هل اختفى GTX460 منن السوق المصرى!!!
بسم الله الرحمن الرحيم
النهارده روحت شركة Pure بالمنصوره واللتى تعتبر من أهم الشركات فى محافظة الدقهيله والغربيه وكنت داخل بقول لصاحب الشركه ياريت تكتبلى أسعار كروت الشاشه ال GTX460 1GB بجميع البراندات شوفتم التفاؤل اللى انا فيه:D
وأفاجأ ان الراجل بيقولى ان الكروت ده مش موجوده قولتله طب هتجيبها امتى قالى ده مش موجوده أصلا فى مصر قولتله طيب سعرها كان كام عندك قالى مانا مالحقتش أجيبها أصلا ده نزلت وخلصت
وأنا عامل كده بالظبط :confused::confused:
حاسس ان الراجل اللى قدامى من كوكب تانى ياما انا والمنتدى من كوكب تانى :(
كل ده مش مهم شوفم اللى يفرس بسأله طيب كرت ال 6850 هتجيبه امتى لقيته نزل ايده وجابه آه والله هو بذات نفسه ومكتوب عليه بضمان الوكيل شركة QDS ماصدقتش نفسى وفرحت أوى ان الكارت اللى نازل من كام يوم على النت نزل ووصل المنصوره وقالى ان سعره 1350 والله أول ماشوفته كان نفسى أجيبه فورا بس اللى منعنى سببين
1-ان انا لو استغنيت عن الفيزكس مش هقدر أستغنى عن الطى علشان كده أنا عايز كارت GTX460
2-وده السبب الاهم ان انا ماعييش فلوسه انا نازل أسأل علشان أجمع فلوسه على العيد أو على أجازة نصف العام على أسوأ الظروف
كل ده مش مهم نأتى الى المصيبه الكبرى الراجل قالى هات ال GTX465 ده مايفرقش حاجه عن ال GTX460 واللى يقولك غير كده مابيفهمش وقالى ان سعره 1650
وده كان منظرى بعد الكلام اللى قاله :ah34::ah34::ah41:
فالسؤال هنا هل ال GTX460 اختفى من السوق المصرى أو فى طريقه للانقراض؟؟؟؟؟؟
هل فعلا أداء ال GTX465 أحسن من ال GTX460 وحتى لو كده فى واحد عاقل يروح يجيب كارت ب 1650 وأغير الباور لان اللى عندى 450 وهو عايز 550 واط طب مانا أجيب ال 6850 الباور بتاعى هيكون أكتر من كافى له وكمان أوفر 300 جنيه وأستغنى عن الطى ومصلحتك أولا مش كده ولا ايه :D
كمان لسه قارأ خبر على المنتدى ان تصميم كارت ال GTX580 بدأم بالاهتمام بالالعاب وعدم الاهتمام بالحوسبه مثل ATI طب مانا اتجه ل ATI من دلوقتى وأريح نفسى مش الوش ده
ياجماعه أفتونى فى أمرى لانى محتاااااااااااااااار ولكم الأجر والثواب فأنا أثق بكم
أخوكم / مصطفى جمعه
رد: هل اختفى GTX460 منن السوق المصرى!!!
السلام عليكم ورحمة الله وبركاته ..
للاسف عندنا فى المنصورة مش كل حاجة انت عاوزها ممكن تلاقيها فى الشركات على الرغم ان فى فرع لشركة كمبيونيل فى النصورة لكن ممكن متلقيش كل حاجة عندهم زى الفرع الرئيسى فى القاهرة ، وأيضا فى فرع لشركة جاما فى المنصورة ممكن متلقيش عنده برضه اللى انت عاوزه لكن المميز أنك قد تجد مايسد حاجتك فى نفس الفئة أو السعر الى حد ما ...
شركة بيور من الشركات المحترمة والكبيرة فى المجال ده فى المنصورة انا متابع للحاجات اللى عرضنها خاصة وانا خارج من الجامعة ومروح بتفرج على الحاجات اللى عرضنا علشان أشوف الجديد اللى فى السوق بس هم أحسن من غيرهم كتير خاصة كمان شركة جاما ...
انت ممكن تسأل فى شركة جاما برضه هناك فى الجلاء خلف مطعم البغل بيبقى عندهم بدائل كويسة وممكن تلاقى عندهم الكارت اللى انت عاوزه ...
للاسف كتير من أصحاب الشركات بيعتمدوا على الحاجة اللى مطلوبة فى السوق أكتر ويجبوها ،ده كمان ممكن تدخل تسال على حاجة وميعرفهاش ودى بتقبلنى كتير برضه ..
رد: هل اختفى GTX460 منن السوق المصرى!!!
^^^^^أنا عارف والله انها من أحسن الشركات فى المنصوره اذا ماكنتش أحسنهم بس حضرتك بتقول
اقتباس:
للاسف كتير من أصحاب الشركات بيعتمدوا على الحاجة اللى مطلوبة فى السوق أكتر ويجبوها ،ده كمان ممكن تدخل تسال على حاجة وميعرفهاش ودى بتقبلنى كتير برضه ..
وهو فى كارت مطلوب زى ال GTX 460 ؟؟؟؟
رد: هل اختفى GTX460 منن السوق المصرى!!!
وهو فى كارت مطلوب زى ال GTX 460 ؟؟؟؟
وليه لأ :rolleyes:
بس غريبة انه مايكونش في تعزيزات في الهاردوير من وجهة نظري في وجه بحري :D
رد: هل اختفى GTX460 منن السوق المصرى!!!
لمّ النقود وجمعّها وبإذن الله سيكون وقتها ال 460 قد انخفض سعره وتوفر في الاسواق وان لم يكن قد توفر فحينها يكون البحث والتنبيش ... :)
رد: هل اختفى GTX460 منن السوق المصرى!!!
اقتباس:
المشاركة الأصلية كتبت بواسطة Gomaa108
^^^^^أنا عارف والله انها من أحسن الشركات فى المنصوره اذا ماكنتش أحسنهم بس حضرتك بتقول
وهو فى كارت مطلوب زى ال GTX 460 ؟؟؟؟
السلام عليكم ..
انت ممكن تصبر شوية هيكون أفضل ممكن تلاقى نزل بعد شوية فى المنصورة ...
انت ممكن تسأل فى شركة جاما هناك ممكن تلاقى الكارت ، انا شايف عندهم الـ GTX 470 الجيجابايت يعنى ممكن يكون عندهم الـGTX 460 ...
فى كمان شركات كويسة برضه فى نفس العمارة اللى فيها بيور ممكن تسأل فىها زى شركة نيوفيجن أو شركة تايجر ...
لكن برضه للاسف تقريبا بيجيبوا نفس المكونات اللى عند بعض ..
رد: هل اختفى GTX460 منن السوق المصرى!!!
احترمتك جداً بسبب هذه العبارة :
اقتباس:
1-ان انا لو استغنيت عن الفيزكس مش هقدر أستغنى عن الطى علشان كده أنا عايز كارت GTX460
حاول الاتصال بأية شركة في القاهرة وسيرسلون لك البطاقة في الشحن ولن يكلفك الأمر كثيراً فوق ثمنها
رد: هل اختفى GTX460 منن السوق المصرى!!!
^^^^^مينا باشا انت شرفتنى فى الموضوع يعنى البطاقه موجوده والحمد لله وهتفضل موجوده يعنى بعد العيد ممكن أشتريها من القاهره
طبعا لولا موضوع الطى هتنصحنى بال HD6850
رد: هل اختفى GTX460 منن السوق المصرى!!!
كلم شركة ماكسيمم هاردوير , فرع الاسكندرية انا بروح له , فى كروت GTX460 EE Editon , ممتازة فى الطى
رد: هل اختفى GTX460 منن السوق المصرى!!!
شباب سؤال من اجل العلم بالشئ
لما تهتمون بالطي طالما لا تستفيدون منه شخصيا ؟؟
رد: هل اختفى GTX460 منن السوق المصرى!!!
اقتباس:
شباب سؤال من اجل العلم بالشئ
لما تهتمون بالطي طالما لا تستفيدون منه شخصيا ؟؟
أولا يا أخى الفاضل الطى عممل لوجه الله سبحانه وتعالى
ثانيا رفع اسم المنتدى واسم العرب عالميا أكيد له أثر جيد باذن الله
ليس ضرورى أن كل شئ يفعله الانسان يعود بالنفع مباشرة عليه
أنا لم أتخيل أبدا أن أترك الجهاز لمدة اسبوع كامل يعمل على حمل 100% ولكن عندما وجدت كل الأعضاء فى الفريق يفعلون ذلك لم أتردد وقولت فى نفسى يعنى أنا أحسن منهم فى ايه وفعلا الحمد لله ومع دخول الشتاء وانخفاض درجة الحراره بقيت بتعامل مع الجهاز وبنسى إنى بطوى أساسا
رد: هل اختفى GTX460 منن السوق المصرى!!!
رد: هل اختفى GTX460 منن السوق المصرى!!!
اقتباس:
وبنسى إنى بطوى أساسا
:)
بالفعل مالم تراقب المعالجات لديك ببرامج المراقبة لن تشعر بأن هناك شيء يجري تقريبا ... فعملاء الطي يعملون بأولوية منخفضة للغابة (أقل أولوية ممكنة) ...
------------
أيضا أضيف على ما تفضل به أخونا جمعة ...
ان مشاركتك بالطي لها فضل نفسي على المُشارك فشعور الانسان انه جزء من منظومة عظمى وانه سنّ في ترس قد يعود عليه باثر طيب ...
هذا شيء أيضا انت عندما تشتري عتادا باهض الثمن وتجلس في سريرك ليلا وتفكّر في نفسك ... يا الهي أو صرفت كل هذه الثروة على جهاز للألعاب !!! يا الهي بطاقة الرسوميات أصبحت بنصف الثمن ... الطي بإذن الله سيُخفف من هذه الوساوس ... :)
---------
سؤال : لم نلعب الالعاب ؟
لعدة أسباب منها الحصول على المتعة والاستمتاع بتدفق الادرنالين في العروق -اقول منها وليس كلّها- ... هذان السببان يوفرهما الطي أيضا ولكن بشكل متفاوت ومثختلف قليلا ولكن مهما كان مركزك إن تابعت الطي والطواة ستجد ان الامر يؤثر على تركيز الادرنالين في عروقك وله متعة خاصة ...
رد: هل اختفى GTX460 منن السوق المصرى!!!
اقتباس:
المشاركة الأصلية كتبت بواسطة شلاع العتر
:)
بالفعل مالم تراقب المعالجات لديك ببرامج المراقبة لن تشعر بأن هناك شيء يجري تقريبا ... فعملاء الطي يعملون بأولوية منخفضة للغابة (أقل أولوية ممكنة) ...
------------
أيضا أضيف على ما تفضل به أخونا جمعة ...
ان مشاركتك بالطي لها فضل نفسي على المُشارك فشعور الانسان انه جزء من منظومة عظمى وانه سنّ في ترس قد يعود عليه باثر طيب ...
هذا شيء أيضا انت عندما تشتري عتادا باهض الثمن وتجلس في سريرك ليلا وتفكّر في نفسك ... يا الهي أو صرفت كل هذه الثروة على جهاز للألعاب !!! يا الهي بطاقة الرسوميات أصبحت بنصف الثمن ... الطي بإذن الله سيُخفف من هذه الوساوس ... :)
---------
سؤال : لم نلعب الالعاب ؟
لعدة أسباب منها الحصول على المتعة والاستمتاع بتدفق الادرنالين في العروق -اقول منها وليس كلّها- ... هذان السببان يوفرهما الطي أيضا ولكن بشكل متفاوت ومثختلف قليلا ولكن مهما كان مركزك إن تابعت الطي والطواة ستجد ان الامر يؤثر على تركيز الادرنالين في عروقك وله متعة خاصة ...
امووت وافهم الطى ده يعنى :ah46::ah46::ah46:
رد: هل اختفى GTX460 منن السوق المصرى!!!
اقتباس:
يا الهي أو صرفت كل هذه الثروة على جهاز للألعاب !!! يا الهي بطاقة الرسوميات أصبحت بنصف الثمن
فعلاً احياناً افكر في هذا ... :rolleyes:
جهازي كلفني الى الان 1700 دولار ولم يكتمل الى الان ...
و اكثر استخدامي للجهاز هو الالعاب و تحويل صيغ الفيديو احياناً فقط