سؤال لمهندسي المنتدى .. هام جدا ياجماعة الله يكرمكم

بسم الله الرحمن الرحيم .. يا جماعة انا عضو جديد معاكم وعاوز أخد رأيك قبل ما أعمل اي حاجة

الحكاية ان كان عندي بوردة قديمة وبعدين اتحرقت ودوخت بيها بس مفيش أمل .. المهم فيه محل كمبيوتر راح قالي انا هديلك بوردة جيجا بايت كاملة من مجاميعه وانا مفهمش قوي في الكمبيوتر .. المهم اشتريت البوردة وركبتها وبعدين عندي رامات DDR1
فمش عارف بقى البوردة دي يركب عليها الرامات دي واللا اشتري لها رامات DDR2

موديل البوردة
GA-8S661FXM-775

وده السايت بتاعها

https://www.gigabyte.com.tw/Products...ProductID=1842

فأرجوكم حد يديني الخبر الاكيد دي ينفع لها الرامات القديمة واللا أبدأ أحوش من دلوقتي وأمري لله للرامات الجديدة

بس بأسرع وقت لأن انا بضطر أرخم على جاري علشان اعمل ريبورتاتي بتاعت الكلية

البوردة داعمة للذواكر DDR1
حتشتغل من غير مشاكل ان شاء الله

جزاك الله خيرا

سؤال بالمرة .. ازاي اعرف الفرق بين ال ddr 1 و ال ddr2

وهل ممكن في المستقبل اجيب رامة ddr2 وتشتغل على بوردتي واللا هو اللي تقرا 1 مينفعش تقرا 2

https://i43.tinypic.com/6ga8t1.jpg

https://i40.tinypic.com/rm0e37.jpg

باختصار فإن الفرق بين DDR و DDR2 يكمن :-
اولا في الاداء :الفرق في التردد

تردد الـ ddr2 اعلى من تردد الـ ddr
في الـ DDR الـ Bus لها بيصل الى 400 ميجا هرتز بينما DDR2 الـ Bus لها يساوي 1066 ميجا هرتز

ثانيا في الشكل :
المسافه بين اول الرامه و الشق الاوسط = 7 سم في ddr2
المسافه بين اول الرامه و الشق الاوسط = 7.3 سم في DDR

ثالثا : عدد الـ Pin يساوي 184 في الـ DDR
بينما يساوي 240 فيالـ DDR2 و يجب أن تكون البوردة تتقبل إما هذا أو ذاك
مع العلم أن هناك بعض البورد تدعم كلتا التقنيتين DDR و DDR2

بالنسبة لبوردتك فهى داعمة لـ DDR1 فقط

ألف ألف ألف شكر .. والله ما قصرت على رأي الجماعة السعوديين