مشكله في تشغيل سماعات Edifier da5000 pro

سلام عليكم شباب

المشكله باختصار اني عندي كرت صوت كريتف اكستريم جيمر و كنت شغال بسماعات كريتف 6200 و كان كله تمام من يومين بالظبط اشتريت السماعات الايديفاير و وصلتها لقيت الويندوز قالي في مشكله في كرت الصوت و مش راضي يشتغل حشت التعريفات بتاعته و حطيتها تاني اشتغل خمس دقايق و بعدين راح مديني صفاره عاليه جدا في كل السماعات و بعدين رستر الجهاز كله قلت يمكن عيب في توصيلات السماعات اتاكدت من كل حاجه و وصلتهم بكرت الصوت البلت ان في البورده شغال تمام بقاله يومين بدون اي مشاكل الحمد لله النهارده فكيت الكرت الجيمر و ركبته تاني قلت يمكن اتهز و لا حاجه و ركبته تاني و وصلت السماعات عليه نفس المشكله برضه اوصل الطقم الكريتف 6200 يشتغل تمام بدون مشكله ؟!

دلوقتي انا عاوز اعرف المشكله فين وايه حلها مع العلم اني جربت اغير الويندوز بدون فايده و انا بستخدم للكرت اخر تعريف رسمي من كريتف بدون اي برامج اضافيه فهل من حلول ؟!

انت بتعرف الكرت عندك والسماعات شغالة ؟؟؟؟؟؟
عن تجربه وخاصه اذا كنت بتحاول تعرف كرت الصوت لتانى مره ا و بتعمل تحديث لازم تطفى السماعااتEdifier da5000 pro
من البور اللى فى الخلف


بعد كده اعمل ريستارت وادخل على السبف مود savemode
و احذف التعريف او سطبه من جديد وبعد كده ريستارت وان شاء الله هيتعرف معاك والسماعات افتحها من البور وان شاء الله هتشتغل
جرب وقولى

اقتباس:

---

المشاركة الأصلية كتبت بواسطة Doctor Mido

سلام عليكم شباب

المشكله باختصار اني عندي كرت صوت كريتف اكستريم جيمر و كنت شغال بسماعات كريتف 6200 و كان كله تمام من يومين بالظبط اشتريت السماعات الايديفاير و وصلتها لقيت الويندوز قالي في مشكله في كرت الصوت و مش راضي يشتغل ؟!

---

لما تيجى توصل السماعات مهم جدا ما قبل ما توصلها بكرت الصوت ان تتاكد انها مغلقه من البور الخلفى فى السماعه نفسها وما تفتحيش السماعة غير لما تتاكد تماما انك وصلك الجاكات الخاصه بها فى كرت الصوت

الكرت كان متعرف فعلا انا يدوب شلت السماعات القديمه و حطيت الجديده و كانت شغاله اه لكن ايه السبب انها عامله مشكله مع كرت كريتف و مش عامله مع كرت البلت ان

عموما انا جربت اللي انت قلت عليه و الويندوز مش شايف الكرت خالص شكلي حضطرافتح الكيسه و اشيله و احطه تاني و لا ايه رايك اخي الكريم ؟؟

و شكرا لمساعدتك

جرب تشيل الكارت وتثبته كويس مرة تانية
وخليك حريص فى موضوع تركيب الجاكات فى الكارت والسماعات شغالة
وابقى قولنا على النتيجة وجودة الصوت

اعتقد المشكله من الكارت مش من السماعات
و عشان تتاكد زي ما قلتلك ... ركب الايدفاير في الكارت البلت ان ,, و شوف هل هيشتغل كويس و لا ؟

بالنسبه للكارت فـ انت عارف انا وقعت في نفس المشكله اول ما فكرت احدث البايوس , فيمكن حصل معاك نفس القصه و انت في حاجه لتحديث بايوس ,,
فجرب تحدث البايوس و تنـزل نسـخه جديده تمااااااماا

و سيبك من قصه تشيل التعريف و تحطه تاني , لانها مش بتنفع 100% مع تعريفات كرياتف و بيتبقي ملفات مش بتتشال اثناء حذف التعريف
فالافضل انك تنزل نسخه جديده و نضيفه بعد تحديث البايوس

و ياريت لو تاخد الكارت و تجربه علي جهاز تاني عشان تتاكد من الدنيا كلها

بالتوفيق يا دكتور :)

المشكلة في كرت الصوت نفسة .. فكة .. نظف ارجل التوصيل الخاصة بالكرت .. ركبة تاني .. سيعمل بنجاح بأذن الله

وقد واجهتني نفس مشكلتك و حللتها كما سبق

تحياتي

كان عندي كارت xfi xtreme gamer وهو بصراحه اكتر حاجه كرهتني ف الكمبيوتر وكله مشاكل
ممكن تالقيه شغال شهرين تلاته زي الفل وبعدين يقف فجاه ويوريني الويا عشان يرجه يشتغل تاني
فعشان كده ريحت دماغي واشتريت xfi titanium ويشيل وافك وبعمك كل اللي ان عاوزه من غير مااطفي الصب من غير مشاكل الحمد لله
عشان كده انا متاكد ان مشكلتك من الكرت الزفت ده

اقتباس:

---

المشاركة الأصلية كتبت بواسطة Doctor Mido

الكرت كان متعرف فعلا انا يدوب شلت السماعات القديمه و حطيت الجديده و كانت شغاله اه لكن ايه السبب انها عامله مشكله مع كرت كريتف و مش عامله مع كرت البلت ان

عموما انا جربت اللي انت قلت عليه و الويندوز مش شايف الكرت خالص شكلي حضطرافتح الكيسه و اشيله و احطه تاني و لا ايه رايك اخي الكريم ؟؟

و شكرا لمساعدتك

---

هو المشكلة مع كروت الكرييتيف مش البلت ان

فعلا هتضطر تشيليه من مكانه وتركبه تانى طبعا وانت فاصل الكهرباء تماما
وادخل وعرف عادى الكرت كانك بتركبه لاول مره ومتوصليش السماعات بعد ما يتعرف وكله يبقى تمام
هتوصل جاكات السماعات وهى مقفوله من البور الخلفى وبعد التوصيل افتح البر وهتشتغل معاك
عن تجربة وبعد كده وانت بتشيلى الجاكات لاى سبب اتاكد بس انك تقفل البور الخلفى للسمااعات ومش هيحصل معاك اى مشكله ان شاء الله

انا عندى السماعات دى واول ما جبتها كانت المشكله دى مضايقانى وبالتجربه مينفعيش غير الحل ده
اما مع كرت البلت ان مفيش اى مشكله خالص بس طبعا نقاء الصوت الكرييتيف يكسب

متشكر جدا يا رجاله و اخص بالشكر الاخ سعيد رجب تم تجربة الحل و لا يوجد مشاكل الان الحمد لله اذا جد جديد سابلغكم باذن الله و شكرا مره ثانيه للجميع

اخوك سعيد رجب يا دكتور ميدو والحمد لله ان كله تمام عندك :ah4:
لو انت شارى الكرت ده مستعمل ياريت تقولى منين وبكام ولا جديد برضه ؟ منتظر ردك يا غالى

لا جبته مستعمل من فتره من عضو هنا كان اسمه طارق جاب كميه من بره و باعها و خلصت تقريبا لاني مش بشوف موضوعه و كان ب 300 جنيه بس يستحق الصراحه و دي كانت اول مشكله ليا معاه غير كده الكرت دايما تمام و رجع تمام الحمد لله

ياريت لو فى منه مستعمل حد يقولنا نجيبه منين ؟