المساعد الشخصي الرقمي

مشاهدة النسخة كاملة : قائمة بأسعار قطع الكومبيوتر في سوريــة



الصفحات : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 [41] 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

Kh@LiL
12-07-2009, 15:02
غريب الكرت صار له سنتين عندي و ما شفت منه مشاكل..
طيب مشان ما انصح حدا من قرايبي فيه، ممكن تذكر لي نوعية المشاكل اللي واجهها إذا عندك فكرة؟
و مشكور عذبناك..
المشاكل أغلبها كانت تتعلق بجودة الصورة وببطئ الانتقال بين القنوات والجمود بين فترة وأخرى.....هذا ماسمعته من بعض مستخدميه ومن أحد أصحاب المحلات ولكن يبدو أن هذه المشاكل ليست عند الجميع:)

tarneb41
12-07-2009, 15:36
وعليكم السلام
الهارد 1925 ل.س
الرامات لا أعلم إن كان متوفر 2G(1GBx2) 1066mhz
كرت الستالايت سعره 1450 ل.س تقريبا ولكن لا أنصحك به.
مشكوراخي العزيز khalil@1 (http://www.arabhardware.net/forum/member.php?u=114249)
هل تقصد ان هذه الرامات لم تعد متوفرة في الاسواق

Kh@LiL
12-07-2009, 17:10
مشكوراخي العزيز khalil@1
هل تقصد ان هذه الرامات لم تعد متوفرة في الاسواق
العفو أخي...
أقصد لا يتوفر رامات 1*2 بتردد 1066 ولكن يوجد 2*2 بهذا التردد طبعا من شركة A-DATA ، ويوجد أيضا 1*2 بتردد 800 من A-DATA ومن غير شركات.

Kh@LiL
12-07-2009, 17:31
تم إضافة أسعار بعض الشاشات إلى قائمة الأسعار.

akdh79
12-07-2009, 19:43
المشاكل أغلبها كانت تتعلق بجودة الصورة وببطئ الانتقال بين القنوات والجمود بين فترة وأخرى.....هذا ماسمعته من بعض مستخدميه ومن أحد أصحاب المحلات ولكن يبدو أن هذه المشاكل ليست عند الجميع:)
الجهاز عندي منذ 6أشهر الصورة رائعة جدا وعالية النقاة ولم يحدث أن لاحظت أي بطء في الانتقال بين المحطات و خاصة مع برنامج dvbdream 1.24i أو حتى أي جمود وكما قلت أنا استخدمه مع الشيرنج و كرت الكوكو و التنزيل الفضائي.
العيب الوحيد الذي لاحظته هو ضعف الاشارة نوعا ما عن السكاي ستار

UNIVERSE
13-07-2009, 22:57
ياجماعة سؤال التنزيل الفضائي
مو ممنوع عنااا؟

بالتوفيق اخي ابو سمرا

Kh@LiL
13-07-2009, 23:11
يا شبااااااااااااااااااااااااااب


الجمعة النتااااااااااااااااااااااااااااااااااائج



ادعووووووولي
بالتوفيق سامر :)

ياجماعة سؤال التنزيل الفضائي
مو ممنوع عنااا؟

التحميل العشوائي ليش ممنوع لدينا
الممنوع هو TWO WAY اي ارسال واستقبال البيانات ....هذا ما أعرفه.

أبو فوفو
14-07-2009, 08:36
أسمعوا آخر نكته عندنا بالسوق شباب سعر المعالج amd athlon x2 7550 ب 2400 ل.س :D:D
وسعر المعالج amd athlon x2 5600 ب2700 ل.س:ah50:
إيه مو شي بفطس من الضحك .
وأسمعو ا النكته الثانية هل تعلمون سعر معالج البنتيوم 3000 mhz ميجا 2 كم سعره عندنا بالسوق
(2750 ل.س ) :ah50: تريه مع مروحة لأا والنكته الاحلى إني عمال ينطلب مثل بزر الجبس والعالم هاجمه عليه
مثل التتر .فرد هجمه .:(
هي الحادثة جرت معي البارحة كنت قاعد عند صديقي وائل أصيل وإذ به يريني تطبيقاته اليومية بالصيانة
:eek::eek: .
وكانت على الشكل التالي 50% سيلرون 40% بنتيوم 2ميجا 10% amd مشكل .:D:D:D
فما رأيكم بهذه النكت البتفطس من الضحك .....
والله أنا شايف أني العالم عندنا أغلبها ولحد الآن :ah22::ah22::ah22::ah22:

Kh@LiL
14-07-2009, 12:29
فعلا شر البلية مايضحك...
حتى كروت الشاشة نفس القصة....كرت 9400 يباع في سورية بشكل خيالي على أنه أفضل كرت في العالم ويشغل لك كل ماتريد وعلى أعلى الدقات كل ذلك بسبب كونه 1 جيغا::DD
ماهي اقتراحاتكم لحل هذه المشكلة؟

HESHAM.SY
14-07-2009, 12:34
ماشاء الله الموضوع يكبر وأعتقد انه ساهم بانضمام الكثير من الاعضاء السوريين الجدد للمنتدى وظهور اعضاء قدامى ..أحيي جميع الاخوة هنا واشكر القائمين على الموضوع واولهم الأخ خليل على متابعة الموضوع والرد على الاسئلة والاستفسارات ومازلت اذكر اليوم الذي طرح فيه الموضوع والايام تمضي سريعاً .وان شاء الله ساعود للمشاركة معكم بعد تغيبي مدة ليست بالقصيرة لمشاغل شخصية ..

بالمناسبة منذ حوالي شهر او اكثر نزلت لوحات gigabyte الخاصة بمعالجات AMD الى اسواق الشام وشاهدت بعض الموديلات في محل ليموتيك في البحصة وسالته عن أسعارها واذكر أنها كانت مرتفعة قياساً لاسعار حلب حيث الفئة المتوسطة باطقم 770 و 780G كانت اغلى ب1000 ليرة سورية والموديل بطقم 790GX كان اغلى ب 2000 ليرة والسبب على الأغلب يعود لانها بضاعة جديدة أو لايوجد طلب عليها وربما الأسعار انخفضت الان لاادري..
وأيضاً شاهدت في احد المحلات كروت شاشة من شركة ZOTAC وأحدها 9600GT واستغربت تواجدها في أسواقنا ولكني لم اسأل عن اسعارها..

Kh@LiL
14-07-2009, 18:07
ماشاء الله الموضوع يكبر وأعتقد انه ساهم بانضمام الكثير من الاعضاء السوريين الجدد للمنتدى وظهور اعضاء قدامى ..أحيي جميع الاخوة هنا واشكر القائمين على الموضوع واولهم الأخ خليل على متابعة الموضوع والرد على الاسئلة والاستفسارات ومازلت اذكر اليوم الذي طرح فيه الموضوع والايام تمضي سريعاً .وان شاء الله ساعود للمشاركة معكم بعد تغيبي مدة ليست بالقصيرة لمشاغل شخصية ..

بالمناسبة منذ حوالي شهر او اكثر نزلت لوحات gigabyte الخاصة بمعالجات AMD الى اسواق الشام وشاهدت بعض الموديلات في محل ليموتيك في البحصة وسالته عن أسعارها واذكر أنها كانت مرتفعة قياساً لاسعار حلب حيث الفئة المتوسطة باطقم 770 و 780G كانت اغلى ب1000 ليرة سورية والموديل بطقم 790GX كان اغلى ب 2000 ليرة والسبب على الأغلب يعود لانها بضاعة جديدة أو لايوجد طلب عليها وربما الأسعار انخفضت الان لاادري..
وأيضاً شاهدت في احد المحلات كروت شاشة من شركة ZOTAC وأحدها 9600GT واستغربت تواجدها في أسواقنا ولكني لم اسأل عن اسعارها..
أهلا وسهلا بك أخي هشام بعد زمـــــــــــــان .......لك وحشة يارجل أرجو أن لا تطيل الغيبة عنا أكثر من ذلك:)
نعم بالنسبة للأسعار في حلب هي أقل من الشام كما لاحظت من بعض الأخوة في المنتدى وخصوصا منتجات جيغابايت حيت يتنافس الموزعين في حلب بشدة على الأسعار ممايخلق جو منافسة أكبر بين الشركات الأخرى.

firasmod
14-07-2009, 18:08
فعلا شر البلية مايضحك...
حتى كروت الشاشة نفس القصة....كرت 9400 يباع في سورية بشكل خيالي على أنه أفضل كرت في العالم ويشغل لك كل ماتريد وعلى أعلى الدقات كل ذلك بسبب كونه 1 جيغا::DD
ماهي اقتراحاتكم لحل هذه المشكلة؟

فعلا اخي الناس :ah22: والتجار مدرجين هل الموضة انا كان عندي msi 8600GTS 256 لما بعتو كان اول شغلة بسالوني عنها قديش راماتو :confused:

haniwasim1
14-07-2009, 23:07
اليوم ياشباب اشتريت بور سبلاي FSP EVEREST 1200 والله قطعة كثير عظيمة وقريت عنها كتير على النت بس الليوم شفتها بالبحصة عند سيفا بـ 10000 ليرة بس بتسوى دهب

اكسسوارات كاملة وكلها من اعلى النوعيات ووصلات ممكن توصلها وتفكها حسب حاجتك ووعدني الزلمة انو كرت الـ GTX295 الأزوس بيوصل الخميس وصيته عليه بسعر 29500 وراح يكون عندي كرتين -مع كرتي الحالي- و بقلكن شو راح يطلع معي الجمعة.

على فكرة في حدا بعرف مين عندو كرت الأزوس MARS قريت سعرو على النت $1240 بس هون مافي منو ولا في دبي كمان؟

EN.AhMeD
15-07-2009, 01:23
اليوم ياشباب اشتريت بور سبلاي FSP EVEREST 1200 والله قطعة كثير عظيمة وقريت عنها كتير على النت بس الليوم شفتها بالبحصة عند سيفا بـ 10000 ليرة بس بتسوى دهب

اكسسوارات كاملة وكلها من اعلى النوعيات ووصلات ممكن توصلها وتفكها حسب حاجتك ووعدني الزلمة انو كرت الـ GTX295 الأزوس بيوصل الخميس وصيته عليه بسعر 29500 وراح يكون عندي كرتين -مع كرتي الحالي- و بقلكن شو راح يطلع معي الجمعة.

على فكرة في حدا بعرف مين عندو كرت الأزوس MARS قريت سعرو على النت $1240 بس هون مافي منو ولا في دبي كمان؟
الف مبروك على الجهاز وما شاء الله من البور باينتة مرعب:D

كرت مارس موجود عند وكيل اسوس وهو بسعر على ما اذكر 65الف:eek:

Kh@LiL
15-07-2009, 01:36
اليوم ياشباب اشتريت بور سبلاي FSP EVEREST 1200 والله قطعة كثير عظيمة وقريت عنها كتير على النت بس الليوم شفتها بالبحصة عند سيفا بـ 10000 ليرة بس بتسوى دهب

اكسسوارات كاملة وكلها من اعلى النوعيات ووصلات ممكن توصلها وتفكها حسب حاجتك ووعدني الزلمة انو كرت الـ GTX295 الأزوس بيوصل الخميس وصيته عليه بسعر 29500 وراح يكون عندي كرتين -مع كرتي الحالي- و بقلكن شو راح يطلع معي الجمعة.

على فكرة في حدا بعرف مين عندو كرت الأزوس MARS قريت سعرو على النت $1240 بس هون مافي منو ولا في دبي كمان؟
مبروك مقدما أخي الكروت الجديدة، بالنسبة لكرت مارس بإمكانك توصي وكيل اسوس عليه وهو بجبلك ياه من برا لانه غير متوفر عنده وسعره كما قال الأخ أحمد 65000 ل.س ، طبعا أن لا أنصحك به فكرت 295 أو كرتين أكثر من كافي لجميع احتياجاتك حتى لو عندك شاشة قياس 40 بوصة، ولو ناوي على كرت عالي جدا انتظر بضعة أشهر إلى حين صدور الكروت الجديدة الداعمة لدايركت 11 وسعرها أنا واثق لن يتجاوز 40000 ل.س حين صدورها وبأداء أعلى من كرت مارس خصوصا على ألعاب دايركت 11.

SNOOP-NO LIMIT
15-07-2009, 09:52
اليوم ياشباب اشتريت بور سبلاي FSP EVEREST 1200 والله قطعة كثير عظيمة وقريت عنها كتير على النت بس الليوم شفتها بالبحصة عند سيفا بـ 10000 ليرة بس بتسوى دهب

الف مبروك اخوي على الباور سبلاي
اطلع على تجربتي مع هذا الباور الرائع
(الرابط في توقيعي)

shaker3
15-07-2009, 13:46
فعلا شر البلية مايضحك...
حتى كروت الشاشة نفس القصة....كرت 9400 يباع في سورية بشكل خيالي على أنه أفضل كرت في العالم ويشغل لك كل ماتريد وعلى أعلى الدقات كل ذلك بسبب كونه 1 جيغا::DD
ماهي اقتراحاتكم لحل هذه المشكلة؟

الحل اللي بعتمده انا ما في غيره كل ما التقيت بشخص بيهتم بالالعاب بسأله السؤال التقليدي شو نوع كرت شاشتك بيردلي وبكل فخر واحد غيغا وضحكته من دانه لدانه :Dبشرحله قوة الكرت كيف تقاس وبيوجعني راسي
وما باخد منو لا حق ولا باطل ويبقى مصر على 1 غيغا بقله اتفضل معي لفرجيك جهاز كرته 256 ميغا كيف رح يمسح بجهازك الارض :ah50: في منهن على اساس بيقتنع وما بيرضى يروح يشوف بعينو يعني عم يجاملني بس من جواه بتبقى ال 1 غيغا قوة ازلية لايمكن المساس بها وفي منهن بيقولولي مستحيل ال 256 كرت كتير قديم وما بيرضوا يتخطوا هالعقدة وعالاقل يروحوا يشوفوا بعينهن
الحل ان نعمل جمعية ونلم مصاري وننزل اعلانات وتجارب على محطات الاغاني :D لانو الكل بيحضرها ووقتها يمكن يقتنعوا بس عالاغلب بيقولوا هدول غشاشين عم يضحكوا علينا
يعني اخواني فالج لا تعالج :ah19::ah19:

atvidia
15-07-2009, 16:39
مررررررررررررررررررررررررررررررررحباً شباب
بالفعل أكثر شي بيجنن هو نظرة شعبنا لقوة كروت الشاشة حسب ذواكرها وهادا شي بيخليني لح أجن :ah26: :ah50: :ah46: :ah42: :ah1:
تصوروا أنو لما تقول لواحد هاي اللعبة ما بتشتغل عندك بيقلك "عندي كرت شاشة 512 يعني صارت الألعاب بدها 2 جيجا ؟؟"
بس شو بدنا نساوي أنا عبحاول أوعي الناس يلي حولي لهاي المسألة بانتظار حملة توعية شاملة على مستوى المكاتب والشركات الهندسية ( ساعتها منكون ختيرنا :ah38: )

على أي حال شباب أنا شفت هاي الشاشة عند الشركة الهندسية ومواصفاتها راااااائعة وسعرها أروع وحبيت أشاركم فيها:

MONITOR LCD 22 SAMSUNG P2250
http://www.atelco.de/resource?articleId=26445&size=2
21.5 Wide Viewable Area
- 300 cd/m2 Brightness
- 50000:1 Contrast Ratio
-2 ms Response Time
- Analog&DVI
-170/160 viewing angle
-1920x1080 Max. Resolution
بسعر 8800 ل.س فقط :ah46: :ah46:
شو رأيكم شباب؟

سلام :D

أبو فوفو
15-07-2009, 17:15
الحل اللي بعتمده انا ما في غيره كل ما التقيت بشخص بيهتم بالالعاب بسأله السؤال التقليدي شو نوع كرت شاشتك بيردلي وبكل فخر واحد غيغا وضحكته من دانه لدانه :Dبشرحله قوة الكرت كيف تقاس وبيوجعني راسي
وما باخد منو لا حق ولا باطل ويبقى مصر على 1 غيغا بقله اتفضل معي لفرجيك جهاز كرته 256 ميغا كيف رح يمسح بجهازك الارض :ah50: في منهن على اساس بيقتنع وما بيرضى يروح يشوف بعينو يعني عم يجاملني بس من جواه بتبقى ال 1 غيغا قوة ازلية لايمكن المساس بها وفي منهن بيقولولي مستحيل ال 256 كرت كتير قديم وما بيرضوا يتخطوا هالعقدة وعالاقل يروحوا يشوفوا بعينهن
الحل ان نعمل جمعية ونلم مصاري وننزل اعلانات وتجارب على محطات الاغاني :D لانو الكل بيحضرها ووقتها يمكن يقتنعوا بس عالاغلب بيقولوا هدول غشاشين عم يضحكوا علينا
يعني اخواني فالج لا تعالج :ah19::ah19:

هههههههه حلوة هي نعمل جمعية ونحط مصاري مشان و نحط أعلانات على محطات الأغاني .
إيه إنشاء الله عمرون مال يقتنعوا وإذا شفت اعمى طبو.
أصلا أنا من كتر ما أنتفخ قلبي من هل العالم صرت أحكي معون مثلهم يعني بلغتهم .
والمصطلحات هي : كرت شاشة واحد جيكا .
معالج فول وحمص عفوا قظضي معالج فل كاش ثلاث آلاف . معالج دبل كاش وقريبا بدو يوصل لنا معالج دبل كولا .
مذر بورد جيكا بايت او msi يعني بذكرلهم أسم الشركة فقط بغض النظر على الشريحة لأني مثل ما بتعرفوا
ما كتير مهمة عندون .
ومن وقتها كتير ريحتني هل الطريقة لأني بيقول المثل اللي ما يجي معك تعال معاه .

ramy
15-07-2009, 21:19
التنزيل الفضائي العشوائي مانو ممنوع :D

أما التزيل الفضائي :: أحادي الإتجاه (( يعني ترسل عن طريق ال دايل أب أوا الdsl وتستقبل عن طريق الصحن )) ممنوع:mad:


ثنائي الإتجاه (( إرسال واستقبال عن طريق الصحن )) ممنوع :mad:

على راسي عاصم بيك
بالصبط..

ماشاء الله الموضوع يكبر وأعتقد انه ساهم بانضمام الكثير من الاعضاء السوريين الجدد للمنتدى وظهور اعضاء قدامى ..أحيي جميع الاخوة هنا واشكر القائمين على الموضوع واولهم الأخ خليل على متابعة الموضوع والرد على الاسئلة والاستفسارات ومازلت اذكر اليوم الذي طرح فيه الموضوع والايام تمضي سريعاً .وان شاء الله ساعود للمشاركة معكم بعد تغيبي مدة ليست بالقصيرة لمشاغل شخصية ..

بالمناسبة منذ حوالي شهر او اكثر نزلت لوحات gigabyte الخاصة بمعالجات AMD الى اسواق الشام وشاهدت بعض الموديلات في محل ليموتيك في البحصة وسالته عن أسعارها واذكر أنها كانت مرتفعة قياساً لاسعار حلب حيث الفئة المتوسطة باطقم 770 و 780G كانت اغلى ب1000 ليرة سورية والموديل بطقم 790GX كان اغلى ب 2000 ليرة والسبب على الأغلب يعود لانها بضاعة جديدة أو لايوجد طلب عليها وربما الأسعار انخفضت الان لاادري..
وأيضاً شاهدت في احد المحلات كروت شاشة من شركة ZOTAC وأحدها 9600GT واستغربت تواجدها في أسواقنا ولكني لم اسأل عن اسعارها..
عوداً حميداً أخي هشام، منور المنتدى..:)
"هذه المشاركة بواسطة الهاتف الجوال"

HESHAM.SY
15-07-2009, 22:56
أشكركم اخواني خليل ورامي على ترحيبكم والمنتدى منور بوجودكم ووجود باقي الشباب الطيبين..

Kh@LiL
15-07-2009, 23:29
على أي حال شباب أنا شفت هاي الشاشة عند الشركة الهندسية ومواصفاتها راااااائعة وسعرها أروع وحبيت أشاركم فيها:
الشاشة ممتازة أخي وشكلها جميل وسعرها مغري أيضا:)

haniwasim1
15-07-2009, 23:35
مبروك مقدما أخي الكروت الجديدة، بالنسبة لكرت مارس بإمكانك توصي وكيل اسوس عليه وهو بجبلك ياه من برا لانه غير متوفر عنده وسعره كما قال الأخ أحمد 65000 ل.س ، طبعا أن لا أنصحك به فكرت 295 أو كرتين أكثر من كافي لجميع احتياجاتك حتى لو عندك شاشة قياس 40 بوصة، ولو ناوي على كرت عالي جدا انتظر بضعة أشهر إلى حين صدور الكروت الجديدة الداعمة لدايركت 11 وسعرها أنا واثق لن يتجاوز 40000 ل.س حين صدورها وبأداء أعلى من كرت مارس خصوصا على ألعاب دايركت 11.


شكراً اخي خليل وباقي الشباب الطيبة. فعلاً الـmars سعرو عالي بس على حد علمي انو nvidia ماراح تصدر اي شيىء بعد دايركت اكس 10.1 السنة و ati هي اللي راح تطلع هيك شي بعد كام شهر. ومع انو في السنة الماضية ati بدت تسبق nvidia بالتكنولوجيا والأسعار بس مشكلتي اني تعودت على nvidia يمكن زيادة. بس راح انتظر.
على فكرة هاي قصة انو كرت الشاشة بينقاس بذاكرتو لا حظتا بس عننا وشيء عجيب انو حتى المعالجات بتنقاس بكاشها وكأنو لسة ال core2 وإلا core i7 لسا ما إخترع. ما في حدا قلتلو انو معالجي 2.6GHz وهو اللي راح ركب عليه كرت الـ GTX295 التاني إلا وضحك وكانو عم بعمل عيب. البياعين ياشباب في البلد شيىء عجيب غريب، الله يصلحن ويحلل رزقن. وااله في واحد بياع حاول يبيعني بور سبلاي مكتوب عليها blow storm على اساس انها اصلية 500watt وبسعر 700 ليرة وحلف يمين انها احسن من الأصلية blue storm اللي سعرها 3500 ليرة وانو هو بطل يحوي الأصلية لانن متل بعضهن. مع انو المزورة -ياحرام- مافيها غير سكة وحدة 12v ومكتوب عليها هيك ومو متعب حالو اللي زورها ليكتب لزقة مزورة، يعني باختصار شي صعب اتخيل ليش بيساووه اي مهما عملو ما بيزيد رزقن قرش عن اللي مكتوبلن عند الرحمن.

haniwasim1
15-07-2009, 23:42
الف مبروك اخوي على الباور سبلاي
اطلع على تجربتي مع هذا الباور الرائع
(الرابط في توقيعي)


أخي سنوب والله عم اقراء تقاريرك انت فعلا تعبان عليهم والله يبارك فيك ولا زلت عم بقرأ.

HESHAM.SY
16-07-2009, 00:00
بخصوص الحديث حول كروت الشاشة فأرى ان اعتبار حجم الذاكرة هو المعيار الرئيسي لاداء الكرت امر منطقي قياساً للجهل بتقنيات الكمبيوتر الموجود عند التاجر والمشتري على حدٍ سواء مثلما يقتنع الكثيرون بان اداء المعالج الرئيسي يحدد بسرعته فقط أو حجم الكاش دون الاخذ بعين الاعتبار للمعمارية ..الأمر ناتج عن الأخذ فقط بالمعلومات المكتوبة على علبة الكرت او المعالج دون الخوض بالتفاصيل التقنية التي بالعادة لاتكون مذكورة في المواصفات فكروت الشاشة يتم ذكرحجم الذاكرة بوضوح على العلبة ولا يتم التطرّق غالباً لمواصفات المعالج الرسومي ولهذا يقوم المشتري المبتدئ الذي لايملك اطلاع في التقنية بمقارنة حجم الذاكرة فقط بين مختلف الكروت ويعتبرها العامل الاساسي المحدد لقوة الكرت ونضيف لذلك أساليب التسمية التي تستخدمها الشركات حيث تعطي أرقام تسمية اعلى للجيل الأحدث بصرف النظر عن قوة الكروت فسيظن أحدهم أن ال 9500GT مثلاً اداؤه أفضل من 8800GT بحكم الرقم الأعلى ..
والمعالجات نفس الأمر حيث يتم ذكر سرعة المعالج وحجم الكاش الخاص به بوضوح على العلبة فيظن المشتري المبتدئ أن هذين المعيارين فقط يحددان قوة المعالج وقد ترسّخ هذا الامر عبر سنين طويلة وهنا لانستطيع لوم الشركات الصانعة للمعالجات لأن الخوض في التفاصيل الدقيقية للمعمارية وكتابتها على العلبة امر صعب والمسؤولية تقع على المشتري في تثقيف نفسه بتقنيات الحاسوب ومقارنة أداء المعالجات في مواقع الانترنت..

وبالمناسبة قبل بضعة أشهر حاولت بيع كرتي القديم MSI 7600GS في نفس المحل الذي اشتريته منه(بسعر 6100 ) ومتعارف عليه بقبول شراء القطع المستعملة وكنت اظن أنه يمكنني بيعه ب 1200 ليرة على الأقل حيث في ذلك الوقت كان ال ASUS 6200TC الجديد يباع ب 1850 ليرة في السوق وكرتي اداءه اعلى بمراحل بالطبع..ماحصل كان صدمة لم اتصورها حيث البائع أول شيءٍ سأل عنه هو حجم الذاكرة وعندما علم أنه 256 كم تتوقعوا وضع سعراً له؟؟؟؟؟..لن تصدقوا !!........250 ليرة سورية.....طبعاً صعقت وغادرت المحل وألغيت فكرة بيع الكرت كلياً فهذه هي ثقافة السوق الضحلة للأسف ..

Kh@LiL
16-07-2009, 00:06
هههههههه حلوة هي نعمل جمعية ونحط مصاري مشان و نحط أعلانات على محطات الأغاني .
إيه إنشاء الله عمرون مال يقتنعوا وإذا شفت اعمى طبو.
أصلا أنا من كتر ما أنتفخ قلبي من هل العالم صرت أحكي معون مثلهم يعني بلغتهم .
والمصطلحات هي : كرت شاشة واحد جيكا .
معالج فول وحمص عفوا قظضي معالج فل كاش ثلاث آلاف . معالج دبل كاش وقريبا بدو يوصل لنا معالج دبل كولا .
مذر بورد جيكا بايت او msi يعني بذكرلهم أسم الشركة فقط بغض النظر على الشريحة لأني مثل ما بتعرفوا
ما كتير مهمة عندون .
ومن وقتها كتير ريحتني هل الطريقة لأني بيقول المثل اللي ما يجي معك تعال معاه .
أختلف معك في هذه التقطة أخي إياد...
يعني اذا كل واحد بدو يقول شو بدي يصطفلوا عمرون مايتعلموا ماكان هذا المنتدى موجود والجهل سيزداد أكثر فأكثر والوضع بدو يصير أصعب ورح نستمر على هالحالة إلى الأبد، أنا معك أنو الأمر صعب وفيه وجعة راس ولكن لابد من ذلك على الأقل نحاول أن نفهمهم بعض الأمور الأساسية البسيطة المتعلقة بالحاسب لا أن نمشي معهم في جهلهم.

أبو فوفو
16-07-2009, 12:02
أختلف معك في هذه التقطة أخي إياد...
يعني اذا كل واحد بدو يقول شو بدي يصطفلوا عمرون مايتعلموا ماكان هذا المنتدى موجود والجهل سيزداد أكثر فأكثر والوضع بدو يصير أصعب ورح نستمر على هالحالة إلى الأبد، أنا معك أنو الأمر صعب وفيه وجعة راس ولكن لابد من ذلك على الأقل نحاول أن نفهمهم بعض الأمور الأساسية البسيطة المتعلقة بالحاسب لا أن نمشي معهم في جهلهم.


والله يا خليل معك حق 100% بس هذا الحكي نظري بحت أنت ما أنتفخ قلبك قبل هل المرة وأرتفع ضغطك
وجائتك مئة جلطة بسبب الجهلة الذين نتكلم عنهم بحكم انك لا تعمل وبشكل يومي بهذا المجال .
يا اخي أنا اعمل فيه وبشكل يومي يعني هي مصلحتي أولا ومكسب رزقي ثانيا .
وأسمع هذه الحكاية وهي واحدة من الحكايات والأفلام اللي بيرفعو الضغط وما صرلها فترة جريانة معي .وتفصيلية
جائني زبون جارنا بالمنطقة اللي أنا فاتح فيها عندو جهاز مستعمل بمواصفات قديمة كتير يعني بنتيوم 3 معالجه 1100 الذواكر العشوائية sd ram بتردد 100 بحجم ذاكرة 256 ميجا الهارد wd 20 gb السواقة قارئة عادية من تيك وكرت شاشة
نيفيديا جي فورس 400 بذاكرة 64 ميجا . يعني جهاز متاحف أثري .
والمسكين البورد عندو عطتكوم عمرها وبدو بورد مستعملة لحتى يرجع يشغل هذا الجهاز .
قلتلو يا حبيبي مثل هيك بورد صعب تلاقي وإذا لا قيت بيكون آكل الدهر عليها وشربان وما بقيان منها غير حسن الختام . فسألني إيه برأيك شو نساوي نأخذ بورد جديدة ونركب عليها القطع .
أنا ضحكت وقلت له لا يمكن هذا أبدا ما بيركبو قطعك عليها وتجنبت الشرح لانه رح يكون على الفاضي .
حسيت منه أنو ما إقتنع 100% وقلي برجع بشاور عقلي وبرد لك خبر أخذ كيسه الميمون وذهب .
وبعد يومين جبلي الكيس والظاهر أنو سأل وطقس عن الموضوع وأقتنع .
وقلي شو ممكن أننا نستفيد من هل القطع الموجودة إذا اخذنا جهاز ثاني . قلت له يعني جديد .
قلي لا مستعمل .( يعني فكرة المستعمل راسخة بذهنه) قلتلو الجهاز المستعمل بيكون قطعو مركبه عليه وجاهزة بس أنت ليش ما بتاخذ كيس جديد
فقاطعني بكلمة لا لا جديد ما لي مصلحة أبدا وسألته عن السبب قام قلي شوف الجديد كلو صيني
وتعبان بس القديم كلو أميركي وياباني وكمان خسران صاحبه فيه يعني ليش أخسر أنا .
قمت قلتلو إيه معك حق ( ما بدي أرفع ضغطي معه وأنا قشو لأني إذا صار ونا قشتو على جهله وصار يتفتق بدي أشلفو لخارج المحل وبتعرفو المحل له سمعته ) .
قام قلي خيو شفلي جهاز كويس على كيف كيفك ويكون سعرو كويس .
وهي رعبون 2000 ليرة . قلتلو تكرم وحمل حالو هو وكيسه ومشي وقبل ما يطلع من باب المحل قلي
مو هذا الجهاز بينباع معنا ( البتيوم 3) قلتلو والله كتير صعب هز براسه وأخذ حسبه الله في مصيبته إيه شو بدو يساوي
بهل القطع الرائعة اللي عندو
المهم كان عندي زبون صرلو زمان عمال ينق علي بدو يحدث جهازه وقلت جائت على رجليها
أتصلت به تلفون وقلتلو حولي زبون لجهازك جبلي الكيس
وما كذب خبر الزلمه جبلي الكيس و جاء وهذا من الزباين الي فهمانه شوي وأنا كنت مجمعلو جهازه من فترة سنه ونصف تقريبا.
المهم مواصفات الجهاز كانت على الشكل التالي : المعالج athlon x2 4000 البورد msi كرت الشاشة
شنتك 6600 gt بذاكرة 256 الذواكر u max بتردد 667 1g الهارد wd160 السواقة أسوس
قارئة dvd ناسخة عادي والكيس بحالة جيدة .
أتفقت مع صاحب الكيس على سعره أني رح آخذه منه بسعر 5000 ليرة سورية وهذا مركزه لأني بدي أبيعه واستنفع منه .
فقال لي مافي مشكلة وصحتين على قلبك
أتصلت بعد ما فرمتت الجهاز وساويتلو إياه عل سنكة عشرة وقلتلو أتفضل جبتلك جهاز مستعمل بس كويس وسعره حلو .
المهم جاء الزلمة وشاف الجهاز وعجبو وكملي حقو على 6000ليرة وأخذه ومشي يعني طلعنا بهل التجرة كلها ب 1000 ليرة ( نعمة )
المهم بعد يومين جاء لعندي للمحل هو وواحد قرايبه ومعه الكيس اللي بعته له ووجهه لا يتفسر .
وقلي هيك اللي بأمن فيك بتغشو حسبتلي الجهاز 6000 ليرة . لك يازلمة بس عطيني شي كويس بس بدك تيع شلون من كان ما بتخاف من الله .
قلتلو ليش هل الحكي شو هي القصة الجهاز فيو مشكلة شي قام قلي لا مافي مشكلة بس حضرتك غشيتني .
قلتلو شلون هي بقا غشيتك.
قلي أيش رأيك أبيعك جهاز احسن بألف مرة من الجهاز اللي بعتني إياه وأرخص ب 500 ليرة .والجهاز ما صرلو مستعمل 6 أشهر يعني جديد ومعالجه 3000 فول كاش.وكرت شاشته 512
قام نط قرايبه وقلي خيو هذا الجهاز ما هو كويس وضعيف كتير وما هو أنتل .وبيحمى كتير .
قلتلو أه أيوا والمطلوب قلي بدنا نرجعو قلتلو هيك خبط لزق قلي لا خيو نحنا ما منخلي علينا رح نخسرلك فيه 500 ليرة بس رجعلنا إياه الله يرضى عليك
قلت له أنتظر لحتى أفهمك شو هي القصة قام قلي لا أفهمك ولا تفهمني رجعلنا ياه وصلى الله وبارك ما بيكفي أنو بيحمى لا ومعالجه 2000 بس .وكرت شاشته 256
يعني ما بتخاف الله . وأصواتنا طلعت لآخر الشارع .
وبعدها أخذت حسبي الله أ ورجعتلو إياه وخصمت 500 ليرة مثل ما قال لحتى ما يخلي عليه ( وحطيتها حق أدوية لأني فعلا ثاني يوم مرضت من هيك بقر)
وهي واحدة من الحكايات اللي ما بتنعد وما بتحصى .
أخي خليل لحتى توضع نفسك بالواقع العملي تفضل لعندي على المحل وداوم شي كم يوم وشوف هل العينات وأرفاع ضغطك شوي ولا تاكل هم الأدوية على حسابي وبعدها شوف بدك تتفق معي بالكلام اللي حكيتو ولى لا .
سلام حبيبي ......

التنين الجامح
16-07-2009, 13:40
السلام عليكم

أقترح تقليد محلات بيع الملابس بوضع العبارة التالية : ( البضاعة التي تباع لا ترد ولا تبدل ) .

أظن أنه من الأفضل لو تم كتابة موضوع يبين المقاييس المهمة في شراء قطع الكمبيوتر (من ذواكر ومعالجات وكروت شاشة ...إلخ )
لتوعية الأعضاء ومن الممكن بعد أن يكتمل نهائيا أن يوضع على واجهة المحلات ,ربما يقرأها أحد المشترين .

Kh@LiL
16-07-2009, 13:45
قصة طريفة جدا أخي إياد:D:D
أنا قلتلك أنو الشغلة مو بهل السهولة وفيها وجعة راس بس يعني الواحد يعمل الي عليه واذا شفت الشخص مابدو يستوعب أو عقلو متحجر لاتحاول معو، بس في أشخاص بتحب تفهم وبتقبل النصيحة...

haniwasim1
17-07-2009, 11:42
قصتك حلوة أخي ابو فوفو. والله لو حدا يساوي سيناريو بعض الحلقات لبقة ضوء عن سوق الحاسب في البلد. يمكن الناس تتفهم القصص وتنتبه شوي.