المساعد الشخصي الرقمي

مشاهدة النسخة كاملة : ساعدوني اختار مكونات تكمل على GB 8800GT+E8400



why_not
05-06-2008, 22:13
السلام عليكم ورحمة الله وبركاته


ارجو من الاعضاء الكرام مساعدتي في اختيار مكونات كمبيوتر جديد
ومش ناوي اكسر السرعة لاني غير خبير لكن يمكن لما اتعلم ازاي وبعد معرفة حلول للتبريد للحرارة اللي هتزيد
استعماله في الالعاب والاستخدام العادي والميزانية تقريبا من غير الشاشة 4000 ج (انا في مصر)


1- في السكة ان شاء الله كارت Gigabyte 8800 GT 512


2- البروسيسور اخترت Intel C2D E8400
بالنسبة ل AMD مليش اي خبرة سابقة معاه بجانب ان الفينوم سمعت انه كويس لكن سعره غالي شوية فلو في بروسيسور من AMD مقابل E8400 ياريت تقولولي

3- بالنسبة للماذر بورد محتار جدا
انا نفسي في GA-p35-DQ6 من جيجا بايت لكن غالية شوية حسب اسعار الشهر اللي فات ومش عارف رخصت او لا فياريت ترشحولي موديلات تانية
تدي اداء كويس بحيث تستغل امكانيات الكارت والبروسيسور سواء من جيجا بايت او اسوس او اي نوع بس يكون مجرب

5- الهارد ديسك .. في نوع احسن من نوع؟ من ناحية السرعة والعمر

4- الكيس والباور سبلاي قريت في معظم المواضيع انكم بترشحوا Gamma + HEC powersupplyده احسن ولا لو جبت الباور والكيس منفصلين

معلش تقلت عليكم ومستني ردودكم في اقرب وقت
شكرا مقدما

alayoubi
05-06-2008, 22:57
وعليكم السلام

البوردة الي اخترتها جيدة لكن غالية عالفاضي لأن فيها حاجات كتير مش مش حتستعملها وصارت قديمة شوية .. المهم في بديل وهي P35-DS4 لو لاقيتها يبقى ممتاز وحتى انها ممتازة بكسر السرعة وعندك بوردات تانية من أسوس مثل P5K Pro .


- الهارد ديسك .. في نوع احسن من نوع؟ من ناحية السرعة والعمر

4- الكيس والباور سبلاي قريت في معظم المواضيع انكم بترشحوا Gamma + HEC powersupplyده احسن ولا لو جبت الباور والكيس منفصلين

الهاردات الي عندكم كلها ويسترن ديجيتل المهم ركز عالكاش أقل حاجة تكون 16 ميجا .
الكيس زي ما تحب كله كويس وممكن تجيب برضو من Gigabyte 3d arora 570 وتجيب بور 500 وات .

why_not
05-06-2008, 23:19
وعليكم السلام

البوردة الي اخترتها جيدة لكن غالية عالفاضي لأن فيها حاجات كتير مش مش حتستعملها وصارت قديمة شوية .. المهم في بديل وهي P35-DS4 لو لاقيتها يبقى ممتاز وحتى انها ممتازة بكسر السرعة وعندك بوردات تانية من أسوس مثل P5K Pro .



الهاردات الي عندكم كلها ويسترن ديجيتل المهم ركز عالكاش أقل حاجة تكون 16 ميجا .
الكيس زي ما تحب كله كويس وممكن تجيب برضو من Gigabyte 3d arora 570 وتجيب بور 500 وات .

متشكر جدا على الرد السريع والمتوقع منك يا اخ ايوبي لان دي مش اول مرة
هحاول ادور عالبوردتين اللي قلت عليهم لكن متهيألي اني مش هلاقي DS4 لاني بعد اطلاعي عالمواضيع لقيت المتوفر هو eP35 ومش متاكد من اسم الموديل تقريبا DS3R
ويارب الكيس الجيجا بايت متبقاش غالية

moatez
05-06-2008, 23:27
شوف كدا و شوف راى الاعضاء برده

processor Intel Core2Duo E8400 3.0GHz السعر 1120 جنية
MOTHERBOARD EP35-DS3R السعر 780 جنية
vega Gigabyte 8800 GT 512
ram Kingston 2x1GB bus 800MHz السعر 260 جنية
hard Western Digital 500GB 32 cache SATA السعر 490 جنية
dvd/rw samsung 22x sata السعر 150 جنيه
Case Gamma 6XG3 +400watt HEC السعر 500 جنية
او تجيب باور K-MEX 500W مع اى كيسة تعجبك تكون واسعة و تهويتها كويسة

why_not
05-06-2008, 23:33
شوف كدا و شوف راى الاعضاء برده

processor Intel Core2Duo E8400 3.0GHz السعر 1120 جنية
MOTHERBOARD EP35-DS3R السعر 780 جنية
vega Gigabyte 8800 GT 512
ram Kingston 2x1GB bus 800MHz السعر 260 جنية
hard Western Digital 500GB 32 cache SATA السعر 490 جنية
dvd/rw samsung 22x sata السعر 150 جنيه
Case Gamma 6XG3 +400watt HEC السعر 500 جنية
او تجيب باور K-MEX 500W مع اى كيسة تعجبك تكون واسعة و تهويتها كويسة

متشكر يا اخ moatez وانت خليتني اتفائل .. الاسعار اللي قلتها ارخص شوية من اللي في بالي
ياريت تقولي جبتها منين
بالنسبة للماذر بورد اللي ذكرتها عايز اعرف هي احسن ولا الاسوس اللي رشحها الايوبي

alayoubi
06-06-2008, 00:00
بالنسبة للماذر بورد اللي ذكرتها عايز اعرف هي احسن ولا الاسوس اللي رشحها الايوبي

البوردتين نفس المستوى شوف الي فيها مزايا أكثر وسعر كويس واشتريها لكن ما تنساش تسأل عن P35-DS4.

moatez
06-06-2008, 00:14
متشكر يا اخ moatez وانت خليتني اتفائل .. الاسعار اللي قلتها ارخص شوية من اللي في بالي
ياريت تقولي جبتها منين
بالنسبة للماذر بورد اللي ذكرتها عايز اعرف هي احسن ولا الاسوس اللي رشحها الايوبي

عفوا يا اخى كلنا اخوات بالنسبة لاحسن مكان تشترى منه مولات السخاوى 1 و 2 فى شارع الخليفة المامون فى مصر الجديدة
بالنسبة للمذربورد انا بفضل الجيجابايت ga ep35-ds3r علشان اغلبية الناس جايبها و بتشكر فيها جدا اما الاسوس فانا معرفش ان كانت موجودة فى مصر او لا كمان معرفش عنها حاجة يمكن حد ثانى يفيدك
برده احب اقولك حاجة بالنسبة للديفيدى رايتر الاراء فيه بتختلف انا عن نفسى بفضل السامسونج شوف بردو راى الناس اللى هنانسيت اقولك الباور k-mex سعره 220 جنيه و الف مبروك مقدما

why_not
06-06-2008, 00:42
إن شاء الله مش هنسى اسأل عليها يا ايوبي ولو لقيتها هجيبها وانا مغمض وعلى ضمانتك :cool:
وبالنسبة للرايتر انا بردو فكرت في السامسونج يا Moatez لان معظم الناس بردو بتفضله
ياريت تقولي المول اسعاره ثابتة وفي كل المحلات ولا في فصال ووجع قلب لاني بصراحة خيبة في الشرا

moatez
06-06-2008, 01:24
إن شاء الله مش هنسى اسأل عليها يا ايوبي ولو لقيتها هجيبها وانا مغمض وعلى ضمانتك :cool:
وبالنسبة للرايتر انا بردو فكرت في السامسونج يا Moatez لان معظم الناس بردو بتفضله
ياريت تقولي المول اسعاره ثابتة وفي كل المحلات ولا في فصال ووجع قلب لاني بصراحة خيبة في الشرا

للاسف الاسعار بتتفاوت من محل الى محل فلازم تسال فى كل محل علشان توصل لاقل سعر و بردو فاصل و متقلش من حاجة كل مولات السخاوى 1 و 2 مضمونة و مجربة بس نصيحة لو فى حاجة مش عارفها تعال و اسال فيها هنا و لا تسمع لكلام اى بائع دائما كلامهم بيكون مش مضبوط و ربنا يوفقك

lTTl
06-06-2008, 01:46
مداخلة لو لاقيت DVD RW Sony Boxed ممتاز - وأبتعد عن LG و Samsung جيد جدا
بالنسبة للوحة
Gigabyte EP35-DS3R وهناك أصدار آخر GA-EP35C-DS3R والفارق دعم DDR3 لو لاقيت السعر مقارب يبقا الأختيار التاني
بالنسبة للرام أشتري DDR2 2*1G Kingston 800 or 1066 حسب ما تريد ولو عاوز أعلى هاتشتري 4 جيجا بس هاتحتاج windows 64bit
باقي المواصفات من معالج وهارد - لن أزيد على كلام معتز - ممتاز

تحياتي ومبروك عليك مقدما

why_not
06-06-2008, 11:15
اخر سؤال ان شاء الله
ممكن الفروق بينEP35-DS3R و P35-DS3R و P35-DS4
انا قلقان من اختيار الماذر بورد بالذات

TheInfernal
06-06-2008, 11:41
الفارق الوحيد بين الP35-DS3R و الEP35-DS3R ان التاني اقتصادي أكتر في استهلاك الطاقة.
الP35-DS4 بيفرق عن الDS3R ان تبريد الجسر الشمالي فيه أفضل, رغم انك ممكن تركب مروحة صغيرة على الDS3R و توصل لنفس مستوى التبريد.

moatez
06-06-2008, 11:46
اخر سؤال ان شاء الله
ممكن الفروق بينEP35-DS3R و P35-DS3R و P35-DS4
انا قلقان من اختيار الماذر بورد بالذات

بص مظنش ان p35-ds4 موجودة فى مصر بالنسبة للفرق بين p35-ds3r و ep35-ds3r ان GA-EP35-DS3R بتدعم خاصية Energy Efficient اللى بتوفر فى الكهرباء لما يكون الجهاز فى وضع خمول يعنى مثلا سايبه بالليل بتحمل ملفات غير كدا الاثنين زى بعض بالضبط
بالاضافة الى كدا ان p35-ds3r مش موجودة دلوقتى خالص الموجودة الثانية
بس انا بانصحك ep35-ds3r زى ما قولت لك قبل كدا ومتقلش منها خالص و بدعم كل معالجات quad core اللى جايه بتقنية 45nm وكذلك core 2 duo بتقنية 45 nm زى بتاعك كدا
وعموما ممكن تضع مواصفات جهازك فى الموضوع ده و شوف الاراء علشان تتاكد اكثر
http://www.arabhardware.net/forum/showthread.php?t=57861

why_not
06-06-2008, 15:47
رد هايل من Infernal , Moatez
بس تاتي الكروت بما لا تشتهي الانفس
الكرت اللي جالي صدمة sparkle 7300 AGB 8x 512
بجد اتصدمت وده من السعودية يعني ملوش رجوع ارجو اي حد يقولي اعمل ايه الغي فكرة الجهاز الجديد واعمل جهاز يمشي عليه ولا لو نزلت بيه المول ممكن حد يشتريه ومش مهم الخسارة اللي هخسرها

TheInfernal
06-06-2008, 16:02
البوردات الحديثة متدعمش AGP, و الكارت ضعيف. أنصح انك تحاول تبيعه.

moatez
06-06-2008, 16:43
الغي فكرة الجهاز الجديد واعمل جهاز يمشي عليه ولا لو نزلت بيه المول ممكن حد يشتريه ومش مهم الخسارة اللي هخسرها
لا طبعا علشان مفيش بوردات حاليا بتدعم agp ممكن حضرتك تنزل تبيعه و تكمل على فلوسه و تجيب كارت جديد فى حاجة كمان هو حضرتك عامل 4000 جنيه فعلا للجهاز و لا ممكن تزود علشان الجهاز اللى فوق حيبقى عامل 4800 جنيه خد بالك

why_not
06-06-2008, 16:57
بعد الكارت المقلب ده يبقا طبعا هدفع تمنه والكارت اللي هجيبه من هنا هيعدي بكتير لان طبعا اسعار السعودية ارخص يعني الجهاز هيعدي هيوصل 6000
بس ازاي اعمل جهاز يمشي عليه وانت بتقولي مفيش بوردات agp
انا احترت

alayoubi
06-06-2008, 17:14
لا طبعا خدلك جهاز جديد وانسى حكاية الكرت الي جالك من السعودية مش مستاهل تزعل عليه .

moatez
06-06-2008, 17:17
بعد الكارت المقلب ده يبقا طبعا هدفع تمنه والكارت اللي هجيبه من هنا هيعدي بكتير لان طبعا اسعار السعودية ارخص يعني الجهاز هيعدي هيوصل 6000
بس ازاي اعمل جهاز يمشي عليه وانت بتقولي مفيش بوردات agp
انا احترت

للاسف لازم تبيعه لان البوردات الموجودة حاليا المنفذ اللى فيها اللى بيركب عليه كارت الشاشة من نوع pci-express وكذلك كل الكروت طلعه بتدعم هذا المنفذ فلالسف مفيش حل امامك الا البيع و استنى شوف راى الاعضاء برده يمكن يكون حد عنده حل

why_not
06-06-2008, 18:45
لا طبعا خدلك جهاز جديد وانسى حكاية الكرت الي جالك من السعودية مش مستاهل تزعل عليه .

المصيبة اني هدفع تمنه 625 ريال يعني بالمصري يعني تقريبا 900 جنيه مصري
:(

elmalek1985
06-06-2008, 18:50
بالنسبة للمازو بورد انصحك FOXCONN MARS
ثم GA Ep35 Ds3R
والبرسيسور لو ممكن تستنى شوية وتجيب q9450 يبقى تمام

moatez
06-06-2008, 22:59
بالنسبة للمازو بورد انصحك FOXCONN MARS
ثم GA Ep35 Ds3R
والبرسيسور لو ممكن تستنى شوية وتجيب q9450 يبقى تمام

مع احترامى الشديد لراى حضرتك FOXCONN MARS كويسة و كل حاجة ميزتها بتظهر فى كسر السرعة غير كدا هى زى EP35-DS3R نفس الشريحة P35 و الاخ مش ناوى اساسا على كسر السرعة فاللى يخليه يدفع فرق 270 جنيه فى حاجة هو مش هيعملها مع العلم بردة ان الجيجابايت كويسة جدا برده فى كسر السرعة بس نتائجه اقل شوية من FOXCONN MARS

moatez
06-06-2008, 23:17
المصيبة اني هدفع تمنه 625 ريال يعني بالمصري يعني تقريبا 900 جنيه مصري
:(

بص انا عندى اقتراح ادفع حق الكارت ثم بيعه و هات بحقه كارت ب 300 جنيه زى X1650PRO و كمل الجهاز ده كارت كويس جدا و هيشغلك كل الالعاب بس طبعا مش على اعلى حاجة هاته مؤقتا و ياسيدى بعد كدا ابقى غيره الى 8800GT حتى تكون الاسعار رخصت شوية يبقى كدا الجهاز هيكلفك حوالى 3580 جنيه طبعا الكلام ده كله لو الميزانية ما تسمح تجيب 8800gt فكر فى الاقتراح ده

فى ملحوظة بالنسبة للهارد واحد لسه شاريه قريب ة بيقول الكاش بتاعته 32 من السخاوى فانا مش متاكد اوى من كلامه لو كدا هات كاش 16 حتلاقى موديله WD5000AAKS

lTTl
07-06-2008, 01:58
المصيبة اني هدفع تمنه 625 ريال يعني بالمصري يعني تقريبا 900 جنيه مصري
:(

أخي كيف وصلك كارت مخالف للكارت إلي أنت طلبه
شوف طالبه منين وراسلهم أكيد في خطأ ما حدث
أتصل بشركة الشحن وبالموقع إلي أشتريت منه وسوي الأمر معهم

why_not
07-06-2008, 03:05
أخي كيف وصلك كارت مخالف للكارت إلي أنت طلبه
شوف طالبه منين وراسلهم أكيد في خطأ ما حدث
أتصل بشركة الشحن وبالموقع إلي أشتريت منه وسوي الأمر معهم

انا معرفش لسة والله اللخبطة دي حصلت من مين بالظبط ده واحد جار صاحب السايبر اللي انا موصل منه وهو صاحبي وشاريه على اساس ان له هو وانا مش باين في الموضوع منعا للاحراج يعني وانا اللي شربتها
يارب اعرف اشحنهوله عشان يعرف يرجعه انما لو فكرت ابيعه انا متكد اني هخسر فيه مش اقل من 600 او 700 جنيه
ربنا يستر ودعواتكم معايا

why_not
07-06-2008, 03:26
مع احترامى الشديد لراى حضرتك FOXCONN MARS كويسة و كل حاجة ميزتها بتظهر فى كسر السرعة غير كدا هى زى EP35-DS3R نفس الشريحة P35 و الاخ مش ناوى اساسا على كسر السرعة فاللى يخليه يدفع فرق 270 جنيه فى حاجة هو مش هيعملها مع العلم بردة ان الجيجابايت كويسة جدا برده فى كسر السرعة بس نتائجه اقل شوية من FOXCONN MARS

ههههههه متشكر ياجماعة والله على ردودكم بس متزعلوش نفسكم انا مش عارف الجهاز كدة هيجي ولا لا
انا جيت افكر في كسر السرعة انكسرت رقبتي

lTTl
07-06-2008, 03:50
انا معرفش لسة والله اللخبطة دي حصلت من مين بالظبط ده واحد جار صاحب السايبر اللي انا موصل منه وهو صاحبي وشاريه على اساس ان له هو وانا مش باين في الموضوع منعا للاحراج يعني وانا اللي شربتها
يارب اعرف اشحنهوله عشان يعرف يرجعه انما لو فكرت ابيعه انا متكد اني هخسر فيه مش اقل من 600 او 700 جنيه
ربنا يستر ودعواتكم معايا

أخي زي ما قولتلك راسل شركة الشحن والموقع إلي شاتريت منه
واسئل صاحبك ممكن يكون حصل غلطة في الطلب - وبأذن الله ماتكونشي نصبايه

moatez
07-06-2008, 21:54
ههههههه متشكر ياجماعة والله على ردودكم بس متزعلوش نفسكم انا مش عارف الجهاز كدة هيجي ولا لا
انا جيت افكر في كسر السرعة انكسرت رقبتي

بعيدا عن مكونات جهازك انا بقوله وجهة نظرى يمكن تطلع صح او تكون وجهة نظره هو الصح علشان الكل يستفيد