المساعد الشخصي الرقمي

مشاهدة النسخة كاملة : مساعده في اختيار بورده ؟!



الصفحات : [1] 2

Doctor Medo
13-06-2010, 00:56
بسم الله الرحمن الرحيم

شباب دلوقتي انا ناوي اعمل تحديث للبورده باذن الله ضمن شوية حاجات تاني و محتار بين اتنين

1- P6X58D-E (http://www.asus.com/product.aspx?P_ID=gFBKfNyhppW9tDbB&templete=2) من اسوس ب 1700 جنيه
2- GA-X58A-UD3R (http://www.gigabyte.us/Products/Motherboard/Products_Overview.aspx?ProductID=3317) من جيجابايت ب 1250 جنيه

البورده الاولي تتميز عن التانيه بامكانيه الاوفركلوك الاعلي غير انها بتعمل اوفركلوك للرامات عكس كل بورد جيجابايت اللي مش سمحالي بميجاهرتز زياده حتي و كمان معاها كابلات ساتا 3 و التبريد احسن عموما

لكنها اغلي من التانيه ب 450 مع ان فرق سعرهم بره 30 دولار فقط تحولت هنا الي حوالي 80 دولار مع العلم اني لو جبت البورده الاولي حضغط علي نفسي في ميزانية باقي الشهر و في حاجات مش حقدر اغيرها في الابجريد اللي كنت ناوي عليه , فايه راي الشباب ؟؟

ارجو ابدا الراي بحياديه تامه و من منطلق تقني بحت و مع شكري للناس اللي حتقولي انت كده تمام متغيرش لكن انا فعلا نويت خلاص فارجو عدم الرد بالابقاء علي بوردتي الحاليه و شكرا لكم

emoom
13-06-2010, 01:17
لو فكرت مكانك دوكتور أحمد هتلاقى أنت عايز حاجة من الاتنين
1-أنك عايز أوفركلوك جامد و معاك V8 يساعدك يبقى أكيد أسوس و بتدعم كل اللى بتدعمة جيجابايت و أكيد مع معجون تبريد كويس يبقى خلاص. و بالنسبة للميزانية أقتراح ممكن تأجلها لشهر مثلاُ لو تقدر لأنك مش مرتبط بإمتحان أو أجازة زينا.

2-أنك عايز أوفركلوك محترم و يكون بيدعم التقنيات الجديدة USB3&SATA3 بس هيبقى محدود بالنسبة لك شوية لو هتعمل اللى هتعملة مع أسوس.

القرار ليك أنت تعرف متطلباتك كويس بدون أنك تقول أنا ممكن أعمل كذا قدام أفتكر أنك لما تيجى ناوى على موضوع مثلاُ أبقى وفر متطلباتة وقتها.

(هذا رأيى و لك كامل الحرية)

أخوك إمام

Doctor Medo
13-06-2010, 01:31
شكرا ليك يا امام لكن للاسف انا مرتبط بشهر 6 لان هو الوحيد اللي بيجيلي في مبلغ كويس علي بعضه و انا مش من النوع اللي ممكن يشيل الفلوس لمده شهر لذلك انا مضطر اني اجيب الشهر ده باذن الله

و بالنسبه للخيارات اللي انت ذكرتها انا غالبا حيكون خياري التاني لكن اللي غايظني في بوردة جيجابايت علي الرغم من الاوفركلوك الممتاز للبروسيسور مش سامحالي باي اوفركلوك للرامات !!

emoom
13-06-2010, 01:47
لو أنت هتضمن رامات كويسة 1800 فمافوق مفتكرش هتحتاج أكتر من كدة
و بعدين مش هتعرف تشيل الفلوس قولى و أنا أقولك تتصرف أزاى:)
و بعدين أنت مجالك المفروض يعلمك كل حاجة

mohamed790gx
13-06-2010, 02:02
مش عارف يا مشع

انتوا الي علمتونا من اول ما جينا هنا اننا منبخلش باي فلوس علي البورده لأنها اهم قطعه في الجهاز

اكيد فرق السعر ده ليه سبب وانا شايف البورد الASUSاقوي بكتير من الGIGABYTE

بس لو ابجريد مهم جدا ممكن تستهلك في الفلوس وزي ما امام قال لو جبت رامات 1800او 2000 مش هتحتاج كسر

والبورد الجيجابايت مع فادي ووصل بيها لسرعات عاليه للبرو فمش هتفرق

Doctor Medo
13-06-2010, 02:19
انا من ضمن الابجريد ناوي علي رامات 2000 باذن الله

انا اعتراضي علي سعر البورده في مصر يا محمد المفروض انها متعديش 1400 - 1500 جنيه

يعني افهم من كلامك انت و امام اني لو ضامن رامات باس 2000 يبقي خليني مع البورده الجيجابايت ؟؟

hm90memo
13-06-2010, 04:11
يا دوك يبقى عندك ال V8
ومتبقاش محتاج بورد قويه للاوفر كلوك :)
p6x58d
يبقى انك تحاول البحث عن سعر افضل
بالتوفيق ان شاء الله

melfeshawey
13-06-2010, 05:07
لماذا تحتاج كسر سرعة الرام إذا كنت هتشترى رامات 2000 ؟ هل يمكن كسر السرعة لأكبر من هذا ؟ و لو ممكن:هل هيكون فيه فائدة و لا هيكون زائد عن سرعة ورود البيانات من المعالج ؟ و هل إجابة السؤال الأخير تعتمد على سرعة الناقل الأمامى أم تردد المعالج فقط ؟
عذرا على كثرة الأسئلة ولكن خبرتى معدومة فى كسر السرعة ، ليت الأخوة المحترفين يتكرموا بالإجابة ، جزيل الشكر

'aMido
13-06-2010, 05:38
مفكرتش ليه في ال Asus P6T يا دوك؟؟
سعرها جامد جداً و الأوفر كلوك فيها كويس جداً

vmidov
13-06-2010, 12:24
السلام عليكم
أولا الله يعينك يا دكتره على الحيره دى ;):D

لو ينفع تحدد أيه الحاجات اللى ناوى عليها ولا تقصد الرامات فقط ؟
بالنسبه لى أفضل ASUS طبعا
الاسوس مميزه عن جيجابايت فى التبريد والPhase وأعتقد دى ميزه لا يستهان بها
لكن للأسف مش مبرر كافى لدفع 60دولار زياده
عشان كده مقدرش أنصحك بها
رأيى وول أنى مش مسامح نفسى عليه :D فى الحاله دى أنك تتجه للجيجابايت عشان تستفيد بفرق المبلغ للتحديث اللى ناوى عليه
ونصسحتى ليك مش على أساس أنك توفر 450 لأ أبدا لو كان الفرق بينهم فى أمريكا 300 جنيه كنت قلتلك هاتها لكن يكون الفرق الحقيقى 112 جنيه ويتحول إلى 450 جنيه
لو جبتها هحس أنى أضحك عليا
وربنا يوفقك فى الاختيار

Doctor Medo
13-06-2010, 13:25
مفكرتش ليه في ال Asus P6T يا دوك؟؟
سعرها جامد جداً و الأوفر كلوك فيها كويس جداً

مهو انا بوردتي ممتازه في اوفركلوك البروسيسور برضه لكن انا عاوز حاجه usb 3 و sata 3 و البوردتين دول اقل اختيار من اسوس و جيجابايت لاني بغير علي فترات متقاربه فمش عاوز اجيب حاجه عاليه من هنا او هنا

Doctor Medo
13-06-2010, 13:33
السلام عليكم
أولا الله يعينك يا دكتره على الحيره دى ;):D

لو ينفع تحدد أيه الحاجات اللى ناوى عليها ولا تقصد الرامات فقط ؟
بالنسبه لى أفضل ASUS طبعا
الاسوس مميزه عن جيجابايت فى التبريد والPhase وأعتقد دى ميزه لا يستهان بها
لكن للأسف مش مبرر كافى لدفع 60دولار زياده
عشان كده مقدرش أنصحك بها
رأيى وول أنى مش مسامح نفسى عليه :D فى الحاله دى أنك تتجه للجيجابايت عشان تستفيد بفرق المبلغ للتحديث اللى ناوى عليه
ونصسحتى ليك مش على أساس أنك توفر 450 لأ أبدا لو كان الفرق بينهم فى أمريكا 300 جنيه كنت قلتلك هاتها لكن يكون الفرق الحقيقى 112 جنيه ويتحول إلى 450 جنيه
لو جبتها هحس أنى أضحك عليا
وربنا يوفقك فى الاختيار


انا الابجريد اللي ناوي عليه باذن الله

1- بورده كور 7 فيها ساتا 3 و يو اس بي 3 مع اقل سعر ممكن
2- رامات باس 2000 فولت 1.65 و اقل سعر ممكن
3- باور سيلنت برو 1000 وات او 850 وات حسب الاسعار و الفلوس اللي حتتوفر
4- كيسه هاف اكس لما توصل بالسلامه لمصر

انا عارف ان البورده الاسوس احسن كتير خاصة في النقاط اللي انت ذكرتها يا ميدو لكن اللي غايظني فعلا فرق السعر اللي اتضاعف 3 مرات تقريبا و لو كان الفرق 400 جنيه بره كنت جبت الاسوس بدون تردد

عموما مشكورين يا شباب علي ارائكم و لو اي حد عنده اقتراحات تاني احب اسمعها و شكرا ليكم

vmidov
13-06-2010, 14:00
انا الابجريد اللي ناوي عليه باذن الله

1- بورده كور 7 فيها ساتا 3 و يو اس بي 3 مع اقل سعر ممكن
2- رامات باس 2000 فولت 1.65 و اقل سعر ممكن
3- باور سيلنت برو 1000 وات او 850 وات حسب الاسعار و الفلوس اللي حتتوفر
4- كيسه هاف اكس لما توصل بالسلامه لمصر

انا عارف ان البورده الاسوس احسن كتير خاصة في النقاط اللي انت ذكرتها يا ميدو لكن اللي غايظني فعلا فرق السعر اللي اتضاعف 3 مرات تقريبا و لو كان الفرق 400 جنيه بره كنت جبت الاسوس بدون تردد

عموما مشكورين يا شباب علي ارائكم و لو اي حد عنده اقتراحات تاني احب اسمعها و شكرا ليكم

فى الحاله دى انا شايف أنك عايز تحدث البورده لمجرد الUSB والساتا وبأمانه سبب غير كافى خصوصا فى محدوديه الامكانيات
فلو كنت بعت بوردتك القديمه تبقى مضطر تتجه لجيجابايت

لو مكنتش لحقت تبيعها يكون أفضل كتير فى الحاله دى هتجيب كل الحاجات التانيه وتأجل البورده إلى أجل غير مسمى أو لحين أنخفاض الاسعار خصوصا أن أكيد البورده الحاليه مش مقصره معاك + معندكش حاجه تستخدم فيها الUSB أو الساتا الجديد

Doctor Medo
13-06-2010, 14:14
فى الحاله دى انا شايف أنك عايز تحدث البورده لمجرد الUSB والساتا وبأمانه سبب غير كافى خصوصا فى محدوديه الامكانيات
فلو كنت بعت بوردتك القديمه تبقى مضطر تتجه لجيجابايت

لو مكنتش لحقت تبيعها يكون أفضل كتير فى الحاله دى هتجيب كل الحاجات التانيه وتأجل البورده إلى أجل غير مسمى أو لحين أنخفاض الاسعار خصوصا أن أكيد البورده الحاليه مش مقصره معاك + معندكش حاجه تستخدم فيها الUSB أو الساتا الجديد


اه نسيت اقول اني حبيع هارداتي كمان و اجيب 2 هارد 1 تيرا ساتا 3 في وضعية ريد باذن الله

و البورده لسه موجوده

MF88
13-06-2010, 14:29
نصيحه لوجه الله " على قد خبرتى يعنى "

هات اسوس و انت الكسبان . اللوحه الأم لما بتكون متميزه بتخللى كل المكونات اللى عليها مرتاحه و حرارتها اقل

و قابليتها اعلى

البوردتين كويسين . لكن بصراحه ؟؟؟ عمرى مهجيب اى بورده جيجا بايت داخل البيت عندى خالص :D

Doctor Medo
13-06-2010, 14:35
البوردتين كويسين . لكن بصراحه ؟؟؟ عمرى مهجيب اى بورده جيجا بايت داخل البيت عندى خالص :D

طيب ليه ؟؟ و هل الفرق يستحق في رايك الفرق السعري امبالغ فيه في مصر ؟؟

انا طلبت ان الاراء تكون تقنيه بحته بدون اي تحيز ؟!

'aMido
13-06-2010, 15:13
اه نسيت اقول اني حبيع هارداتي كمان و اجيب 2 هارد 1 تيرا ساتا 3 في وضعية ريد باذن الله

و البورده لسه موجوده


يا دوك الهارد الساتا3 مش محتاج ساتا 3 :d
بمعني ان الساتا 2 أصلاً مكفي اسرع الSSDs و بمنتهي الكفائه
فما بالك بالHDDs
نصيحه خليك ببوردتك لان مش هتلاقي فرق نهائي بين ساتا 2 و 3

Doctor Medo
13-06-2010, 15:26
يا دوك الهارد الساتا3 مش محتاج ساتا 3 :d
بمعني ان الساتا 2 أصلاً مكفي اسرع الSSDs و بمنتهي الكفائه
فما بالك بالHDDs
نصيحه خليك ببوردتك لان مش هتلاقي فرق نهائي بين ساتا 2 و 3

حتي لو في وضعية الريد مش حاحس بفرق ؟؟

MF88
13-06-2010, 15:57
انا غير متحيز لكن تكلمت من خبرتى مع لوحات من الشركتين و شوفت العجب فى جيجا بايت

فى ناس كتير جدا بتحبها . لكن لما انا اشتريتها لناس كتير عندى و اقارب ليا من جميع الفئات حسيت بعدم شرعيه المقارنه

بينها و بين اسوس .

و انا بعتذر لو كان ردى خرج عن طلب حضرتك فى الموضوع لكن اعتقد ان اللوحه تستحق ثمنها

Doctor Medo
13-06-2010, 16:06
انا غير متحيز لكن تكلمت من خبرتى مع لوحات من الشركتين و شوفت العجب فى جيجا بايت

فى ناس كتير جدا بتحبها . لكن لما انا اشتريتها لناس كتير عندى و اقارب ليا من جميع الفئات حسيت بعدم شرعيه المقارنه

بينها و بين اسوس .

و انا بعتذر لو كان ردى خرج عن طلب حضرتك فى الموضوع لكن اعتقد ان اللوحه تستحق ثمنها

تعتذر ؟؟ ليه بس كده يا اخي ده انا اللي بعتذر لو كنت زعلت من كلامي او سوالي و كفايه انكم داخلين تساعدوني

انا متهمتكش بالتحيز و لا حاجه انا بس فكرتك بالحياديه لان رايك في جيجابايت كان قاسي جدا و خلاني اتعجب فعلا لاني كان عندي نفس النظره لاسوس لكن لما شفت الجديد بتاعهم غيرت رائي طبعا بس كده

و خبرتي مع الاسوس قديما كما ذكرت و ساذكر دائما كانت مريره جدا لكن حاليا اعتقد منتجاتهم متميزه جدا

و انا مش بقول ان الاسوس متستاهلش تمنها لكن بقول ان التوكيل او الموزع الله اعلم مين قيهم مبالغ في سعرها جدا بس و حاسس اني حيبقي مضحوك عليا زي ما قال ميدو

Coolman4now
13-06-2010, 16:11
- البوردة عيبها الوحيد هو عدم أمكانية الأوفركلوك للرامات عن سرعتها الأصلية ، فقط لاغير.

- السؤال هنا ، هل يجوز دفع 450 جنيها لعمل اوفركلوك للرمات ؟ أنا مثلا الرامات سرعتها 1866 ميجاهرتز ، فهل يجوز أن أدفع 450 زيادة حتى أصل بالرامات إلى 2000 ميجاهرتز مثلا ؟؟ الفارق 130 ميجاهرتز !

- هل تستطيع التفريق بين الأثنين ؟؟؟ أشك.

- عموما أذا كان معك ثمن الأولى بدون مشاكل فتوجه لها ، ان لم يكن توجه للثانية.

- بمانسبة الحديث عن التغيير ، أنا أفكر فى شراء R3E فما هو رأيكم ؟

MF88
13-06-2010, 16:17
لا لا لا لا لا

انا مش من الناس اللى بتزعل او تحس بإتهام بالتحيز و الكلام ده " كبر دماغك من الحاجات دى خاااااااااااالص :D:D:D:D "

انا اعتذرت لأنى مخدتش بالى فعلاً من كلمه المشاركه تكون تقنيه مش اكتر و بعدين حضرتك اخ و مفيهاش حاجه يعنى لما اعتذر

هو احنا مش بشر وللا ايه

========================

مثال بسيط : اشتريت لوحه مثلا لزوج اختى 785gt-ud3h بعد مرور اسبوع " كل البورتات الـ USB مبقتش بتشتغل

كارت النتورك فيها حصل فيه مشاكل كتير و مع اكتر من شخص + موضوع التوافقيه مع البروسيسور 965 و حاجات كتير

انا كنت فاكر ان جيجا بايت افضل من اسوس مش العكس . عشان كده اشتريت 4 لوحات من فئات مختلفه انتل و AMD

لكن ملقتش اللى كنت متوقعه على الأقل

جهازى بقاله 6 سنين و الحمد لله ( اللى فيه السيليرون ده ) بوردته اسوس و مفيهاش اى مشاكل حتى الآن بفضل الله

علماً بان عفى عليها الزمن و اكل عليها الدهر و شرب و زمان الحلو جى فى الطريق :D

على فكره انا مش حساس خااااااااااااااالص خصوصا مع الناس اللى بعتبرهم اكتر من اخواتى فى المنتدى

و حضرتك واحد منهم :)

============================

كول مان : قبل التحديث ياريت تسأل مينا عن مميزاتها و عيوبها و هل تستحق ام لا . هو بيقول فيه مشاكل فى الحراره بتاعه الـ NORTH BRIDGE و الـ SOUTH BRIDGE و كده

شوف رأيه ايه ولو تمام اشتريها على بركه الله . ولو انى لا انصح بالتغيير فى حال وجود بورده كويسه و شغاله

Doctor Medo
13-06-2010, 16:22
- البوردة عيبها الوحيد هو عدم أمكانية الأوفركلوك للرامات عن سرعتها الأصلية ، فقط لاغير.

- السؤال هنا ، هل يجوز دفع 450 جنيها لعمل اوفركلوك للرمات ؟ أنا مثلا الرامات سرعتها 1866 ميجاهرتز ، فهل يجوز أن أدفع 450 زيادة حتى أصل بالرامات إلى 2000 ميجاهرتز مثلا ؟؟ الفارق 130 ميجاهرتز !

- هل تستطيع التفريق بين الأثنين ؟؟؟ أشك.

- عموما أذا كان معك ثمن الأولى بدون مشاكل فتوجه لها ، ان لم يكن توجه للثانية.

- بمانسبة الحديث عن التغيير ، أنا أفكر فى شراء R3E فما هو رأيكم ؟


انا اساسا حجيب رامات باس 2000 باذن الله فمش فارقه كتير لكن انا فعلا متغاظ من عدم امكانية الاوفركلوك للرامات في جيجابايت ليه كده ؟؟

و متغاظ من سعر اسوس برضه ليه كده ؟؟

الرامباج 3 مقدمتش كتير عن الرامباج 2 غير الساتا 3 و اليو اس بي 3 لكن لو انت حابب توكل علي الله و لو حتبيع بوردتك ابقي بلغني الاول !!

Doctor Medo
13-06-2010, 16:26
لا لا لا لا لا

انا مش من الناس اللى بتزعل او تحس بإتهام بالتحيز و الكلام ده " كبر دماغك من الحاجات دى خاااااااااااالص :D:D:D:D "

انا اعتذرت لأنى مخدتش بالى فعلاً من كلمه المشاركه تكون تقنيه مش اكتر و بعدين حضرتك اخ و مفيهاش حاجه يعنى لما اعتذر

هو احنا مش بشر وللا ايه

طيب الحمد لله مفيش زعل

انا بقي تجربتي عكس تجربتك بالظبط انا من 2003 مع بورد جيجابايت عمرها ما قصرت معايا عكس الاسوس اللي فرقعت في وشي و كانت حتولع الدنيا و يبدو ان الانطباعات الاولي تدوم فعلا ده غير اني بحس بيوس جيجابايت اسهل كتير في التعامل من اسوس

'aMido
13-06-2010, 16:32
حتي لو في وضعية الريد مش حاحس بفرق ؟؟

الماكسيمم بتاع الهارد اصلا 130 ميجا
و في الساتا 2 اصلا معاك سرعه لحد 384 و ده اخر الساتا 2
لو الهارد سرعته اقل من كده فالساتا 3 بمنتهي البساطه Useless

Coolman4now
13-06-2010, 16:33
- أنا أفكر جديا فى البيع ، فأذا كنت تريدها ، بلغنى على الخاص وثمّنها كما يعجبك. :)

'aMido
13-06-2010, 16:35
- البوردة عيبها الوحيد هو عدم أمكانية الأوفركلوك للرامات عن سرعتها الأصلية ، فقط لاغير.

- السؤال هنا ، هل يجوز دفع 450 جنيها لعمل اوفركلوك للرمات ؟ أنا مثلا الرامات سرعتها 1866 ميجاهرتز ، فهل يجوز أن أدفع 450 زيادة حتى أصل بالرامات إلى 2000 ميجاهرتز مثلا ؟؟ الفارق 130 ميجاهرتز !

- هل تستطيع التفريق بين الأثنين ؟؟؟ أشك.

- عموما أذا كان معك ثمن الأولى بدون مشاكل فتوجه لها ، ان لم يكن توجه للثانية.

- بمانسبة الحديث عن التغيير ، أنا أفكر فى شراء R3E فما هو رأيكم ؟



أنا كمان بفكر فيها بس مش عارف هتقدملي إيه جديد بالفرق الي هدفعه علي الp6t

Coolman4now
13-06-2010, 16:35
الماكسيمم بتاع الهارد اصلا 130 ميجا
و في الساتا 2 اصلا معاك سرعه لحد 384 و ده اخر الساتا 2
لو الهارد سرعته اقل من كده فالساتا 3 بمنتهي البساطه Useless

- هذه هى السرعة النظرية التى لاتحدث أبدا ، السرعة الفعلية هى 256 ميجابايت ، ولذلك يفضل مع اقراص SSD العالية الأداء ساتا 3 غير ذلك فلا قيمة له فعلا.

EL-MARIACHY
13-06-2010, 16:36
1) ان شاء الله تصلى صلاه استخاره و تتوكل على الله.

2) أنا رأئى ال- P6X58D-E (http://www.asus.com/product.aspx?P_ID=gFBKfNyhppW9tDbB&templete=2) من اسوس ب 1700 جنيه علشان حضرتك بتقول امكانيه كسر سرعه الرامات كبيره فافرض كمان 3 أشهر نزلت رامات كويسه أوى و قدرتها على الكسر عالى أوى هتعمل ايه ساعتها لو كنت اشتريت الجيجابايت؟؟

3) هذا رأى غير تقنى: ولكن جيجا بايت أول ماطلعت كانت بتقدم أحسن ما عندها بأسعار خرافه ( على ما اتذكر كانت مره منزله بورده خرافه كلها solid capacitors وكانت بورده جميله جدا) و لما جينا نحدث البورده لسبب وهمى كان عدم توافقها مع كارت XFX لسبب لانعرفه رحت على طول على جيجابايت ولم نفكر فى أى بورده أخرى فكانت كل الكاباسيتورز(capacitors) عاديين و اللى هما حوالين المعالج هما الsolid فقط و كان أغلى فى السعر

نقطتى ان الشركه لما تشتغل وتبيع على أساس السمعه اللى اكتسبتها و تقلل فى الجوده يعنى تقلل فى التكلفه مع الحفاظ على السعر يعنى بتزود ارباحها و دى نقطه مش حلوه

ولك أن تختار و ربنا يباركلك مقدما

S.O.S
13-06-2010, 16:38
- أنا أفكر جديا فى البيع ، فأذا كنت تريدها ، بلغنى على الخاص وثمّنها كما يعجبك. :)


حرام عليك يافــــــــــادي تبيع البورده وتخسر فيها
ماشاء الله بوردتك رائعه فانت وضلت الي ارقام كبيره في كسر المعالج بها
ماذا ستستفيد من بيعك ايهاها كسر سرعه الرام فأنت قلتها ستكسرها الي 2000
لن تشعر بالفارق
للكروس فاير اعتقد انكلو جبت كارت تاني هيركب ويشتغل علي البورده الي عندك
لو جبت الرامبيدج وجبت واحد تالت هيشتغل بنس الكفائه لأن الأتنين 3XCF
PCI-E =X8
فاهم قصدي
فحرام عليك تبيع بوردتك
اتمنا انك تكون قريت ردي