مشكلة صوت التكتكه في هارد WD1002FAEX 1TB SATA 6Gb/s 7200
السلام عليكم .. انا اشترت الهارد ده WD1002FAEX 1TB SATA 6Gb/s 7200 N/A من شهر تقريبا و لسه مشغله من كام يوم .. المهم انه لما بفتح الجهاز بسمع صوت تكتكه صوت ذى صوت احتكاك (خرفشه) مع اني لسه بفتح الجهاز و سعات كتير تظهر اثناء الاستخدام العادي زي الفيس او التصفح ع النت و مش بتظهر في الألعاب .. هل ده طبيعي و لا كده يكون فيه مشكله ؟؟
رد: مشكلة صوت التكتكه في هارد WD1002FAEX 1TB SATA 6Gb/s 7200
هو مفيش مشرفين في القسم ده و لا ايه ؟؟
رد: مشكلة صوت التكتكه في هارد WD1002FAEX 1TB SATA 6Gb/s 7200
حضرتك الموضوع بتاريخ إمبارح ودى مش طريقة هتشجع أى أعضاء أو مشرفيين أنهم يساعدوك !
على العموم الهارد فيه مشكلة ميكانيكية وعمره الأفتراضى قارب على الأنتهاء لكن قم بالأطلاع على هذا الموضوع ممكن أن يساعدك >>> https://arabhardware.net/forum/showthread.php?t=280072
رد: مشكلة صوت التكتكه في هارد WD1002FAEX 1TB SATA 6Gb/s 7200
اقتباس:
المشاركة الأصلية كتبت بواسطة Ahmed.Elsayed
انا اسف جدا اخي الكريم و موضوعك مفيد جدا و شرحه مبسط و جميل .. بس انا استخدمته و ظهرلي انه الهارد سليم و مفيش اي مربعات حمرا و كله اخضر .. كده يكون في مشكله بردو ؟؟
رد: مشكلة صوت التكتكه في هارد WD1002FAEX 1TB SATA 6Gb/s 7200
ولا يهمك محصلش حاجة بس علشان أتأكد سجل الصوت الذى يصدر من الهارد بالموبايل وأرفعه علشان أسمعه.
رد: مشكلة صوت التكتكه في هارد WD1002FAEX 1TB SATA 6Gb/s 7200
الهارد البلاك بيكون صوته عالى بعض الشئ عن الهاردات الاخرى
ممكن يكون حضرتك فقط مش متعود على صوته فقط
رد: مشكلة صوت التكتكه في هارد WD1002FAEX 1TB SATA 6Gb/s 7200
اقتباس:
المشاركة الأصلية كتبت بواسطة Ahmed.Elsayed
ولا يهمك محصلش حاجة بس علشان أتأكد سجل الصوت الذى يصدر من الهارد بالموبايل وأرفعه علشان أسمعه.
انا مش عارف اسجله علشان موبيلي تعبان حبتين .. بس هو صوت عادي زي اي هارد بس اعلي شويتين و بيحصل عند فتح الجهاز او الكوبي مثلا و سعات لما بفتح كذا سيت علي النت .. في ناس كتير قالتلي انه التيرا البلاك ده الطبيعي بتاعه ان صوته عالي شويه .. و انت بردو رأيك يفدني و شكرا
رد: مشكلة صوت التكتكه في هارد WD1002FAEX 1TB SATA 6Gb/s 7200
اقتباس:
المشاركة الأصلية كتبت بواسطة hamedstar
الهارد البلاك بيكون صوته عالى بعض الشئ عن الهاردات الاخرى
ممكن يكون حضرتك فقط مش متعود على صوته فقط
هو فعلا مش متعود عليه انا كان عندي w.d 640 green كان ملهوش صوت تقريبا و مش بسمعه غير كل فين و فين
رد: مشكلة صوت التكتكه في هارد WD1002FAEX 1TB SATA 6Gb/s 7200
هو فعلا البلاك اسرع علشان كده صوته علي والجرين موفر للطاقة فا ملوش صوت
رد: مشكلة صوت التكتكه في هارد WD1002FAEX 1TB SATA 6Gb/s 7200
اقتباس:
المشاركة الأصلية كتبت بواسطة A.S.M.O
انا مش عارف اسجله علشان موبيلي تعبان حبتين .. بس هو صوت عادي زي اي هارد بس اعلي شويتين و بيحصل عند فتح الجهاز او الكوبي مثلا و سعات لما بفتح كذا سيت علي النت .. في ناس كتير قالتلي انه التيرا البلاك ده الطبيعي بتاعه ان صوته عالي شويه .. و انت بردو رأيك يفدني و شكرا
مجربتش الهارد البلاك علشان أقدر أحكم عليه إذا كان صوته عالى ولا لأ لكن صوت التكتكة ده بيكون بسبب وجود قطاعات تالفة بالهارد وفى الهاردات الحديثة يتم أستبدال القطاعات التالفة بقطاعات بديلة ولهذا لا تظهر فى الفحص إلا فى حالة وجود قطاعات تالفة غير مستقرة.
رد: مشكلة صوت التكتكه في هارد WD1002FAEX 1TB SATA 6Gb/s 7200
اخى الفاضل الهارد سليم مفيهوش اى مشكلة ان شاء الله انا عندى نفس الهارد وبيصدر من نفس الصوت هيا الهاردات البلاك فعلا الى صوتها عالى فى الشغل
بالتوفيق ان شاء الله