المساعد الشخصي الرقمي

مشاهدة النسخة كاملة : القاهرة - تجميعة للالعاب والجرافيك بـ 2400 جنيه ..



Ahmed Barakat96
29-10-2012, 23:52
- أقصى ميزانية محددة: 2400
- استخدامك للجهاز: العاب وجرافيك وكدا :D
- حجم الشاشة و الدقة (Resolution) التي تستخدمها: 20 " - 1600 * 900
- القطع التي تنوي شراءها: Motherboard + CBU + PSU + HDD
- القطع التي ستعيد استخدامها من الجهاز القديم: Ram 4 GB DDR3 1333 MHz 2*2 , كيس تجاري
- ميعاد شراء الجهاز: يوم الاربعاء الجاي باذن الله او الي بعده ..
- مكان الشراء: سوق العصر
- محل سكنك: القاهرة

انا دماغي في تجميعة :
Intel Core i5 3470 .. 1170
Gigabyte H61M-S2P .. 330
WDC 1 TB Blue .. 500
Antec 450w PSU .. 250
total .. 2250

انا اريد معرفة الافضل بين ، Segate 1TB , WDC 1 TB Blue ..
واريد معرفة هل الباور الانتيك هو الافضل في هذه الفئة ..
ولو حد شايف تجميعة احسن من دي ياريت يقولي :)

mena adly
30-10-2012, 00:01
من رأيي استبدال البروسيسور ب i3 2120 وتمنه 685 وتضيف كارت شاشة زي 7770 مع العلم ان بقية التجميعة ممتازة و الباور الانتك ممتاز بالنسبة للهارد عن نفسي افضل البلو ودة رأي مش أكتر استنى رأي الخبرا و ألف مبروك مقدما :)

Ahmed Barakat96
30-10-2012, 00:05
شكراً يا صاحبي علي ردك :)
للاسف كدا الفلوس هتزيد مني عن المتاح ..
انا ان شاء الله هجيب كارت شاشة في اسرع وقت ..لو جبت تجميعة الـ i5 ..
لكن برضه نشوف كل الاراء :)

Mahmoud Essam
30-10-2012, 00:17
مرحبا بك أخى الكريم و انصحك بهذه التجميعة :
Intel® Core™ i5-3470 Ivy Bridge 3.2GHz 6MB Cache : 1165 LE
ASRock H61iCafe Socket 1155 : 440 LE
Seagate Barracuda ST1000DM003 1TB 7200 SATA 6Gb/s : 460 LE
Antec VP550 550W PSU : 360 LE
TOTAL : 2425 LE
بالنسبة للفرق بين WD 1TB Blue و SeaGate Barrcuda 1TB فالافضل هو SeaGate لان ادائه مُقارب و مُساوى احيانا من البلاك .

Ahmed Barakat96
30-10-2012, 00:34
شكرا يا اخ حوده :)
التجميعة دي احسن من تجميعتي ..
كدا حتي الان هجيب /
i5 3470
Gigabyte H61 لاني مش محتاج USB3 والساتا 3 معتقدش هيفرق كتير ، هل في فرق كبير ؟
Segate 1TB
Antec 450 W لان الـ 550 مش هحتاجهم ، لاني حتي لو جبت كارت اقصي حاجه هجيبها هتكون 7770 وده يشتغل علي باور 350 حتي :)
وكده التوتال 2205
وادينا بنوفر لكارت الشاشة :)
لو في اراء تاني ، منتظرها :)

Mahmoud Essam
30-10-2012, 00:51
شكرا يا اخ حوده :)
التجميعة دي احسن من تجميعتي ..
كدا حتي الان هجيب /
i5 3470
Gigabyte H61 لاني مش محتاج USB3 والساتا 3 معتقدش هيفرق كتير ، هل في فرق كبير ؟
Segate 1TB
Antec 450 W لان الـ 550 مش هحتاجهم ، لاني حتي لو جبت كارت اقصي حاجه هجيبها هتكون 7770 وده يشتغل علي باور 350 حتي :)
وكده التوتال 2205
وادينا بنوفر لكارت الشاشة :)
لو في اراء تاني ، منتظرها :)

الساتا 3 بتفرق فى الهاردات SSD اكثر و USB 3 بتفرق فى الهاردات External اكثر بس انا كتبتلك البوردة عشان فاكر انك عامل ميزانية خاصة للكرت يعنى مش عايز توفر حاجة من الميزانية المخصصة لهذه القطع فلذلك كتبت لك هذه اللوحة يمكن تشترى هارد SSD فى المستقبل او External لكن عايز توفر يبقى GB H61 اكثر من كافية . و بالنسبة للباور برضوا كنت كاتبلك باور 550W عشان لو كنت هتشترى كرت مثل HD 7850 لكن لو مش هتزود عن كرت HD 7770 يبقى باور 450W اكثر من كافى .

Ahmed Barakat96
30-10-2012, 00:53
شكراً يا حبي علي ردك :)
خلاص كده اشطة :D
انا التجميعة دي حتي الان هجيبها ..
لو في اراء تانية منتظرها :)

Ahmed Barakat96
30-10-2012, 12:44
هل في اراء تانية ، ولا اتوكل علي الله في دي ؟

MISS.NOUR
30-10-2012, 15:13
هل في اراء تانية ، ولا اتوكل علي الله في دي ؟


بلاش معالج ثنائى زى i3 هو ممتاز بس خليها معالج رباعى لان ادائه ممتاز مع الالعاب و هيفيدك لو حبيت تجيب كارت اقوى من 7770

لكن i3 هيحصل عنق زجاجه مع اى كارت قوى جدا زى 7870 و gtx670 فالافضل معالج رباعى زى اللى انت اخترته وبالتوفيق

:)

Ahmed Barakat96
30-10-2012, 20:50
شكراً علي الرد ..
كده انا الحمد لله استقريت بشكل نهائي علي الاختيارات ..
ان شاء الله اجيبها بكرا او الاسبوع الجاي حسب الظروف :)

max2005
31-10-2012, 12:47
اعذرنى أخى على التدخل فى موضوعك ولكنة افدنى جدا وكأن انا اللى بيطرح الأستفسار وده استفسار : ما هى الهاردات الExternal زى ايه وهل سعرة فى متناول اليد وما هى الهاردات ال SSD وهل السعر فى متناول اليد.

Ahmed Barakat96
31-10-2012, 16:26
تم بفضل الله شراء معظم التجميعه .. :)
Intel Core i5 3470 .. 1170 LE
Gigabyte H61M-S2P .. 345 LE
Segate 1 TB 7200 RPM .. 470 LE
Cooler Master Extreme Plus 460 w PSU .. 270 LE
Total .. 2255 LE

تم الشراء من هاي اند :)
وتم الاتفاق علي ان اي مشكلة في الباور سبلاي سيتم استبداله فورا ..

Mahmoud Essam
31-10-2012, 19:04
تم بفضل الله شراء معظم التجميعه .. :)
Intel Core i5 3470 .. 1170 LE
Gigabyte H61M-S2P .. 345 LE
Segate 1 TB 7200 RPM .. 470 LE
Cooler Master Extreme Plus 460 w PSU .. 270 LE
Total .. 2255 LE

تم الشراء من هاي اند :)
وتم الاتفاق علي ان اي مشكلة في الباور سبلاي سيتم استبداله فورا ..
مبروك أخى احمد على الجهاز و أُعبال كرت الشاشة و عايزينك تعملنا مراجعة تمام للجهاز كدة :).

Mahmoud Essam
31-10-2012, 19:18
اعذرنى أخى على التدخل فى موضوعك ولكنة افدنى جدا وكأن انا اللى بيطرح الأستفسار وده استفسار : ما هى الهاردات الExternal زى ايه وهل سعرة فى متناول اليد وما هى الهاردات ال SSD وهل السعر فى متناول اليد.
أخى الهاردات External هى هاردات USB و بتستخدم بدل الفلاشات لانها تتميز بمساحتها العالية مقارنة بالفلاشات و سرعتها العالية مقارنة بالفلاشات لكنها متنفعش هاردات اساسية ينزل عليها نظام للجهاز كالهاردات العادية لانها مخصصة فى الاساس لنقل البيانات و تخزنها زى الفلاشات . و بالنسبة للهاردات SSD ديه عبارة عن هاردات صلبة يعنى اية صلبة اقولك الهاردات العادية اللى هيه HDD و تسمى الهاردات الميكانيكية بتتكون من حاجة زى الاسطوانات تدور داخل الهارد و بيبقى داخله حاجة زى الاسطوانات زى اللى فى الصورة :
http://www.pcguide.com/ref/hdd/z_ibm_ultrastar36zx.jpg
و بتتميز بالسرعة المناسبة و المساحات العالية و السعر المناسب و ديه المنتشرة طبعا و اقوى شركات لصناعة هذه الهاردات بتكون Westren Digital و Seagate و سبب تسمياتها بالميكانيكية لان الاسطوانات بداخلها بتكون فى حالة حركة عند تشغيل الجهاز . لكن الهاردات SSD بقى اللى عايزين نتكلم عليها بتكون عبارة عن شريحة الكترونية مش اسطوانات زى الهاردات الميكانيكية يعنى الهارد بيكون صامت زى الفلاشة عشان كدة اسمها هاردات صلبة لان لا يتحرك بداخلها اى شئ او تصدر صوت على عكس الهاردات الميكانيكية و الهاردات ديه بتتميز بالسرعة العالية جدا جدا بس للاسف سعرها عالى و مساحتها ليست كبيرة و بتستخدم فى الاخص للناس اللى بيستخدموا برامج تصميم ثقيلة و برامج ضغط لان هذه البرامج تحتاج سرعة قراءة و كتابة عالية جدا مثل التى توفرها هاردات SSD .

mena adly
31-10-2012, 20:00
تم بفضل الله شراء معظم التجميعه .. :)
Intel Core i5 3470 .. 1170 LE
Gigabyte H61M-S2P .. 345 LE
Segate 1 TB 7200 RPM .. 470 LE
Cooler Master Extreme Plus 460 w PSU .. 270 LE
Total .. 2255 LE

تم الشراء من هاي اند :)
وتم الاتفاق علي ان اي مشكلة في الباور سبلاي سيتم استبداله فورا ..

الف الف مبروك يا أحمد وعقبال الكارت ان شاء الله :)
ومتقلقش من الباور هو معايا من حوالي سنة ونص وكنت جايبه من هاي اند برضه وشغال زي الفل :)

Ahmed Barakat96
31-10-2012, 21:43
الف شكر يا شباب علي الردود :)
تم بفضل الله تركيب الجهاز ،، وسيتم الضغط عليه ببرنامج Aid64 وموافاتكم بالنتائج :)
وان شاء الله سيتم انزال مراجعه في اقرب وقت ..

max2005
01-11-2012, 09:03
أخى الهاردات External هى هاردات USB و بتستخدم بدل الفلاشات لانها تتميز بمساحتها العالية مقارنة بالفلاشات و سرعتها العالية مقارنة بالفلاشات لكنها متنفعش هاردات اساسية ينزل عليها نظام للجهاز كالهاردات العادية لانها مخصصة فى الاساس لنقل البيانات و تخزنها زى الفلاشات . و بالنسبة للهاردات SSD ديه عبارة عن هاردات صلبة يعنى اية صلبة اقولك الهاردات العادية اللى هيه HDD و تسمى الهاردات الميكانيكية بتتكون من حاجة زى الاسطوانات تدور داخل الهارد و بيبقى داخله حاجة زى الاسطوانات زى اللى فى الصورة : http://www.pcguide.com/ref/hdd/z_ibm_ultrastar36zx.jpgو بتتميز بالسرعة المناسبة و المساحات العالية و السعر المناسب و ديه المنتشرة طبعا و اقوى شركات لصناعة هذه الهاردات بتكون Westren Digital و Seagate و سبب تسمياتها بالميكانيكية لان الاسطوانات بداخلها بتكون فى حالة حركة عند تشغيل الجهاز . لكن الهاردات SSD بقى اللى عايزين نتكلم عليها بتكون عبارة عن شريحة الكترونية مش اسطوانات زى الهاردات الميكانيكية يعنى الهارد بيكون صامت زى الفلاشة عشان كدة اسمها هاردات صلبة لان لا يتحرك بداخلها اى شئ او تصدر صوت على عكس الهاردات الميكانيكية و الهاردات ديه بتتميز بالسرعة العالية جدا جدا بس للاسف سعرها عالى و مساحتها ليست كبيرة و بتستخدم فى الاخص للناس اللى بيستخدموا برامج تصميم ثقيلة و برامج ضغط لان هذه البرامج تحتاج سرعة قراءة و كتابة عالية جدا مثل التى توفرها هاردات SSD .>>>>>>>>>>>>>>>>>>شكرا جزيلا على هذه المعلومة

Ahmed Barakat96
01-11-2012, 16:26
هو انا لازم احدث البيوس ؟؟\
يعني لو حدثت البيوس هيظبط حاجات في حرارة البروسيسور وكدا ولا ايه ؟

Mahmoud Essam
01-11-2012, 23:24
هو انا لازم احدث البيوس ؟؟\
يعني لو حدثت البيوس هيظبط حاجات في حرارة البروسيسور وكدا ولا ايه ؟
لماذا أخى احمد تقوم بتحديث البيوس ؟؟؟ فالبيوس يحدث عندما يكون هناك قطعة فى الجهاز و خصوصا المعالج غير مُدعمة من البيوس و بيكون هناك بيوس اخر جديد يدعم هذه القطعة ساعتها تحدث البيوس يعنى لو معالج I5 3470 مشتغلش على البوردة عندك بسبب ان البيوس المحمل على البوردة قديم و غير داعم للمعالج يبقى تحدث البيوس لكن مادام المعالج اشتغل يبقى لا تحدث يبوس و لا حاجة و كمان كل اللوحات GA-H61-S2P-B3 الموجودة فى السوق مُحمل عليها البيوس الحديد الذى يدعم معالجات Ivy Bridge و كمان لا توجد علاقة بين البيوس و درجة الحرارة . و هل تعانى من مشكلة أخى احمد فى درجة حرارة المعالج ؟؟؟؟

Ahmed Barakat96
02-11-2012, 00:11
اعتقد ان في مشكلة في درجة الحرارة ..
الحرارة تصل ل 45 درجة في الخمول ، ولكن هختبرها واتأكد وهرد هنا بالنتائج :)

Ahmed Barakat96
02-11-2012, 00:25
تم الضغط ببرنامج Aida64 والحرارة 59.3 في المتوسط للمعالج كاملا .. 65 اقصي حرارة .. 43 اقل حرارة ..
والحرارة في المتوسط لاعلي كور ( الثالث ) 66.7 درجة .. 73 اقصي درجة .. 52 اقل درجة ..
ولاقل كور ( الرابع ) .. 60.6 درجه .. اقصي درجة 73 والاقل 43 ..
الضغط تم لمدة 35 دقيقه ..
وكنت مشغل فيديو بدقة متوسطة اثناء الضغط ..
ايه رأيكم في النتائج دي ؟

Mahmoud Essam
02-11-2012, 01:14
تم الضغط ببرنامج Aida64 والحرارة 59.3 في المتوسط للمعالج كاملا .. 65 اقصي حرارة .. 43 اقل حرارة ..
والحرارة في المتوسط لاعلي كور ( الثالث ) 66.7 درجة .. 73 اقصي درجة .. 52 اقل درجة ..
ولاقل كور ( الرابع ) .. 60.6 درجه .. اقصي درجة 73 والاقل 43 ..
الضغط تم لمدة 35 دقيقه ..
وكنت مشغل فيديو بدقة متوسطة اثناء الضغط ..
ايه رأيكم في النتائج دي ؟
لا درجة الحرارة كويسة اوى و 65 درجة كويسة جدا انا عندى بروسيسور I3 2100 ثنائى النواة و درجة الحرارة كانت بتوصل الى 60 درجة فما بالك بمعالج I5 رباعى النواة

Ahmed Barakat96
02-11-2012, 01:39
شوف الموضوع ده كده مشروح فيه كل حاجه ..

http://arabhardware.net/forum/showthread.php?t=324810&p=2379196#post2379196

منتظر رأيك ، عشان انا قلقان ، عارف وسواس الحاجات الجديده :D

mohamed200716
02-11-2012, 11:28
ألف مبروك ياباشا و يتربى فى عزك:) و احب أبشرك انى جبت البروسيسور دا و شغلى كل الألعاب من غير كارت شاشة بدءا من نييد فور سبيد ذا رن مرورا بكوول أوف ديوتى كل الاجزاء انتهاءا بباتل فيلد 3

Ahmed Barakat96
02-11-2012, 11:55
الله يبشرك بالخير يا حبي ، انا كنت خايف لاحسن يكون اداءه وحش معاهم
الف شكر علي ردك الرائع :)

Ahmed Barakat96
02-11-2012, 13:24
انا عايز سؤال آخر بعد اذنكم ..
هل يكفي الباورعندي لتشغيل 7850 او 7870 ؟

Mahmoud Essam
02-11-2012, 15:24
انا عايز سؤال آخر بعد اذنكم ..
هل يكفي الباورعندي لتشغيل 7850 او 7870 ؟
بص هوه كرت HD 7870 مش هينفع خالص لكن HD 7850 هيشتغل بس هيكون فيه نسبة خطر بمرور الزمن لان الباور كافى للكرت بالعافية و من المعروف ان قدرة الباور الكهربية بتقل بمرور الزمن يعنى هيكون فيه خطر لكن HD 7770 هيكون مناسب جدا مع الباور الخاص بك .