المساعد الشخصي الرقمي

مشاهدة النسخة كاملة : مطلوب افادة من الخبراء في هذه التجميعة



ahmed79ameen
11-07-2012, 02:11
بسم الله الرحمن الرحيم ... السلام عليكم ورحمة الله وبركاته

أقصى ميزانية محددة:3500 جنيه مصري
- استخدامك للجهاز:العاب وتصميم 3D وارشيف
- حجم الشاشة و الدقة : شاشة 19 بوصة 1024 * 768 ... ولو بتدعم دقة اكتر يبقي كويس برضو
- القطع التي تنوي شراءها: جهاز كامل من مجاميعه
- ميعاد شراء الجهاز: يوم الاحد القادم باذن الله
- مكان الشراء: سوق العصر بس لسة ما حددتش المحل بالظبط

كل الموضوع اني ناوي اشتري التجميعة دي وعايز آخد رأيكم فيها (الكمبيوتر للالعاب) بميزانية لا تتعدي ال 3500 جنيه مصري
Gigabyte GA-H61M-S2P-B3 Socket 1155 motherboard
Intel® Core™ i3-2120 3.30GHz Processor
1x Kingston ValueRAM 4GB DDR3 1333MHz CL9
Seagate Barracuda ST2000DM001 2TB
Thermaltake V3 BLACK EDITION mid tower +450w PSU
Samsung SyncMaster S19B300B 19 inch LED LCD monitor (Malaysia)
SAPPHIRE HD 6770 1GB GDDR5
Keyboard + Mouse PCI Sockets Or USB Sockets

المطلوب بقي اللآتي :::
1- هل التجميعة دي كويسة بالنسبة للميزانية اللي معايا و تمنها كام دلوقتي (انا مش هقدر ازود عن 3500 ولا حتي جنيه واحد للاسف) ؟
2- هل الباور كافي لكارت الشاشة ؟
3- هل كارت الشاشة ده هيدي آداء كويس مع الشاشة ال 19 والمعالج ده ؟
4- يا ريت حد يقولي قدرة كارت الشاشة ده ايه .... يعني ممكن يشغل لعبة ايه مثلا من الالعاب الحديثة علي اعلي متطلبات ؟
5- هل الكيسة في التبريد كويسة لأن الحجرة بتاعتي قبلي وهل محتاج اجيب مبردات خارجية ولا الكيسة كويسة ؟

ملحوظة : الهارد ديسك ده كبير شوية انا عارف بس لأن عامل Archive BackUp في الكمبيوتر

Mahmoud Essam
12-07-2012, 00:12
شكراً أخى الكريم على إلتزامك بقوانين المنتدى و بالنسبة للتجميعة هى ممتازة أخى بس لو تقدر تزود شوية و تجيب كرت SAPPHIRE HD 7770 GHz Edition OC 1GB GDDR5 بسعر 850 ج هبقى احسن مستقبلا و لكن برضوا كرت HD 6770 كويس على الدقة الشاشة 19 بوصة و تقدر تشغل لعبة battlefield 3 و nfs the Run على اعدادات عالية و علما ان دقة الشاشة 19 بوصة بتكون 1366x768 .

azzelden
12-07-2012, 03:20
التجميعة جيدا جدا وزى ما قالك حوده حاول تبدل بالكرت النصحك بيه لو امكن والكيسة جيده جدا والباور فيها كافى للكارتين بس هاتحتاج تشترى لها مراوح اضافيه يعنى مروحة او اتنين وماتخافش من الحرارة لان البروسيسور حراته جيده ومش بترتفع عن 58 فى الضغط او 60 بالكتير فى النار الاحنا فيها ديه والكارت ال 6670 حرارته اقصى شئ برضو فى الصيف بتكون 58 الى 60 او 63 وفى الشتاء اقصى شئ 57 فى الضغط فى الجيمز القوى

ahmed79ameen
12-07-2012, 05:03
اشكرك يا استاذ حودة بجد رفعت معنوياتي :)

ahmed79ameen
12-07-2012, 05:04
سؤال يا استاذ عز الدين ....... معلش انا ماعنديش خبرة في المراوح الخارجية في نصيحة تحب تقولهالي بما انك عارف شكل الكيسة وعارف تحتاج مروحة شكلها عامل ازاي
وسؤال تاني بعد اذنك ..... الأحسن اني اجيب التجميعة دي كلها من محل واحد (وليكن مثلا ) ..... ولا اجيب القطع دي منفصلة من محلات مختلفة ؟؟؟؟ معلش بقي لأني اول مرة اجمع بنفسي حاجة :)

وسؤال تاني برضو كارت ال 7770 بيشتغل مع شاشات 19 كويس ولا لازم اجيبله شاشة 21 ؟؟؟؟؟

SemsemBanhawy
12-07-2012, 13:28
التجميعة مميزة جدأ وانا برضو ناوي اجيب تجميعة قريبة من التجميعة بتاعتك ولكن ربك يفرجها ويجي فلوس علشان أجيب اقل حاجة الـ 7770 النسخة المكـسورة علشان يشتغل كام سنة قـدام
وبالنسبة للمراوح للكيسة اخطف دي وأنت بتجميع التجميعة
http://www.********.com/product.php?id=11163

بخصوص تجيب التجميعة منين في محلات بيكون فرق السرعة حوالي 10 ج لو تفرق معاك اوكي هات كل قطعة من أرخص محل عارضها
7770 يشتغل مع شاشة 19 كويس ويشتغل مع 21 و 23 أيضا

ahmed79ameen
12-07-2012, 13:44
متشكر علي الرد وربنا يسهل ... هي الفكرة ان اللي هوفره في السعر هجيب بيه مروحة للكيسة بحيث اني ما ازيدش عن 3500 بس اهم حاجة أكيد كارت 7770 ادائه كويس مع شاشة 19 ؟؟؟؟؟؟

Mahmoud Essam
13-07-2012, 01:37
نعم أخى كرت HD 7770 يعمل على الشاشات 19 و 20 بكفاءة و تقدر تشغل اى لعبة على اعلى الاعدادات . و اى استفسار انا تحت امرك .

ahmed79ameen
13-07-2012, 06:56
الأمر لله ... واشكرك يا حودة علي الرد

azzelden
13-07-2012, 09:22
معلشش اتأخرت فى الرد عليك الكارت طبعا يشتغل على اى شاشة وكل ما حجم الشاشة كان اصغر يعنى رزليوشن اقل يعنى تقدر تلعب جيمز على الالترا والهاى لوقت اطول وبخصوص الشراء عادى جدا انك تشترى كل قطعة من محل مختلف او من محل واحد مش هاتفرق كل قطعة معها فاتورة وضمان واتجه للمحل الفيه السعر الارخص طبعا اوفر لك وبالنسبة للمراوح اعتقد انها ممكن تكون بتيجى معها مروحة واحده وانت تشترى الباقى وعندك خيارين اما تشترى مراوح اصليه وهاتكون البتناسب الكيسة سعرها من 30 اى 40 جنيه المروحة الواحده وممكن تلجأ للصينى هخى بتكون ارخص والاداء بيقى مع الوقت بتضعف قوتها طبعا بس مع البروسيسور والكارت ده اخرك فى الكيسة مروحتين او 3 وممكن تشكل اصلى على صينى واى استفسار تانى لو اتأخرت عليك فى رد ممكن تبعتلى على الخاص او رسائل الزوار

ahmed79ameen
13-07-2012, 18:28
ولا يهمك يا عز الدين ..... ومتشكر علي ردك