رد: بدأ التقديم لمنحة ITI
شكرا لك يا أخى freenoble22 على الرد الجميل وربنا يكرمك أن شاء الله وتقبل فى المنحة بأذن الله ...
أولا : لو فيه حاجه معينة نذكرها قبل تقديم الورق علشان أمتحان ال It & eng & iq غير ال Get Qualified FULL أنا خايف لتكون الحاجه اللى فيها قديمه ودى اللينك بتعتها .
https://www.4shared.com/get/23247147...fied_FULL.html
ثانيا : الأنتر فيو هيسألو فى أيه بالضبط وهتكون بالأنجليزى ولا عربى يعنى أنا مثلا system Dev .
ثالثا : تنصحنى أذكر تويفل منين ولوعندك أى حاجه كويسة يرات ترفعها كنت بتذاكر منها ولو هناك أسطوانه بها الأمتحان أو أمثله مثلا على أمتحان التويفل يعنى أى حاجه مفيده للمذكره تكون كويسة ؟؟؟؟
أنا عارف أن تعبك معيا فى الموضوع ده بس أخوك مزنزق لسه مخلص جيش الحمد لله من شهرين ربنا ما يكتبو على حد هههههه الجيش صعب الحمد لله هنقول ايه بس ولك مليون تحيه من القلب
رد: بدأ التقديم لمنحة ITI
العفو, تحت أمرك
فعلا كواليفيد ده, مش كافي لكن هو كويس جدا انك تعرف طبيعة الإمتحان, لكن ادخل هنا وهتستفيد إن شاء الله
https://dvd4arab.maktoob.com/showthread.php?t=1787546
بالنسبة للتويفل دول أحسن اسطوانتين للتمرين على المحلي
https://rapidshare.com/files/71005588..._CD.part01.rar
https://rapidshare.com/files/71005589..._CD.part02.rar
https://rapidshare.com/files/71005590..._CD.part03.rar
https://rapidshare.com/files/71005591..._CD.part04.rar
https://rapidshare.com/files/71005592..._CD.part05.rar
https://rapidshare.com/files/71141357..._CD.part06.rar
https://rapidshare.com/files/71141359..._CD.part07.rar
https://rapidshare.com/files/71141360..._CD.part08.rar
https://rapidshare.com/files/71141362..._CD.part09.rar
https://www.4shared.com/file/11440259...For_TOEFL.html
الحصيلة اللغوية ضرورية جدا, لكن بتاخد وقت, دي لعبتك بقة شوف انت هتركز على التمرين ولا على ايه بالظبط
الجرامر دور على اكتر كتاب قواعد ملخص على الانترنت, في كتاب قواعد على شكل ملف باور بوينت موجود كتير على النت
وبقية الجرامر هتكتسبه من التمرين على الاسطوانتين لانه في اغلبه مهارات
وذي ما قولتلك سيبك من تويفل دلوقت, صدقني مش هتلحق ولو شغلت نفسك بيه مش هتجيب لا السكور المطلوب ولا هتعرف تحضر للمقابلة
والانجليزي في المقابلة مجرد كلمتين يعرفوا منهم انك تعرف تعبر عن نفسك على الاقل
وممكن يسألوك عن حاجات شخصية او عملية لو انت قلت انك بتعرف في شيء معين, وساعات يقلولك انت عاوز تتسال في ايه
ودي بردو رغبتك, يا ترى تقلهم معرفش عشان ميسألوش ولا تخاطر, المهم انك متوسعش الموضوع لانهم خبراء ومش هتعرف تلعب معاهم في مجالهم
رد: بدأ التقديم لمنحة ITI
بالنسبه لتراك computer network and cyber security
فهل هوه خاص بالمهندسين و لا اى حد و ممكن حضرتك تكلمنى عنه و عن ايه اللى جواه
___
ممكن يا اخوان اى جواب
رد: بدأ التقديم لمنحة ITI
اقتباس:
المشاركة الأصلية كتبت بواسطة freenoble22
[LIST][*] Computer Networks / Cyber Security / Media Technologies: for Communications and Computer Engineers.[/LIST]
ده اللي مكتوب في الموقع, واضح طبعا انه لمهندسين إتصالات والكمبيوتر
ده غير ان Computer Networks و Cyber Security
تراكين مختلفين
وبصراحة ولا أعرف حاجة عنهم واللي جواهم خالص, ومدرستش في كليتي غير كتاب واحد شبكات نظري كأنه مادة تاريخ
ده اللي أعرفه والله, لاني مقدم SE في الـ 3 إختيارات
رد: بدأ التقديم لمنحة ITI
شد حيلك يا مصطفى باشا وذاكر كويس علشان امتحانك بكره الثلاثاء
ويارب وفق كل من كان هنا فى المنتدى وان شاء الله تحل كويس وبالتوفيق يا مهصطفى
ولا تنسى بعد ما تجى ان شاء الله تقول شكل الاسئله ايه وانماطها
رد: بدأ التقديم لمنحة ITI
سلام عليكم ياجماعه
معلش انا عندى كام سؤال نفسى حد يجاوبنى عليهم
1-عدد ايام الدراسة كل اسبوع فى المنحة؟
2-نسبة الغياب قد ايه او تمثل كام يوم؟
3-هل بيبقى فى عقد ولو كده بيتوقع امتى ؟
4-لو كانت واحدة حامل وعلى وشك الولادة هل بيدوها اجازة ولا بيتطبق عليها الشرط الجزائى ؟
5-لو حد عايز ينسحب من المنحة بعد التقديم والقبول اخر فرصة ليه امتى؟
رد: بدأ التقديم لمنحة ITI
اقتباس:
المشاركة الأصلية كتبت بواسطة malk roh7y
شد حيلك يا مصطفى باشا وذاكر كويس علشان امتحانك بكره الثلاثاء
ويارب وفق كل من كان هنا فى المنتدى وان شاء الله تحل كويس وبالتوفيق يا مهصطفى
ولا تنسى بعد ما تجى ان شاء الله تقول شكل الاسئله ايه وانماطها
متشكر,جزك الله كل خير
على فكرة في خريجين جدد زي حضرتك مقدمين عادي من غير افادة ولا بيان نجاح ولا اي حاجة من دي
الإمتحان صدقني بالضبط ذي ما قالو في DVD من غير اي زيادة
كل اللي انصحك بيه, إدارة الوقت اهم شيء, الإنجليزي بالنسبة ليا مكنش صعب الحمد لله
لكن اسلوبي ورغبتي في التأكيد على كل إجابة ضيع مني كذا سؤال في الـ IQ, لكن خير إن شاء الله
وربنا يسهل ويطول نفسنا مع الموضوع ده
رد: بدأ التقديم لمنحة ITI
اقتباس:
المشاركة الأصلية كتبت بواسطة dreaming
سلام عليكم ياجماعه
معلش انا عندى كام سؤال نفسى حد يجاوبنى عليهم
1-عدد ايام الدراسة كل اسبوع فى المنحة؟
2-نسبة الغياب قد ايه او تمثل كام يوم؟
3-هل بيبقى فى عقد ولو كده بيتوقع امتى ؟
4-لو كانت واحدة حامل وعلى وشك الولادة هل بيدوها اجازة ولا بيتطبق عليها الشرط الجزائى ؟
5-لو حد عايز ينسحب من المنحة بعد التقديم والقبول اخر فرصة ليه امتى؟
مقدرش افيدك, وعلى فكرة كذلك معظم الأعضاء, لأننا أولا مدخلناش المنحة قبل كدة
ثانيا بنحلم بس ندخل ونحط رجلنا في المعهد كطلبة مش متقدمين
لكن وعلى العموم قبل ما تمضي على دخولك المعهد, هتعرف الشروط كاملة, ده ابسط حقوقك قبل ما تكون مسؤل عن اي انسحاب او عدم حضور
رد: بدأ التقديم لمنحة ITI
مبروك يا جميل على النجاح في التوفل وان شاء الله انت مقبول في المنحة
وجزاك الله على مجهودك في الموضوع ده ومستنيك تساعدني لما تنزل منحة اتصالات
يارب تتقبل انت وكل اللى شارك في الموضوع
يالا قولوا امييييييين
رد: بدأ التقديم لمنحة ITI
متشكر يا معتز, آميـــــــــن إن شاء الله
جهز نفسك بس للتويفل عشان مش تتفاجئ بالمنحة التانية, وانا تحت امرك في اي تفاصيل
وعلى فكرة سكور 400 مش صعب على اي واحد بيقدر على الأقل يعمل شات انجليزي على خفيف, بالعكس يتوقع منه اكتر, لان الدرجات اللي فوق هي الأصعب, ونظام الـ Grading للتويفل بيتم حسب عمل إحصائي يعني مش فكرة بتحل كم إجابة وخلاص
المهم يعني, لو غرض حد 400 هيكون ده بسيط إن شاء الله
رد: بدأ التقديم لمنحة ITI
السلام عليكم
انا رحت قدمت النهارده من غير الشهاده المؤقته عادى
امتحانى ان شاء الله يوم 8/4 الساعه 10 صباحا
ياريت اللى امتحن الساعه 10 يقول فعلا يبدء الساعه 10 ولا بتاخر ضرورى اللى امتحن يقول علشان احسبها قبل ما روح علشان متاخرش
ويا ريت يا مصطفى باشا تقولى هل arcos كفايه للتعود على حل القطع فى الانجليزى مع مذاكره الجرامر
ايه القطع اللى جتلك كانت بتتكلم عن ايه
معلشى مطالبى كتير شويه
وتفيد كل الناس فى المنتدى
يارب نقبل كلنا فى المنحه قولو اااااااااااامين:ah2:
رد: بدأ التقديم لمنحة ITI
وعليكم السلام
بص يا بشمهندس, أنا رحت الإمتحان الساعة 12 ونص ولقيت الناس لسة خارجة, يعني هما دخلوا 10 بالضبط أو اتاخروا نص ساعة بالكتير قوي
روح في ميعاد ومتتأخرش افضل, ومتروحش بدري عنه, ملوش لزمة
arco اصعب كمان من اللي هيقابلك لكن طبعا الفوكبولاري اللي هيقابلك مش لازم يكون من arco
القطع كانت
النفايات الذرية
الرحالة ماركوبولو
تآكل التربة والتصحر وكدة
والجرامر بسيط ميعقدش حد
بالتوفيق, إن شاء الله نعمل هنا حفلة للمقبولين :ah39:
رد: بدأ التقديم لمنحة ITI
السلام عليكم و رحمة الله و بركاته
انا عايزة استفسر الفرق بين تراك e-learning technology و تراك multimedia systems انا خريجة تجارة و عايزة اعرف الانسب لى ياريت لو حد عارف و انشاءالله حسافر القاهرة يوم الاتنين فا عايزة اعرف مواعيد التقديم من الساعه كام للساعه كام لانى مش من سكان القاهرة ياريت حد يساعدنى و ربنا يكرمنا كلنا
رد: بدأ التقديم لمنحة ITI
E-learning technology ده غالبا هيكون معظم شغله برمجه وخصوصا ويب وكده ويكون احسن لو فى خبره فى مجال التعليم وده مش مهم اوى يعنى
Multimedia system ده كل دراسته هتكون جرافيك زى فلاش و 3dmax و فوتو شوب وطبعا اكيد فى مونتاج وكده وبردو فيه ويب ديزاين يعنى دريم ويفر وكده بس اسمع ان القسم ده بيكون ليه امتحان تانى بعد الانترفيو
ده كل اللى اعرفه عن الاقسام بالنسبه للتقديم والمواعيد انا مش عارف عنها حاجه
البشمهندس freenoble هو اللى راح وقدم وممكن يفيدك فى الموضوع ده
رد: بدأ التقديم لمنحة ITI
السلام عليكم و رحمة الله و بركاته
الف شكر على المساعدة و انا من الاسكندرية و المتاح 3 تراك بس فا ياريت اعرف المناسب لمجالى فى سوق العمل و يكون من التراكات اللى فى اسكندرية