مراجعتي للكارت الخرافي Sapphire HD5870 GE
بسم الله الرحمن الرحيم
طبعا بعد مراجعة مينا للكارت دي بس تعتبر مراجعه خاصه لنسخة سافاري
الكرت متوفر بسعر 2400 جنيه فقط و حصريا عند ماكسيمم هاردوير
نبدا بالصور علي بركة الله
دي صوره لكرتونة الكرت من بره
و من جوه
تحت الكرت و كرتونته في العلبه دي
و دي محتويات العلبه
1-سلكين باور 6 بن
2-محول dvi ال dsub
3-كتالوج التركيب
4-سي دي التعريفات
5-دي في دي نسخه اصله من لعبة Battlestation Pacific
6-و طبعا سيريال لنسخه اصليه من لعبة ديرت 2 يسمحلك بتحميلها من ستيم لانها مكنتش لسه نزلت وقت الكرت ما نزل
7-كروسفاير بريدج للي عاوز يوصل كارتين
و بالمناسبه احب اقول هنا ان سافاري هي الشركه الوحيده اللي منزله لعبتين مع كرتها ال 5870 عكس اي حد تاني اللي منزلين لعبة ديرت 2 فقط
دي بقي صوره للكارت قبل التركيب
(معلش نسيت اصوره و دي صوره من موقع سافاري)
و دي بعد التركيب في الكيسه الرهيبه هاف 922
طبعا واضح انها ممكن تشيل اكبر منه كمان :D
و دي صوره للكيسه و هي مفتوحه من الجنب بعد الديكور الجديد
في النور
و في الضلمه كمان (زي ما عودتكم :D)
نيجي بقي لحاجه مهمه جدا نسيها مينا في مراجعته
صوره لدرجة حرارة الكرت في الخمول
مع العلم ان كده المروحه دايما علي 25% و لما بكون بلعب بخليها علي 40% و عمر الحراره ما زادت عن 56 درجه الا مع كرايسس وصلت 61 بس للاسف معرفتش اخد صوره لاني اول ما بخرج من اللعبه الحراره بتنزل بسرعه جدا !! و لو نفتكر مع بعض ال 4890 كان في الخمول و مروحته 30% كان 51 درجه !!
كمان حاجه تانيه بس مش لان مينا نسي لكن لانه مكنش لسه نزل :D
اداء الكرت مع الدرايفر 9.12
هنا في الاول صوره للكارت مع تعريف 9.11 ديرت 2 هوتفيكس
و دي مع تعريف 9.12
طبعا واضح الزياده الرهيبه في الاداء
و دي مع تعريف 9.12 هوتفيكس
زياده بسيطه في الاداء
و دي مع تعريف 9.12 هوتفيكس لكن البروسيسور علي سرعة 3.2 مش السرعه الافتراضيه زي باقي الصور و الكرت في كل الصور ما عدا الاولي علي 1250/900 و طبعا واضح الفرق
مميزات نسخة سافاري من الكرت (من وجهة نظري)
1- الوحيد اللي معاه لعبتين
2-الارخص في مصر
3-عضوية نادي سفاري اللي ادتني لعبتين كاملين تاني هديه غير اللي مع الكارت
4-حراره ممتازه جدا في الخمول و مع اقصي تشغيل
5-اداء اكتر من ممتاز مع جميع الالعاب و ينتظر زياده في هذا الاداء مع تطور الدرايفرات زي ما شفنا
عيوب الكرت (من وجهة نظري)
هو عيب واحد فقط و هو مش عيب عندي نظرا لان كيستي كبيره الحمد لله لكن الكارت طويل جدا و ممكن ميركبش في كيسات كتيره
تمت بحمد الله و اي سوال او استفسار انا تحت امركم
رد: مراجعتي للكارت العالمي Sapphire HD5870 GE
هية اول واحد يرد الف الف مبروك نتايج ممتازة وتقرير رائع
رد: مراجعتي للكارت العالمي Sapphire HD5870 GE
مبروك اخى بلوتونيم على الكارت المذهل
ما شاء الله الكيسه كبيره جداً
اوسع من الانتك 1200
و شكراً جزيلا على المراجعه :)
رد: مراجعتي للكارت العالمي Sapphire HD5870 GE
مبروك يا بلوتونيم بيه علي الكارت الفوق رائع ده وانا فعلا شديت الرحال عليه وهتوكل واجيبه الشهر الي جاي
ااااه نسيت شكرا علي التقرير الاروع والي حببني فى الكارت اكتر :D
رد: مراجعتي للكارت العالمي Sapphire HD5870 GE
تقرير رائع لكارت رائع بلوتنيوم بيه عقبال ما تعصره عصر
كان ليا سؤال لحضرتك بما أنك اتعاملت مع VEND 2
انت شايف انه احسن من COOLER MASTER HYPER 212 PLUS
ولا لأ انهي واحد فيهم يديني قدره أكبر علي كسر PH 2 X4 965 النسخه 125 W
رد: مراجعتي للكارت العالمي Sapphire HD5870 GE
الله يبارك فيكم يا شباب و عقبالكم كلكم باذن الله
بالنسبه ليك اخي محمد انا معرفش الصراحه لاني مجربتش حاجه غير الفينديتا لكن مع ادائه الممتاز مع الكور 7 اعتقد انه حيكون قوي جدا مع الفينوم 2
رد: مراجعتي للكارت العالمي Sapphire HD5870 GE
اقتباس:
المشاركة الأصلية كتبت بواسطة Plutonium
الله يبارك فيكم يا شباب و عقبالكم كلكم باذن الله
بالنسبه ليك اخي محمد انا معرفش الصراحه لاني مجربتش حاجه غير الفينديتا لكن مع ادائه الممتاز مع الكور 7 اعتقد انه حيكون قوي جدا مع الفينوم 2
شكرا أستاذي بلوتنيوم علي سرعه الرد ;)
رد: مراجعتي للكارت العالمي Sapphire HD5870 GE
مراجعة ممتازة منك
انا نفسى اشترية بس مستنى شوية لغاية لما نشوف العملاق الاخضر
رد: مراجعتي للكارت العالمي Sapphire HD5870 GE
1000 مبروك اخى......:)
و منتظرين منك التجربة مع كسر السرعة ;)
رد: مراجعتي للكارت العالمي Sapphire HD5870 GE
تقرير ...ممتااااااااااز يا عزيزى ...
والف مبروك عليك الكرت ...وكسر سرعة معقول ...:)
رد: مراجعتي للكارت العالمي Sapphire HD5870 GE
1000 مبروك على الكارت يا بلاتينوم ما شاء الله
وياريت BenchMark ل Crysis بعد اذنك
وألف مبروك مرة تانية
رد: مراجعتي للكارت العالمي Sapphire HD5870 GE
الله يبارك فيكم يا شباب و انا فعلا كده كاسر الكرت علي اخر ما الكاتاليست جايب بس انا حاسس انه لسه بدري لان الاداء كده ثابت تماما الحمد لله
و معلش اخ حسام انا معنديش كرايسس حاليا لكن ممكن تشوف النتايج في موضوع مينا هو عنده كرايسس
رد: مراجعتي للكارت العالمي Sapphire HD5870 GE
غريبه :confused:
انا كارتى ال5850 كسرته دلوقتى 900/1200
على 9.12 و جاب 17682
يعنى تقريبا زى ال5870 :confused:
و لا البروسيسور بيفرق فى الGPU Score ؟؟؟؟
رد: مراجعتي للكارت العالمي Sapphire HD5870 GE
مبروك يا مشع باشا Pu تدوبه في لعب العافية :p
ممكن اختبارات كرايسس وورهيد وديرت وكمل جمايلك
رد: مراجعتي للكارت العالمي Sapphire HD5870 GE
100 100 يا بلوتونيوم باشا :)
تم التقييم :)