows-Widgets/Widget-Miscellaneous/Core-Temp.shtml

و ارفع صور فى الخمول للبرنامجين ، و فى الضغط برضو استخدم برنامج Prime95 و شغله 15 دققة كده و أثناء تشغيله راقب الحرارة وارفع الصور للبرنامج Core temp

http://www.softpedia.com/progDownload/Prime95-Download-76537.html

Marine
17-09-2009, 12:48
مظبوط كلامك يا دكتور زيرو بس انا افضل core temp عن everst

ermac2014
20-09-2009, 00:40
شكرا جزيلا وواصل ابداعك بالمنتدى

masklove
20-09-2009, 01:14
الف مبروك علي الجهاز
AMD Athlon II X2 245 2.9Ghz 2mb 65W Socket AM3

Core Frequency:2.90GHz-
Core Voltage:0.85-1.425V-
Process Technology:45nm
وأعتقد ان ديه معلومات البروسيسور
ياريت صورة من برنامج everst و core temp عشان نشوف الحرارة والفولت للبروسيسور عشان نطمئن اكثر