المساعد الشخصي الرقمي

مشاهدة النسخة كاملة : [مشكلة محلولة] مشكلة راوتر فودافون



mwm1020
25-08-2012, 15:21
السلام عليكم اخواني
عندي روتر router echolife hg520c
وطبعا هو فودافون وعاوز اشغلة علي شركة اخري
ياريت الي يقدر يقولي اخلية يشتغل علي شركة لينك ازاي
كل لما اعمل الكونفجيوراشن واطفي الراوتر او اعملة ريستارت بيرجع زي ماكان علي اعدادات فودافون وحتي بعد ما بعمل الاعدادات مع الشركة وكله تمام بردو مش بيشتغل النت خالص ارجو حل المشكلة دي

وشكرا طبعا لمنتدانا الكبير دايما

Ahmed.Elsayed
25-08-2012, 19:32
أنا عندى نفس الراوتر لكن خدته من شركة Tedata لكن أخر حرف فيه B مش C

ويعنى أنت لغيت الأشتراك مع شركة فودافون علشان تشترك مع لينك ؟! يعنى من سئ لأسوأ!

mwm1020
25-08-2012, 20:40
غلطة عمري والله اشتراكي مع لينك كفاية جدا بعيدا عن الخدمة اللي مايعلم بيها الا الله ( خدعه العملاء )
فظييييييييييييييييييعه والله

ياريت حد يلاقي حل للراوتر دة علشان عايز استفيد من الواير ليس

Ahmed.Elsayed
25-08-2012, 21:12
جرب شحن فريم وير جديد للراوتر.

mwm1020
25-08-2012, 22:22
طيب اعمل كدة ازاي ياريت تشرح لنا يابشمهندس

Ahmed.Elsayed
25-08-2012, 23:05
مش عارف ليه حاسس وأنت بتقول بشمهندس أنك بتقولها بتريقة!

الشركات المزودة للخدمة بتشترى راوترات معينة والشركات المنتجة لهذه الراوترات لا تقدم خدمة ما بعد البيع لهذه الراوترات

لماذا تقوم هذه الشركات بعمل هذا ؟

لأن شركات المزودة للخدمة تقوم بتعديل ملف الفرموير الخاص بها ليعمل مع مزود خدمة الأنترنت الخاص بها فقط ولا يعمل مع أى مزود خدمة اَخر

فالحل هو شحن ملف الفرموير الأصلى الخاص بهذا الراوتر

وعند البحث وجدت برنامج يستطيع أن يقوم بتحديث بعض أنواع الراوترات منها الراوتر الخاص بى HG520b ولا أعلم إذا كان HG520C من الراوترات التى يدعمها أم لا ولكن جرب وأخبرنى بنفسك

وهذا هو رابط البرنامج >>> http://m2.ttxm.co.uk/files/talktalk/firmwareUpdateTool/v1_0/tool/TalkTalk-Router-Update-Tool.exe

وأى خطر ممكن أن يلحق بالراوتر بأى شكل من الأشكال أنا غير مسئول عنه فقم بعمل ذلك على مسئوليتك الشخصية

وعلى العموم علشان ما تقلقش أنا بجرب البرنامج عندى وهقولك على الأخبار وربنا يستر :rolleyes:

Ahmed.Elsayed
26-08-2012, 00:05
على فكرة الظاهر أن مفيش طريقة ينفع يتعدل بيها ملف الفرموير لأنى جربت البرنامج وجربت تحميل ملف فرموير الأصلى وملف فرموير معدل وكل المحاولات فشلت للأسف.

mwm1020
26-08-2012, 10:11
اولا قبل اي حاجة انا اسف علي اي فهم غلط وصل لحضرتك بكلمة (باشمهندس) والله انا بقول بتقدير
انا من اشد المحبين للمنتدي دة بكل اقسامة وكتييير جدا استفدنا بمعلومات منة وربنا يزيد المنتدي باهل الخبرة يارب

ثانيا / شكرا علي كل محاولات سعادتك حقيقي وربنا يخلي منتدانا الغني بالمعلومات والمعرفه

Ahmed.Elsayed
26-08-2012, 23:16
أنا سئلت فى الموضوع ده وعرفت أن شحن الفرموير بيتم عن طريق شحن شريحة الفرموير عن طريق وصلة أسمها الجيتاج بتوصل الراوتر على جهاز شحن مخصوص ولكن معرفش حد بصراحة بيعمل الحكاية دى فأسئل متخصصين الصيانة فى المولات الكبيرة زى مول البستان الموجود فى التحرير ومول سوق العصر الموجود فى الخليفة المأمون وبأذن الله هتلاقى حد بيعرف يعمل الموضوع ده.

وحيد1
26-08-2012, 23:42
انا الروتر شغال عتدى بقاله سنه على شركه تى اى داتا كل اللى عملته وديته لفرع الدقى واستلمته بعد نص ساعه شغال على الخدمه بتاعت
تى اى داتا

Ahmed.Elsayed
27-08-2012, 19:01
انا الروتر شغال عتدى بقاله سنه على شركه تى اى داتا كل اللى عملته وديته لفرع الدقى واستلمته بعد نص ساعه شغال على الخدمه بتاعت
تى اى داتا

الراوتر فى البداية أستلمته من شركة أيه ؟

وحيد1
27-08-2012, 21:07
ده موضوع ليا قديم عن نفس الروتر
http://arabhardware.net/forum/showthread.php?t=261351&highlight=

وحيد1
27-08-2012, 21:20
الراوتر فى البداية أستلمته من شركة أيه ؟


الروتر كان شغال على خدمه فودافون

Ahmed.Elsayed
28-08-2012, 12:50
تمام كويس جداً كنا عايزين نعرف فين مكان فرع الدقى يالظبط ؟ والفرع ده خاص بشركة أيه ؟

وحيد1
28-08-2012, 13:36
فرع من فروع تى اى داتا العنوان





فرع الدقى
94 ش التحرير
الدقى, الجيزة



هتروح هناك سلم الروتر وهتستلمه بعض نص ساعه شغال تمام

mwm1020
29-08-2012, 14:59
انا شغلت الراوتر وبقي شغال تمام علي خدمة لينك وكله مية مية والف شكر لشباب احلي منتدي

القصة كلها ان خدمة العملاء ربنا يبنتقم منهم كانوا بيعملوا معايا خطوات الاعدادات غلط وانا شفت الاعدادات علي الراوتر العقيم بتاعهم وطبقتها علي راوتر فودافون وشغال كله زي الفل شكرا ياشباب