المساعد الشخصي الرقمي

مشاهدة النسخة كاملة : (مصر) ..بسم الله .. اريد شراء جهاز ب3500 جنية مصري كيسة كاملة .. للالعاب



barclays
06-04-2013, 06:40
السلام عليكم ورحمة الله وبركاتة

- أقصى ميزانية محددة:3500
- استخدامك للجهاز:الالعاب
- حجم الشاشة و الدقة (Resolution) التي تستخدمها: شاشة crt 17 بوصة سامسونج
- القطع التي تنوي شراءها: كيسة كاملة
- القطع التي ستعيد استخدامها من الجهاز القديم: الديفيدي رايتر فقط
- ميعاد شراء الجهاز: خلال أيام بإذن الله تعالى
- مكان الشراء: سموحة .. الاسكندرية
- محل سكنك: ( الاسكندرية )

اولا : اهلا بيكم يا جماعة
وبصوا مش عاوز الميزانية تزيد عن 3500 جنية مصري ياريت

ويا جماعة اهم حاجة بس معلش يكون الهارد 1 تيرا ويسترن ديجيتال الله يخليكم لاني تعبت من ال150 جيجا اللي عندي وعاوزة بأي شكل يكون 1 تيرا ..

ولية كام سؤال
1- انا بشغل الجهاز اللي معايا دلوقتي وجايبة من 2006 كل يوم وبريحة 3 ساعات فقط .. فهل الجهاز الجديد لو شغلتة كل يوم 21 او حتى 24 ساعات العاب وتصفح نت وتحميل .. حيسخن وحيتأثر ولا اية ؟؟؟؟؟؟؟

2- الجهاز دة يقعد كام سنة كدة يشغل العاب على شاشة 19 بوصة السامسونج
3- المازر اللي حتيجي مع الجهاز هل حتكون usb 3.0 .. وسؤال دة الاهم .. المازر اللي انتوا حتكتبوها مع التجميعة دي .. تاخد لحد بروسيسور اية .. وكارت فيجا اية ؟.؟ يعني اقصد اخرها في كروت الفيجا
بحيث لو حبيت احدث البروسيسور او الكارت بس دة بعد سنتين كدة او سنتين ونص بإذن الله

4- يعني اية كسر سرعة الجهاز دي ؟؟ وكان فية كلمة ثانية مش فاكرها من حاجات كسر السرعة والكلام دة .. علشان بس ابقى عارف يعني اية ومعملهوش ..
5- هل الكارت يدعم الدايركت اكس 11 .. وهل بة ثري دي او يدعمها ؟؟ انا عارف ان كيسة زي دي متشغلش الاعاب زي كرايسيس 3 على الترا دي طالبة كيسة ب7000 لوحدها .. بس يعني هي تقعد كام سنة دة تشغل العاب على اعدادات متوسطة على شاشة 19 بوصة ؟؟ يعني حتشغل باتلفيلد 4 والعاب الجيل القادم اللي قلقان من متطلباتها دي ؟؟؟

6- معلش يا جماعة لو جيبت بعد كدة مع الكيسة دي هارد 3 تيرا جرين .. هل حيأثر على سرعة الجهاز ؟؟ ومعلش كمان لو ركبت الهارد اللي في الكيسة الحالية مع الكيسة الجديدة وهوة فية باد سيتور .. هل دة حيخلي الهارد الجديد برضة يتنقل لة الباد سيكتور من الهارد القديم .. انا بس علشان لسة حنقل ملفات من الهارد القديم للهارد اللي حيبقى في اليسة الجديدة بإذن الله ...

7- تنصوني بأية اجيب شاشة 19 بوصة led .. دة بعدين دة بعد شهرين .. بس لان واحد صاحبي جاب واحدة سامسونج 19b150n والرؤية فيها 60 درجة فمش عاوز اقع في الحوار دة ...

اخيرا .. اسف جدا لطول الموضوع بس يا جماعة بجد انا فين وفييييييييييييييييييييييييين لما أجدد .. يعني من 2008 وانا نفسي اجيب كيسة جديدة لحد ما جت الفرصة ويارب فعلا تحقق .. متعرفوش قد اية عانين مع الكيسة اللي انا شغال بيها دلوقتي دي
. والحمد لله على كل شيء .. يعني بجد اتمنى اللي يحط المواصفات يحطها صح لان ظروفي مش بتاعة اني كل شوية اجدد
.. بس والله العظيم اليسة دي تعتبر فرحة عمري كأن واحد أتجوز ههههههههههه اة والله بقولكم من 2008 وانا مش بلعب اي لعبة لان الكيسة القديمة متشغلهاش .. فشوفوا صبرت اد اية
فأعزروني ارجوكم وجزاكم الله خيرا بجد .. ومستنيكم يا شباب ومتنسوش الاسئلة .. يعني حتى على حظي كنت ممكن اجيب كيسة احسن بس نعمل اية الحاجات غلت من 20 الى 50 جنية حرااااام بجد .. بس الحمد لله ودة نصيب برضة ..

ومتنسوش بجد يا جماعة اهم حاجة بس معلش يكون الهارد 1 تيرا ويسترن ديجيتال الله يخليكم لاني تعبت من ال150 جيجا اللي عندي وعاوزة بأي شكل يكون 1 تيرا ..

أخيرا تقبلوا مني كل تحياتي ليكم .. أخوكم في الله ... أحمد محمد ..

sherif_ahmed
06-04-2013, 08:13
مرحباً بك أخي الكريم
وبالتوفيق في شراء
جهازك بإذن الله
وإليك هذا الإقتراح في حدود الميزانية

Intel® Core™ i3-3240 Ivy Bridge 3.4GHz Processor ..... 950LE
ASRock B75M Socket 1155 ..... 450LE
Kingston ValueRAM 4GB DDR3 1333MHz CL9 ..... 230LE
Seagate Barracuda ST500DM002 500GB ..... 420LE
SAPPHIRE VAPOR-X HD 7770 GHz Edition OC 1GB GDDR5 ..... 1100LE
Cooler Master Elite 250 Desktop Case + 460w PSU ..... 450LE

وفي إنتظار آراء أفضل
وجاري الرد علي إسئلتك

sherif_ahmed
06-04-2013, 09:06
السلام عليكم ورحمة الله وبركاتة


اولا : اهلا بيكم يا جماعة
الله يسلمك
وبصوا مش عاوز الميزانية تزيد عن 3500 جنية مصري ياريت
في ظل أسعار الأيام دي ياااامسهل

ويا جماعة اهم حاجة بس معلش يكون الهارد 1 تيرا ويسترن ديجيتال الله يخليكم لاني تعبت من ال150 جيجا اللي عندي وعاوزة بأي شكل يكون 1 تيرا ..
خلينا في 500 جيجا في الوقت الحالي وفيما بعد ممكن تغير الهارد أو تزود واحد كمان
وعمتاً مشكلة المساحة سهل التغلب عليها

ولية كام سؤال
1- انا بشغل الجهاز اللي معايا دلوقتي وجايبة من 2006 كل يوم وبريحة 3 ساعات فقط .. فهل الجهاز الجديد لو شغلتة كل يوم 21 او حتى 24 ساعات العاب وتصفح نت وتحميل .. حيسخن وحيتأثر ولا اية ؟؟؟؟؟؟
بإذن الله مش هيتأثر بشرط توفير جو مناسب + الكهرباء علشان دخلة الصيف
2- الجهاز دة يقعد كام سنة كدة يشغل العاب على شاشة 19 بوصة السامسونج
بإذن الله في حدود 3سنوات أو علي حسب قناعتك بمستوي أداء جهازك
3- المازر اللي حتيجي مع الجهاز هل حتكون usb 3.0 .. وسؤال دة الاهم .. المازر اللي انتوا حتكتبوها مع التجميعة دي .. تاخد لحد بروسيسور اية .. وكارت فيجا اية ؟.؟ يعني اقصد اخرها في كروت الفيجا
اللوحة الأم المذكوره تحتوي علي USB3 وتأخذ حتي أعلي معالج وليكن 3770 وبخصوص كروت الشاشة أيضاً أعلي كرت ممكن يركب عليها
بحيث لو حبيت احدث البروسيسور او الكارت بس دة بعد سنتين كدة او سنتين ونص بإذن الله
عادي تركب معالج أعلي أو كرت أعلي بدون مشاكل بأذن الله
4- يعني اية كسر سرعة الجهاز دي ؟؟ وكان فية كلمة ثانية مش فاكرها من حاجات كسر السرعة والكلام دة .. علشان بس ابقى عارف يعني اية ومعملهوش ..
كسرالسرعة ( للمعالج ) هورفع ترددالمعالج عن التردد الأصلي لزياده الأداء بشروط طبعاً عمتاً أنت تجميعتك لاتتدعم الكسر
5- هل الكارت يدعم الدايركت اكس 11 .. وهل بة ثري دي او يدعمها ؟؟ انا عارف ان كيسة زي دي متشغلش الاعاب زي كرايسيس 3 على الترا دي طالبة كيسة ب7000 لوحدها .. بس يعني هي تقعد كام سنة دة تشغل العاب على اعدادات متوسطة على شاشة 19 بوصة ؟؟ يعني حتشغل باتلفيلد 4 والعاب الجيل القادم اللي قلقان من متطلباتها دي ؟؟؟
نعم الكارت يدعم الدايركت أكس11 ويدعم تقنية الــ 3D وتشغل الألعاب بشكل جيد من سنتين إلي ثلاثة وممكن تقلل الإعدادت في بعض الألعاب
لأن في بعض الألعاب بتنزل لخدمة أهداف معينة
6- معلش يا جماعة لو جيبت بعد كدة مع الكيسة دي هارد 3 تيرا جرين .. هل حيأثر على سرعة الجهاز ؟؟ ومعلش كمان لو ركبت الهارد اللي في الكيسة الحالية مع الكيسة الجديدة وهوة فية باد سيتور .. هل دة حيخلي الهارد الجديد برضة يتنقل لة الباد سيكتور من الهارد القديم .. انا بس علشان لسة حنقل ملفات من الهارد القديم للهارد اللي حيبقى في اليسة الجديدة بإذن الله ...
بإذن الله يركب الهارد ومش هيأثر علي سرعة الجهازبس هو أفضل في التخزين وليس وضع النظام علية
وممكن تركب الهارد التاني وتنقل الداتا بتعتك مغبش مشكلة عطل الباد سكتور عطل ميكانيكي وليس فيروس
7- تنصوني بأية اجيب شاشة 19 بوصة led .. دة بعدين دة بعد شهرين .. بس لان واحد صاحبي جاب واحدة سامسونج 19b150n والرؤية فيها 60 درجة فمش عاوز اقع في الحوار دة ...
هذه ممتازة Samsung SyncMaster S19B300B 19 inch LED LCD
اخيرا .. اسف جدا لطول الموضوع بس يا جماعة بجد انا فين وفييييييييييييييييييييييييين لما أجدد .. يعني من 2008 وانا نفسي اجيب كيسة جديدة لحد ما جت الفرصة ويارب فعلا تحقق .. متعرفوش قد اية عانين مع الكيسة اللي انا شغال بيها دلوقتي دي
. والحمد لله على كل شيء .. يعني بجد اتمنى اللي يحط المواصفات يحطها صح لان ظروفي مش بتاعة اني كل شوية اجدد
.. بس والله العظيم اليسة دي تعتبر فرحة عمري كأن واحد أتجوز ههههههههههه اة والله بقولكم من 2008 وانا مش بلعب اي لعبة لان الكيسة القديمة متشغلهاش .. فشوفوا صبرت اد اية
بأذن الله تستمتع بالجهاز وعمتاً في المستقبل حاول ترقية المعالج للــ 3470 أو 3330 هيكون أفضل

فأعزروني ارجوكم وجزاكم الله خيرا بجد .. ومستنيكم يا شباب ومتنسوش الاسئلة .. يعني حتى على حظي كنت ممكن اجيب كيسة احسن بس نعمل اية الحاجات غلت من 20 الى 50 جنية حرااااام بجد .. بس الحمد لله ودة نصيب برضة ..
ده مش حظك أنت لوحدك وفي كمان زاد عن الرقم ده

ومتنسوش بجد يا جماعة اهم حاجة بس معلش يكون الهارد 1 تيرا ويسترن ديجيتال الله يخليكم لاني تعبت من ال150 جيجا اللي عندي وعاوزة بأي شكل يكون 1 تيرا ..
الهارد التيرا سعره في الوقت الحالي 525 جنية

أخيرا تقبلوا مني كل تحياتي ليكم .. أخوكم في الله ... أحمد محمد ..


تم الرد بداخل الإقتباس

M o h a m a d
06-04-2013, 10:45
تجميعة الأخ شريف مناسبة

ahmed580
06-04-2013, 11:18
اسف انى دخلت فى الموضوع يا جماعه..بس ليه الفنيين هنا مش بيرشحو بورد الجيجابايت؟؟؟


يعنى كل الترشيحات بتكون asus & asrock

انا مش بشكك فى حاجه..بس قلقت شويه..انا جبت core i5 3470 Ca6m وانهرده نازل اجيب بورد H61
مع السافير المذكور من الاخ شريف
مع العلم ان شاشتى LCD 19 1024-768

ولما سألت..الاخ Dark Shadow قالى ان فى العاب بتحتاج اعلى من كده
يمكن عشان البورد جيجا بايت؟

وهل الـ ASRock افضل من الـ GigaByte للدرجه دى؟

fepro2005
06-04-2013, 11:39
وعليكم السلام
اعتقد ان الاستاذ شريف لم يبخل عنك بأى معلومة كما تعودنا منه دائما
بص بقى يا سيدى انا بقالى اكتر من شهر بجمع فى جهازين وطول المدة دى قريت كل المراجعات اللى تتخيلها عن كل القطع
انا بقولك كده علشان كان تفكيرى زى تفكيرك بالظبط وده السبب فيه الاجهزة التجارية اللى كنا بنشتريها ومش فاهمين اى حاجة
نصيحتى بقى ليك لو عايز تخلى الجهاز يقعد معاك شوية يبقى تهتم بالاساسيات وبعدين تخلى فرصة لاى حاجة قريت عنها بعد كده تزودها مش لازم الجهاز يبقى كله مرة واحدة علشان الميزانية المتوفرة معاك دلوقتى بمعنى
البروسيسور
Intel® Core™ i3-3240 Ivy Bridge 3.4GHz Processor ..... 950LE
الماذربورد
GIGABYTE GA-B75M-D3H - Intel B75 - LGA 1155.........670LE

RAM
Kingston 4GB DDR3 1600 KTH9600C......180LE
VGA
SAPPHIRE VAPOR-X HD 7770 GHz Edition OC 1GB GDDR5 ..... 1100LE
or
ASUS GeForce GTX 650 1GB GTX650-DC-1GD5....950LE (http://store.arabhardware.net/hardware/video-cards/asus-gtx650-dc-1gd5-geforce-gtx-650-1gb.html)


cooler master K350.......300LE



525LE .....

XFX ProSeries 550W PSU 80 plus Bronze (http://www.********.com/product.php?id=11632)


or
SeaSonic S12II Bronze 520W 80 PLUS Certified PSU (http://www.********.com/product.php?id=10635).....475LE

وده اهم شئ فى التجمية كلها لو عايز الجهاز يعيش معاك ودول تقريبا افضل نوعين باور وهاتلاقيهم عند شركة ماكسميم هاردوير وده رقمهم 01060771001

الاساسيات بقى ايه
1-الباور سبلاى لانه ممكن يخلى الجهاز يعيش معاك 5 سنين وممكن ميكملش سنة لاقدر الله لانه اهم قطعة فى الكومبيوتر زى ما يكون عندك عربية مرسيدس 3000 سى سى ومفيش عجل تمشى عليه او عجل موتسيكل:D لو حد زيادة ركب معاك العربية :(
2-البروسيسور
3-المازربورد - نوع جيد بخامات جيدة يتحمل فترت عمل طويلة
4-كارت الشاشة
5-الكيس لازم تكون واسعة ذات تهوية جيدة علشان تعرف تبنى جوة بعدين

6-الرامات انا كتبتلك 1600 علشان هاتبقى اسرع معاك شوية من 1333

7- الهارد ده اخر حاجة فكر فيها علشان الميزانية بمعنى مشى بالهارد اللى عندك علشان ماتجيش على حساب الاساسيات وبعدين تقدر تزود هارد 500 او 1 تيرا والجهاز يكون قادر يشغل ال 3 هاردات بكفاءة فهمتنى 150 وال 500 وال1 تيرا

8-الشاشة اللى عندك كويسة مشى بيها وبعدين هات شاشة افضل


المهم انت دلوقتى تعمل ايه تحسب سعر الجهاز من بداية الاساسيات وتخلى اخر حاجة لميزانيات اخرى بعد شهر بعد شهرين مش مشكلة لان عندك اللى تقدر تكمل عليه صح
واسف لو كنت طولت عليك بس انا لم طلبت نصائح تجميع الجهاز كنت عايز حد يشرحلى كده علشان اشترى وانا فاهم
وطبعا اهم حاجة تسمع نصائح الناس اللى اكثر خبرة منى
وربنا يوفقك ويباركلك فى الجهاز وتستمتع بيه وابقى احكيلنا عليه لما تجيبه مش لما تجيبه تقعد تلعب 6 شهور ومتقولناش عملت ايه

fepro2005
06-04-2013, 11:58
اسف انى دخلت فى الموضوع يا جماعه..بس ليه الفنيين هنا مش بيرشحو بورد الجيجابايت؟؟؟


يعنى كل الترشيحات بتكون asus & asrock

انا مش بشكك فى حاجه..بس قلقت شويه..انا جبت core i5 3470 Ca6m وانهرده نازل اجيب بورد H61
مع السافير المذكور من الاخ شريف
مع العلم ان شاشتى LCD 19 1024-768

ولما سألت..الاخ Dark Shadow قالى ان فى العاب بتحتاج اعلى من كده
يمكن عشان البورد جيجا بايت؟

وهل الـ ASRock افضل من الـ GigaByte للدرجه دى؟






الحكاية بالظبط زى لما تروح تشترى عربية لانسر او تويوتا يابانى خامات جيدة رفاهيات محدودة بالنسبة للكورى والصينى وسعر اعلى
وفى نفس الوقت تقدر تشترى عربية كيا سيراتو فيها امكانيات كتيرة ورفاهيات مش موجوده فى اليابانى الا باسعار غالية
بس فى الاخر السيراتو كورى وفرق الخامات واضح جدا
فى ناس كتير بتحب الاداء مقابل السعر وفى ناس بتحب تشترى العيش من عند خبازة :D
الاول تقريبا بيغير بأستمرار ومش بيفرق معاه اللى بيعيش علشان كده كده هايجيب احدث منه
التانى بيهتم بالافضل
على فكرة asus
من افضل شركات البورد زى جيجا بايت

Mahmoud Essam
06-04-2013, 12:07
مرحباً بك أخي الكريم
وبالتوفيق في شراء
جهازك بإذن الله
وإليك هذا الإقتراح في حدود الميزانية

Intel® Core™ i3-3240 Ivy Bridge 3.4GHz Processor ..... 950LE
ASRock B75M Socket 1155 ..... 450LE
Kingston ValueRAM 4GB DDR3 1333MHz CL9 ..... 230LE
Seagate Barracuda ST500DM002 500GB ..... 420LE
SAPPHIRE VAPOR-X HD 7770 GHz Edition OC 1GB GDDR5 ..... 1100LE
Cooler Master Elite 250 Desktop Case + 460w PSU ..... 450LE

وفي إنتظار آراء أفضل
وجاري الرد علي إسئلتك

تجميعة ممتازة و ستكون كافية -بإذن الله- لمدة لا تقل عن 3 سنوات لتشغيل الالعاب بسلاسة على شاشة 19 بوصة (بدقة 1366x768) .

ahmed580
06-04-2013, 12:13
الحكاية بالظبط زى لما تروح تشترى عربية لانسر او تويوتا يابانى خامات جيدة رفاهيات محدودة بالنسبة للكورى والصينى وسعر اعلى
وفى نفس الوقت تقدر تشترى عربية كيا سيراتو فيها امكانيات كتيرة ورفاهيات مش موجوده فى اليابانى الا باسعار غالية
بس فى الاخر السيراتو كورى وفرق الخامات واضح جدا
فى ناس كتير بتحب الاداء مقابل السعر وفى ناس بتحب تشترى العيش من عند خبازة :D
الاول تقريبا بيغير بأستمرار ومش بيفرق معاه اللى بيعيش علشان كده كده هايجيب احدث منه
التانى بيهتم بالافضل
على فكرةasus
من افضل شركات البورد زى جيجا بايت




هههههه فهمت الى عايز تقوله مع انى مليش فى العربيات...انما ده مايمنعش ان جيجا بايت تكون الافضل وفى منافسين ليها

كنت مستغرب بس ان معظم ترشحيات اخواتنا الفنيين asrok & asus

فا كنت قلقان من الجيجا بايت

Mahmoud Essam
06-04-2013, 12:14
اسف انى دخلت فى الموضوع يا جماعه..بس ليه الفنيين هنا مش بيرشحو بورد الجيجابايت؟؟؟


يعنى كل الترشيحات بتكون asus & asrock

انا مش بشكك فى حاجه..بس قلقت شويه..انا جبت core i5 3470 Ca6m وانهرده نازل اجيب بورد H61
مع السافير المذكور من الاخ شريف
مع العلم ان شاشتى LCD 19 1024-768

ولما سألت..الاخ Dark Shadow قالى ان فى العاب بتحتاج اعلى من كده
يمكن عشان البورد جيجا بايت؟

وهل الـ ASRock افضل من الـ GigaByte للدرجه دى؟





أخى الكريم تجميعتك كافية لتشغيل الالعاب على اعلى الاعدادات و دقة (1600x900 او 1366x768) عدا لعبة زى Crysis 3 ممكن على دقة 1600x900 تقلل تنعيم الحواف . لكن يمكن كان قصد أخى Dark Shadows على ان هناك تجميعات اعلى من تجميعتك بس لشاشات اعلى يعنى شاشة بدقة FullHD هتكون تجميعتك غير مناسبة لتشغيل الالعاب على اعلى الاعدادات و دقة FullHD و بالنسبة لبوردة Asrock و GigaByte فلا نستطيع مقارنة شركة بشركة بدون ذكر الموديل بالتحديد و لو عايز مقارنة مثلا هنجيب برودة Asrock B75M و GigaByte B75M-D3H الفرق بينهم فى الامكانيات ان الجيجا بايت افضل فى انها تدعم رام حتى 32 جيجا بينما الازروك تدعم حتى 16 جيجا و الجيجابايت بها 4 منافذ رام بينما الازروك بها 2 فقط . فقط هذه تعتبر اهم الفروق بينهم و اما فرق السعر الازروك 450 ج او 500 ج و الجيجا بايت 600 ج عشان كدة معظم الاعضاء بيرشحوا Asrock ليس لانها افضل من GigaByte فى الاداء فى الموديلات المتناظرة و لكن لانها تقدم السعر مقابل الاداء .

barclays
06-04-2013, 15:20
ألف شكر ليكوا يا جماعة بجد والله ما عارف اقولكم اية

بالنسبة ل fepro2005

انا معاك يا باشا بجد بس هي زي ما تقول كيسة تفريحي كدة
يعني علشان بس بقالي مدة صابر كتيييييييييييييييييير وما صدقت
حوار الهارد دة هوة اللي عاملي ازمة بجد
علشان كدة عاوزة تيرا
حتى لو جرين واحط علية السيستم وخلاص

بالنسبة لأستاذ شريف
بجد جزاك الله خيرا
ومش عارف اقولك اية بجد
بس ليا كام استفسار كدة


هوة اية توفير كهرباء دي مش فاهمها .. يعني لو الكهرباء بتفصل كتير مثلا هل الجهاز حيتأثر ..

وكنت عاوزك تحطلي نفس التجميعة بس برضة يكون الهارد 1 تيرا بلو ويسترن ديجيتال .. اصل مصر (بضم الميم )قوييييييييييي انة يكون تيرا .. يعني لو ضاقت قوي على موضوع الهارد .. اجيبة جرين 1 تيرا وبعدين اروح حاطط هارد اس اس دي علية السيسيتم ..

ولية الجرين مش حلو في حوار السيستم ؟؟؟؟؟
ومعلش اخر سؤال المازر الاية اس روك تمام زي الجيجابايت .. اصل حبقى اول مرة اجربها
واخيرا هوة الكارت 7850 1 جيجا بكام ؟؟؟؟

وتقبلو مني تحياتي
والله اول ما أجيب الكيسة بإذن الله يارب ادعولي حقولكم على ادائها وكدة والله وحشارك معاكوا كمان
بس هي ابعاد الشاشة ال17 ال crt اية ؟؟؟؟؟؟؟

Mahmoud Essam
06-04-2013, 17:41
ألف شكر ليكوا يا جماعة بجد والله ما عارف اقولكم اية

بالنسبة ل fepro2005

انا معاك يا باشا بجد بس هي زي ما تقول كيسة تفريحي كدة
يعني علشان بس بقالي مدة صابر كتيييييييييييييييييير وما صدقت
حوار الهارد دة هوة اللي عاملي ازمة بجد
علشان كدة عاوزة تيرا
حتى لو جرين واحط علية السيستم وخلاص

بالنسبة لأستاذ شريف
بجد جزاك الله خيرا
ومش عارف اقولك اية بجد
بس ليا كام استفسار كدة


هوة اية توفير كهرباء دي مش فاهمها .. يعني لو الكهرباء بتفصل كتير مثلا هل الجهاز حيتأثر ..

وكنت عاوزك تحطلي نفس التجميعة بس برضة يكون الهارد 1 تيرا بلو ويسترن ديجيتال .. اصل مصر (بضم الميم )قوييييييييييي انة يكون تيرا .. يعني لو ضاقت قوي على موضوع الهارد .. اجيبة جرين 1 تيرا وبعدين اروح حاطط هارد اس اس دي علية السيسيتم ..

ولية الجرين مش حلو في حوار السيستم ؟؟؟؟؟
ومعلش اخر سؤال المازر الاية اس روك تمام زي الجيجابايت .. اصل حبقى اول مرة اجربها
واخيرا هوة الكارت 7850 1 جيجا بكام ؟؟؟؟

وتقبلو مني تحياتي
والله اول ما أجيب الكيسة بإذن الله يارب ادعولي حقولكم على ادائها وكدة والله وحشارك معاكوا كمان
بس هي ابعاد الشاشة ال17 ال crt اية ؟؟؟؟؟؟؟


بالنسبة للهارد فلو عايز هارد 1Tera يبقى انصحك بهذا الهارد Seagate Barracuda ST1000DM003 1TB 7200 SATA 6Gb/s بسعر 525 ج و بالنسبة للازروك فهى ممتازة و من حيث الجودة فهى نفس جودة الاسوس و الجيجا بايت بالنسبة لكرت الشاشة عامل حوالى 1350 ج و هو Sapphire HD 7850 1GB OC Dual-X و الشاشة 17 بوصة Crt فى الاغلب هتكون دقة 1280x1024 .

barclays
06-04-2013, 21:13
دة الريسليوشن كدة اعلى من ال19 كدة ...
طيب اشمعنا السيجات ولية مينفعش البلو ويسترن ديجيتال ؟؟؟
والف شكر ليك يا باشا بجد

Mahmoud Essam
06-04-2013, 23:56
دة الريسليوشن كدة اعلى من ال19 كدة ...
طيب اشمعنا السيجات ولية مينفعش البلو ويسترن ديجيتال ؟؟؟
والف شكر ليك يا باشا بجد
طبعا لا يا أخى شاشة 19 بوصة LED بتكون 1366x768 يعنى دقة اعلى من 1280x1024 . بالنسبة للهارد فهارد Seagate الموضح فى ردى السابق ادائه اعلى من البلو و يقارب البلاك و احيانا يتغلب عليه يعنى ممتاز بالنسبة لسعره .

barclays
11-04-2013, 16:48
شباب السلام عليكم ورحمة الله وبركاتة
الحمد لله تم الشراء الجهاز من ماكسيميم هاردوير فرع الاسكندرية في رشدي
مواصفات الجهاز
Intel® Core™ i3-3240 Ivy Bridge 3.4GHz Processor ..... 950LE
Gigabyte GA-P75-D3 Socket 1155 Motherboard
Kingston ValueRAM 4GB DDR3 1333MHz CL9 ..... 230LE
Seagate Barracuda ST1000DM003 1TB 7200 SATA 6Gb/s
SAPPHIRE VAPOR-X HD 7770 GHz Edition OC 1GB GDDR5 ..... 1100LE
Cooler Master Elite 250 Desktop Case + 460w PSU

بالنسبة للمازر مفيش اية اس روك عندة فجابلي الجيجا بايت دي
وركب الهارد القديم فوق بالضبط الهارد الجديد السيجات
وحطلي ويندوز 7 التيميت 64 عاوز تفعيل
بس الجهاز شغال تمام الله ينور

ملاحظاتي ::
1- اول ما اعمل ريستارت من زرار الكيسة فية صوت بيعمل فوووووووووووووووو جامد كدة شوية ويكست ودي اول ما ادوس ريستارت من الكيسة نفسها
2- فية هارد من الهاردين بيعمل صوت فوووو على خفيف كدة زي كأنة كان نايم واشتغل دلوقتي
3 - ودي اللي مقالقاني قويييييييي يا شباب بجد .. لعبت كول اوف ديوتي مودرن ويرفير 2 اول ما اشغلها بتشتغل تمام وبعد ساعة امبارح عملت شاشة بيضاء خاااالص مع خطوط سوداء بالطول ... والنهاردة برضة نفس اللعبة عملت شاشة سوداء خالص .. بيبقى صوت اللعبة شغال بس تدوس بقى زرار الويندوز او alt+f4 او اي زرار ومش بتطلع خالص وتفضل على الشاشة السوداء دي .. واروح مطر اعمل ريستارت من الكيسة ...
وبعد كدة لما اشغها تشتغل عادي خالص
بس لية في الاول لالالالالالالالالالالازم الشاشة السودا دي ؟؟؟

عاوزكوا الله يخليكوا تفسرلولي ال3 اسباب دول تفسيرهم اية خااااااااصة ال3 لانة عملي قلقان جاااامد قوي
وانا ما صدقت اخيرا جبت جهاز جديد بجد
من اولها كدة الاقي دروب ..
حراااااااااااااااااااااام

عاوزكوا الله يخليكوا تفسرلولي ال3 اسباب دول تفسيرهم اية خااااااااصة ال3 لانة عملي قلقان جاااامد قوي

ومستنيكم بجد .. يا شباب ..
أخوكم في الله احمد محمد ..

barclays
11-04-2013, 17:38
معلش كمان ليا استفسار تاني
الكيسة فيها زارار بتاع فتح وقفل الباور
هل دة مع كل تشغيل للجهاز لازم افتحة واقفلة ولا اسيبة مفتوح عالطول عادي ؟؟؟؟

sherif_ahmed
11-04-2013, 17:56
معلش كمان ليا استفسار تاني
الكيسة فيها زارار بتاع فتح وقفل الباور
هل دة مع كل تشغيل للجهاز لازم افتحة واقفلة ولا اسيبة مفتوح عالطول عادي ؟؟؟؟

إذا كان في مشترك موصل منه وبتفصله بعد ذلك مفيش مشكلة
إذا كان لا فأغلق الزر

Mahmoud Essam
13-04-2013, 00:43
شباب السلام عليكم ورحمة الله وبركاتة
الحمد لله تم الشراء الجهاز من ماكسيميم هاردوير فرع الاسكندرية في رشدي
مواصفات الجهاز
Intel® Core™ i3-3240 Ivy Bridge 3.4GHz Processor ..... 950LE
Gigabyte GA-P75-D3 Socket 1155 Motherboard
Kingston ValueRAM 4GB DDR3 1333MHz CL9 ..... 230LE
Seagate Barracuda ST1000DM003 1TB 7200 SATA 6Gb/s
SAPPHIRE VAPOR-X HD 7770 GHz Edition OC 1GB GDDR5 ..... 1100LE
Cooler Master Elite 250 Desktop Case + 460w PSU

بالنسبة للمازر مفيش اية اس روك عندة فجابلي الجيجا بايت دي
وركب الهارد القديم فوق بالضبط الهارد الجديد السيجات
وحطلي ويندوز 7 التيميت 64 عاوز تفعيل
بس الجهاز شغال تمام الله ينور

ملاحظاتي ::
1- اول ما اعمل ريستارت من زرار الكيسة فية صوت بيعمل فوووووووووووووووو جامد كدة شوية ويكست ودي اول ما ادوس ريستارت من الكيسة نفسها
2- فية هارد من الهاردين بيعمل صوت فوووو على خفيف كدة زي كأنة كان نايم واشتغل دلوقتي
3 - ودي اللي مقالقاني قويييييييي يا شباب بجد .. لعبت كول اوف ديوتي مودرن ويرفير 2 اول ما اشغلها بتشتغل تمام وبعد ساعة امبارح عملت شاشة بيضاء خاااالص مع خطوط سوداء بالطول ... والنهاردة برضة نفس اللعبة عملت شاشة سوداء خالص .. بيبقى صوت اللعبة شغال بس تدوس بقى زرار الويندوز او alt+f4 او اي زرار ومش بتطلع خالص وتفضل على الشاشة السوداء دي .. واروح مطر اعمل ريستارت من الكيسة ...
وبعد كدة لما اشغها تشتغل عادي خالص
بس لية في الاول لالالالالالالالالالالازم الشاشة السودا دي ؟؟؟

عاوزكوا الله يخليكوا تفسرلولي ال3 اسباب دول تفسيرهم اية خااااااااصة ال3 لانة عملي قلقان جاااامد قوي
وانا ما صدقت اخيرا جبت جهاز جديد بجد
من اولها كدة الاقي دروب ..
حراااااااااااااااااااااام

عاوزكوا الله يخليكوا تفسرلولي ال3 اسباب دول تفسيرهم اية خااااااااصة ال3 لانة عملي قلقان جاااامد قوي

ومستنيكم بجد .. يا شباب ..
أخوكم في الله احمد محمد ..
مبروك على شراء الجهاز أخى الكريم . الملاحظة واحد من الممكن يكون صوت الهارد و ديه بتحصل عادى الهارد اول لما بتشغل الجهاز بيعمل صوت كدة و بيختفى تانى او ممكن تكون مراوح الكيسة او الباور . و بالنسبة للملاحظة التانية ابقى جرب تشغل الهارد الجديد بس و قولى النظام اية ؟؟ . الملاحظة الثالثة ابقى جرب تنزل احدث تعريف لكرت الشاشة لانه ممكن يكون عيب تعريف و ابقى شوف درجة حرارة الجهاز لما تضغط عليه بلعبة ثقيلة زى Crysis 3 عن طريق برنامج HW Monitor .