مساعدة لأختيار أفضل شركة انترنت بعيدا عن WE

السلام عليكم ورحمة الله وبركاته ,,,


انا مع شركة تي اي داتا من 2015 وكنت على سرعة 4 ميجا ثم حولت فى 2017 الى سرعة ميجا بلص 16 ميجا وكنت واخد اكتر من حقى بمعني السرعة كانت بتزيد حتى 18 ميجا


والأنترنت كان ثابت تماما ثم حدثت المشكلة عندما تغير الأسم الى ( WE ) وتم طرح الباقات الجديدة بدأو يقللو من سرعتي تدريجيا ثم انفصال الخدمة على فترات وتم التواصل


مع الدعم دون جدوي . فقررت انزل سرعتي الى 5 ميجا لأني كنت بدفع حوالى 300 جنيه وكان الأنترنت بيقطع معظم الوقت . وحرام ادفع مبلغ كبير وماخدش نص حقى حتي !


المهم لما نزلت السرعة ل 5 ميجا كانت شغالة كويس لكن لما خلصت ال 100 جيجا المفروض السرعة بتنزل ل 1 ميجا غير محدود وده مش بيحصل الا وقت الليل فقط من الفجر


حتي 10 صباحا وباقى الوقت مش باخد سرعة 256 حتي ودايما الخدمة تفصل كل دقيقتين مع ملاحظة ان الموقع بتاعهم فقط بيفتح بكامل السرعة !


ما رأيكم فى شركة أورانج وخاصة باقة ال 150 جنيه ؟ هل بتدى انترنت مستقر ولا بتفصل كل شوية زي we ؟ اسف للاطالة بس حبيت افيد الناس عشان خداع الشركة الكذابة دي .

وحد يعرف حاجة عن شركة IM وجودتها ؟

أنا مجربتش اورنج ولا نور ..لكن انا شايف ان خطط اسعار شركة نور كويس (وفي ناس ب تشكر في الشركة )
سرعة 4 ميجا بسعة تحميل 200 جيجا وبعد انتهاء الباقة السرعة بتكون 2 ميجا بسعر 195 جنيه
سرعة 16 ميجا بسعة تحميل 250 جيجا وبعد انتهاء الباقة السرعة بتكون 2 ميجا بسعر 295 جنيه

شركه اتصلات النت بتعها حلو انا شغال عليها تمام معايا

Vodafone هى الافضل من خلال تجربتى الشخصيه لعدة شركات
و اهم شئ هى اهتمامهم البالغ بالعميل بمجرد لو عملت شكوى فى خدمة العملاء هاتلاقيهم بيتصلو بيك لمتابعة المشكله حتى انتهائها.

اقتباس:

---

المشاركة الأصلية كتبت بواسطة زكريا شاهين

أنا مجربتش اورنج ولا نور ..لكن انا شايف ان خطط اسعار شركة نور كويس (وفي ناس ب تشكر في الشركة )
سرعة 4 ميجا بسعة تحميل 200 جيجا وبعد انتهاء الباقة السعرة بتكون 2 ميجا بسعر 195 جنيه
سرعة 16 ميجا بسعة تحميل 250 جيجا وبعد انتهاء الباقة السعرة بتكون 2 ميجا بسعر 295 جنيه

---

متشكر ليك جدا هي اسعار حلوة لكن عندك معلومة عن ثبات الخدمة ولا بتفصل؟ لأن فيه ناس بتقول الخدمة من نور بتفصل بالساعات

اقتباس:

---

المشاركة الأصلية كتبت بواسطة kan_zaman

شركه اتصلات النت بتعها حلو انا شغال عليها تمام معايا

---

انا عارف اتصالات كويس لأن اخواتي مشتركين فيها وهي للتصفح العادي والتحميل كويسة لكن اليوتيوب والفيديوهات عموماً وحشة جداً

اقتباس:

---

المشاركة الأصلية كتبت بواسطة N3V3RMiND.2016

Vodafone هى الافضل من خلال تجربتى الشخصيه لعدة شركات
و اهم شئ هى اهتمامهم البالغ بالعميل بمجرد لو عملت شكوى فى خدمة العملاء هاتلاقيهم بيتصلو بيك لمتابعة المشكله حتى انتهائها.

---

فودافون ممتازة جداً وخدمة عملاء روعه لكن المشكلة فيها إن بعد انتهاء الباقة السرعة بتنزل إلي 256 كيلو بايت ودي لا تصلح أبداً في الزمن الحالي

اقتباس:

---

المشاركة الأصلية كتبت بواسطة mido hamdy

متشكر ليك جدا هي اسعار حلوة لكن عندك معلومة عن ثبات الخدمة ولا بتفصل؟ لأن فيه ناس بتقول الخدمة من نور بتفصل بالساعات

---

انا لم اجرب الشركة بشكل مباشر ...لكن عندي صديق يشكر في الشركة ..اعتفد انه شركة جيدا ..

شكرا جزيلا اخي الكريم.تواصلت معهم وفعلا السرعة بتنزل ل 2 ميجا ابتداء من سرعة 8 ميجا. جزاك الله خيرا علي المساعدة

افضل شركه بدون منازع هى فودافون
لكن للاسف غاليه جدا .. تعتبر الاغلى بين كل الشركات

للعلم شركة فودافون نزلت خطط اسعار جديد وهي نفس خطط اسعار ميجا بلس بتاعة شركة المصرية للاتصالات
سرعة تصل الي 16 ميجا
سعت 100 جيجا بسعر 160 جنيه
سعت 200 جيجا بسعر 260 جنيه
سعت 500 جيحا بسعر 500 جنيه
الاسعار من غير الضريبه طبعا