ايه الفرق بين هندسه قسم حاسبات و معهد حاسبات و معلومات؟؟
انا طالب في كليه هندسه اسكندريه في اعدادي و نفسي ادخل قسم حاسبات
بس ناس كتير قالت لي ان انك هتتخرج يبقي زيك زي الي واحد واخد دورات كتير في كذا حاجه و ايه الي دخلك هندسه مكنت دخلت معهد حاسبات و معلومات و دول كتير و ملهمش شغل و اي واحد لو راح خد دورات هيبقي زيك هيبقي ايه الفرق بيك و بينه و الكلام الكتير دا؟؟!!!
انا عايز اعرف فعلا الكلام دا بجد ولا ناس مش بتفهم بتتكلم و خلاص و ايه فعلا الفرق بين هندسه و معهد حاسبات و معلومات ؟؟؟؟؟؟
:confused::confused::confused::confused::confused: :confused:
رد: ايه الفرق بين هندسه قسم حاسبات و معهد حاسبات و معلومات؟؟
كلام فاشل بكل المقايس .... قسم هندسه الحاسب لا يمكن اختزال دراسته فى كورسات .... الدراسه مش بتكون انك تبرمج كمبيوتر و تركب لا الدراسه بتتعملك تقريبا اغلب لغات البرمجه بتخليك فعلا مهندس برمجيات يعنى ممكن انت تصمم برامج ... وكمان بيبقى عندهم كورس الكترونكس و ذكاء اصطناعى
ده فى عجاله ... متخليش حد ياثر على اختيارك او يقلل منه .... بس قولى هو امتحان اللاياضه بتاع امبارح كان سهل و لا صعب ؟ :D:D:D
رد: ايه الفرق بين هندسه قسم حاسبات و معهد حاسبات و معلومات؟؟
ههههههههههههه والله كان عايزك الامتحان دا الف شكر يا باشمهندس بس انا عارف اعرف طيب ايه الفرق بين الدراسه هندسه و مهعد حاسبات و معلومات
رد: ايه الفرق بين هندسه قسم حاسبات و معهد حاسبات و معلومات؟؟
مش عارف بس اكيد مش هتساوى الهندسه بمعهد !
رد: ايه الفرق بين هندسه قسم حاسبات و معهد حاسبات و معلومات؟؟
حتى لو مفيش فرق دراسياً , أقل واجب معاك كارنية من نقابة المهندسين بيقول أنك مهندسسسسسسسسسسسس
خبرات واداء أبقى أتشقلب بقى أنت بعد كدة مع نفسك فى أى كورسات او دورات ....
وحط مقولة عمك عادل امام فى راسك "بلد شهادات صحيح " :D
رد: ايه الفرق بين هندسه قسم حاسبات و معهد حاسبات و معلومات؟؟
اهم حاجه تدرس بشكل صحيح و تهتم بفهم المعلومه وتطور نفسك بغض النظر انت درست ايه اهم حاجه المحصله.
رد: ايه الفرق بين هندسه قسم حاسبات و معهد حاسبات و معلومات؟؟
شتان بين ده و ده
معظم فرص العمل في المجال ده بيشترطوا يكون بكالريوس هندسة حاسبات أو علوم حاسب
و كمان احنا درسنا تحكم و تحكم رقمي و بي ال سي و مايكروكونترولر و ديجيتال و مواد من كهربا
بس نصيحة من خريج القسم ده
حدد هدفك من دلوقتي عاوز تشتغل ايه و خد الكورسات اللي في المجال ده و احترف فيه
و متشتتش نفسك كل شوية لا أنا عاوز أبقى مبرمج لا مهندس تحكم لا مهندس شبكات
كده يعني
حدد هدفك و ربنا معاك إن شاء الله
رد: ايه الفرق بين هندسه قسم حاسبات و معهد حاسبات و معلومات؟؟
هندسه الحاسبات في الدول العربيه يجعلك تاخذ عروسه احسن ومبروك
رد: ايه الفرق بين هندسه قسم حاسبات و معهد حاسبات و معلومات؟؟
^^^ إلى هذا الحد ! :ah46:
رد: ايه الفرق بين هندسه قسم حاسبات و معهد حاسبات و معلومات؟؟
منصحش حد يدخل معهد نظم معلومات لان المعلومات اللى عندك هتنساها بفضل المناهج العقيمة اللى هتدرسها دة غير ان مفيش غير مادتين بس هما اللى في مجال الحاسب وباقي المواد بعيدة تماما زي المحاسبة والاقتصاد و القانون و الاحصاء .............
انا شايف ان مجال الحاسب الافضل له الكورسات مش دراسة الكليات والمعاهد اللى مهما طلعت قيمتها مش هتزيد عن شهادة +N أو ICDL ، اللى هما اصلا ملهمش قيمة فى سوق العمل واللى انت اصلا ممكن تاخدهم في شهرين
رد: ايه الفرق بين هندسه قسم حاسبات و معهد حاسبات و معلومات؟؟
اقتباس:
المشاركة الأصلية كتبت بواسطة Open Heart
منصحش حد يدخل معهد نظم معلومات لان المعلومات اللى عندك هتنساها بفضل المناهج العقيمة اللى هتدرسها دة غير ان مفيش غير مادتين بس هما اللى في مجال الحاسب وباقي المواد بعيدة تماما زي المحاسبة والاقتصاد و القانون و الاحصاء .............
انا شايف ان مجال الحاسب الافضل له الكورسات مش دراسة الكليات والمعاهد اللى مهما طلعت قيمتها مش هتزيد عن شهادة +N أو ICDL ، اللى هما اصلا ملهمش قيمة فى سوق العمل واللى انت اصلا ممكن تاخدهم في شهرين
+111111111111
رد: ايه الفرق بين هندسه قسم حاسبات و معهد حاسبات و معلومات؟؟
بص يا اخي هندسة قسم حاسبات المفروض تتخرج وتكون مهندس هاردوير ومش معنى هاردوير زي ما اغلب الناس فاهمة انك هتفتح كيسة الكمبيوتر وتصلحها وتغير الهارد ..:D وتشيل رامة وتصلح البروسيسور
.ولكن بمعنى انك هتصمم دائرة الكترونية وتقوم ببرمجتها ودا بيسمى على سبيل المثال (ميكروكونترولر ) هتبرمج حاجة اسمها ميكروكونترولر ودا بيعتمد على دراسة مواد كتيرة فى الالكترونيات هتدرسها+ بتدرس شوية فى التحكم الالي .
دا بخصوص التخصص الدقيق لقسم هندسة حاسبات.
في القسم هتدرس لغات برمجة وداتابيز وشبكات ..الخ بس لو هتتخصص يبقى لازم تتخصص في حاجة من دول وتبدا كورسات فيها للتعمق ولمطالب العمل .علما بان البرمجة والداتابيز والنتورك بيدرسها حاسبات ومعلومات ولكن حاسبات ومعلومات بيدرس لغات البرمجة بتعمق اكتر لان ده تخصصه اكتر وهو (البرمجة ). وعلى فكرة حاسبات ومعلومات مش معهد دي كلية 4 سنين وبيكون الاهتمام في الكلية على دراسة لغات البرمجة لتصميم املواقع وقواعد البيانات وغيرها .
ملحوظة : في قسم هندسة الاتصالات بيدرسوا الالكترونيات والميكروكونترولر ايضا.ولكنهم مبيدرسوش لغات برمجة وقواعتد بيانات ..الخ
يارب اكون افدتك واي سؤال اتفضل اسال
رد: ايه الفرق بين هندسه قسم حاسبات و معهد حاسبات و معلومات؟؟
اسف لصاحب الموضوع للسؤال في موضوعة بس انا عندي استفسار انا السنة الي جاية مفروض اختار علمي او ادبي . فهل مجال الكومبيوتر لازم كلة علمي ولا ينفع معاه ادبي ؟ عشان انا بكرة فيزياء و كمياء
رد: ايه الفرق بين هندسه قسم حاسبات و معهد حاسبات و معلومات؟؟
اقتباس:
المشاركة الأصلية كتبت بواسطة ehab7bob
اسف لصاحب الموضوع للسؤال في موضوعة بس انا عندي استفسار انا السنة الي جاية مفروض اختار علمي او ادبي . فهل مجال الكومبيوتر لازم كلة علمي ولا ينفع معاه ادبي ؟ عشان انا بكرة فيزياء و كمياء
لازم علمي رياضة
رد: ايه الفرق بين هندسه قسم حاسبات و معهد حاسبات و معلومات؟؟
طلع الحاسبات و المعلومات من دماغك خالص لانها اصلا عباره عن دراسة تجاره و مرمى معاها ماده ولا اتنين للكومبيوتر من اتفه ما يكون .. هتطلع منها ببكالريوس تجاره يعنى لا هى مجال الكومبيوتر ولا حاجه .. اسم المعاهد دى بيضحك على الناس .. انا دخلونى فى معهد حاسبات و معلومات و ضاع من عمرى اربع سنين و مطلعتش منه بحاجه
خليك فى هندسه