المساعد الشخصي الرقمي

مشاهدة النسخة كاملة : محتاج tv box لقنوات الدش-220-ج



yehiazakaria
05-06-2011, 02:25
انا محتاج اشغل قنوات الدش على الكمبيوتر

1- انا عندى رسيفر وكنت بفكر اجيب tv box
kworld 1920ex حاجة زى كده .. سؤالى هل ده هيبقى عملى فى استخدامه وهقدر افصل الجهاز والرسيفر فى اى وقت واشتغل كمبيوتر عادى ولا ايه وضعهم عمليا فى الاستخدام ؟
http://www.kworld-global.com/main/prod_in.aspx?mnuid=1248&modid=6&prodid=26&flag=1

2- انا شايف ان فيه شباب بيجيبوا tv box usb زى النوع ده
Tevii S630 USB DVB-S TVBox
http://www.compume.com/index.php?target=products&product_id=33374
بس قريت ان ليه عيوب بس سؤالى هل الانواع اليو اس بى زيها زى الرسيفر فى الاستخدام ولا لا .. عايز نصيحتكم من اى حد ليه تجربة فى الحوار ده ؟ لانى مش هايز اقابل مشاكل فى المستقبل

وانا عندى شاشة 17 فلات وقدامى كام شهر و هشترى led screen 20 inch يعنى محتاج نوع يخدمنى دلوقت ويكون تمام مع اللى هشتريه فى المستقبل

ايه احسن نوع متوفر فى مصر اقدر اشتريه و منين ؟ ويكون احسن اداء و عن تجربة استخدامكم لان السوق فيه كتير جدا انواع صينى وانا ميزانيتى من 100 : 220 جنيه

سؤال اخير : حد عنده افكار تانية لتشغيل الريسيفر على شاشة الكمبيوتر ؟؟

الحمادوى
05-06-2011, 06:13
حضرتك محتاج تشغل قنوات الدش على الكمبيوتر ولا على شاشة الكمبيوتر لانها تفرق


ال tv box بيحول شاشة الكمبيوتر الى تلفزيون ممكن تستقبل عليه الرسيفر والقنوات الارضية والتحكم بها عن طريق ريموت
وهو يشعل الشاشة دون الحاجة الى الكمبيوتر نفسه بمعنى انت بتوصل الرسيفر وتتفرج عاى


وممكن توصل الرسيفر والكمبيوتر ويتم التنقل بينهم عنطريق زر فى ال tv box


ولو ناوى تجيب شاشة LCD لابد من شراء tv box مخصص لها علشان نسبة العرض


واعتقد انه هيشغل شاشتك العادية ايضا وسعره حوالى 150جنيه


اما موضع ال Tevii S630 USB DVB-S TVBox


فهو عبارة عن كارت ستالايت بيحل محل الرسيفر تماما ولا تحتاج الى الرسيفر فقط تحتاج طبق ليتم توصيله به زى الرسيفر تمام وهونفس الطبق بتاع الرسيفر


لكن هنا لابد من تشغيل الكمبيوتر لان سوفت وير الكارت بتم تشغيله والتحكم به عن طريق سطح المكتب
وميزته انك ممكن تسجل منه مباشرة الى الهارد على عكس tv box لا يمكن التسجيل منه


وللاسف معظم مكونات الكمبيوتر وملحقاته صينى ولن تجد غيرالصينى فى مصر


واى استفسار ياريت توضح
انت محتاج تشغل قنوات الدش على الكمبيوتر ولا على شاشة الكمبيوترومحتاج تسجل من القنوات ام لا


********************
الفكرة الجديده هى
مستقبلا ان شاء الله لما تشترى شاشة LCD بيكون عليها مدخل DVI او HDMI والرسيفر الجديد الداعم لل HD بيكون متوفر عليه مثل هذه المخارج وبتم توصيله مباشرة
للعلم مستقبلا فى حالة استبدال الرسيفر

yehiazakaria
05-06-2011, 09:04
الف شكر على ردك وانا فاهم الفرق فى فكرة التشغيل بين الاتنين .. بس انا اعتقد انى اكون ميال للتشغيل على شاشة الكمبيوتر مؤقتا لان بجد انواع DVB-S2 من اليو اس بى غالية ومفيش اختيارات فى السوق منها ومش هحتاج اسجل حاليا

انا بس سؤالى انا لو عايز اشتغل على الكمبيوتر بس هل tv box المفروض انه يكون شغال ولا هقدر افصل الكهربة عنهم نهائيا وجهازى شغال عادى (محتاج النقطة حد يوضحها كويس مش عايز شاشتى ترتبط بالـ tv box فى الحالة اللى هكون فيها مش محتاج الرسيفر) يعنى اكنى بضيف نظام مستقل بكهربته لو احتاجته اشغله ؟

وطبعا انا لو بعمل داونلود مثلا او بشيت صوت ممكن احول tv box للرسيفر والكمبيوتر شغال برضه . واتفرج على الرسيفر صح كده ؟

وفى الاخر اجيب نوع ايه ومنين ؟ انا للاسف مبقدرش انزل من البيت لظروف مرضية محتاج حد يقولى على مكان بيتباع فيه وانا هبعت حد يشتريه .................

الحمادوى
05-06-2011, 11:32
شفاك الله وعافاك اخى الكريم

وطبعا انا لو بعمل داونلود مثلا او بشيت صوت ممكن احول tv box للرسيفر والكمبيوتر شغال برضه . واتفرج على الرسيفر صح كده ؟

ممكن فيه زر بيحولك اما الكمبيوتر او الرسيفر على الشاشة

لكن للاسف لازم يكون التى فى بوكس يكون متوصل بالكهربا عند فصل الرسيفر او الكمبيوتر

والنوع
ممكن تجيب GADMEI او Live View
لكن لازم يكون يستخدم للشاشة ال LCD
كل الموجود صينى
ومكان بيعه بيكون عند معظم محلات قطع الكمبيوتر شوف اقرب محلات لسكنك

yehiazakaria
11-06-2011, 13:12
قمت بشراء هذا النوع من Tv Box

Gadmei TV5821e ... lcd support ... made in china

http://www.gadmei.com/en/product_show.aspx?id=10

الجهاز انا جبته من باب اللوق .. وعامل 135 جنيه .. ولسة مجربتوش

e_amr
02-07-2011, 19:39
سؤال للاخوة
هل يمكن عمل التي في بوكس كريسيفر
يعني اوصل كابل الدش بالتى في بوكس مباشرة والتى في بوكس بالشاشة ؟

yehiazakaria
02-07-2011, 21:25
بص هوة التى فى بوكس تونر بيخلى الشاشة عبارة عن تلفزيون وتقدر تشغل اى حاجة عن طريقه بلاى ستيشن او دى فى دى بلاير او رسيفر او اريال خارجى (يعنى لأ انت لازم يبقى معاك رسيفر وهتوصلو بالتى فى بوكس وتختار بالريموت انت عايز شاشتك مونيتور ولا تلفزيون) وده النوع اللى معايا وتاخد بالك وانت بتشتريه انت هتجيبه للشاشة الفلات العادية ولا ال سى دى لان الال سى دى اغلى بحوالى 50 جنيه وعلى فكرة الال سى دى بيشغل اى شاشة . واخيرا ميزة النوع ده انك مش محتاج كيستك تبقى شغالة عشان تستفيد من التى فى بوكس ,اطفى الكيسة او سيبها شغالة (لو بتعمل داونلود مثلا) ......

اما لو انت محتاج نوع يعمل كرسيفر فانت هدور على تى فى بوكس يو إس بى وده بيشتغل كرسيفر فقط وده انت لازم تكون مشغل الكيسة عشان تتفرج عليه. بيتبرمج وفيه انواع منه بتقبل شيرينج كمان . وكمان فيه حل تانى انك تجيب كارت ساتالايت داخلى تركبه فى البوردة وهيعمل اللى انت عايزه كمان .. انا طبعا افضل انك تجيب يو اس بى تى فى بوكس عشان خارجى ومشاكله قليلة ومش هيتعب البوردة فى حرارة او تهنيج يضر بالبوردة.

يارب اكون ساعدتك .. ملحوظة انا قلبت الدنيا وملقتش كروت او يو اس بى بوكس انا سألت كتير بجد وملقتش حد بيجيبه لكن التونر هتلاقيه موجود بس كله صينى.