المساعد الشخصي الرقمي

مشاهدة النسخة كاملة : مطلوب تجميعة جهاز قوى



Fouadsoft
15-10-2010, 05:21
السلام عليكم


اولا ليا تساؤلين هامين
ليه مفيش رامات DDR3 4GB
للشريحة الواحدة فى مصر؟
هل سعرها غالى لدرجة ان مفيش حد بيجيبها؟
وامتى متوقع تنزل مصر؟

ثانيا

سمعنا طبعا عن سعر البروسيسور
i7 950
والحمد لله وصل مصر بسعر 1800
هل بقى خلاص بديل ل 930؟
وهل هو افضل فى الاداء ولا هو هو بتردد اعلى؟
مين الاحسن فيهم اتوقع انه ال 950 اكيد

وقريت فى موقع ان ال 960 كمان نزل سعرة طيب لو دا حقيقى ليه مجاش مصر؟


ثانيا تجميعة الجهاز المقترحة

I7 950

GIGABYTE X58A-UD7
انا شخصيا مرتاح للبوردة دى
هل فى حاجة افضل من دى فى نفس الرانج زى EVGA , ASUS

RAM 3 *2 DDR3
انهى الاحسن دلوقتى؟
MUSHIN Redline?
ولا OCZ? ولا corsair
ولا ايه؟


Sapphire HD 5870
اجيب النسخة ال OC ولا العادية مع الاعتبار انى مش هحتاج كسر سرعة خاصة ان حرارة الغرفة فى الصيف عالية جدا

Cooler master HAF X
هل محتاج ازود مراوح ليها علشان الغرفة عندى حر

Power supply 850 or 1000?cooler master silent pro
انهى الافضل وهل 850 كافى؟

Western Digital Caviar Black WD1002FAEX 1TB 64MB
هل FAEX
هو الافضل؟
احتمال اركب هارد معاه قديم 250 جيجا هل ساعتها الاحسن انزل الويندوز على القديم ولا الجديد علشان يبقى اسرع فى الكتابة والقراءة؟

انا عندى شاشة 19 Benq FP92E
ناوى استخدمها لتقليل التكلفة فهل هتسبب مشاكل مع كارت الفيجا العالى؟

اشكركم و هكون سعيد بمقترحاتكم

masklove
15-10-2010, 09:54
انا عندى شاشة 19 Benq FP92E
هي الشاشة مش تعمل مشكلة ولا حاجة
بس لو مش ناوي تغيرها انصحك توفر وتجيب كارت شاشة اقل لأنه مش هيعمل فرق خالص مع شاشة صغيرة
الكروت القوية بتظهر الفرق في الــ resolution العالي مثل 1920x1080 مثلا
انصحك لو مش ناوي تغير الشاشة تكتفي بكارت 460 GTX


Power supply 850 or 1000?cooler master silent pro
انهى الافضل وهل 850 كافى؟
لا اعرف لماذا لا ينصح البعض بــ cooler master
انصحك بـــ

ANTEC TruePower Quattro 850W السعر 925 جنيه (http://www.antec.com/Believe_it/product.php?id=NTg=)




GIGABYTE X58A-UD7
هل تنوي علي كسر السرعة ؟؟؟

وهل هو افضل فى الاداء ولا هو هو بتردد اعلى؟
مين الاحسن فيهم اتوقع انه ال 950 اكيد
اقول لك حاجة
لو استخداماك العاب يبقي مش هتلاقي فارق اساسا بينهم
الالعاب بتعتمد علي كارت الشاشة جدا
و 930 من 950 مش هتعمل فارق اساسا لأن ال 930 قوي كفاية جدا جدا
ميزانيتك كام اجمالا ؟ واستخداماتك ايه بخلاف العاب ؟

Prince_Saad
15-10-2010, 12:58
RAM 3 *2 DDR3
انهى الاحسن دلوقتى؟
MUSHIN Redline?
ولا OCZ? ولا corsair
ولا ايه؟
انا انصحك : MUSHIN Redline


Sapphire HD 5870
بما انه عندك شاشة صغيره لماذا تأخذ 5870 ( تكلفة مادية على الفاضي ) لأنك مش راح تحس بفرق .... انصحك بكرت 460GTX



احتمال اركب هارد معاه قديم 250 جيجا هل ساعتها الاحسن انزل الويندوز على القديم ولا الجديد علشان يبقى اسرع فى الكتابة والقراءة؟

الناس ليه بتشتري هارد Western Digital Caviar Black WD1002FAEX 1TB 64MB للتخزين فقط ؟؟؟؟
الناس بتشتري نسخة ال Black لأنها فائقة السرعة والجميع يحتاجها لتنزيل الويندوز عليها :rolleyes:



ليه مفيش رامات DDR3 4GB

لأنها مكلفة اكثر من 2X2GB

Fouadsoft
15-10-2010, 15:21
شكرا لكل اللى رد عليا واتمنى المزيد من المساعدة


هي الشاشة مش تعمل مشكلة ولا حاجة
بس لو مش ناوي تغيرها انصحك توفر وتجيب كارت شاشة اقل لأنه مش هيعمل فرق خالص مع شاشة صغيرة
الكروت القوية بتظهر الفرق في الــ resolution العالي مثل 1920x1080 مثلا
انصحك لو مش ناوي تغير الشاشة تكتفي بكارت 460 GTX

انا بجيب جهاز ل 3 سنين على الاقل والشاشة هستم تغييرها فى المستقبل ان شاء الله ممكن بعد سنة او اقل

لا اعرف لماذا لا ينصح البعض بــ cooler master
انصحك بـــ

ANTEC TruePower Quattro 850W السعر 925 جنيه (http://www.antec.com/Believe_it/product.php?id=NTg=)

ليه محدش بينصح بالكولر ماستر؟
اللى اعرفة انه بقى احسن من الانتك انا عارف الانتك كان هو الاقوى زمان دلوقتى الكولر ماستر؟
كمان هل يعنى كلمك ان 850 كافى مع هذة الامكانيات؟



هل تنوي علي كسر السرعة ؟؟؟

لا مش هكسر سرعة ربنا بعد كدة لما البرامج تقوى او الالعاب تحتاج اقوى من الامكانيات دى

اقول لك حاجة
لو استخداماك العاب يبقي مش هتلاقي فارق اساسا بينهم
الالعاب بتعتمد علي كارت الشاشة جدا
و 930 من 950 مش هتعمل فارق اساسا لأن ال 930 قوي كفاية جدا جدا
ميزانيتك كام اجمالا ؟ واستخداماتك ايه بخلاف العاب ؟

سعر الاتنين واحد فلو ال 950 احسن من ال 930 فاكيد هشترية واللى حابب اعرفة هل فى فرق فى التصنيع هل فى مشاكل ليه؟ فانتل عايزة تخلص منه فنزلت سعرة ولا مجرد منافسة AMD?
وهل التردد بس اللى فارق ونفس البروسيسور وال aRCHITECTURE?

انا استخداماتى كتير الاساسى VMware وماشينز وشغل لابات
بردة انا من محبى الالعاب و بحب الكوالينى العالية وعلشان كدة جايب كرت شاشة قوى بسبب حبى للكواليتى و من الالعاب اللى بتاعبها فى اوقات الفراغ الفيفا 2011 مثلا و حاجات الاكشن فاعتقد كارت الشاشة هيغطى على الالعاب اللى بعد 3 سنين كمان اا ربنا ادانا العمر ان شاء الله

يعنى انا بعمل لقدام لانى مش من محبى الابجراد كل 3 ل 5 سنين بجدد الجهاز كامل احسن

والله انا عايز اوفر على قدر الامكان فيا دوبك بجيب الحاجة الاحسن اللى تقابل اهدافى و فى نفس الوقت تبقى مش غالية اوى
لكن للاسف الهاردوير غالى فانا بالنسبالى بالكتير 9000 وهبقى بطلعهم بالعافية :) بس اهو شغلى بيحتاج منى انى يبقى معايا جهاز يشيلنى ويغطى ل 3 او 5 سنين قدام

Fouadsoft
15-10-2010, 15:26
شكرا جزيلا لكم




انا انصحك : MUSHIN Redline


بما انه عندك شاشة صغيره لماذا تأخذ 5870 ( تكلفة مادية على الفاضي ) لأنك مش راح تحس بفرق .... انصحك بكرت 460GTX

شكرا كثيرا لك يوجد النية لتغيير الشاشة بعد سنة ان شاء الله


الناس ليه بتشتري هارد Western Digital Caviar Black WD1002FAEX 1TB 64MB للتخزين فقط ؟؟؟؟
الناس بتشتري نسخة ال Black لأنها فائقة السرعة والجميع يحتاجها لتنزيل الويندوز عليها :rolleyes:

منا بسئل علشان كدة :)
هو ال rpm بتاعة كام؟
7200 ولا 5300؟




لأنها مكلفة اكثر من 2X2GB
يعنى التكلفة الضعف؟
بس انا ليا رؤية تانية

اولا البوردة UD7 انا اختاترها لقوتها و انها 24 جيجا رام ودا اللى ممكن احتاجة مستقبلا

فانا كنت عايز اجيب 12 جيجا رام دلوقتى باس 2000 او 2200 مثلا
علشان شغل الفى ام وير
فاية رأيكم؟؟

Fouadsoft
15-10-2010, 15:39
يا ريت يا جماعة تفيدونى بردة فى التالى

وقريت فى موقع ان ال 960 كمان نزل سعرة طيب لو دا حقيقى ليه مجاش مصر؟


Cooler master HAF X
هل محتاج ازود مراوح ليها علشان الغرفة عندى حر

Western Digital Caviar Black WD1002FAEX 1TB 64MB
هل FAEX
هو الافضل؟

شكرا جزيلا

vmidov
15-10-2010, 16:29
السلام عليكم

عليكم السلام ورحمه الله وبركاته


اولا ليا تساؤلين هامين
ليه مفيش رامات DDR3 4GB
للشريحة الواحدة فى مصر؟
هل سعرها غالى لدرجة ان مفيش حد بيجيبها؟
وامتى متوقع تنزل مصر؟الذواكر موجوده بالفعل من Apogee وسعرها فى حدود 950 جنيه أعتقد بتردد 1600 لكن لا أذكر باقى الخصائص
وهناك من Gskill بسعر 860 جنيه ولا أذكر خصائصها




سمعنا طبعا عن سعر البروسيسور

والحمد لله وصل مصر بسعر 1800
هل بقى خلاص بديل ل 930؟
وهل هو افضل فى الاداء ولا هو هو بتردد اعلى؟
مين الاحسن فيهم اتوقع انه ال 950 اكيدالمعالج 950 بسعر 1900 ال930 بسعر 1800
غالبا مخطط له أن يكون بديل 930 كما كان مع 920
ولا يختلف عنه فى أى شئ غير التردد وبالتالى ما يجعله أفضل منه بكل تأكيد




وقريت فى موقع ان ال 960 كمان نزل سعرة طيب لو دا حقيقى ليه مجاش مصر؟إن كان الوضع هكذا فلا تسأل عن 960 فقط إذا أين 975 وأين 965 وما إلى ذلك لا تتوقع وجود كل شئ فى السوق المصرى ولا فائده من وجود 960 أصلا فهو لا يختلف عن 920 حتى إلا بالتردد وهذا أمره سهل ولن يدفع أى شخص مبيلغ زياده لشراء 960 وهو بإمكانه شراء 930 أو 950 وجعله 960

i7 950


I7 950
GIGABYTE X58A-UD7
انا شخصيا مرتاح للبوردة دى
هل فى حاجة افضل من دى فى نفس الرانج زى EVGA , ASUS

بالتأكيد هناك أفضل لكن يجب عليك تحديد الميزانيه
الإستخدامات
القطع التى تنوى شرائها



انهى الاحسن دلوقتى؟

ولا OCZ? ولا corsair
ولا ايه؟


Corsair DOMINATOR بالتأكيد



Sapphire HD 5870
اجيب النسخة ال OC ولا العادية مع الاعتبار انى مش هحتاج كسر سرعة خاصة ان حرارة الغرفة فى الصيف عالية جداأى نسخ تتحدث عنها لايوجد فى مصر غير بطاقه واحده Sapphire 5870




Cooler master HAF X
هل محتاج ازود مراوح ليها علشان الغرفة عندى حرشئ تحدده بنفسك بعد الشراء والتجربه هل تحتاج لمراوح أكثر أم لا



Power supply 850 or 1000?cooler master silent pro
انهى الافضل وهل 850 كافى؟
فى الوقت الحالى Antec TPQ850W هو الأفضل أو تنتظر منتجات NZXT Hale90 80Plus Gold
RAM 3 *2 DDR3 MUSHIN Redline?



Western Digital Caviar Black WD1002FAEX 1TB 64MB
هل FAEX
هو الافضل؟
احتمال اركب هارد معاه قديم 250 جيجا هل ساعتها الاحسن انزل الويندوز على القديم ولا الجديد علشان يبقى اسرع فى الكتابة والقراءة؟

القرص لا بديل له Sata 6Gb/s
فى حاله تركيب القرص الأخر Win يكون على القرص الحديث والأخر لزياده المساحه



انا عندى شاشة 19 Benq FP92E
ناوى استخدمها لتقليل التكلفة فهل هتسبب مشاكل مع كارت الفيجا العالى؟ولماذا تقليل التكلفه على أهم جزء بالجهاز والأكثر حياه وإستخداما فى عمر القطع
+ إستخدام شاشه صغيره يجبرك على اللعب على دقت صغيره مما يرفع الحمل من على بطاقه الرسوميات والضغط على المعالج أكثر والنتيجه بطئ فى الألعاب وعدم إستخدام طاقه البطاقه الرهيبه المستخدمه

أرى فى تلك الحاله عليك بشراء GTX460 1GB + شاشه 23 بوصه LED وبلذك تكون إمتلكت زمام الأمور

Fouadsoft
15-10-2010, 16:59
الذواكر موجوده بالفعل من Apogee وسعرها فى حدود 950 جنيه أعتقد بتردد 1600 لكن لا أذكر باقى الخصائص
وهناك من Gskill بسعر 860 جنيه ولا أذكر خصائصها


اول مرة اسمع عن ماركة Apogee
هل الرامات دى موجودة فى مصر وفين مكانها؟ وهل هى افضل من ال OCZ اول Muchine redline
بس سعرها هيخرب الميزانية يعنى 3 الالاف جنية بس علشان 3 قطع فى 4 جيجا رام
ممممم


GIGABYTE X58A-UD7
انا شخصيا مرتاح للبوردة دى
هل فى حاجة افضل من دى فى نفس الرانج زى EVGA , ASUS

بالتأكيد هناك أفضل لكن يجب عليك تحديد الميزانيه
الإستخدامات
القطع التى تنوى شرائها


انا عارف فى افضل فى الجيجابايت UD9 بس انا شايف ان مش هيفدنى الفرق اللى فيها او عدد SLOts
وفرق فلوس ملهاش لازمة ليا

الميزانية الاجمالية اخى هتبقى 9000 او 10000 بالكتير اوى وحرام اوى بعد كدة
اختيارى لل UD7 علشان قوتها و ال 333
علشان الرام ل 24 جيجا ودا شئ هحتاجة فى المستقبل لما الرامات ال DDR3 تنتشر و ينزل سعرها كمان


فى الوقت الحالى Antec TPQ850W هو الأفضل أو تنتظر منتجات NZXT Hale90 80Plus Gold

ممم يعنى الانتك 850 افضل طيب هلى ال 850 كافى حاليا ولا ممكن احتاج ل 1000؟


أرى فى تلك الحاله عليك بشراء GTX460 1GB + شاشه 23 بوصه LED وبلذك تكون إمتلكت زمام الأمور

ليا سؤال هو ليه بتنصحونى بالاقل فى اتجاة نفيديا ليه مثلا مقلتوش 5770؟ :)
هو فى حاجة فى ATI? حسب قراءتى والمراجعات الاجنبية فدائما ATI الافضل ومنذ فترة.. :)

هو شكلى كدة هبقى استلف علشان اجيب شاشة LED 23
طيب تفتكروا انهى الشاشة الافضل دلوقتى؟
مع الوضع فى الاعتبار انى ان شاء الله ناوى الشراء بعد شهرين من الان فهل هيوصل شئ جديد؟

vmidov
15-10-2010, 17:49
اول مرة اسمع عن ماركة Apogee
هل الرامات دى موجودة فى مصر وفين مكانها؟ وهل هى افضل من ال OCZ اول Muchine redline
بس سعرها هيخرب الميزانية يعنى 3 الالاف جنية بس علشان 3 قطع فى 4 جيجا رام

موجوده بالفعل فى مصر وسعرها مبالغ فيه بالفعل أيضا ولكن كما قلت لديك GSkill إذا أردت وهى من كبار الشركات فى صناعه الذواكر
وبالنسبه لسؤالك OCZ و Redline أفضل


ممممم
انا عارف فى افضل فى الجيجابايت UD9 بس انا شايف ان مش هيفدنى الفرق اللى فيها او عدد SLOts
وفرق فلوس ملهاش لازمة ليا

ياعزيزى من ذكر UD9 فهى مبالغ فى سعرها + لابد لها من صندوق مخصص وبالمصادفه هو ما إخترته لكن لايزال سعرها غالى بلا مبرر
ومن جاء على ذكر Gigabyte من الأساس بكل تأكيد لديك ASUS Rampage III Formula
The Beast Of The Best وسعرها يميزها أكثر من مميزاتها التقنيه وهى بسعر 1900 جنيه
أو ASUS RAMPAGE III EXTREME أو EVGA X58 FTW3
ولكن لا فائده منهم برأيى Fromula تكفى إحتياجاتك وأكثر



الميزانية الاجمالية اخى هتبقى 9000 او 10000 بالكتير اوى وحرام اوى بعد كدة
اختيارى لل UD7 علشان قوتها و ال 333
علشان الرام ل 24 جيجا ودا شئ هحتاجة فى المستقبل لما الرامات ال DDR3 تنتشر و ينزل سعرها كمان

ياعزيزى دعك من الشعارات وأساليب الدعايه لكل شركه فإذا تتعبت الدعايات فلن تكسب شئ
وما تقوله موجود وأكثر فى اللوحه التى رشحتها لك إن لم يكن تقريبا جميع اللوحات بشريحه X58
ولكن جيجابايت هى الأستاذه فى الدعايه لا أكثر


ممم يعنى الانتك 850 افضل طيب هلى ال 850 كافى حاليا ولا ممكن احتاج ل 1000؟

سوف تحتاج بحد أقصى 750 واط لجهازك الحالى ولكن لا يوجد نفس الموديل من ANtec TPQ 750W لذلك نصحتك بال850


ليا سؤال هو ليه بتنصحونى بالاقل فى اتجاة نفيديا ليه مثلا مقلتوش 5770؟ :)
هو فى حاجة فى ATI? حسب قراءتى والمراجعات الاجنبية فدائما ATI الافضل ومنذ فترة.. :)

ادائه ممتاز مقابل سعره وهو ما أعتبره شخصيا معجزه نيفديا من زمن طويل بالإضافه إلى أن سعره أو ادائه أعلى من 5770 ولا يقارن به
لايوجد أى مشاكل فى ATI بالعكس ولكن لكل مقام مقال نصحتك ب5870 ولم أنصحك باآ من نيفديا لأن لايوجد ماهو مساوى للأداء والسعر فى مقابل 5870
ATI ليست الأفضل دائما وليست نيفديا أيضا ولكن ATI دائما تقدم أفضل أداء مقابل السعر وهذا ما يجعل الجميع متوجه لها


هو شكلى كدة هبقى استلف علشان اجيب شاشة LED 23
طيب تفتكروا انهى الشاشة الافضل دلوقتى؟
مع الوضع فى الاعتبار انى ان شاء الله ناوى الشراء بعد شهرين من الان فهل هيوصل شئ جديد؟


الله أعلم ما يحدث غدا فما بالك بعد شهرين
عندما تنوى الشراء قم بعمل موضوع للشاشه وحدها وستجد الكثير من يقدم لك المساعده

بالنسبه للتجميعه أنصحك بالأتى

CPU Intel Core I7 950 3.0GHZ = 1900 EGP
M.B. ASUS Rampage III Formula = 1900 EGP
Ram MODEL CMT6GX3M3A2000C8 DOMINTORGT 2GX3 BUS 2000 CL8 AIRFLOW = 1500 EGP
إذا لم تكن موجوده
MODEL CMP6GX3M3A1600C7 DOMINTOR 2GX3 BUS 1600 CL7 = 1250 EGP
HDD Western Digital Caviar Black WD1002FAEX 1TB 64MB Cache = 600 EGP
VGA Nivdia EVGA GTX460 1GB EE = 1500 EGP
PSU Antec TPQ 850W = 925 EGP
Case Cooler Master HAFX = 1250 EGP
DVD SONY 24X DRU-870S = 130 EGP
-------------------------------------------------------
Total = 9705 EGP

ملحوظه صغيره : الصندوق قد لاتجده بالأسواق فى الوقت الحالى فالأفضل أن تبداء التفكير فى بديل
البطاقه 460 برأيى ممتازه وكافيه وإذا أردت الزياده فعليك ب5850 من ATI بسعر 1650 جنيه
وهذا حتى لا تخرج الميزانيه عن السيطره :)

بالتوفيق أخى

Prince_Saad
15-10-2010, 18:20
CPU Intel Core I7 950 3.0GHZ = 1900 EGP
M.B. ASUS Rampage III Formula = 1900 EGP
Ram MODEL CMT6GX3M3A2000C8 DOMINTORGT 2GX3 BUS 2000 CL8 AIRFLOW = 1500 EGP
إذا لم تكن موجوده
MODEL CMP6GX3M3A1600C7 DOMINTOR 2GX3 BUS 1600 CL7 = 1250 EGP
HDD Western Digital Caviar Black WD1002FAEX 1TB 64MB Cache = 600 EGP
VGA Nivdia EVGA GTX460 1GB EE = 1500 EGP
PSU Antec TPQ 850W = 925 EGP
Case Cooler Master HAFX = 1250 EGP
DVD SONY 24X DRU-870S = 130 EGP


++1 تجميعة في قمة الروعة والابداع :ah7:

Fouadsoft
15-10-2010, 19:52
جزاكم الله خير
اشكركم لتعبكم يا شباب والله

بصراحة انا مش مرتاح لاسوس خاصة انى طول عمرى بجيب بوردات جيجا بايت وعمرها ما عملت مشاكل معايا
خلينى اقلك ان الفرق بسيط جدا ال UD7 ب 2050 يعنى مش فرق كبير فمعلش لو يا ريت تقللى ليه انت بتفضل الاسوس عن الجيجا بايت؟ ولو الاكستريم احسن مع انها اغلى من ال UD7 فهل اشترى الاكستريم احسن؟ بص المبلغ المدفوع مش قليل ابدا والفرق مش هيبقى كبير اوى بس انها يهمنى الاداء احسن + التوكيل فى مصر و ان البوردة ميكنش ليها مشاكل ومرتجعات كتير

M.B. ASUS Rampage III Formula = 1900 EGP
VGA Nivdia EVGA GTX460 1GB EE = 1500 EGP

بالنسبة لكرت الفيجا ال 5870 ب 2200 اعتقد يعنى الفرق 700 جنية كتير شوية بس لو قصاد الكفاءة فهو افضلى انى اجيبة وزى ما قلتلكم يا شباب كدة كدة الواحد دفع دم قلبة فمش هتيجى على دى قصاد الكفاءة وكله اكيد بفايدتة لان الواحد بيعمل جهاز لسنين قدام ومش عايز اغير تانى ولا اعمل ابجراد.

بالنسبالى انا مرتاح جدا لل 5870

انما بالنسبة للبوردة فيا ريت تفهمونى ليه الاسوس ممكن تكون احسن؟ انا معنديش مانع فى تغيير وجهتى من الجيجا للاسوس او حتى ال EVGA وانا مقتنع ان ال EVGA قوية جدا بس متهيئلى كان زمان
فلو تقولولى مقارنة بسيطة اللى بيتميز بيها مين عن مين يكون كويس اوى علشان اخد قرار صحيح.

تعبتكم معايا انا عارف بس النقاش اكيد هيفيد الناس خاصة اللى معندوش خبرة او دراية بالهاردوير

vmidov
15-10-2010, 20:20
@Prince_Saad
شكرا لك أخى تجميعاتك ممتازه أيضا ويكفى مجهودك فى التجميعات المصريه مع إنك لست مصرى

@madman1222


بصراحة انا مش مرتاح لاسوس خاصة انى طول عمرى بجيب بوردات جيجا بايت وعمرها ما عملت مشاكل معايا
خلينى اقلك ان الفرق بسيط جدا ال UD7 ب 2050 يعنى مش فرق كبير فمعلش لو يا ريت تقللى ليه انت بتفضل الاسوس عن الجيجا بايت؟

لأن لا يوجد سبب لتفضيل أى من لوحات Gigabyte خصوصا فى المقارنه بالسعر وبرأيى لا سبب لشراء لوحه جيجابايت إن كان هناك مثيل لها من ASUS ولو بنفس السعر ما بالك بأرخص
بالإضافه إلى أن تلك اللوحه مخصصه لهواه كسر السرعه ومزوده بإمكانيات لتهيل العمليه ناهيك عن بطاقه الصوت الموجوده بها


ولو الاكستريم احسن مع انها اغلى من ال UD7 فهل اشترى الاكستريم احسن؟ بص المبلغ المدفوع مش قليل ابدا والفرق مش هيبقى كبير اوى بس انها يهمنى الاداء احسن + التوكيل فى مصر و ان البوردة ميكنش ليها مشاكل ومرتجعات كتير

ولماذا تشترى Extreme وتورط نفسك فى زيداه 600 جنيه أخرى كما قلت لك Formula كافيه وزياده



VGA Nivdia EVGA GTX460 1GB EE = 1500 EGP
بالنسبة لكرت الفيجا ال 5870 ب 2200 اعتقد يعنى الفرق 700 جنية كتير شوية بس لو قصاد الكفاءة فهو افضلى انى اجيبة وزى ما قلتلكم يا شباب كدة كدة الواحد دفع دم قلبة فمش هتيجى على دى قصاد الكفاءة وكله اكيد بفايدتة لان الواحد بيعمل جهاز لسنين قدام ومش عايز اغير تانى ولا اعمل ابجراد.
بالنسبالى انا مرتاح جدا لل 5870

الفكره ليست فى شراء الأقوى أو الأغلى ولكن فيما تحتاجه وفيما لا تحتاجه ولو كان الوضع كما تقول لأنقض كل من لديه الميزانيه على البطاقه GTX480 أو حتى 5970 ولكن يجب تحكيم العقل أولا هل هو كافى لإحتياجاتى أم لا هل هو أكثر منها أم أقل

إما إن كان قصدك شراء جهاز لسنوات دون الحاجه للتحديث فأريد أن أطمئنك إن ظللت متابع جيد لسوق الهاردويير
1- ستجد الحاجه للتحديث بعد حوالى شهرين على الأكثر لبطاقه الرسوميات وإن تعديت ذلك فستريد التحديث بعدها بشهرين أو أربع أشهر أخرى
2- ستريد تحديث المعالج مع بدايه السنه الجديده بإذن الله أى ما يقارب شهر مارس وبالتالى تحديث اللوحه الأم
3- بعد حوالى 6 أشهر ستبداء بالتفكير فى زياده مساحه القرص الصلب أو Hard DIsk إن كنت من هواه الألعاب كما يبدو وإن كنت من هواه الأفلام أيضا

يكفى هذا
أعتقد هذا كافى لكى لا تفكر نهائيا أن أى جهاز تقوم بشرائه سيكفيك لسنين لمجرد إختيارك لأغلى القطع أو أعلاها أداء
ولكن ما سيكفيك لسنين فعلا هو القناعه بما لديك إن كنت مقتنع بالقطع التى لديك فسيكفيك قدر ما تشاء أو حتى يكون خرده ولا يستطيع تشغيل ِأى شئ وهذا سيحتاج سنين طويله سواء لهذا الجهاز أو أقل منه
أتمنى أن تكون وصلت الفكره


انما بالنسبة للبوردة فيا ريت تفهمونى ليه الاسوس ممكن تكون احسن؟ انا معنديش مانع فى تغيير وجهتى من الجيجا للاسوس او حتى ال EVGA وانا مقتنع ان ال EVGA قوية جدا بس متهيئلى كان زمان
فلو تقولولى مقارنة بسيطة اللى بيتميز بيها مين عن مين يكون كويس اوى علشان اخد قرار صحيح.

عموما ولا أختص لوحه عن غيرها
ASUS : أفضل إبداعا واداء وثبات فى كسر السرعه وخصائص أكثر والسعر فى حدود المعقول
EVGA: أستاذه الإضافات (والتى بعضها لا يكون منه فائده) والقوه فى كسر السرعه ولكن أشعر أنها تتعامل مع اللوحات مثل الصندوق تلقى به كل ما لديها إن كان مفيد أو زائد عن الحاجه ... والإبداع لديها ضعيف
Gigabyte : أستاذه دعايه وترويج تقريبا بلا منافس :rolleyes:


تعبتكم معايا انا عارف بس النقاش اكيد هيفيد الناس خاصة اللى معندوش خبرة او دراية بالهاردوير

لا تعب أخى العزيز طالما الموضوع مفيد لك

Fouadsoft
15-10-2010, 21:16
جزاك الله خير اخى الكريم

انا دائما بتابع كل جديد بس تأكد انى عمرى ما افكر فى تحديث بعد شهرين ولا حتى سنة :)
علشان كدة زى منت قلت انى اجيب القطع اللى اقتنع بيها وارضى بها وبالتالى مش هغيرها ولا هحدثها :) لماذا؟ لانها تكفى وتزيد

ما يدعوك لنجديد جهازك دائما هو الاحتياجات اصبحت اكثر مما هو متاح لك. ودا على مدار تجربتى منذ ال 10 سنوات الماضية جبت جهازين فقط الاول لمدة 6 سنوات والاخر 4 سنوات ولم احتاج تجديد اى قطعة الا الهارد فقط لا غير

شخصيا ان شاء الله هجيب كارت ال 5870 وعلى فكرة كنت قلتلى مفيش نسخة OC فى مصر انما لا فى وسعرها 2700 فى HIGH end
والعادية ب 2250 بس غالبا هجيب العادية ان شاء الله فرق السعر كبير وملوش لازمة

وان شاء الله هفكر فى الاسوس جديا

عموما شكرا لك ولمجهودك الكريم
جزاك وجزاكم الله كل خير جميعا

vmidov
15-10-2010, 21:35
جزاك الله خير اخى الكريم

انا دائما بتابع كل جديد بس تأكد انى عمرى ما افكر فى تحديث بعد شهرين ولا حتى سنة :)
علشان كدة زى منت قلت انى اجيب القطع اللى اقتنع بيها وارضى بها وبالتالى مش هغيرها ولا هحدثها :) لماذا؟ لانها تكفى وتزيد

ما يدعوك لنجديد جهازك دائما هو الاحتياجات اصبحت اكثر مما هو متاح لك. ودا على مدار تجربتى منذ ال 10 سنوات الماضية جبت جهازين فقط الاول لمدة 6 سنوات والاخر 4 سنوات ولم احتاج تجديد اى قطعة الا الهارد فقط لا غير

شخصيا ان شاء الله هجيب كارت ال 5870 وعلى فكرة كنت قلتلى مفيش نسخة OC فى مصر انما لا فى وسعرها 2700 فى HIGH end
والعادية ب 2250 بس غالبا هجيب العادية ان شاء الله فرق السعر كبير وملوش لازمة

وان شاء الله هفكر فى الاسوس جديا

عموما شكرا لك ولمجهودك الكريم
جزاك وجزاكم الله كل خير جميعا

المهم أن ترضى عما تشتريه
بخصوص 5870 كنت تتحدث عن Sapphire 5870 وتسأل هل هو أفضل أم النسخه OC
وبالفعل لا يوجد من Sapphire نسخه OC والنسخه التى تتحدث عنها هى Gigabyte
وأنت لم تذكر أنك تقصد نسخه OC عموما فظننت أنك تقصد Sapphire فقط

لكن بالطبع العاديه أفضل لك و لاداعى لفرق المبلغ المهول

وبالتوفيق إن شاء الله

Prince_Saad
16-10-2010, 00:10
@Prince_Saad
شكرا لك أخى تجميعاتك ممتازه أيضا ويكفى مجهودك فى التجميعات المصريه مع إنك لست مصرى
:) صراحة يكفيني فخر ان الاستاذ الكبير (vmidov ) قد مدحني :) واشكرك من قلبي

اخي العزيز ( madman1222 ) اذا كنت ناوي ان تبقى على الشاشة التي لديك انصحك بكرت 460 كما قال لك الاخ ميدو يجب تحكيم العقل أولا هل هو كافى لإحتياجاتى أم لا

اما اذا كنت ناوي تغير الشاشة هات كرت 5870
موفق يا اخي الكريم

moatez
16-10-2010, 00:40
INTEL CORE I7 930 2.8/8M/4.8GT/S - Soket1366 السعر 1800 جنيه
ASUS P6X58D-E (http://www.asus.com/product.aspx?P_ID=gFBKfNyhppW9tDbB&templete=2)السعر 1350 جنيه (http://www.asus.com/product.aspx?P_ID=gFBKfNyhppW9tDbB&templete=2)
G.SKILL TRIDENT 6G (3 X 2G)DDR3 BUS 1600 CL7 السعر 1150 جنيه
2XEVGA GeForce GTX 460 768MB SuperClocked السعر 2500 جنيه (http://eu.evga.com/products/moreInfo.asp?pn=768-P3-1362-ER&family=GeForce%20400%20Series%20Family&uc=EUR)
Western Digital Caviar Black WD1002FAEX 1TB 64MB Cache السعر 600 جنية (http://www.wdc.com/en/products/products.asp?DriveID=792)
Cooler master HAF X السعر 1250 جنيه (http://www.coolermaster.com/product.php?product_id=6653)
ANTEC TruePower Quattro 850W السعر 925 جنيه (http://www.antec.com/Believe_it/product.php?id=NTg=)
SONY 24X DRU-870S السعر 130 جنيه


المجموع 9700 جنيه


بالنسبه للبورده ممتازه جدا وكافيه جدا لقطع الجهاز وده ريفيو عليها :
http://www.overclock3d.net/reviews/cpu_mainboard/asus_p6x58d-e_review/7


كارتين GTX 460 768MB SC افضل من 5850/5870 بفارق ملحوظ جدا وافضل كمان من 480GTX وارخص منه فى السعر ب 700 ج :
http://www.legitreviews.com/article/1364/1/


بس طبعا لاززم مع كل ده تغير الشاشه الى واحده ثانيه تكون 23 بوصه علشان تتمتع بالالعاب ...

Fouadsoft
16-10-2010, 02:23
شكرا ليكم يا شباب وشكرا يا اخ معتز

general bebo
16-10-2010, 15:54
GIGABYTE X58A-UD7
انا شخصيا مرتاح للبوردة دى
هل فى حاجة افضل من دى فى نفس الرانج زى EVGA , ASUS

عليك و على GIGABYTE اختيار ممتاز خصوصا لو حتعمل كسر للسرعه

MUSHIN Redline?
ولا OCZ? ولا corsair
ولا ايه؟

الOCZ

Power supply 850 or 1000?cooler master silent pro
انهى الافضل وهل 850 كافى؟

Cooler master 850w كافى جدا لأنى انصحك بالكارت 460GTX نظرا لان شاشتك 19



و بالتوفيق

Fouadsoft
16-10-2010, 22:02
و بالتوفيق


شكرا لك ولكنى ناوى اجيب شاشة جديدة ان شاء الله ومعاها ال 5870

لكن لماذا اخترت ال OCZ مع انى شايف ان ال Mushine redline 2000 CL6
معدل التباطؤ 6 فاحسن من ال OCZ و ال Corsair
صحيح الثلاث انواع حلوين بس متهيئلى ان معدل التباطؤ هو اللى هيميز ال redline

وهل معنى انك بتقول ان ال 850 كافى مع ال 460 ان ممكن احتاج ل 1000 وات مع ال 5870؟


ايضا انا فعلا لقيت مشاكل واضحة فى درجات الحرارة للاسوس خاصة فى North bridge
وكمان ال UD7 REVISION 2 اهتموا بال OC? بس شالوا الباور خلوة 16بدل 24!!!
والمفروض الاسوس احسن فى الاوفركلوك

general bebo
16-10-2010, 23:07
شكرا لك ولكنى ناوى اجيب شاشة جديدة ان شاء الله ومعاها ال 5870

لكن لماذا اخترت ال OCZ مع انى شايف ان ال Mushine redline 2000 CL6
معدل التباطؤ 6 فاحسن من ال OCZ و ال Corsair
صحيح الثلاث انواع حلوين بس متهيئلى ان معدل التباطؤ هو اللى هيميز ال redline

وهل معنى انك بتقول ان ال 850 كافى مع ال 460 ان ممكن احتاج ل 1000 وات مع ال 5870؟


ايضا انا فعلا لقيت مشاكل واضحة فى درجات الحرارة للاسوس خاصة فى North bridge
وكمان ال UD7 REVISION 2 اهتموا بال OC? بس شالوا الباور خلوة 16بدل 24!!!
والمفروض الاسوس احسن فى الاوفركلوك


فى هذه الحاله اوك بس انصحك بال470 GTX الا اذا كنت من فريق Ati :) اما بالنسبه للباور فال850 كافى فقط مع ال460 لكن لو ستشترى ال5870 او ال470 سيتطلب باضروره شراء باور 1000 او 1200

بالنسبه للGIGABYTE فهى عن تجربه هذا الموديل بالتحديد UD7 افضل كتبريد و كسر سرعه من الAsus

بالنسبه للرامات فسبب اختيارى للOCZ ان الموجود من OCZ تردده 2000 فى حين ان Mushkin redline الموجود 1600 لكن اذا كان موجود اصدار ال 2000 من Mushkin redline فهو افضل بالتأكيد مع انى اعتقد ان OCZ ارخص مع نفس الاداء تقريبا

وبالتوفيق ان شاء الله :ah7:

Fouadsoft
16-10-2010, 23:43
Based on the below link of power supply calculator so the minimum power supply power is 450 so 850 will be enough!
http://support.asus.com/PowerSupplyCalculator/PSCalculator.aspx?SLanguage=en-us

انا فعلا كنت معتقد ان فى 2000 من redline بس بعد المراجعة مفيش فى مصر!

لكن اعتقد اقتراح الاخ العزيز بالنسبة ل MODEL CMT6GX3M3A2000C8
DOMINTORGT 2GX3 BUS 2000 CL8
AIRFLOW
افضل ربما يكون اغلى بس اشعر انه احسن من OCZ المتوفر خاصة انه cl8
لكن المتوفر من OCZ2000 CL9
OCZ Reaper Series 6GB (3 x 2GB) DDR3 2000 CL9 v1.65 Triple Channel Kit

انت ليه من محبى النفديدا على فكرة انا طول عمرى بجيب نفيديا بس المرة دى لا :)
وحقيقى تجاربى معاها عادية لكن حاليا ال AMD منفوق بمراحل ونفيديا فشلت فى التنافس ومن المراجعات الاجنبية ما يثبت ذلك صحيح ترددها اعلى لكن مع الفارق فى درجات الحرارة العالية جدا فانت ليه حاببها هل لمجرد الارتياح لها ولا فى اسباب تقنية؟

بالنسبة للبوردة هل النسخة اللى عندك REV2? و هل جربت الاسوس علشان تحكم بالفرق ولا ايه مصدر التقييم؟

انا شخصيا من محبى جيجا بايت بس والحمد لله مقابلنيش اى مشاكل معاها وهل فى AUTO over clocking فى البوردة زى اللى موجود فى الاسوس؟

لانى غالبا لن احتاج اعمل مانوال اوفر كلوك لكن الاوتو هيبقى مفيد اوى وبصراحة انا اتجننت فى انى اختار انهى واحدة كمان الاسوس الاكستريم واخدة تقييم اعلى فى المنتديات الاجنبية والمراجعات. وطبعا فى مشكلة واضحة جدا مع النورث بريدج فيها حتى الساوث بردة درجات حرارتة اعلى من الجيجابايت. طبعا فى المنتديات الاجنبية عاجبهم الديزين والشكل بتاع اسوس اكتر لكن دا ميفرقش معايا ابدا انا يهمنى الاداء طبعا الشكل ولا يهمنى.

غالبا يعنى اى بوردة منهم مش هتفرق كتير :) المهم الواحد يكون راضى بس اميل دلوقتى للجيجا بعد مشكلة درجة الحرارة بالاسوس.
الاوفر كلوك اوتو هو اللى شاددنى ناحية الاسوس.
الاطمئنان والتجربة الشخصية مع الجيجا بايت هو اللى مخلينى اميل ليها اكتر واتمنى اللى جرب الاتنين او شاف الاتنين فعلا يقلنا على الفروقات ومين اللى بيتميز عمليا على التانى

general bebo
17-10-2010, 00:37
بالنسبه للرامات هناك فرق سعر واضح مقابل اداء متقارب جدا بين DOMINTORGT و ال OCZ

وانا من فريق نفيديا لانها فى كل الاحوال افضل و انا اعتقد العكس تماما لأن فى كثير من المراجعات تتفوق نفيديا و خاصه اصدارات Evga و بالنسبه لدرجات الحراره هى فعلا اعلى و لكن فى الكروت الحديثه و بالتالى من سيشترى كرت حديث و غالى الثمن سيكون لديه تبريد احترافى فلن يكون هناك مشكله

النسخه اللى عندى هى Rev 1 و صديقى لديهIII asus rampage و تعمل بكفائه عاليه جدا حتى درجات الحراره فى حالات الضغط طبيعيه و الفرق غير ملحوظ بالمره ولا تحتوى الGigabyte على خاصيه ال Auto Overcloack و لكن سهل جدا تعمل Manual overclock خصوصا انه يوجد مواضيع كثيره على المنتدى لكيفيه عمله لدرجه انه يجعله Auto :D

اما بالنسبه للباور انا بنصحك بال1000 antec or coolermaster عشان تبقى مريح نفسك لو اضفت كارت شاشه اضافى بعد مده مثلا

Prince_Saad
17-10-2010, 02:43
انت ليه من محبى النفديدا على فكرة انا طول عمرى بجيب نفيديا بس المرة دى لا
وحقيقى تجاربى معاها عادية لكن حاليا ال AMD منفوق بمراحل ونفيديا فشلت فى التنافس ومن المراجعات الاجنبية ما يثبت ذلك صحيح ترددها اعلى لكن مع الفارق فى درجات الحرارة العالية جدا فانت ليه حاببها هل لمجرد الارتياح لها ولا فى اسباب تقنية؟
انا بالنسبة لي اذا كان كرت من نفيديا وكرت من ATI متقاربين في الاداء ... افضل كرت النفيديا لأني مهتم جدا بمسألة الفيزكس :) واقرب مثال : كرت 450GTS وكرت ATI 5750 متقاربين في الاداء وبما انهم متقاربين في الاداء افضل النفيديا لأني مهتم بالفيزكس كما قلت .


انا فعلا كنت معتقد ان فى 2000 من redline بس بعد المراجعة مفيش فى مصر!

لكن اعتقد اقتراح الاخ العزيز بالنسبة ل MODEL CMT6GX3M3A2000C8
DOMINTORGT 2GX3 BUS 2000 CL8
AIRFLOW
افضل ربما يكون اغلى بس اشعر انه احسن من OCZ المتوفر خاصة انه cl8
لكن المتوفر من OCZ2000 CL9
OCZ Reaper Series 6GB (3 x 2GB) DDR3 2000 CL9 v1.65 Triple Channel Kit
هات الاسرع واللي يريحك :)
موفق يا اخي الكريم