المساعد الشخصي الرقمي

مشاهدة النسخة كاملة : قائمة بأسعار قطع الكومبيوتر في سوريــة



الصفحات : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 [229] 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

bond 007
20-02-2012, 17:28
شكر ا لك على الرد السريع معقولة شغلة مراجعة البريد تكون حقيقية ؟؟؟؟!!!!!!!هلق اذا سجلت عند البريد وعند مزود خاص وطلعو التنين بدي ادفع مرتين ؟؟؟؟؟واذا بدي سجل عند مزود خاص من الافضل انو خبرو اني مسجل عن طريق البريد والا ما في داعي اسف على الازعاج وشكرا مقدما للمساعدة

أخي شو ناطر؟! روح بسرعة إسأل عند مزود أية أو سوا قبل ما يخلصو البوابات لانو البريد في احتمال كبير تكون شغلتو فاضية وروح وتعا و بالأخير ما في بوابة ويكون خلصو البوابات حتى عند المزودات الخاصة لانو إنت مقسم الجميلية وهذا المقسم عليه زحمة كبيرة كتير ويمكن يخلصو البوابات خلال أيام مشان هيك لحق حالك لأنو مع وجود أزمة بالبلد يمكن هاي أخر دفعة بوابات.

بالنسبة لمزود سوا أنا شفت إعلان بجريدة الوسيلة نهار الجمعة عن توافر بوابات بمقسم الجميلية
أما مزود أية إلي أنا مشترك معهم من 2009 فالخدمة عندهم ممتازة الإنترنت ما فصل عندي ولا مرة ومافي مشاكل بالإتصال و السرعة مستقرة دائما على 28-29 كيلوبايت للداونلود علما انا اشتراكي ترافيك 2 جيغا وسرعة 256 ادفع 950 شهريا وعندهم دعم فني ممتاز مو متل البريد ما بيردو عليك بإمكانك أن تراقب توافر البوابات في مقسمك من الرابط http://aya.sy/services/adsl/list.php
أو روح لعند الوكيل و اسألو اسم الوكيل عبد الوهاب نحاس المركز المعلوماتي السوري عنوانو الجميلية تاني مفرق عاليسار بعد مكتبة أطلس البناء مقابل صيدلية الشامي وقتها الوكيل أجا لعندي وركبلي المودم خلال 15 يوم من طلب الخدمة.

بس متل ما قلتلك عامل الزمن هام جدا جدا خاصة بمقسم الجميلية لانو عالم كتير ناطرة والوكيل أول شي يخبر أقاربه و أصدقاؤه
مشان هيك استعجل و كل يوم اتصل بالوكيل.

magyfan
20-02-2012, 19:13
أخي شو ناطر؟! روح بسرعة إسأل عند مزود أية أو سوا قبل ما يخلصو البوابات لانو البريد في احتمال كبير تكون شغلتو فاضية وروح وتعا و بالأخير ما في بوابة ويكون خلصو البوابات حتى عند المزودات الخاصة لانو إنت مقسم الجميلية وهذا المقسم عليه زحمة كبيرة كتير ويمكن يخلصو البوابات خلال أيام مشان هيك لحق حالك لأنو مع وجود أزمة بالبلد يمكن هاي أخر دفعة بوابات.بالنسبة لمزود سوا أنا شفت إعلان بجريدة الوسيلة نهار الجمعة عن توافر بوابات بمقسم الجميليةأما مزود أية إلي أنا مشترك معهم من 2009 فالخدمة عندهم ممتازة الإنترنت ما فصل عندي ولا مرة ومافي مشاكل بالإتصال و السرعة مستقرة دائما على 28-29 كيلوبايت للداونلود علما انا اشتراكي ترافيك 2 جيغا وسرعة 256 ادفع 950 شهريا وعندهم دعم فني ممتاز مو متل البريد ما بيردو عليك بإمكانك أن تراقب توافر البوابات في مقسمك من الرابط http://aya.sy/services/adsl/list.phpأو روح لعند الوكيل و اسألو اسم الوكيل عبد الوهاب نحاس المركز المعلوماتي السوري عنوانو الجميلية تاني مفرق عاليسار بعد مكتبة أطلس البناء مقابل صيدلية الشامي وقتها الوكيل أجا لعندي وركبلي المودم خلال 15 يوم من طلب الخدمة.بس متل ما قلتلك عامل الزمن هام جدا جدا خاصة بمقسم الجميلية لانو عالم كتير ناطرة والوكيل أول شي يخبر أقاربه و أصدقاؤه مشان هيك استعجل و كل يوم اتصل بالوكيل.شكرا للردبس شو منشان انو انا مسجل بالبريد يعني لازم روح اسحب تسجيلي من البريد قبل الاشتراك عند اية يعني اذا اشتركت عند اية وبعدين طلع اشتراك البريد بدي ادفع مرتين مبلغ الاشتراك؟؟؟؟؟؟؟؟؟؟؟؟؟؟؟؟؟؟

bond 007
20-02-2012, 20:53
طبعا ما فيك تاخد بوابتين على نفس خط التلفون والأغلب إنو راح تحصل على اشتراك بالمزود الخاص اولا لأنو الوكيل يمشي معاملتك بالبريد أسرع و بشكل جماعي لكل المشتركين أما إذا صار خطأ ففيك تلغي اشتراكك بكل سهولة.
على كل حال ممكن تتصل بوكيل أية وتسألو عن الوضع وهدا رقم موبايلو أنا كل يوم كنت أتصل عليه و أسألو عن حالتك 0955536000
اسمو عبد الوهاب نحاس
على الأقل عندو خبرة بالموضوع و يفهم بينما إذا سألت موظفين البريد راح يفوتوك بالحيط لأنو مو عرفانين الله وين حاطون وراح يجاوبوك غلط وممكن كمان تسأل بالشركة الهندسية عن اشتراك سوا.

THE EastSideR
21-02-2012, 06:03
المهم كم امبير ناخذها
نصحوني ب 160 امبير وسعرها تقريبا 5500 وطني و اجنبي لم اسئل بما ان ليست لها كفالة
ومكن لهذه البطارية مع دارة انفرتر الوطنية اوا الصينية 500 واط ان تشغل تلفاز ولمبتي توفير لمدة 3ساعات
اما دارة انفرتر الصينية (800-1000 واط) فبامكانها تشغيل تلفاز ولمبتي توفير لمدة 4 ساعات
اما دارة انفرتر الوطنية 1000 واط والصينية 1200 واط فبامكانهاتشغيل اما
تلفاز وريسيفر و لمبتي توفير لمدة تصل الى 6 ساعات تقريبا
او كمبيوتر ولمبتي توفير لمدة 4 ساعات تقريبا
طبعا انت تاخذ البطارية كلى كيفك وتختار الامبير المناسب لك فمثلا انت فقط سوف تقوم باشعال لمبتي توفير لا تاخذ 160 امبير
خذ 100 مبير بتشغلك اياهم 4 ساعات وسعرها حوالي 2000 ل.س
هل معنى هالكلام , أنو دارة الإنفرتر بتفرغ شحن ,,, حتى لو كان مافي سحب منها ؟؟؟
أعتقد أن تحديد ساعات العمل هو للبطاريات فقط , ومن الخطأ تحديد ساعات العمل حسب إستطاعة الإنفرتر ,, إستطاعة الإنفرتر ( حسب معلوماتي ) هي قدرته القصوى على توفير الطاقة (( مثل البور سبلاي تماماً )) , يعني ما رح تقدر تشغل جهاز بيتططلب على الأقل بور 400 وات , على بور 350 , وبالنسبة لحساب الطاقة الي رح أحتاجها , لمبة نيون 90 وات + كاوي 45 وات ×2 , تلفزيون 14" وريسيفر تافه خلي بالكتير 200 وات , صارو 380 وات , هلق حددت إستطاعة الإنفرتر يلي بحتاجو , وطني 500 وات , أما البطارية : 100امبير × 12فولت = 1200 وات طبعاً دارة الإنفرتر ما أظن أنها تكون بفاعلية مزودات الـ 80+ , لذلك لازم نطرح يلي رح يستهلكو الإنفرتر من البطارية مقابل عمله , وخلي تكون فعاليته 80+ white :D , يعني 1200 - 20% = 960 وات , ÷ 380 = 2.52 ساعة ,, طبعاً Talk is cheap ,,,
1- بما أني مو فني إلكترونيات , ما بعرف فعالية هالإنفرترات , يعني ممكن تكون 80 , ممكن تكون أقل , حسب النوعية , والفعالية الأقل = إستهلاك طاقة أكثر + ( حرارة أكثر ) , والعكس صحيح .
2- يلي رح إحتاجو من الطاقة هو 380 ,, حسب مو مكتوب عالأجهزة يلي رح إستخدمها , بس 380 بشو ؟؟؟ قدرت أنو 380 وات بالساعة , وكانت النتيجة ساعتين ونص , هي النقطة الوحيدة يلي مو متأكد من صحتها , وبدنا خبير إلكترونيات يشرحها ...
أما بالنسبة للدارات الصينية , أعتقد أنها أفضل من ناحية السعر ( مع مراعاة شراء دارة الشحن , ودارة إيقاف الشحن الناقصة منها ) , وأفضل لأنها مجمعة بالصين وخالصة (كلنا منعرف التجميع الوطني,,ممتاز في كل المجالات) , بس دارة رفع الجهد ,, شو وظيفتها ؟؟ أعتقد أنها لازم تكون على دارة الإنفرتر نفسها ( إذا كانت وظيفتها متل ما فهمت ) .
بعتذر عالإطالة .

caldron
21-02-2012, 12:20
هل معنى هالكلام , أنو دارة الإنفرتر بتفرغ شحن ,,, حتى لو كان مافي سحب منها ؟؟؟
أعتقد أن تحديد ساعات العمل هو للبطاريات فقط , ومن الخطأ تحديد ساعات العمل حسب إستطاعة الإنفرتر ,, إستطاعة الإنفرتر ( حسب معلوماتي ) هي قدرته القصوى على توفير الطاقة (( مثل البور سبلاي تماماً )) , يعني ما رح تقدر تشغل جهاز بيتططلب على الأقل بور 400 وات , على بور 350 , وبالنسبة لحساب الطاقة الي رح أحتاجها , لمبة نيون 90 وات + كاوي 45 وات ×2 , تلفزيون 14" وريسيفر تافه خلي بالكتير 200 وات , صارو 380 وات , هلق حددت إستطاعة الإنفرتر يلي بحتاجو , وطني 500 وات , أما البطارية : 100امبير × 12فولت = 1200 وات طبعاً دارة الإنفرتر ما أظن أنها تكون بفاعلية مزودات الـ 80+ , لذلك لازم نطرح يلي رح يستهلكو الإنفرتر من البطارية مقابل عمله , وخلي تكون فعاليته 80+ white :D , يعني 1200 - 20% = 960 وات , ÷ 380 = 2.52 ساعة ,, طبعاً Talk is cheap ,,,
1- بما أني مو فني إلكترونيات , ما بعرف فعالية هالإنفرترات , يعني ممكن تكون 80 , ممكن تكون أقل , حسب النوعية , والفعالية الأقل = إستهلاك طاقة أكثر + ( حرارة أكثر ) , والعكس صحيح .
2- يلي رح إحتاجو من الطاقة هو 380 ,, حسب مو مكتوب عالأجهزة يلي رح إستخدمها , بس 380 بشو ؟؟؟ قدرت أنو 380 وات بالساعة , وكانت النتيجة ساعتين ونص , هي النقطة الوحيدة يلي مو متأكد من صحتها , وبدنا خبير إلكترونيات يشرحها ...
أما بالنسبة للدارات الصينية , أعتقد أنها أفضل من ناحية السعر ( مع مراعاة شراء دارة الشحن , ودارة إيقاف الشحن الناقصة منها ) , وأفضل لأنها مجمعة بالصين وخالصة (كلنا منعرف التجميع الوطني,,ممتاز في كل المجالات) , بس دارة رفع الجهد ,, شو وظيفتها ؟؟ أعتقد أنها لازم تكون على دارة الإنفرتر نفسها ( إذا كانت وظيفتها متل ما فهمت ) .
بعتذر عالإطالة .


انا راح اجاوبك على يلي بعرفه
اولا دارة الانفرتر لاتفرغ الشحن الا عند الاستخدام (سحب كهرباء ) يعني تشغيل ضوء مثلا

ثانيا مزبوط البطاريات هي يلي بتحدد ساعات العمل حسب الانفرتر
بما انك حددت استهلك ب 380 واط خلينا نقول 400 واط (يرجى سؤال فني كهرباء لمعرفته جيدا بهذه الامور )
صارت الشغلة سهلة هون لابتاخد الوطني وسعرها غالي شوي لا بتاخد الصيني سعرها منخفض انت وراحتك وراحة جيبتك:D
وطبعا ماتنسى انوا دائما دارة الانفرتر الوطني والصيني استطاعتها اقل من الكتوب عليها مثلا 1200 وات بيجيك فعلي 1000 وات وقيس على ذلك
مشان البطارية انت مشان ما تتوشوش بتسال فني كهرباء
بعد بحث في النت طلعت فكرة المعادلة يلي حطيتها صحيحة تماما :ah7: وهي
الواط = الامبير x الفولت
والواط يقاس بالساعة
وبالتالي لازم تكون حساباتك صحيحة الله اعلم

ثالثا مشان دارة ايقاف الجهد بكل السوق مو متوفرة وماحدا بيعملك اياها لانوا بتكلف لحالها شي 3000 ل.س
طبعا الصيني جيدة بس الوطني جيدة جدا لانوا بتجمع الدارات معا بينما الصينية تجمع فقط دارة التحويل
وكما ذكرت لازمك دارة شحن للبطارية وهون الفرق بين الوطني والصيني
لانوا الوطني بتوصل الجهاز على البطارية وعلى الكهرباء وهو لهالوا بيشحن البطارية وقت ما بيكون فيي كهرباء وبيعطيك كهرباء من البطارية وقت ما بيكون في كهرباء (يعني بالمشرمحي بس انت بترفع قاطع ويتنزل قاطع)
بينما الصيني بدك وقت ما تنقطع الكهرياء توصل دارة الانفرتر وتوصلها على القطع الاكهربائية(مثلا التلفاز) وعندما تاتي الكهرباء لازم توقف دارة الانفرتر وتوصل دارة الشحن وتستني عدد من الساعات بعدين تفصل دارة الشحن لانوا اذا نسيت البطارية على الشحن انحرقت البطارية وهون بيفضلوا العالم دارة الانفرتر الوطنية على الصينية

رابعا مشان دارة رفع الجهد والله لازم يكون كلامك صحيح راح اسئل على هالنقطة

واخيرا انا جاهز اساعدك بأي شي وانشاء الله بيتكون فهمت على شرحي (هذا ليس اختصاصي والله :D

caldron
21-02-2012, 12:53
مشكور أخي caldron على المعلومات المفيدة
بس أنا برايي حرام الواحد يدفع حوالي 15000 مشان يشغل كمبيوتر وكم لمبة يعني بهذا المبلغ ممكن واحد يشتري غرض للبيت شاشة تلفزيون أو حتى جهاز كمبيوتر جديد بعدين على فرض إنو وضع الكهربا صار مستقر شو بدي ساوي بالجهاز حتى لو بعتو مستعمل ما حدا راح يشتريه إذا انحلت الأزمة يعني بكون كبيت مصاري.

أنا برأيي حرام إلا بحالة واحدة مثلا طالب جامعي او بكالوريا بوقت الإمتحانات ممكن يضطر لهيك جهاز.
حاليا انا عم أستعمل جهازي اللابتوب وقت قطع الكهربا البطارية تكفي 3 ساعات و عنا الكهربا تقطع من 1 إلى 4 و فترة مسائية من 10إلى 12 يعني بيمشي الحال و بالنسبة للمودم فانا عندي DSL وبس تقطع الكهربا بستعمل مودم SURF مسبق الدفع بشحن أصغر فئة وبستعملو للتصفح ووقت الضرورة او عندما أكون خارج المنزل وبالنسبة للإضاءة من شو بتشكي لمبات الشحن الصينية إم ال 150 ليرة;)

أنا عندي ups ماركة mercury صيني 800 واط اشتغل معي سنتين قبل ما ينتهي عمر البطارية و الأن استعمله كمنظم للكهربا فقط
ما بعرف إذا في مجال تتبدل البطارية و عند مين أبدلها وهل ضروري تكون من نفس النوع أنا اشتريته من ديجيتال نت.
في ناحية مهمة من أسبوعين صار المودم عندي يفصل باستمرار و بعد ما أصابني اليأس قررت أشتري مودم جديد لكن بالصدفة وضعت فيش المودم بال ups مو بس اشتغل المودم وما عاد يفصل كمان إشارة الوايرلس أصبحت افضل يعني طلع الحق على ضعف الكهربا.

اخي مشان توصل بطارية السيارة على ups سمعت عالم عم تحكي عن هيك بس قالوا ما بنفس جودة دارة الانفرتر بس انا مابعرف واتوقع اذا بدك نفس البطارية لازم تروح لعند يلي اشتريت ال ups وتسأله
والحمد لله انت محلولة عندك وانشاء الله الجميع بس انا حبيت بما انوا انفتح موضوع الكهرياء والمولدات ودارة الانفرتر اساعد لانوا الشغلة يتدوش والله رحت اكتر من مرة

oscartel1111
21-02-2012, 13:12
والله يا شباب انا برايي ان ups افضل خيار جاهز مجهز لا انت بحاجة تركب بطارية ولا توجع راسك وحجم اصغر :)
يعني ups باستطاعة 1500 va كافي ووافي ولا تنسو مدمج معة منظم كهرباء

B@l@nced
22-02-2012, 12:49
سأضع الحل الصامت عديم الرائحة الذي توصلت إليه لتشغيل كمبيوتر desktop مع شاشتين lcd وراوتر وسبيكرات ولمبة نيون كبيرة. قطع الكهرباء 12 ساعة يوميا. التكلفة 40000 ليرة تقريبا.

المطلوب:
1 - أن تكون على معرفة معقولة بالكهرباء، وعندك استعداد للبحث والسؤال. أو تستعين بمتخصص أو صديق عنده خبرة. العمل مع الكهرباء (والبطاريات خاصة) ليس فيه مزاح. الخطأ ممكن أن يؤدي لتعطيل أجهزة في أحسن الأحوال، ويمكن أن يؤدي إلى حريق أو صعق حتى الموت بأسوأ الأحوال. لا تفعل شيئا إلا إذا كنت متأكد مما تفعله.

2 - يو بي اس محترم بشرط أن يحتوي على مدخل لتوصيل بطاريات خارجية. يعني يوجد فيه بطاريات صغيرة نسبيا، ولكن المهم أنه يمكنك توصيل بطاريات خارجية لتشغيله لفترات طويلة.
الـ ups في العادة يأتي مع شاحن صغير (1 أو 2 أمبير) يعني الشحن بطيء ومع كهرباء تأتي لساعات قليلة لا يلحق شحن بطاريته.

3 - 4 بطاريات سيارة سعة كل منها 100 أمبير/ساعي.
يمكن أن يكون عدد البطاريات أكبر أو سعتها أكبر حسب حاجتك.
توصل بحيث تناسب فولت الـ ups. مثلا إذا كان الفولت المطلوب 12 توصل البطاريات على التوازي (تصبح السعة 400 أمبير والفولت 12). وإذا كان المطلوب 24 فولت توصل البطاريات توازي/تتالي (تصبح السعة 200 أمبير والفوت 24). إذا كنت لا تعرف كيفية التوصيل ابحث على النت عن wiring batteries series parallel أو اسأل فني كهرباء أو طالب كهرباء.

4 - شاحن مناسب للبطاريات من حيث الفولت، و أمبير كبير (20 أو 30 أمبير) حتى تستطيع شحن البطاريات بسرعة في الفترات القصيرة عندما تأتي الكهرباء. الشاحن ممكن تطبيقة عند محلات متخصصة أو البحث في السوق عن شواحن. يمكن أن يكون الشاحن أوتوماتيك يفصل عند انتهاء الشحن، أو يكون يدوي مع ساعة أمبير تظهر حالة الشحن، وتكون مسؤول عن فصله عند انتهاء الشحن.

الفكرة:
الـ ups يعمل ببطاريته الداخلية. عند قطع الكهرباء، عليك توصيل البطاريات الخارجية حتى يعمل لساعات طويلة (حسب سعة البطاريات). عندما تأتي الكهرباء، عليك فصل البطاريات الخارجية عن الـ ups وتوصيلها إلى الشاحن السريع لإعادة شحنها بسرعة. في نفس الوقت يقوم الـ ups بإعادة شحن بطارياته الصغيرة ببطء.
يعني بإختصار نحن نساعد اليو بي اس على أداء عمله.

ملاحظات:
* بطارية السيارة 12 فولت. إذا كانت السعة 100 أمبير تكون الطاقة المخزنة 12X100 وات يعني 1200w أي يمكنك نظريا تشغيل جهاز طاقته 100 وات لمدة 12 ساعة. في الواقع تتغير السعة حسب عمر البطارية، وكذلك التحويل إلى 220 فولت يضيع عادة 20% من الطاقة. أيضا إذا كان السحب كبيرا تقل السعة الفعلية (تزداد حرارة البطارية). يعني خلينا نقول أن بطارية سيارة سعة 100 أمبير تشغل جهاز طاقته 100 وات لمدة 8 ساعات فعلية إذا كانت مشحونة بشكل كامل. لكن ذلك سيؤدي إلى إيصال البطارية إلى حالة عدم الشحن وهي حالة تقصر عمر البطارية كثيرا في حال تكرارها. إذن سنعتبر على أرض الواقع أن بطارية بسعة 100 أمبير ستشغل جهاز طاقته 100 وات لمدة 4 ساعات.

* من المهم أن تشتري بطاريات بسعة تساوي ضعف ما تحتاجه. الهدف من ذلك عدم تفريغ البطاريات بالكامل عند كل قطع كهرباء. حتى يطول عمر البطارية يجب أن تبقى حالة الشحن فوق الـ 50% ويجب إعادة شحنها مباشرة بعد عودة الكهرباء. بطاريات السيارات بشكل خاص لا يناسبها التفريغ الكامل.

* سعر بطارية السيارة سعة 100 أمبير مغلقة (لا تحتاج إلى صيانة أو ماء) أجنبية 5000-6000 ليرة

* تكلفة الشاحن 3000-5000 ليرة

* تكلفة اليو بي اس 12000-20000 ليرة

magyfan
23-02-2012, 20:05
طبعا ما فيك تاخد بوابتين على نفس خط التلفون والأغلب إنو راح تحصل على اشتراك بالمزود الخاص اولا لأنو الوكيل يمشي معاملتك بالبريد أسرع و بشكل جماعي لكل المشتركين أما إذا صار خطأ ففيك تلغي اشتراكك بكل سهولة.
على كل حال ممكن تتصل بوكيل أية وتسألو عن الوضع وهدا رقم موبايلو أنا كل يوم كنت أتصل عليه و أسألو عن حالتك 0955536000
اسمو عبد الوهاب نحاس
على الأقل عندو خبرة بالموضوع و يفهم بينما إذا سألت موظفين البريد راح يفوتوك بالحيط لأنو مو عرفانين الله وين حاطون وراح يجاوبوك غلط وممكن كمان تسأل بالشركة الهندسية عن اشتراك سوا.

شكرا كتير لاهتمامك وانا سالت عند sawa وعند inet و view وراح اسال عند اية

mouhammed963
24-02-2012, 13:54
شباب حدا بيعرف اذا كان متوفر عنا راوتر بيشتغل على USB
أنا شفت منون عالنت بس ما لقيت بمواقع الشركات عنا مع انو كل البضاعة متوفرة ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!

Ĩ ф И_ Ĥ Ξ λ Я Ŧ £
24-02-2012, 19:24
^
غريبة كل البضاعة متوفرة ؟ قبل 4 ايام عند شركة الهندسية لم يكن عندها ألا i3....لا i5 ولا i7.

mouhammed963
24-02-2012, 19:40
^
غريبة كل البضاعة متوفرة ؟ قبل 4 ايام عند شركة الهندسية لم يكن عندها ألا i3....لا i5 ولا i7.

يا أخي أعرف أن أغلب البضاعة غير متوفرة ولكن نوع من المسخرة الصراحة
ولكن هل تعرف شركة تبيع هذا الراوتر لأنه حل مثالي حالياً

Ĩ ф И_ Ĥ Ξ λ Я Ŧ £
24-02-2012, 19:54
يا أخي أعرف أن أغلب البضاعة غير متوفرة ولكن نوع من المسخرة الصراحة
ولكن هل تعرف شركة تبيع هذا الراوتر لأنه حل مثالي حالياً

جرب ان تسأل الشركات مثل الديجتال نت وهندسية وديجتال جروند ستور وعالم الرقميات .
لم ارى اي نوع من هذا الراوتر في السوق بنسبة لي ولكن انا عندي UPS عادي و يمكنك ان تقول وجدت طريقة وزبطت الراوتر ع UPS ومشي الحال :D

mouhammed963
24-02-2012, 20:23
ما هي مواصفات الــ UPS عندك وكام ساعة يعمل معك

Ĩ ф И_ Ĥ Ξ λ Я Ŧ £
24-02-2012, 20:41
ups عندي قديمة جدا من 8 سنين هههههه kebo مكتوب عليه 600av تعمل حوالي ساعتين فقط وتأخذ وقت شحن طويل :p

طبعا لراوتر فقط ..

mouhammed963
24-02-2012, 20:43
جيد جداً اذا كان قديم و بيشتغل هيك كتير منيح
الصراحة أنا مضطر عليه منشان الجامعة بس رح انطر الأسبوع الجاية لشوف وضع الكهرباء كيف رح يصير
مشكور كتير أخ باسل على ردك السريع

Ĩ ф И_ Ĥ Ξ λ Я Ŧ £
24-02-2012, 20:50
جيد جداً اذا كان قديم و بيشتغل هيك كتير منيح
الصراحة أنا مضطر عليه منشان الجامعة بس رح انطر الأسبوع الجاية لشوف وضع الكهرباء كيف رح يصير
مشكور كتير أخ باسل على ردك السريع

ولا يهمك اخي الغالي :)
ان شاء الله الاسبوع الجاية يعني يابكرا او بعد بكرا من المفترض تصير الكهربا 6 ساعات متل زمان 3 مسا و 3 صبح فقط ان شاء الله يارب
شو محضراتك اون لاين بجامعة ؟:D

ramy
25-02-2012, 03:36
ان شاء الله الاسبوع الجاية يعني يابكرا او بعد بكرا من المفترض تصير الكهربا 6 ساعات متل زمان 3 مسا و 3 صبح فقط ان شاء الله يارب

:eek:

باي مدينة إنت عايش؟ و كم ساعة عم تقطع حالياً؟؟

Ĩ ф И_ Ĥ Ξ λ Я Ŧ £
25-02-2012, 04:02
:eek:

باي مدينة إنت عايش؟ و كم ساعة عم تقطع حالياً؟؟
بشام بتنقطع كل 4 ساعات يعني 4 ساعات تنقطع 4 ساعات تأتي كهربا وهكذا كانت 3 ساعات 4 افضل :(

ليش اخي رامي انت مو بشام:D

ramy
25-02-2012, 11:09
^^^
كل اعضاء المنتدى السوريين الموجودين في الادراة و الاشراف هم من حلب..أنت أول واحد من دمشق..:D
لهيك كنت مفكرك من حلب كمان.
( لا حدا يفكرا واسطات و مدري شو، كل ما هنالك انه اغلب الاعضاء النشيطين من سوريا عم يكونوا من حلب)

و الكهربا بتنقطع 3 ساعات يومياً عندي، أحياناً 4، لهيك استغربت و سالت..:)

fadi.k
27-02-2012, 15:52
السلام عليكم
أنا بدي اشتري أي باد صيني بس ضعت بالموديلات والأسعار اذا ممكن أعرف شو أحسن الموديلات من حيث السعر ونظام التشغيل و الميزات متل "الملتي تتش "
وشكرا جزيلا

magyfan
27-02-2012, 19:27
شباب
بدي اشترك عند مزود الانترنيت INET في حدا بيعرف اذا كويس والا لا او اي معلومات اخرى
وشكرا

Ĩ ф И_ Ĥ Ξ λ Я Ŧ £
27-02-2012, 20:08
^
اول مرة بسمع فيه !

oscartel1111
27-02-2012, 20:22
شباب
بدي اشترك عند مزود الانترنيت INET في حدا بيعرف اذا كويس والا لا او اي معلومات اخرى
وشكرا

اذا بتقصد dsl كل الشركات متل بعضها وهم عبارة عن وسيط

Ĩ ф И_ Ĥ Ξ λ Я Ŧ £
27-02-2012, 20:30
اذا بتقصد dsl كل الشركات متل بعضها وهم عبارة عن وسيط
+1

بس ممكن سؤال ؟ كيف بدك تستعمل الانترينت اذا كانت الكهربا عم تنقطع اكثر من 11 ساعة بيوم ؟ مثلا اليوم الى الان 11 ساعة فقط؟

بدأت افكر أنني سوف ألغي اشتراكي بالانترنيت لانني أدفع الفاتورة عفاضي كما يقال ! لايوجد لاب توب يتحمل اكثر من ساعتين متواصليتن مع العلم من المفترض ان تنقطع الكهربا 6 ساعات بيوم فقط !

oscartel1111
27-02-2012, 20:33
+1

بس ممكن سؤال ؟ كيف بدك تستعمل الانترينت اذا كانت الكهربا عم تنقطع اكثر من 11 ساعة بيوم ؟ مثلا اليوم الى الان عندي 11 ساعة فقط؟

بدأت افكر أنني سوف ألغي اشتراكي بالانترنيت لانني أدفع الفاتورة عفاضي كما يقال ! لايوجد لاب توب يتحمل اكثر من ساعتين متواصليتن مع العلم من المفترض ان تنقطع الكهربا 6 ساعات بيوم فقط !

والخير لادام:mad::ah8:

Ĩ ф И_ Ĥ Ξ λ Я Ŧ £
27-02-2012, 20:44
^
اعتقد انني سوف اشتري مولدة مازوووووووت قريبا ان شاء الله أحسن ألي وخلي صوتها الرنان يطرب أدان ووووووووووووننننننننن :D

وخليها مقطوعة طالما المولدة شغالة مو فارقة معي هههه:D

firasmod
28-02-2012, 00:18
شباب
بدي اشترك عند مزود الانترنيت INET في حدا بيعرف اذا كويس والا لا او اي معلومات اخرى
وشكرا

انا اشتراك dsl عندي من inet من سنة ونص للامانة انقطاع النت من المزود معدوم و عند الاتصال والاستفسار بشركة لخدمة العملاء يتم بسرعة وحرفية
وايضا دفع الاشتراك الشهري يتم عبر احد البنوك الموجودة في البلد التجاري السوري - او البنك العربي الذي ادفع به ...يرسلون رسالة على تلفونك قبل نهاية الشهر باربع ايام وعند الدفع يتم التأكيد برسالة ...:D لا تفكرني بشتغل بشركة والله بس من تجربتي
حاليا بدفع لخط 512 ..1530 لاني مشترك قديم

Kh@LiL
28-02-2012, 10:28
تخفيض أسعار الانترنت ADSL بنسبة تصل لـ40% اعتباراً من 1/3/2012

http://www.ste.gov.sy/index.php?d=8&id=136

Muhamad Amru Eldan
28-02-2012, 11:15
تخفيض أسعار الانترنت ADSL بنسبة تصل لـ40% اعتباراً من 1/3/2012

http://www.ste.gov.sy/index.php?d=8&id=136
لا اعرف اذا كنا يجب ان نفرح في هذه الاحداداث لمثل هذا الشي ام لا ؟
هل الشركات الخاصة ستتبع هذا التخفيض ؟
هل يوجد بوابات اصلا ؟
هل هذا التخفيض يليق بلاسعار العالمية أو حتى العربية ؟