مشكلة سخونة في كارت الستالايت ارجو حلها سريعا لضررها الكبير علي الجهاز
السلام عليكم و رحمة الله و بركاته يا جماعه انا عندي كارت ستالايت من نوع twinhan-vision DTV بقالي تلت شهور مشغله بصراحه كويس جدا معايا دلوقتي بيسخن بطريقه مش معقوله و كمان السخونه دي بتيجي و انا مش بستخدمه اصلا يعني بكون اعد عالجهاز مش مشغل برنامج العرض و مطلع سخونه رهيبه في البدايه ظنيت ان المشكله من مروحة البروسيسور غيرتها و اكتشفت ان السخونه جايه منه مع العلم انه مكنش بيسخن كده الفتره اللي فاتت عايز اعرف سبب المشكله مع ملاحظة ان المشكله بتحصل و هو مغلق و عايز اعرف حل للمشكله عشان ميحصلش ضرر للجهاز ككل
رد: مشكلة سخونة في كارت الستالايت ارجو حلها سريعا لضررها الكبير علي الجهاز
اخي العزيز
الجو حر الايام دي
بالنسبة للجهاز
فك هاردوير الجهاز كله ونظفه وقم بازالة اي اتربه وعند التركيب غير مكان الكرت في مدخل PCI اخر واعمل ويندوز للجهاز وعرف الكرت وان شاء الله هتختفي المشكلة دي
رد: مشكلة سخونة في كارت الستالايت ارجو حلها سريعا لضررها الكبير علي الجهاز
شكرا اخي الكريم و اليوم بإذن الله يتم عمل اللازم
رد: مشكلة سخونة في كارت الستالايت ارجو حلها سريعا لضررها الكبير علي الجهاز
ممكن تركب مروحة صغيرة ب 10 جنيه على الكرت .
رد: مشكلة سخونة في كارت الستالايت ارجو حلها سريعا لضررها الكبير علي الجهاز
اقتباس:
المشاركة الأصلية كتبت بواسطة Extreme2
ممكن تركب مروحة صغيرة ب 10 جنيه على الكرت .
اخي نواف المشكله ان الكرت بيسخن وهو مش شغال يعني في حاجه غلط في الويندوز او التعريف او تركيب الكرت
رد: مشكلة سخونة في كارت الستالايت ارجو حلها سريعا لضررها الكبير علي الجهاز
بسمع كتير ان الكارت يركبله مروحه
عايز اعرف ازاي بالظبط اقدر اركبها و اسمها ايه عشان لما اروح اشتريها
رد: مشكلة سخونة في كارت الستالايت ارجو حلها سريعا لضررها الكبير علي الجهاز
اقتباس:
المشاركة الأصلية كتبت بواسطة اكسمان
اخي نواف المشكله ان الكرت بيسخن وهو مش شغال يعني في حاجه غلط في الويندوز او التعريف او تركيب الكرت
تمام و كده كده هعمل اللي انت قولتلي عليه يا اكسمان عشان فعلا حاسس ان الويندوز مش أد كده
بس بردو عايز اعرف ازاي حكاية المروحه دي عشان اركبها في الظروف العاديه هتبرد اكتر و هتزود الكفاءه
رد: مشكلة سخونة في كارت الستالايت ارجو حلها سريعا لضررها الكبير علي الجهاز
هو الكارت الطبيعي بتاعه انو يسخن اوي و ان كنت لم الاحظ ان الكارت بيسخن اثناء عدم استخدامه لذلك تاكد من تفعيل خيار turn LNB power off upon exit حتي لا يستمر الكارت في تزويد الراس بالكهرباء و انت لا تستخدمه
و ممكن علشات تبرده تعمل الحاجات دي
1- تركيب مشتات الرامات تباع ال 8 ب 20 في تكنولوجي موول و هي عبارة عن 10*10 مم او 15*15 مم فوق شيبات الكارت و تثبيتها بالمعجون الحراري السيراميك الابيض
2- تسليط مروحة علي الكارت اي حجم مناسب
3- تركيب شفاط هواء في الفتحة فوق كارت الدش لكني اري انها غير عملية لان الحرارة تنتقل من بورد الكارت الي الماذربورد و شفط الهوا لن يكون كافي للتبريد الي جانب انه ممكن يشغل منفذ من منافذ البوردة pci او pci-e مثلا
رد: مشكلة سخونة في كارت الستالايت ارجو حلها سريعا لضررها الكبير علي الجهاز
أولا انا يا جماعه فككت الجهاز كله حته حته و شلت منه اي اثر للاتربه
ثانيا سطبت ويندوز جديد و ملاحظ ان الجهاز بئه بطيء مع العلم ان الرامات واحد جيجا و البروسيسور 3 و كانت سرعة الجهاز عاليه جدا
ثالثا الكارت سخن حتي و انا برا الويندوز و انا علي لوحة الديل
رابعا بالرغم من عدم تعريفي للكارت في الويندوز الجديد بردو بيسخن
هل ممكن يكون عيب بورده مع العلم ان باقي الكروت بلت ان مفيش غير كارت الستالايت اللي محطوط
و لو ممكن طيب العيب ده ظهر ليه مع العلم اني الفتره اللي فاتت مكونتش ضاغط علي الكارت خالص بعكس الفتره اللي قبلها كنت بشغله كتير و مكنتش بتحصل المشكله دي
===============================
طيب بالنسبه للأخ نوبل معلش براحه عليا اول معلومع بتاعت الــ LNB اوصل للخيار ده منين؟؟؟
و سألت عن طريقة تركيب مروحه خاصه للكارت تساعد علي حل جزئي عالأقل مؤقتا للمشكله
بجد مشكله تحير و مش في وقتها خالص:(
رد: مشكلة سخونة في كارت الستالايت ارجو حلها سريعا لضررها الكبير علي الجهاز
ده من الاوبشن بتاعت برنامج العرض اللي بتستخدمه سواء بروج او الت او مايثيتر
و ممكن تفك السلك من الكارت و راقب هل الكارت مازال سخن
رد: مشكلة سخونة في كارت الستالايت ارجو حلها سريعا لضررها الكبير علي الجهاز
زي ما قولتلك انا سطبت ويندوز جديد و الكارت مش متعرف اساسا
و هجرب بردو حكاية اني افك السلك دي
رد: مشكلة سخونة في كارت الستالايت ارجو حلها سريعا لضررها الكبير علي الجهاز
فكيت السلك و نفس المشكله موجوده و الله يا شباب
كده اللي ناقص اودامي في المشاكل
يا اما تكون المشكله من البورده ان الكارت لما بيتحط فيها بتسخنه
او من الباور سبلاي بس الباور سبلاي هيبقي ايه مشكلته لو الكارت مش شغال و بالتالي مش ساحب منه جهد؟؟؟؟!!!!
و الله انا تعبت و خايف اروح اغير الباور سبلاي يطلع المشكله مش منه و ابقي صرفت فلوسي عالفاضي زي ما حصل في الفانه بتاعت البروسيسور