المساعد الشخصي الرقمي

مشاهدة النسخة كاملة : مساعده في شراء تجميعه بقيمه 1000 جنيه



bigbibo
13-01-2013, 01:41
السلام عليكم ورحمة الله وبركاته ...
ارجو المساعدة فى شراء اعلى بروسيسور ممكن لبوردة biostar a760g m2+ ... وكنت عايز اسأل انا لسه مشترى شاشة 22" ولاحظت اهتزاز بسيط فى بعض الالعاب هل ده سببه البروسيسور ولا الفيجا ... وجزاكم الله خيراً :)

sherif_ahmed
13-01-2013, 06:12
مرحباً بك أخي الكريم
يرجي ملأ النموذج


نموذج الموضوع يكون كالتالى:

-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!


- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة:
لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .


إدارة عرب هاردوير.

يفضل تغيير اللوحة الأم + الرامات كمان
في الغالب مشكلة الألعاب تتعلق بكرت الشاشة

Mahmoud Hamed
13-01-2013, 07:30
السلام عليكم ,,
اعلى بروسيسور يتوافق مع البورد المذكورة هو
AMD Phenom™ II X4 945
وده اللينك بتاعه من هنا (http://www.newegg.com/Product/Product.aspx?Item=N82E16819103675)
16111
بس ممكن متلاقيهوش متوفر ف السوق ! وده لينك من الموقع الرسمى لجميع انواع البروسيسورات المتوافقة مع البوردة من هنا (http://www.biostar.com.tw/app/ar/mb/introduction.php?S_ID=394#cpu)

اما بخصوص الاهتزاز ف الالعاب ف برجاء ذكر نوع وحجم كارت الفيجا و البروسيسور و الرامات الخاصين بك و الالعاب التى يحدث معها هذه المشكلة عشان اقدر افيدك انا او اى حد اخر ف المنتدى ,, تحياتى

bigbibo
13-01-2013, 08:37
ادارة عرب هاردوير و استاذ Mahmoud Hamed (http://arabhardware.net/forum/member.php?u=11287272) اولا شكرا جزيلاً على سرعة الإستجابة :)
ثانياً : فى حالة انى هغير البورد والرامات :- أقصى ميزانية محددة: 1000
- استخدامك للجهاز: الألعاب تحديداً عايز اشغل fifa 13 , battlfield 3, mw3
- حجم الشاشة و الدقة (Resolution) التي تستخدمها: 1680x1050
- القطع التي تنوي شراءها: بورد+بروسيسور+رام
- القطع التي ستعيد استخدامها من الجهاز القديم: ولا حاجة
- ميعاد شراء الجهاز: الاسبوع الحالى
- مكان الشراء: البستان - العريش ... مش محدد

- محل سكنك: القاهرة




بالنسبة لسؤال أ.Mahmoud Hamed
للبروسيسور هو amd athlon 64 3800+ 2.4 ghz و الفيجا ATI Radeon 3000 والفيديو رام 256 ,, والرامات كينجستون 2 جيجا ddr2

Mahmoud Hamed
13-01-2013, 09:06
العفو يا باشا , فى خدمتك دايما :)
أولاً : الالعاب اللى ذكرتها فى الاعلى قوية جدا فى الجرافيك و اقلهم فيفا 2013 يعنى عشان تشغلهم يبقى على اقل اعدادات ,
ثانيا : امكانيات الجهاز ضعيفة جدا فلازم يحصل التهنيج طبيعى من غير ما تشغل العاب حتى :D بالنسبة للبروسيسور ده 90 nm و نواة واحدة وبيسخن جامد و كارت الفيجا ضعيف جدا عشان يشغل الالعاب دى ده انا كان عندى Geforce 512 ddr2 غيرتو عشان العب بيس 2013 وجبت GT 630 2GB ddr3 اما الرامات ف معقولة .. وانا شايف انك لو غيرت البروسيسور و البورد و الرام مش هيجيب نتيجة لوحد لاازم تغير كارت الفيجا ده اهم شئ هو و البروسيسور ,, يعنى دلوقتى قدامك اختيارين : الاول انك تغير الفيجا والبروسيسور و تعلى الرام و التانى انك تبيع اللى عندك و تجيب بورد و بروسيسور و فيجا و بالتالى رام جديد "كده الجهاز كلوو :D" ,, وانا بقول لو معاك ميزانية فى حدود 2000-2300 كده فتستنى و تجيب جديد احسن اما لو صعب فغير المكونات .. اتمنى اكون افدتك على حسب معلوماتى المتواضعة ! و اى استفسار اخر احنا فى الخدمة :)

Mahmoud Hamed
13-01-2013, 09:32
دى تجميعة حبيت اذكرها لك بردو :)

Gigabyte GA-B75M-D3H Socket 1155 Motherboard 500 LE
Intel® Core™ i3-3220 Ivy Bridge 3.3GHz Processor 750 LE
G.skill Ares Series 8GB (2 x 4GB) DDR3 1600 CL9 1.50v Dual Channel Memory Kit 305 LE
MSI N550GTX-Ti Cyclone II 1GD5/OC 795 LE
أو
SAPPHIRE VAPOR-X HD 7770 GHz EDITION OC 1GB GDDR5 845 LE



















ملحوظة : لازم الباور سبلاى يبقى نوع نضيف مش تجارى عشان يشتغل بكفائة مع كارت الفيجا ..

متجر عرب هاردوير
13-01-2013, 12:48
ارشحلك كما الاخ محمود شراء تجميعه جديده و بيع القديمه ذلك سيكون افضل بكثر

ولكن اذا كانت الميزانيه لا تسمح
يمكنك شراء AMD Phenom II X4 955 3.2GHz
--
متوافر بمتجر عرب هاردوير بسعر 575 جنيه (http://store.arabhardware.net/hardware/cpus-processors/amd-phenom-ii-x4-955-deneb-3-2ghz.html)

sherif_ahmed
13-01-2013, 19:09
رأي الشخصي
مبدائياً فكرة تغير المعالج فقط أوتزويد رامات مش في محلها
1- أن تصبر حتي تزيدالمبلغ
2- أن تشتري الآتي وتصبر حتي تجميع مبلغ وشراء كارت شاشة + مزود طاقة
Intel® Core™ i3-3220 Ivy Bridge 3.3GHz ..... 750 LE
Gigabyte GA-H61M-S2P-B3 Socket 1155 ..... 350 LE
Kingston ValueRAM 4GB DDR3 1333MHz CL9 ..... 150LE

bigbibo
14-01-2013, 18:48
جزاكم الله خيراً ومتشكر جداً للمعلومات الوافية :)

طيب ممكن اعرف يا جماعة الفيجا اللى على البوردة آد أيه ؟؟

sherif_ahmed
14-01-2013, 19:16
طيب ممكن اعرف يا جماعة الفيجا اللى على البوردة آد أيه ؟؟



هو المعالج الرسومي ليست في اللوحة الأم
في معماريات إنتل الجديدة أصبح مع المعالج
وهو iIntel® HD Graphics 2500

تقدر تقول يشغل الألعاب الخفيفة وممكن المتوسطة
وألعاب الكرة طبعاً تقريباً