هذا هو انتخابات الospf سياسه وديمقراطيه انه عالم اخر
موضوع الانتخابات بالOSPF
انه موضوع شيق يجعلك تشعر بالسياسه والديمقراطيه بالموجهات
ربما يستغرب البعض ويقول : سياسه ؟ ديمقراطيه ؟
اقول له نعم اخي وبعض الدكتاتوريه في بعض الاحيان
دعنا نعرف كيف يتم هذا الموضوع وما الفائده منه ومن ثم نتفق علي ما قلت سياسه وديمفراطيه
الموضوع ببساطه اي حد عاوز يبعت حاجه من تحديثات UPDATE هيبعتها للرئيس الDR ومساعد الرئيس الBDR
علي الاي بي الملتي كاست الخاص بيهم وهو 224.0.0.6
وعلي الرئيس مسؤليه توزيعها علي باقيه الشعب الDrothers علي الاي بي 224.0.0.5
اي روتر هيجيله حاجه من الرئيس مش هيبعتها لائ حد لانه اكيد الرئيس بعتها للباقي
كيف يتم اختيار الرئيس ؟؟؟
نقول انتخابات وانتخابات يعني شئ منظم للاختيار يعني عمليه لها فكر وترتيب دعنا نري هذا الترتيب اللازم ان يكون ترتيبه هكذا واي ترتيب اخر يكون خطأ لانه له خطوات محدده ومسلسله
1-اول روتر يقوم : الروتر اللي يقوم قبل كل الروترات ب 40 ثانيه ولم يجد غير نفسه يكسب الانتخابات بالتذكيه ولا يكمل ان يخرج عنها الا اذا تم اغلقه او اعاده تشغيله
بمعني اصح : الروترات اول متقوم لو هي علي لينك ممكن يتم عليه انتخابات زي لينكات الEthernet علي سبيل المثال وليس الحصر
يتم الانتظار مده 40 ثانيه "هذا النظام الاعتياديDefault" ولكن يمكنا تغير هذا الوقت بأوامر لدينا لكي نقللها او نكثرها
ولكن احد يسأل هل هذا منذ بدء الروتر بالعمل اقوله لاء هذا منذ بدأ تشغلي الOSPF وتحديدا
بعد كتابه الNetwork Commancd
2- ماذا ان لم يمر 40 ثانيه ووجد روتر اخر معه يشغل الospf
الروتر اللي ليه اولويه periorty الاعلي علي الانترفيس و النظام الاعتيادي ان الروتر ينزل ب اولويه 1 ويمكنا تغير ذلك ويمكنا ايضا لاخراج احد الروترات من موضوع الانتخابات ان نعطيه اولويه تساوي صفر
ولاحظوا ان الاولويه من 0 الي 255
3-الروتر اللي ليه اكبر Router ID
الروتر اي دي هي لها خطوتين لتعرفيها للروتر
اما ان يكون اعلي لووب باك اي بي int loopback
ان لم يجد الروتر يتجه الي الحل الثاني
وهو اعلي اي بي علي انترفيس يعمل وضع مليون خط تحت active interface
ويوجد حل اخر وهو وضع روتر اي دي يدويا Manual
وهذه الاوامر لعمل اي بي للوب باك الذي هو انترفيس وهمي وليس مغلق ودائما on
وغالبا ما يستخدم في الDNS Table
(config)#int loopback 0 to 4,000,000
(config-if)#ip address ip mask
وفي الاغلب يستخدم الماسك 255.255.255.255 وذلك لانه اي بي واحد ولا يحتاج اي بي اخر معه بنفس الرنج ولا نحتاج لضياع اي بيهات
امال احنا درسنا ليه بقي سابنتيج ;)
الروتر اي دي يوضع علي شكل اي بي
مثال لو الروتر اي بي 1 يبقي 0.0.0.1
طب لو 129 يبقي 0.0.1.0
وهكذا
الحاله بين الروتر الرئيس ونائبه تكون full state
وبين الرئيس واي حد تاني تكون full state
بهذا نكون انهينا الموضوع ولكن يبقي اشياء بسيطه احب توضيحها بوضع اسئله قد تكون شائعه وربما ردها بالموضوع ذاته
ما اهميه الرئيس ونائبه ؟
الرئيس هو الاساس يعني هو اللي بيبعت التحديثات لكل الاجهزه وهكذا
لماذا يوجد له نائب ؟
لان النائب يقوم اذا وقع الرئيس وساعتها لم يصبح نائب بل يرقي الي رئيس
ويتم عمل انتخابات لاختيار نائب جديد "الكرسي فضي"
لماذا تم التفكير في وجود رئيس ونائب ؟
لمنع حدوث Loop
كيف يعلم الروتر ان هذه اللينك سواء سريل او ايثرنت او غيرها يمكن الانتخابات عليها ؟
من الencapsulation
الذي تم وغالبا يتم اوتوماتيك مثل الethernet هو hdlc and arpa
هل الروتر الرئيس حد يقدر يشيله من مكانه ؟
لا لانه emptive غير قابل للخروج من الانتخابات الا في حالت خروجه او اغلاقه لبروتوكول الospf سواء بأمر
(Config)#No ospf Process id area x
هل الospf هذا نوع واحد يعني بس اللي نعرفه ؟
لاء الospf ده موضوع كبير وطبعا هو جماله في الMultiple area الخاص بكورس الروتينج للCCNP
والمتعارف عليه version2 يوجد فيرجين 3 الخاص بالipv6
وللعلم الospf من الاسئله الهامه جدا بالانترفيوهات "المقابلات الشخصيه" ذات العيار الثقيل
هذا كل ما لدي وما اتمني اذكره لكم اخواني
اين الديمقراطيه ؟
لما بيقع الرئيس يرقي النائب وتقوم انتخابات عادله بين باقيه الشعب الDrother
اين يتم الانتخابات ؟
يتم الانتخابات علي الinterface
معني كدا ان ممكن روتر يبقي له 2 انترفيس واحد رئيس وواحد نائب او واحد رئيس وواحد عامه الشعب
يعني كل ناحيه وليها فكرها
اتمني اكون وفيت
اخوكم محمد عادل
رد: هذا هو انتخابات الospf سياسه وديمقراطيه انه عالم اخر
شكرا يا محمد بارك الله فيك
رد: هذا هو انتخابات الospf سياسه وديمقراطيه انه عالم اخر
اقتباس:
المشاركة الأصلية كتبت بواسطة هندسه العاشر
هل الروتر الرئيس حد يقدر يشيله من مكانه ؟
لا لانه emptive غير قابل للخروج من الانتخابات الا في حالت خروجه او اغلاقه لبروتوكول الospf سواء بأمر
(Config)#No ospf Process id area x
يعني الروتر الرئيس ده بيفكرني برئيس الجمهورية وشيخ الأزهر
رائع يا محمد ....... صراحة أنا انجذبت للموضوع وكنت حاسس إني بقرأ في قصة (لرجل المستحيل ههههههه ... يعني لازم أخلص قرايتها)
بجد شرح جميل وطريقة رائعة ... ربنا يوفقك ويكرمك
رد: هذا هو انتخابات الospf سياسه وديمقراطيه انه عالم اخر
حقيقي طريقة سلسة وظريفة ربنا يفتح لك
رد: هذا هو انتخابات الospf سياسه وديمقراطيه انه عالم اخر
فتح الله لك كل مغلق و ادخلك فسيح جنته وبارك فيك
اخوك وليد عبدالله
رد: هذا هو انتخابات الospf سياسه وديمقراطيه انه عالم اخر
مشكورين والله اخواني بارك الله فيكم
وبارك لكم
اخ ايهاب ملناش دعوه بالسياسه هههههههههههه
احنا بنقول سياسه الروترات مش الحكومات
احنا بنحكي عن سياسه الروترات وكيف هي واخده فكر السياسه من الحياه يعني نشوف قد ايه الاوبن استندرد
المهم ملناش بالسياسه هههههههههههه احنا اخرنا سياسه الروترات
اكتر من كدا يبقي كش تبعنا :D
رد: هذا هو انتخابات الospf سياسه وديمقراطيه انه عالم اخر
رد: هذا هو انتخابات الospf سياسه وديمقراطيه انه عالم اخر
السلام عليكم بصراحة رائع وشرح مبسوط وفكرة الحدوتة وانك مثلتها باشخاص فكرة جميلة وممبسطة الله ينور ياباشا والف شكرك لخونا محمد عادل علي هذا الشرح المبسط ونتظر منك الكثير
رد: هذا هو انتخابات الospf سياسه وديمقراطيه انه عالم اخر
ايه يا عم الحلاوة دى والله ما افدر على كده ربنا يزيدك من علمه يا سيدى وما تتكبرش علينا بعد كده
ما قولتليش صح عملت ايه فى شغلك الجديد ايه الأخبار طمنى ؟؟
رد: هذا هو انتخابات الospf سياسه وديمقراطيه انه عالم اخر
اقتباس:
المشاركة الأصلية كتبت بواسطة memoragaa
ايه يا عم الحلاوة دى والله ما افدر على كده ربنا يزيدك من علمه يا سيدى وما تتكبرش علينا بعد كده
ما قولتليش صح عملت ايه فى شغلك الجديد ايه الأخبار طمنى ؟؟
هوتدريب يا محمد مش شغل عيب عليك احنا مش بتوع شغل احنا هههههههههه :D
يعني يا باشا اهه التدريب ماشي الحمدلله
انت ايه اخبارك كلمني علي البريد انا ضفتك عشان مفيش ياهو عندي فضفتك
من ايمالي الهوت ميل
تحياتي يا باشا
رد: هذا هو انتخابات الospf سياسه وديمقراطيه انه عالم اخر
رد: هذا هو انتخابات الospf سياسه وديمقراطيه انه عالم اخر
بارك الله فيك بجد يا هندسة بجد بجد الشرح اكتر من رائع مكنتش فاهمها حالص . لا فلكتب ولا مع المدرس بتاعي في الكورس ولا ببحوثات في النت بس معاك من اول كام سطر فهمت الدنيا كلها ماشية ازاي . بارك اللله فيك يا هندسة و جعله الله في ميزان حسناتك انشاءالله و احنا مستنيين و مترقبين مواضيعك الاكثر من الخطيرة . بس اتمنى انكم تحاولو تشرحو الراوتنج , عشان نحدش بيجيب سيرتو
رد: هذا هو انتخابات الospf سياسه وديمقراطيه انه عالم اخر
رد: هذا هو انتخابات الospf سياسه وديمقراطيه انه عالم اخر
رد: هذا هو انتخابات الospf سياسه وديمقراطيه انه عالم اخر
طبعا شرح اكثر من رائع وجزاك الله كل خير