هل الفرق فى الاداء بين المعالجين دول يستاهل الفرق فى السعر

السلام عليكم يا شباب

انا قررت احدث جهازى ونويت ان شاء الله اجيب

Motherboard : MSI 770 -G45

ولكنى محتار فى امرين

الاول البروسيسور
محتار بين اتنين
Phenom II X2 550 3.1GHz, 7MB Total Cache
Athlon II X2 250 3.0GHz, 2MB Total Cache
الفرق بينهم حوالى 160 جنيه فهل فرق السعر دا بيكافئه فرق فى الاداء بين الاتنين
مع العلم انى بحدث الجهاز فقط عشان الالعاب الحديثة تشتغل بكفاءة وانا عندى فى كارت شاشة هركبه فى الجهاز ATI HD 3650
وهل الكارت دا يعتبر كويس اليومين دول على الالعاب وخصوصا PES2011 ولا هضطر اغيره هو كمان

الامر الثانى الباور سبلاى
على امكانيات الجهاز كده يا ترى احتاج باور سبلاى ايه بالظبط
مع العلم ان هشترى كارت ساتالايت USB هركبه فى الجهاز
هل اجيب HEC 500W او مثلا OCZ StealthXStream 600W
ولا ممكن اجيب حاجة اقل من كدا وتفى بالغرض وايهما افضل بين النوعين اللى كتبتهم دول

وبرضه الكيسه اللى عندى كيسه عادية هل هتفى بالغرض ولا هضطر اغيرها عشان التبريد وكده

وفى النهاية اسف عالاطالة وشكرا لسعة صدركم ومساعدتكم

الفارق يستاهل ونص وخاصة للألعاب فانت بأمس الحاجة إلى كاش المعالج هذا + فارق المعمارية المختلفة للجيل نفسه من اثلون إلى فينوم ويستحسن ان تأتي منه بالنسخة السوداء بلاك إيدشن
وممكن اني يحالفك الحظ كمان وتقدر تفتح باقي الأنوية ليصبح معالج رباعي الأنوية كمان ..
أما عن كرت الشاشة فهو مع الأسف متواضع جدا بالأداء ولا يخدمك بالألعاب الحالية ...

ملاحظة: لعبة الفيفا بالذات 2011 تحتاج إلى معالج قوي للعب بسلاسة تامة أكثر ما تحتاج إلى كرت شاشة قوي ...

شكرا لحضرتك
بس حضرتك لعبة pes 2011 شغال على الكارت دا بس فيه تقطيع فيها ممكن يكون من البروسيسور لان البروسيسور اللى عندى
intel celeron 3.0 GHZ

طيب حضرتك بالنسبة للباور سبلاى اجيب ايه افضل ؟

طبعا التقطيع من المعالج السيلرون اللي عندك أكيد وبالنسبة لكرت الشاشة فهو ضعيف على الألعاب الحديثة ولكن لا بأس به على الفيفا 2011 إذا كانت الدقة اللي حتلعب عليها مش عالية قوي لأنهم لا يطلبون كرت شاشة بمواصفات عالية ...
وإن كنت لا تريد تغيير كرت الشاشة فلا داعي من تغيير البور سبلاي

ولكن الباور اللى عندى باور تجارى
وفى الفترة الاخيرة الجهاز بيرستر كل شوية لدرجة تنرفز فانا عاوز اغيره عشان اريح نفسى
فتنصحنى باى نوع ؟

Minimum System Requirements
================================================== ==========

CPU with Dual core processor (Core duo 2 or better)
Intel Core2Duo @ 1.8Ghz on Windows XP / Windows Vista / Windows 7

1 Gigabyte of RAM (2 GB required for Windows Vista / Windows 7)
DirectX® 9.0c Compatible 3D accelerated 256 MB video card or equivalent
(must support Shader Model 3.0 or above - see supported chipsets in section 11)
DirectX® 9.0c Compatible Sound Card
512Kbps or greater broadband connection for online gameplay

هذه اقل مواصفات مطلوبة لتشتغل بها لعبة الفيفا 2011 .. أنظر يطلبون أقل شي معالج أقوى من معالجك السيلرون وبمراحل ...

أي نوع يكون من ماركة معروفة ومحترمه يعني ما يكونش تجاري وفي عندك منهم كتير مثل جيكا بايت أو كولر ماستر أو ثيرماتيك أو أو يعني ماركات محترمه...

شكرا لك اخى على اهتمامك
انا اولا بتكلم على لعبة pes 2011 وليس لعبة fifa 2011 مع ان الامر دا مش مهم
ثانيا انا فهمت نقطة البروسيسور خلاص وعرفت ان العيب من البروسيسور اللى عندى
ثالثا حضرتك مردتش عليا بخصوص موضوع الباور سبلاى ؟؟؟؟؟؟؟؟؟؟؟؟؟؟؟؟؟

طيب اجيب باور سبلاى كام وات
مع انى عندى كارت ساتالايت وهجيب كمان كارت شاشة قريب

أعتقد أنو بيكفيك 500 واط كحد أعظم أو في عندك من جيكا بايت 470 واط وسعره كتير مناسب عندكم ...
أما بالنسبة للفيفا أو pes
فالعبتين بيطلبو معالج اقوى من معالجك السيليرون بس الفيفا بتطلب معالج أعلى ...