أحسن مكان لشراء الجالاكسى فى مصر
يا جماعة ايه أحسن مكان أشترى منه الجالاكسى ايس فى مصر من حيث السعر و خدمة ما بعد البيع؟
أنا كل ما أسمع عن توكيل أرجع ألاقى ناس بتشتكى منه مر الشكوى
يعنى حتى يونيون جروب بيشتكوا منها مر الشكوى
أجيبه من سكاى جروب و لا منين؟
وبعدين هل الجهاز كورى و لا صينى؟
أنا شوفته فى سكاى جروب سيتى ستارز عامل تقريبا 2150
هل السعر دا كويس و هل هما وكيل معتمد لسامسونج و خدمتهم بعد البيع كويسة؟
أنا كنت طرحت نفس التساؤل كمشاركة فى موضوع تانى بس محدش خد باله
رد: أحسن مكان لشراء الجالاكسى فى مصر
شوف الشناوى اسعاره كويسه وممكن يشحنلك الموبيل للبيت
https://elshennawy.com/prices/main.php?g2_itemId=118
رد: أحسن مكان لشراء الجالاكسى فى مصر
شكرا ليك
بس الشناوى بيديلك الموبايل بدون ضمان
و سعره فى الجالاكسى ايس أقل من سعر السوق 100 جنيه فقط
رد: أحسن مكان لشراء الجالاكسى فى مصر
ازاى هما كاتبين كل الموبيلات ضمانها عام ... بالنسبه للسعر هما اسعارهم فعلا اقل من باقى المحلات اعتقد عشان بيحيبوا كمية كبيره
رد: أحسن مكان لشراء الجالاكسى فى مصر
أنا كنت متخيل كدا برضه
لكن لما كلمتهم على أرقامهم قالولى موبايلاتهم من غير ضمان
هو مكتوب على الموقع بتاعهم انهم عندهم ضمان سنة؟
رد: أحسن مكان لشراء الجالاكسى فى مصر
ايوة تحت اسم البراند كاتبين جميع الموبيلات ضمانها عام ... بس اعتقد سعر 2150 ج اللى انتا لقيته كويس لانه فى Mobile Shop بــ 2200 ج
رد: أحسن مكان لشراء الجالاكسى فى مصر
أوبااااااااااااااااااااا
معلش أنا آسف
أنا اتلخبطت
أنا كل دا فاكرك بتتكلم على سيلكت موبايل
أنا رديت عليك و أنا سرحان أساسا
الشناوى (بيقولوا ) فعلا عندهم ضمان سنة
لكن مفيش حد اشترى من عندهم الا و بيقول ان خدمة ما بعد البيع عندهم معدومة
اكتب كدا فى جوجل الشناوى موبايل و هتلاقى كذا منتدى الأعضاء فيه بيتكلموا عن الشناوى و اللى جرالهم منه :D
رد: أحسن مكان لشراء الجالاكسى فى مصر
انا ماجربتش اجيب حاجه من عندهم بس حساس كده زى ماناتا بتقول
على العموم زى ماقلتلك Mobile Shop بيبعوه بـ 2200 ج فاعتقد سعر سكاى جروب كويس
رد: أحسن مكان لشراء الجالاكسى فى مصر
و الله أنا بالنسبة لى 2050 من 2200 ال 150 جنيه دول مش هيفرقوا
المهم أجيبه من مكان عنده خدمة ما بعد البيع كويسة لأن أنا مبحبش حرقة الدم
يعنى لو هجيبه من مكان و يقولى ضمان و بعدين ألاقيهم بيعملوا حركات من اياها.....يبقى أجيبه من غير ضمان و أريح دماغى
رد: أحسن مكان لشراء الجالاكسى فى مصر
لو انت قريب من الزقازيق فى الغزاوي بـ 2100
رد: أحسن مكان لشراء الجالاكسى فى مصر
الموبايل موجود فى سيليكت بـ 1950 بالضمان و ده أفضل سعر للجهاز ( سعره الحقيقى )
اى سعر اعلى من كده يبقى فلوس بتترمى على الأرض
مبرووووووووك مقدما
رد: أحسن مكان لشراء الجالاكسى فى مصر
اقتباس:
المشاركة الأصلية كتبت بواسطة moriatte
أوبااااااااااااااااااااا
معلش أنا آسف
أنا اتلخبطت
أنا كل دا فاكرك بتتكلم على سيلكت موبايل
أنا رديت عليك و أنا سرحان أساسا
الشناوى (بيقولوا ) فعلا عندهم ضمان سنة
لكن مفيش حد اشترى من عندهم الا و بيقول ان خدمة ما بعد البيع عندهم معدومة
اكتب كدا فى جوجل الشناوى موبايل و هتلاقى كذا منتدى الأعضاء فيه بيتكلموا عن الشناوى و اللى جرالهم منه :D
اخي الكريم moriatte
أنا أشتريت من الشناوي ما لا يقل عن 7 أجهزة كلهم بالشحن
الصراحة المحل معاملتة ممتازة جدا وهحكي لك قصة حدثت معي في اول موبايل أشتريه منهم
أنا أشتريت موبايل سامسونج ستار منهم في بداية نزوله مصر (هدية لزوجتي)
ولما التليفون وصل و أستلمته كنت في الشغل و وضعت فيه شريحة قديمة و طبعا كان اهم حاجة عندي تجربة التاتش بتاع التليفون ( اول مرة أمسك تليفون تاتش ) :D :D
و بعدين لما روحت البيت و قامت زوجتي بوضع الشريحة الخاصة بها وقامت بتجربة التليفون وفجأة اكتشفنا ان زرار الأتصال لا يعمل أطلاقا :eek: :eek: :eek:
الصراحة دمي اتحرق :mad: :mad: وورحت متصل بالتوكيل و عرفت مكانهم فين ، بس كنت متضايق جدا لأن التليفون جديد ولم يستخدم ، قولت اكلم الشناوي أقلهم على اللي حصل وصراحة كان الرد مفاجأة :eek: :eek:
البنت قالتلي أني أحط التليفون في العلبة الخاصة به مع كل حاجة وأشحنه ليهم في أسكندرية وهمه هيغيروه لي ( المحل عندهم بيدي ضمان من المحل أسبوع على الموبايل لو حصل فيه حاجة هم اللي بيغيروه ) مع تحملهم تكلفة الشحن من عندهم الي القاهرة
وفعلا تم تغيير التليفون بواحد اخر والموقف ده لما حكيته لزملائي بالعمل اكثر من 10 منهم تعاملوا مع المحل
المحل من تجربتي معاه تعامله محترم جدا :):)
رد: أحسن مكان لشراء الجالاكسى فى مصر
اقتباس:
المشاركة الأصلية كتبت بواسطة MF88
الموبايل موجود فى سيليكت بـ 1950 بالضمان و ده أفضل سعر للجهاز ( سعره الحقيقى )
اى سعر اعلى من كده يبقى فلوس بتترمى على الأرض
مبرووووووووك مقدما
يا باشا ما هو أنا كلمتهم قبل كدا على أرقام الموبايل الموجودة على الموقع بتاعهم و واحد قالى ان الجديد عندهم برضه بدون ضمان !!
و بعدين السعر موجود على الموقع 2050
انت متأكد من موضوع الضمان؟
يمكن مثلا اللى رد عليا كان بيكلمنى على المستعمل؟
رد: أحسن مكان لشراء الجالاكسى فى مصر
اقتباس:
المشاركة الأصلية كتبت بواسطة azaki
اخي الكريم moriatte
أنا أشتريت من الشناوي ما لا يقل عن 7 أجهزة كلهم بالشحن
الصراحة المحل معاملتة ممتازة جدا وهحكي لك قصة حدثت معي في اول موبايل أشتريه منهم
أنا أشتريت موبايل سامسونج ستار منهم في بداية نزوله مصر (هدية لزوجتي)
ولما التليفون وصل و أستلمته كنت في الشغل و وضعت فيه شريحة قديمة و طبعا كان اهم حاجة عندي تجربة التاتش بتاع التليفون ( اول مرة أمسك تليفون تاتش ) :D :D
و بعدين لما روحت البيت و قامت زوجتي بوضع الشريحة الخاصة بها وقامت بتجربة التليفون وفجأة اكتشفنا ان زرار الأتصال لا يعمل أطلاقا :eek: :eek: :eek:
الصراحة دمي اتحرق :mad: :mad: وورحت متصل بالتوكيل و عرفت مكانهم فين ، بس كنت متضايق جدا لأن التليفون جديد ولم يستخدم ، قولت اكلم الشناوي أقلهم على اللي حصل وصراحة كان الرد مفاجأة :eek: :eek:
البنت قالتلي أني أحط التليفون في العلبة الخاصة به مع كل حاجة وأشحنه ليهم في أسكندرية وهمه هيغيروه لي ( المحل عندهم بيدي ضمان من المحل أسبوع على الموبايل لو حصل فيه حاجة هم اللي بيغيروه ) مع تحملهم تكلفة الشحن من عندهم الي القاهرة
وفعلا تم تغيير التليفون بواحد اخر والموقف ده لما حكيته لزملائي بالعمل اكثر من 10 منهم تعاملوا مع المحل
المحل من تجربتي معاه تعامله محترم جدا :):)
انت باين عليك بس ابن حلال عشان كدا ربنا بيكرمك :D
الناس بتكتب على المنتديات بيشتكوا منهم جامد
سبحان الله هى أرزاق
بالمناسبة أنا ليا سؤال باعتبارى أول مرة أطلع من عباية نوكيا و أجيب موبايل سامسونج.....
لما بتيجى تشترى موبايل نوكيا بيبقى مع العلبة ورقة ضمان نوكيا اللى عليها العلامة المائية اللى بتوضح ان دا موزع معتمد لنوكيا و كدا و فيها السيريال بتاع الموبايل
بالنسبة لسامسونج الدنيا بتمشى ازاى؟
يعنى هل ليهم موزعين معتمدين و بيبقى فيه ورقة ضمان فيها السيريال و كدا و لابيبقى زى ما بيسموه ضمان المحل؟
طبعا موضوع ضمان المحل دا يبقى أحسن لى أشترى من غير ضمان خلاص و أريح دماغى
رد: أحسن مكان لشراء الجالاكسى فى مصر
اقتباس:
المشاركة الأصلية كتبت بواسطة moriatte
انت باين عليك بس ابن حلال عشان كدا ربنا بيكرمك :D
الناس بتكتب على المنتديات بيشتكوا منهم جامد
سبحان الله هى أرزاق
بالمناسبة أنا ليا سؤال باعتبارى أول مرة أطلع من عباية نوكيا و أجيب موبايل سامسونج.....
لما بتيجى تشترى موبايل نوكيا بيبقى مع العلبة ورقة ضمان نوكيا اللى عليها العلامة المائية اللى بتوضح ان دا موزع معتمد لنوكيا و كدا و فيها السيريال بتاع الموبايل
بالنسبة لسامسونج الدنيا بتمشى ازاى؟
يعنى هل ليهم موزعين معتمدين و بيبقى فيه ورقة ضمان فيها السيريال و كدا و لابيبقى زى ما بيسموه ضمان المحل؟
طبعا موضوع ضمان المحل دا يبقى أحسن لى أشترى من غير ضمان خلاص و أريح دماغى
ربنا يخليك يا اباشا
هو فعلا موضو ع الضمان في مصر بيحكمه عوامل كتير وممكن سياسة الشركة تتغير من ليلة وضحاها ، بس هي دي التجربة التي حدثت معي تماما بس هي كانت من فترة ومش عارف النظام دلوقتي أزاي
انا ليا تجارب مؤلمة مع توكيلات و محلات تانية كثيرة :ah42: :ah42:
( اكسيوم على سبيل المثال أنا كنت هقتل واحد هناك بمعنى الكلمة )
طبعاً بيبقى في شهادة ضمان داخل العلبة الخاصة بالموبيل
بس على حد علمي هناك توكيلين لسامسونج
وأحد اسمه يونيون جروب و مش عارف الصراحة التاني مين