أهلا وسهلا Nehalem Core i7 Family :)
بسم الله الرحمن الرحيم
أخر السنة دى إنتل قررت تنزل 3 موديلات من الرهيب أداءاً وسعراً , عفريت السرعة الجديد , قوى ومفيد , الأخ Nehalem أو Core i7 :)
الشركة حتنزل 3 معالجات لكل فئة , فئة ال Extreme وفئة ال Performance وفئة ال Mainstream
طبعا كلهم LGA 1366 بلا نقاش ,
الموديلات بالشكل الأتى ده
Core i7 Extreme 965 (PIB model: BX80601965)
Core i7 940 (PIB model: BX80601940)
Core i7 920 (PIB model: BX80601920)
الجدول هنا حيوضح أكتر
طبعا الخبر ده كويس جدا لأى شخص بيحوش فلوس , نقود , مصارى , دنانير عشان شكل النقلة الجاية للسيستم ده حتسبب ثقب كونى فى محافظ المشترين :) , وعامة ده الشكل المستقبلى لأى حد مننا يا شباب لما يجمع السيستم الجديد بتاعه,
ملاحظة بسيطة / كان أولى بإنتل إنها تخلى المعالج Core i7 Extreme 965 بشوية مواصفات أعلى منها على سبيل المثال دعم Standard للذاكرة بسرعة 1333 ميجاهرتز كحد أدنى :) , على الأقل عشان المستهلك يحس الفرق نوعا ما بس طبعا كله حيشترى و OC من هنا للصباح الباكر , وكان ممكن تخلى ال L2 Cache أعلى شوية , 512 لو امكن , كانت حتفرق برضه بس سياسة إنتل المصون معروفة للجميع :) , ربنا يوفق الكل
المصدر
رد: أهلا وسهلا Nehalem Core i7 Family :)
السلام عليكم ورحمة الله :
شكراً لك على الخبر :) ..
مع أني سأفضل معالج Corei7 920 بحكم سعره ولا أعلم هل بالإمكان كسر سرعته ؟
ولفت نظري أمر غريب .. جميع المعالجات لها نفس المواصفات من الكبير للصغير ولكن هل معقولة كلهم إستهلاكهم 130 واط ؟!!!!! على الأقل يفرقوا المعالج الصغير الذي المفروض يعطي إستهلاك أقل .. فما رأيكم ؟
وشكراً لك على الموضوع :) .
رد: أهلا وسهلا Nehalem Core i7 Family :)
طبعا موضوع حلو ومنسق ياهالكي بس المشكلة الناس دي ياعم بتعمل حاجة وعقبال ماتوصل لينا تمام بتبقي باسعار فلكية وكمان متاخرة بكذا شهر يكون انت بتشتري ده وتلاقي الاجدد منه نزل هناك وطبعا زي مانت بتقول بيعمل ثقب كوني يعني الواحد لو لاقي اللي صرفه علي الكمبيوتر ده ممكن يكون جهز نفسه بيهم
المشكلة الكبيرة بقي ايه انك علشان تجيب بروسيسور ده يبقي موبو وكمان رامات وكمان مبرد للمعالج يعني من الاخر كمبيوتر جديد
الناس دي مش عارفه انه البروسيسور ده بس تمن مرتب 3 او اربع شهور لشاب مصري في البداية لاتعليق
رد: أهلا وسهلا Nehalem Core i7 Family :)
اقتباس:
مع أني سأفضل معالج Corei7 920 بحكم سعره ولا أعلم هل بالإمكان كسر سرعته ؟
والله انا معرفش فى الحقيقة , بس أكيد حيمكن كسر سرعته , ال Technology الموضوعة فى المعالجات دى فيها قابلية عالية لرفع السرعة خاصة إنتل لاحظت كل المحترفين بيجيبوا معالجات وهوب إكسر السرعة وبقى الموضوع منتشر أكتر بعد ما المستخدمين العاديين حتى بيكسروا السرعة بسهولة من ال Windows Enviroment
اقتباس:
جميع المعالجات لها نفس المواصفات من الكبير للصغير ولكن هل معقولة كلهم إستهلاكهم 130 واط ؟!!!!!
مع المعالجات دى فى خاصية Power Saver أكيد بتقل عن كده والنسخ ال Extreme أكيد مهيئة للأكتر بس عادة من إنتل تحط ال Average , لسه لما الموديلات تتعدى مرحلة ال Prototype حيكون ممكن فى تعديلات جوهرية أو جذرية عليها , الله أعلم :)
اقتباس:
وشكراً لك على الموضوع .
ألف شكر على مرورك أخى الكريم :)
رد: أهلا وسهلا Nehalem Core i7 Family :)
لو كنا عايشين في امريكا كنت اشتريته هو والبورده ال بتدعمه لكن هنا استحاله اني اجيب بوردته اساسا ! تقرير رائع
رد: أهلا وسهلا Nehalem Core i7 Family :)
انتل تسابق الزمن من اجل الحفاظ على مكانها فى السوق و عدم ترك مكان لAMD
ميرسى على الخبر
رد: أهلا وسهلا Nehalem Core i7 Family :)
شكرا لك على الخبر
في انتظار هالمعالجات.. :)
رد: أهلا وسهلا Nehalem Core i7 Family :)
اقتباس:
بس المشكلة الناس دي ياعم بتعمل حاجة وعقبال ماتوصل لينا تمام بتبقي باسعار فلكية وكمان متاخرة بكذا شهر يكون انت بتشتري ده وتلاقي الاجدد منه نزل هناك وطبعا زي مانت بتقول بيعمل ثقب كوني يعني الواحد لو لاقي اللي صرفه علي الكمبيوتر ده ممكن يكون جهز نفسه بيهم
للأسف مشكلة إقتصادية بحتة ومنقدرش نقول مش مشكلتنا هنا , الكلام ده برة مش مشكلة للدرجة عشان فى توازن ما بين متوسط الدخول للفرد العادى العامل (مش حنتكلم على العاطل :( ) وما بين متوسط المنتجات وأسعارها , انا بتكلم عامة لأنه فى مثلنا شباب عادى بيشترى Nehalm من دلوقت! ولسه فى ناس بتدور على P4 Socket 479 , بس عامة المشكلة فى سعره أكتر ما فى إقتصاد شامل لكله من ال PC لأقل حاجة فى حياتنا المعتادة
اقتباس:
لو كنا عايشين في امريكا كنت اشتريته هو والبورده ال بتدعمه لكن هنا استحاله اني اجيب بوردته اساسا ! تقرير رائع
مش مشكلة , لو معاك ممكن حد يجيبه لك من برة بكل سهولة ويسر :)
مازر X58 احلى حاجة فيها دعمها ل SLI + CrossFire , على الأقل يوم ما تغير السيستم بتاع الجرافيكس مش حتقلب الموبو كمان زى دلوقتى :(
Admin2008 , The_Wolf88 ألف شكر على مروركم يا رجالة :)
رد: أهلا وسهلا Nehalem Core i7 Family :)
روعه يا هلكي باشا
الاسعار غاليه
بس اما نشوف الوضع مع الايام
رد: أهلا وسهلا Nehalem Core i7 Family :)
ألف شكر على مرورك وتشجيعك يا Fouadv4 :) , الأسعار لسه لما نشوف لنا تنزل :)
رد: أهلا وسهلا Nehalem Core i7 Family :)
انا سمعت يا هلكي ان هما لاغوا نظام ال FSB
حقيقي الكلام ده
يعني بعد كده ممكن اركب اي بروسيسور حديث علي المازر من I7
رد: أهلا وسهلا Nehalem Core i7 Family :)
اقتباس:
انا سمعت يا هلكي ان هما لاغوا نظام ال FSB
أساسا إنتل لغت ال North Bridge كله!!!!!!!!!! فمش محتاج انت دلوقت ال FSB من المعالج للذاكرة عدل!!!!
انت لو تبص , بقى النظام شبه AMD :) , لما نشوف التجديد حينتج عنه إيه :)
اقتباس:
يعني بعد كده ممكن اركب اي بروسيسور حديث علي المازر من I7
لأ!!!!
أى معالج فئة i7 ممكن لأنه سوكيت LGA1366 أه ده ممكن , غنما ال LGA775 فخلاص , إستمارة 6 :) , مش مات مات بس مش دى الموبو اللى تشغله عشان فرق مكان البروسيسور نفسه ال Socket
رد: أهلا وسهلا Nehalem Core i7 Family :)
معالجات ممتازة
لكن ما معنى MT/s
و أيظا لم أفهم المقصود ب Logical Processors Threads 8
رد: أهلا وسهلا Nehalem Core i7 Family :)
Megatransfer Per Secand , وحدة قياس سرعة البيانات فى الحاسوب عموما :)
تقدر تلاقى معلومات أكتر عنها هنا
اقتباس:
و أيظا لم أفهم المقصود ب Logical Processors Threads 8
هو المفروض البروسيسور ده أساسا 4 Cores , تمام ؟ بس مع عودة تقنية ال HyperThreading , بقى كل Core له مثيل Virtual (نفس تقنية P4 القديمة لو تفتكرها) , كانت تقنية غائبة عن Core 2 Series بس رجعت تانى فى Core i7 Series :)
رد: أهلا وسهلا Nehalem Core i7 Family :)
مشكوور على الموضوع الرائع وانتل مخططة لكل شيء حاسبتها بالملي وفعلا معالجات ممتازة جدا أظن خيار 280$ يعتبر كافي جدا بالنسبة الي.
ومافي غير أقول:
Well done intel
AMD we are waiting the miracles
اقتباس:
المشاركة الأصلية كتبت بواسطة F.C.B
معالجات ممتازة
لكن ما معنى MT/s
و أيظا لم أفهم المقصود ب Logical Processors Threads 8
MT/s معناها MB transferring per second أي معدل نقل كم ميقابايت في الثانية.
وبالنسبة للسؤال الثاني هذا عدد المعالجات الخاصة بالعمليات المنطقية حسب ماأعرف لكن ماني متأكد أن ليها علاقة بعددها تو نتأكد من أحد الأعضاء.