المساعد الشخصي الرقمي

مشاهدة النسخة كاملة : سؤال بسيط



contracts
17-12-2009, 13:09
بسم الله الرحمن الرحيم


يا جماعة انا كنت عملت موضع من قريب بس الحقيقة حصل تظور بسيط

دلوقتي المزر فيها مشكلة عندي و لازم تتغير
ان شاء الله هجيب المزر p41 من جيجا بايت و تمنها حوالي 330 او 350 جنيه .....مش متاكد

فدلوقتي انا عاوز فيجا و بروسيسور جداد لان انا كده هحاول اتصرف في القديم
بس انا عندي الباور سبلاي hec 350 watt

عاوز اعرف ايه الي ممكن اجيبه و يشغل الالعاب الجديدة كلها بدون مشاكل حتى لو التجسيم متوسط او قليل
الميزانية حوالي900 جنيه للبروسيسور و الفيجا

و عاوز اعرف هل 8600gt كويسة بالنسبة للالعاب الحديثةو لا ايه؟

و عاوز اعرف تمنها كام وكمان عاوز اعرف هل في حاجة احسن منها في ati و تساويها في السعر

و طالما انا هغير المز بورد فيريت حد ينصحني لو في تجميعة احسن من amd و تكون في حدود1300 جنيه للمزر و البروسيسور و الفيجا و شكرا

masklove
17-12-2009, 13:43
و عاوز اعرف هل 8600gt كويسة بالنسبة للالعاب الحديثةو لا ايه؟
كارت قديم ... مات ودفناه والاربعين بتاعه خلص من سنه :eek::) واللي موجود منه في السوق شحنات قديمة عند البياعين مش عارفين يتخلصوا منها
علي الاقل من نيفيديا هات 9500 او الكارت الجديد 220GT
الرامات اللي عند حضرتك ايه ؟
وهي الميزانية 900 ولا 1300 ؟؟

contracts
17-12-2009, 14:14
الرامات الي عندي ddr2 2GB bus 800

و الميزانية 900 جنيه لو مفيش تجميعة احسن للamd

و التجميعة دي للبروسيسور و الفيجا بس لان انا اصلا كده كده هجيب Gigabyte p41 لان اصلا الميزانية متسمحش بمزر من انتل اعلى من كده ...... اما لو حضرتك رشحتلي مزر تدعم amd و تكون التجميعة احسن و في نفس السعر يبقى كويس

اقصد (مزر و بروسيسور و فيجا) و يبقى كده الميزانية 1300 جنيه


من الاخر......انا محتاج (مزر و + بروسيسور +فيجا) للالعاب و يكونوا كلهم بحوالي 1300 جنيه


و اسف على الازعاج

masklove
17-12-2009, 15:04
Gigabyte GA-MA785G-UD3H = 535 EGP
Athlon II X2 250 = 385 EGP
MSI HD4670 1GDDR3 = 425 EGP
_________________________________________
1345 EGP
الماذر 785 افضل من G41 لانها تدعم حتي 16 جيجابايت + فيها امكانيات اخري متميزة جدا (الماذر تشتغل برامات DDR2 عادي)
البروسيسور ده بتردد 3 جيجا وكاش 2 ميجا ثنائي النواه مثل dual core او core 2 duo بالظبط
الاسعار من شركة الحرمين وبجد الناس دي محترمة جدا وده رابط الموضوع بتاعهم
http://www.arabhardware.net/forum/showthread.php?t=141500

Fu'ad
17-12-2009, 15:48
السّلام عليكم...
ممكن سؤال : هو الدولار كام بالمصري ؟
يعني الـ 1000 جنيه قريب الكام دولار يبقوا كدة ؟
و شكراً سلفاً, مع فائق الاحترام...

contracts
17-12-2009, 16:20
شكرا ليك يا اخي......بس الحقيقة انا من بورسعيد و الحاجة اكيد اغلى من عندكم في القاهرة

عموما كنت عاوز اعرف هل ممكن اجيب الحاجة دي عن طريق الشحن و هدفع كام ثمن الشحن من القاهرة لبورسعيد تقريبا....؟؟؟؟



وكمان عتدي سؤال ....هل كده الجهاز ان شاء الله هيشغل الالعاب الجديدة من غير مشاكل على تجسيم متوسط......؟؟؟؟؟


و شكرا

masklove
17-12-2009, 19:21
عموما كنت عاوز اعرف هل ممكن اجيب الحاجة دي عن طريق الشحن و هدفع كام ثمن الشحن من القاهرة لبورسعيد تقريبا....؟؟؟؟
لا اعرف اتصل بــ ماكسيمام هاردوير و|أسألهم
رقم تليفونهم 0160771001 او 0100191916 او ارضي من22560220
الويب بتاعهم هو http://www.***************.net/index.php

وكمان عتدي سؤال ....هل كده الجهاز ان شاء الله هيشغل الالعاب الجديدة من غير مشاكل على تجسيم متوسط......؟؟؟؟؟
ان شاء الله هيشغل الالعاب بدون مشاكل علي المتوسط
كارت 4670 يعتبر كارت قوي ومنافس لل 9600 من نيفيديا

contracts
18-12-2009, 06:36
مشكوووووووووووور يا مان


بس كان عندي سؤال ......هل ممكن اجيب مزر بورد ارخ شويه و الفرق في السعر اجيب بيه بروسيسور اعلى ........ولا ....البروسيسور ده كويس........لان ان شاء الله انا مش ناوي اغير البروسيسور قبل 20 شهر

مع العلم ان انا هستخدم رامات ddr2 باص 800


و شكرا

masklove
18-12-2009, 11:44
ASRock A780G FullHD = 300 EGP
AMD Phenom II X3 710 2.6GHz 1.5MB/6MB 4000MT/s = 650 EGP
SAPPHIRE HD 4670 512MB GDDR3 = 400 EGP
__________________________________________________ _________
1350 EGP
بالنسبة لكارت الشاشة النسخة السافير او ال MSI مفيش فارق
البروسيسور ثلاثي النواه

contracts
20-12-2009, 00:15
شكرا ليك يا masklove بس سؤال .....هل كده الجهاز ان شاء الله هيعد معايا 20 شهر على الاقل ولا لا؟؟؟؟؟؟



و ممكن من حضرتك تجميعة تانية لان احتمال بس مش اكيد ......ممكن يجيلي 350 جنيه السبوع الجاي

يعني الجمالي حوالي 1700


و شكرا

contracts
21-12-2009, 07:01
معلش انا عارف اني تقلت عليكو بس محتاج الردود