تجميعة جهاز مستقبلي مناسب لكافة الاستخدامات

السلام عليكم ورحمة الله وبركاته



اخواني الاعزاء بعد التحية احب اشكر القائمين علي هذا المنتدي الا فعلا شرف لكل العرب لانه بيغني عن الكثير من المواقع الاجنبية المحتكرة للمعرفة وللعلم وكمان الا بيحمي الكثير من المستخدمين وخصوصا قليلي الخبرة في مجال الحاسبات والتكنولوجيا من استغلال وجشع التجار ......


- ثانيا عندي عدة اسلة اتمنا القي حل ليها من قبل الاخوان وجزاهم الله كل خير


1) بدي تجميعية جهاز مستقبلي لكافة الاستخدامات من العاب وتطبيقات يعني ما بدي احدثه الا بعد 3 او 4 سنوات كده ويكون السعر مناسب في حدود 2000 بالشاشة او من غير الشاشة يعين بالشاشة ايه الا هتكون التجميعية ومن غير الشاشة ايه الا هتكون التجميعية وطبعا 2000 شاملة كل شي ما عدا الماوس والكبيورد

- يا ريت اي حد من زوي الخبرة يقولي علي تجميعية في كلتا الحالتين ويا سلام لو بالاسعار المحدثة باسعار اليوم يبقا جزاه الله كل خير

ثالثا : هل تفضلون شراء المكونات بنفسي يعني انزل اشتري المكونات والا اعطي المكونات لاي مكتب كمبيوتر يجمعهولي مع العلم اني لم اقم بتجميع اجهزة من قبل يعني لو جبت المكونات وركبتها هتحتاج خبرة والا ايه بالظبط ارجو الافادة

رابعا : لدي بعض المكونات الاتيه من خلال تصفحي للمنتدي ارجو النظر اليها وقولوا رايكم فيه لما طلبته

ولو في بدائل بنفس الميزانية السابقة يبقا افضل او مكون مش في مكانه وهيكون افضل في المكان ده ويا ريت بالاسعار الحديثة من فضلكوا ....

( المكونات )

البروسيسور :
Intel Core 2DUO E8400 3.0 GHZ - 6MB
السعر : لا اعرف

البورده :
في عدة مازرات يا ريت تختاروا لي احسنهم من حيث التشغيل المستقبلي وامكانية التحديث المستقبلي وهكذا

GiGaBYTE GA - EP35 -DS3 R
GiGaBYTE GA - EP35 -DS3 L
MSI 965 P-NEO
LGA

الرامات :

-عاوز اعرف يعني ايه 2*1جيجا هل تعني رامتين مجموعهم ا جيجا ام ماذا

Kingstone DDR2 (2*1GB) - 800 MHZ


السواقات :

DVD / R-W SAMSUNG - 22X SATA

- وهل يقصد ب SATA ان كبل نقل البيانات من الديفيدي الي البورده هيكون عن طريق الساتا وهل مش هيكون في مكان موجود لكبل الداتا العادي والا ايه وايهما اسرع وافضل مستقبليا

الشاشة :

- يا ريت صورة ليها

SAMSUNG FLateness Black 17

البور سبلاي :

Power Supply - 550w

الكيسه :

- يا ريت صورة ليها

Case GAMMA Miniserver 400w


ارجو من الله ثم من الجميع مساعدتي في وضع اسعار للمكونات المكتوبه السابقة مع اعطاء رايه في استخداماه ل 5 سنوات قادمة وان كان في حد عنده مكونات احسن من كده في حدود الميزانية 2000 جنيه بالشاشة او من غير الشاشة .



ختاما اتمنا ما كنتش طولت عليكوا واثقلت عليكم بس احب اقول حاجاة صغيرة ان خير الناس انفعهم للناس وطبعا الخير الا بيجيلك من المساعدة للغير خير هتعرف قيمته مش بشكر او ثناء ولكن بجزاء من الله ......

والسلام عليكم ورحمة الله وبركاته

اخى لست خبير فى التجميع ولكن اعتقد ان 2000 جنيه هيجبولك جهاز و لكن مش بوصفك انه جهاز سيحدث بعد 3 او 4 سنوات لان الميزانيه منخفضه شويه...
انا هساعدك فى الاسعار للمكونات اللى انت كاتبها لانى كنت فى السخاوى قريب...

E8400 فى حدود 1175-1200 جنيه

GA-EP35-DS3R فى حدود 780 جنيه بي هى مش موجوده شويه وممكن تلقيها اغلى من كده لاستغلال التجار لانها زى ما قلت شاحه شويه

لاحظ ان ميزانيتك تقريبا مجبش حاجه بعد كده

الرام 2*1 gb معناها قطعتين كل قطعه 1 جيجا
800 Kingstone DDR2 الواحده بحوالى 130 جنيه يعنى المجموع 260 جنيه

الdvd ساتا طبعا افضل علشان سرعه اكبر
R-W SAMSUNG - 22X SATAبس اللى لقيته كان Doubla Layer فى حدود 160 جنيه

الشاشات مفهمش فيهم

الcase فى حدود 360-370 جنيه يس بردو مش موجوده كتير و محتاج تدور عليها
و بعدين هى فيها power supply فا انت مش محتاج مزود اساسا

و متقلقش الاخوه هنا هيفدوك بجهاز فى حدود 2000 جنيه بس حابيت اقولك الاسعار.

تحياتى

الف شكر StarHunter جزاك الله عنا كل خير وزادك من علمه

يا ريت الاعضاء يتفاعلوا مع الموضوع والا عنده معلومات في الموضوع يا ريت لا يبخل علينا بيها وجزاه الله كل خير ..

شوف كده و شوف راى الاعضاء برده
بروسيسور AMD X2 4200 سعره 350جنيه
ماذربورد GIGABYTE GA-MA69G-S3H سعرها 495جنيه
رامات Kingston 2GB(2x1GB) bus 667MHz سعرهم 220جنيه
فيجا power color x1650pro 512 mb سعره 280جنيه
هارديسك WD 160GB SATAII سعره 260 جنيه
دي في دي samsung dvd/rw 22x sata سعره 150جنيه
كيسة: GAMMA Miniserver + hec 300W سعرها 260جنيه

يبقى المجموع 2015 جنيه بالنسبة لكارت الشاشة x1650pro ده كويس جدا بشهادة الجميع و هيشغلك كل الالعاب بس طبعا مش على اعلى حاجة واعمل حسابك ان اقل تجميعة محترمة من انتل بكرت شاشة محترم علشان تشغلك كل الالعاب بجودة كويسة هتعمل حوالى 3600 جنيه

مشكور اخي العزيز علي مشاركتك وكنت عاوز اسعار الاتي :

شاشة SAMSUNG FLATNESS BLACK 17
معالح INTEL CORE2 DUO E4300 CACH 2M
معالج INTEL CORE2 DUO E6600 CACH 4M

فيجا GFORCE 7600 GT
فيجا GFORCE 8800 GT
Nvidia 7300 GT

وانه الاحسن في كروت الفيجا السابقة

وشكرا لكم مرة اخري

بالنسبة للشاشة تقريبا سعرها 450 جنيه افضل واحد فى الكروت طبعا 8800 gt سعره 1500 جنيه من جيجا بايت اسعار الحاجات الثانية معنديش فكرة عنها

شكرا يا ميزو علي زوئك يا حبيبي انا عارف اني تقلت عليك بس من عشمي فيك

طيب GFORCE 7600 GT مساحة الزاكرة بتاعته كام

مستني حد من الاعضاء يكمل بقيت الاسعار وجزاكم الله كل خير

اقتباس:

---

المشاركة الأصلية كتبت بواسطة Max Bayne

شكرا يا ميزو علي زوئك يا حبيبي انا عارف اني تقلت عليك بس من عشمي فيك

طيب GFORCE 7600 GT مساحة الزاكرة بتاعته كام

مستني حد من الاعضاء يكمل بقيت الاسعار وجزاكم الله كل خير

---

ال7300gt ب 570 تقريبا
وال 7600 مش موجود كتير افتكر و مش عارف سعره

المالجات اللى انت حاططها انا مش عارفها فى الحقيقه يا رب اكون افدتك..

شكرا اخي العزيز StarHunter

يكفيني مرورك يا غالي

علي ايه يا مكس احنا اخوات