صوووت مزعج للجهاز مع حراراة عالية ... ساعدووني

السلام عليكم شباااب

شباااب انا عندي مشكلة مع المعالج فحراارته جدا عالية، مواصفاته رفعتها ووضعتها بملف مضغوط(ببرنامج everset اخرجت النتائج). بانتيوم 4 3200
كمبيوتري شريته تقريبا من 3 سنين او سنتين ، ومن اول ماشريته كان يطلع صوت عااالي وهو صوت مروحة المعالج(المشتت) ولكن اني حقرته وكملت شغلي مع الكمبيوتر، ولكن مع مرور الوقت حسيت بالصوت ، واصبح يزعجني فقررت اني انظف الجهاز من الغبار(بعد سنتين من يوم ماشريته). ويوم بغيت انظف الجهاز من الغبار ، يوم وصلت للمعالج(المروحة والمشتت) حاولت اني اطلعه بيسر ولكن ماخرج معاي، فطلعته بالقوة مما ادى الى كسر اقدامه(ارجل المشتت الاربع الي تركب بالمذربوورد) ، لم ينكسروا كلهم ، او بالاصح ماقدرت عقبها(عقب التنظيف) اني اثبت المشتت عدل(يثبت بس مو بالشكل المطلوب) . فيوم اردت اني اشغل الجهاز ، يشتغل ولكن لمدة 4 ثواني ومن ثم يفصل ويطفى الجهاز. واكتشفت ان الخلل من المشتت ، لاني يوم ضغطت عليه بقوة(حاولت اني اثبته اقوى) اشتغل فقط لمده دقيقة ثم طفى ، فاكتشفت انه من المشتت نفسه، ودرجة حرارة البروسيسور مرتفعة.

ونسيت اقولكم يوم قاعد انظف الجهاز ، مسحت الطبقة الفضية الي على البروسيسور. وعقب ما مسحتها اكتشفت انها تحافظ على درجة الحرارة وتقللها(من المواضيع الي تتكلم عن المعجون).

فالحين كمبيوتري مو شغال نهائيااا . فاعتقد ان ناقصني مشتت جديد ومعجون ، هل كلامي واستنتاجي صحيح؟؟ وانا قبل فترة(من زمان) قريت موضوع بالمنتدى ، من كذا شخص يقول ان هالمشكلة مو جودة بكل البروسيسورات الي بهالنوع ، فشنو الحل مع مشكلة الحرارة والصوت المزعج جدا؟؟؟ ابي صوت هااادي يكاد اني ما اسمعه نهائيا . فياليت تساعدوني مع هالمشكلة .

انا من اهل الكويت ، فياليت اذا كان ناقصني مشتت او معجون تدلوني على الامكان الي تبيع هالاشياء(حولي كبيره:) ) . وابيهم يكونون من النوع الممتاز ويعطون درجة حرارة منخفضة وصووت يكاد ماينسمع . وياليت تقولون لي شنو وظيفة المعجون بالضبط ؟؟ وشلون طريقة استخدامه ؟؟؟

وجزاكم الله خير وسامحوني على الاطالة

مواصفات جهازي بالوصلة


https://up4world.com/download4.php?i...xq0ffT9ShyAX9T

وشبااااب هل اقدر اكسر سرعة معالجي ؟؟؟ وشنو المطلوب مني؟؟؟ ياليت لو تساعدوني ، وانا مثل ماقلت لكم ساكن بالكويت ، ابي محلات تبيع هالشغلات. وشنو مشكلة جهاازي؟؟

أنصحك بهذا المشتت ..

https://www.thermaltake.com/product/...largedView.jpg

مع أنه صوته عالي عند السرعة القصوى .. لكن تستطيع تخفيضها من أداة التحكم :) ..

وبالنسبة لكسر السرعة .. فصعب مع معالجات البريسكوت الساخنة ..!

بالتوفيق ..

اشتري المشتت يلي قالك عليه اخوي سامح .. و اسمه Thermaltake Beetle
و بالنسبة للمعجون اشتري Artic Silver 5 ...


و نعم تستطيع كسر السرعة , انا عندي معالج Pentium 4 2.8 مع المشتت المذكور و أكسر سرعته حتى 30% ...



بالتوفيق

وعليكم السلام ورحمة الله :
أما بعد :
كما في التقرير أن سرعة جهازك 3200 ميغاهيرتز وتردد الناقل الأمامي هو 200 .. وفلا أعتقد أنه بإمكانك كسر السرعة بشكل كبير عن تردد الرام نفسه :( يعني تردد الرام الذي لديك يعمل على 200 ميغاهيرتز فستحدث مشكلة في حالى الرفع الكثير لتردد الرام .. وأيضاً درجة حرارة المعالج 68 درجة وهي مرتفعة .. وحاول الحصول على المشتت كما أشار إليك أخي / للإحتراف صانع.. أو زالمان 7700 أو ثيرمال تيك ميني تايفون أو بيج تايفون

وشكراً لك :) .

يعطيكم العافية شبااب كلكم على الردود الطيبة والتي تدل على اهتمامكم بخدمة الاعضاء ومساعدتهم ، فجزاكم الله كل خير ان شاء الله .

اما بخصوص المشتت الي ذكرتموه،Thermaltake Beetle والمعجون Artic Silver 5 .
ما ادري فانا ودي بجهاز يكون اقرب الى الهدوء التام والراحة. وانا شفت موضوع اخونا cpu guy
https://www.arabhardware.net/forum/s...884#post291884

الصراحة حمسني وشوقني اني اشتري المشتت الي ذاكره مع المعجون zalman لان الصراحة ابهرني بالنتائج ويقول انه هادي تماماا وبالكاد تسمع الصوت ، فقاعد افكر اني اشتريه . فشرايكم فيه؟؟ بغيت رايكم،وهل هو احسن مشتت موجود؟؟؟ وهل موجود عندنا بالكويت اهوا مع المعجون zalman ؟؟ وماهو احسن مشتت ومعجون بنظركم ؟؟ وجزاكم الله كل خير

بالنسبة لتجربتي التي أجريتها لإختبار المعاجين أرى أن معجون Arctic Silver 5 هو أفضل مع أنه يوجود معجون من شركة زالمان بيمدحوا فيه ولكن لم أجرّبه :( ..
وأما بالنسبة للمشتت فهناك موضوع يتحدث عن مشتتك المفضّل وشوف النتائج :) : https://www.arabhardware.net/forum/s...37;E3%D4%CA%CA

وشكراً لك :) .

اقتباس:

---

المشاركة الأصلية كتبت بواسطة واحد مسكين

بالنسبة لتجربتي التي أجريتها لإختبار المعاجين أرى أن معجون Arctic Silver 5 هو أفضل مع أنه يوجود معجون من شركة زالمان بيمدحوا فيه ولكن لم أجرّبه :( ..
وأما بالنسبة للمشتت فهناك موضوع يتحدث عن مشتتك المفضّل وشوف النتائج :) : https://www.arabhardware.net/forum/s...t=%E3%D4%CA%CA

وشكراً لك :) .

---

اول شيء يعطيك العافية .
انزين بخصوص المعجون، ماتدري اي نوع لzalman ؟؟ وله اهوا نوع واحد؟؟
وهل في موضوع للافضل معجون او موقع:p

وبخصوص الموضوع الي فيه افضل مشتت ، فلقد فاز الي ذكرته لك . فهل يعني هذا اهوا الافضل ؟؟ وياليت تتأكدون لي هل صوته مزعج؟؟
وآخر شيء محد فادني هل يبيعون هالقطع بالكويت؟؟ وجزاكم الله خير

اقتباس:

---

ما ادري فانا ودي بجهاز يكون اقرب الى الهدوء التام والراحة. وانا شفت موضوع اخونا cpu guy

---

هدوء + تبريد قوي = مشتت Thermaltake Big Typhoon

مع معجون Artic Silver 5 أو Zalman ..

بس انتبه انت عندك معالج بمقبس 478 , يعني لازم تشتري Big Typhoon و ليس Big Typhoon VX مثل يلي اشتراها CPU GUY >>

و ستحصل على نتيجة رائعة بإذن الله

اقتباس:

---

المشاركة الأصلية كتبت بواسطة Smart1991

هدوء + تبريد قوي = مشتت Thermaltake Big Typhoon

مع معجون Artic Silver 5 أو Zalman ..

بس انتبه انت عندك معالج بمقبس 478 , يعني لازم تشتري Big Typhoon و ليس Big Typhoon VX مثل يلي اشتراها CPU GUY >>

و ستحصل على نتيجة رائعة بإذن الله

---

اشوه انك ذكرتني بسالفة المقبس، وله انا ما ادري عن هالشيء،جزاك الله خير.

وفي شيء ثاني لازم ادري عنه واعرفه؟؟ وياليت تشرحون لي طريقة وضع المعجون على البروسيسور ، وهل اضعه على المشتت بعد؟؟ وله ماله داعي؟؟ياليت توضحون لي الطريقة الصحيحة. وجزاكم الله خير

بالناسبة لكيفية وضع المعجون ، فيكفي أن تضع مقداراً بسيطاً من المعجون مثل حبة الأرز في منتصف المعالج ومن ثم تضع المشتت وتقوم بتحريك المشتت ( كأنك تحرك مقود السيارة ) بزاوية صغيرة 15 درجة يميناً وشمالاً ومن ثم ثبّته بإحكام ( حاول أن لا ترفع المشتت بعد ذلك حتى لا تتكون فقاعات هواء ) ..

وشكراً لك :) .