شرح تفصيلي عن خصومات مايكروسوفت الجديده

السلام عليكم ورحمه الله وبركاته


اكيد في ناس كتير حصلها حيره في الموضوع ده وانا واحد منهم طبعا
ورحت اسال مراكز كتير عن العرض ده ومفيش حد فيهم يعرف اي شئ عنه


بس في الاخر انا وجدت الحل بفضل الله وحبيت اوضحه لكل احبائي في موقع عرب هاردوير


اولا انا لما كنت بسأل على العروض اللي نزلت مفيش مركز يعرف اي شئ عنها زي ما قلت
بس لما اتصلت بمركز قلتله في امتحانات جديد نازله زي مثلا 72-270 وقالي فعلا الامتحان موجود
قلتله ياريت لو ممكن تتأكد انه XP وفعلا قالي هو نفس الامتحان وسالته عن سعر الامتحان قالي 30 دولار
قلتله طيب الامتحان ده هل هو للطلبه فقط او عليه اي شروط قالي لا مفيش اي شروط نازله عليه
لو حضرتك تحب احجزلك وفعلا تم حجز الامتحان وحجزت الامتحان بالتليفون واديته الفيزا واتأكدت بنفسي
ان المبلغ هو 30 دولار فقط ولو حسبناها صح هتلاقوا ان عليه خصم 40%

ملحوظه : انا جربت اديه فاوتشر بس قالي ان الفاوتشر معملش حاجه
بس انا اعتقد ان الفاوتشر اللي بتقدمه برومتريك بيدي دخول الامتحان مرتين لكن مش عليه خصم
ده اللي فهمته لان لما دخل الكود تم قبوله بس محصلش خصم على ال 30 دولار
ده اللي فهمته "والله اعلم"



يعني خلاصه الموضوع ان اي حد يروح يحجز امتحان يقله 72 بدل 70 وبتاخد الخصم 40% بدون اي فاوتشر
واعتقد الفاوتشر بيكون لمجرد دخول الامتحان مرتين في حاله الرسوب لا قدر الله "والله اعلم"

وده رابط يوضح الامتحانات الجديده 72
https://www.microsoft.com/australia/learning/educator/exams/default.mspx


واي حد عنده اي معلومه اتمنى يقولنا علشان كلنا نستفاد



واتمنى اكون عرفت اوضح الموضوع اللي حير الكثير منا
واتمنى تدعوا لي بالنجاح غدا في امتحان XP اللي هو 72-270
وربنا يوفقكم ويوفقنا جميها ان شاء الله
اخوكم BeKoO

ربنا يوفقك يا مان

اقتباس:

---

المشاركة الأصلية كتبت بواسطة ×-BeKoO-×

ملحوظه : انا جربت اديه فاوتشر بس قالي ان الفاوتشر معملش حاجه
بس انا اعتقد ان الفاوتشر اللي بتقدمه برومتريك بيدي دخول الامتحان مرتين لكن مش عليه خصم
ده اللي فهمته لان لما دخل الكود تم قبوله بس محصلش خصم على ال 30 دولار
ده اللي فهمته "والله اعلم"

---

كلامك كله جميل بس الفاوتشر هو إلي بيتحلك الخصم وانا في الامتحانات إلي بمتحنها وضعت الفاوتشرات بإييدي وشغاله زي الفل لان من غيرها من هيظر حاجه اسمها 72 وهي إلي عليها الخصم
تقبل مرور
تحيلتي لك بالنجاح والتوفيق

مشكور..

اقتباس:

---

المشاركة الأصلية كتبت بواسطة zekobird

[/CENTER]

كلامك كله جميل بس الفاوتشر هو إلي بيتحلك الخصم وانا في الامتحانات إلي بمتحنها وضعت الفاوتشرات بإييدي وشغاله زي الفل لان من غيرها من هيظر حاجه اسمها 72 وهي إلي عليها الخصم
تقبل مرور
تحيلتي لك بالنجاح والتوفيق

---

تسلم على المعلومه بس ياريت لو ممكن توضح اكتر
بتحط الفاوتشر في اي موقع علشان يظهر امتحانات 72
وهل بتحطها في موقع برومتريك ولا موقع تاني ؟
لان في موقع برومتريك بتختار الامتحان الاول وبعد كده الفاوتشر
وكمان في موقع مايكروسوفت مكتوب ان امتحانات 72 مش متاحه على النت ويتم حجزها من مركز معتمد
فارجوا توضح او شرح طريقه الحجز اللي قمت بها
ولك جزيل الشكر والتقدير

وشكرا لكل من ادنتوا و zekobird للمرور الطيب وشكرا للاخ hisooka_dos من اهل المغرب واحب البلاد لقلبي

ربنا يوفقكم جميعا

اقتباس:

---

المشاركة الأصلية كتبت بواسطة ×-BeKoO-×

تسلم على المعلومه بس ياريت لو ممكن توضح اكتر
بتحط الفاوتشر في اي موقع علشان يظهر امتحانات 72
وهل بتحطها في موقع برومتريك ولا موقع تاني ؟
لان في موقع برومتريك بتختار الامتحان الاول وبعد كده الفاوتشر
وكمان في موقع مايكروسوفت مكتوب ان امتحانات 72 مش متاحه على النت ويتم حجزها من مركز معتمد
فارجوا توضح او شرح طريقه الحجز اللي قمت بها
ولك جزيل الشكر والتقدير

---

السلام عليكم

اخي العزيز شكرا علي ترحبيك بالمعلومه فأما سؤال طبعا هو غير متاح انك تضع الفاوتشر ده بالذات من علي الانترنت

المفروض في غرفه الامتحان بيبقي فيه سيرفر وبيبقي فيه جهاز ادمن علشان يحجزلك من علي الجهاز ده بيبقي علي برامج بروماتريك والتي من خلاله يتم وضع هذه الفاوتشر فيه فيظر لك الامتحان تصورها معي

لو وضعت الفاوتشر إلي عليه الخصم 40% فيظهر كل الامتحان المتعلقه بالفاوتشر ده فقد 72

ولو وضعت الفاوتشر العادي فيظهر الامتحانات كلها بقي 70

وبعد كده بيظهرك الخصم
ارجوا ان اكون وضحت لحضرتك ما تقصده
تقبل مروري

جزاك الله خيرا على المعلومه وربنا يوفقك لما تحب يا zekobird

جزاك الله كل خير

يعني رقم الامتحان مختلف ؟؟؟

يعني مثلاً 70-291 عشان يبقى بـ 30 دولار يبقى اسمه 72-291

طب هل دا متشابه فعلياً مع السبعين ولا الواحد يمتحن ويطلع في الاخر بياخد في حاجة تانيه ... مع العلم ان امتحانات ميكروسوفت الخاصة بالـ MCSE كما هى موجودة على السايت كلها 70 والجديدة هذه غير موجودة >>

https://www.microsoft.com/learning/e...mcse.aspx#tab2

علشان الواحد ميمتحنش وتطلع شهادة فردية في التراك ده وبس... و متبقاش من ضمن تراكات الـ MCSE

وشكراً

بالنسبه للامتحان فهو شئ واحد مفيش فرق
وفعلا انا كنت متخوف من انها تطلع حاجه تانيه خالص
بس لو دخلت على MCSA على الرابط ده
https://www.microsoft.com/learning/e...mcsa.aspx#tab2

هتلاقي ان هي كمان زي ماهي متغيرتش ولا حاجه بس
اعتقد ان رقم 72 ده لمجرد الخصم فقط ولا يغير اي شئ ان شاء الله
وعموما انا هرسل اتأكد من الدغم الفني لمايكروسوفت علشان نتأكد ان مفيش اي وجه اختلاف بين الشهادات
وانا هروح امتحان اكس بي غدا وهقلكم الاخبار بعد الامتحان وان شاء الله مش هيكون في اختلاف
دعواتكم لي بالنجاح دائما وابدا
وربنا يوفقنا جميعا باذن الله

يا شباب انا لما دخلت فعلا على الامتحانات اللى عليها خصم فعلا 40% اللى هيا رقمها 72 دى كانت للاسف Ts وهذه الامتحانات مش من ضمن المطلوب لشهادة Mcsa او Mcse

اقتباس:

---

المشاركة الأصلية كتبت بواسطة medo11220022

يا شباب انا لما دخلت فعلا على الامتحانات اللى عليها خصم فعلا 40% اللى هيا رقمها 72 دى كانت للاسف Ts وهذه الامتحانات مش من ضمن المطلوب لشهادة Mcsa او Mcse

---

طيب ياريت تقولنا عرفت من فين وايه اللي يثبت ان الاختبارات دي مش ضمن MCSA او MCSE
ياريت توضح اكتر بالدلائل علشان الكل يبقا متأكد

ممكن الرابط ده يوضح كل حاجه ومن مايكروسوفت اقرأ

https://www.arabhardware.net/forum/s...d.php?t=152779

اقتباس:

---

المشاركة الأصلية كتبت بواسطة zekobird

ممكن الرابط ده يوضح كل حاجه ومن مايكروسوفت اقرأ

https://www.arabhardware.net/forum/s...d.php?t=152779

---

جزاك الله خيرا اخي الفاضل zekobird

احب اطمن الجميع بالنسبه لاختبارات 72
انا من ساعه فقط دخلت الاختبار 72-270 ونجحت فيه بسكور 1000 الحمدلله
وهو مطابق تماما لاختبارات 70

ودي رساله من الدعم الفني لميكروسوفت توضح كل شئ

تحية طيبة و بعد ،،،

نشكركم علي بريدكم الإلكتروني لشركة ميكروسوفت.
رداً علي بريدكم الإلكتروني بخصوص الفرق بين امتحانات (70-xxx) ,و (72-xxx) يرجى العلم ان هذة الإمتحانات هى نفسها تماما إلا ان امتحانات (72-xxx)مخصصة لأكاديمية تكنولوجيا المعلومات (IT academy) و هى باسعار مخفضة فقط للطلاب و هيئة التدريس و الموظفين فى المدارس المعتمدة. اما امتحانات (70-xxx) فهى متوفرة للجميع.
نود ان نعلم حضراتكم انه بعد اجتياز كل الإمتحانات المتطلبة لشهادة الMCSA او ال MCSE ستحصلون على الشهادة بدون اى مشاكل.
لا مانع من أخذ بعض الإمتحانات 70 و البعض الآخر 72 لايؤثر فى الحصول على الشهادة.

للمزيد من المعلومات حول امتاحانات (72) الخاصة بشهادة ال MCSAيرجى زيارة الرابط التالى:
https://www.microsoft.com/learning/en/us/offers/student-career.aspx#tab3

يرجى العلم انه يوجد خصومات تصل الى 55% للطلاب , و يوجد عرض لإعادة الإمتحان للمرة الثانية مجانا لمزيد من المعلومات يرجى زيارة الرابط التالى:
https://www.microsoft.com/learning/en/us/offers/student-career.aspx#secondshot

يمكنكم ايضا زيارة الرابط التالى لرؤية الإمتحانات المطلوبة للحصول على شهادة الMCSA:
https://www.microsoft.com/learning/en/us/certification/mcsa.aspx#tab2

وهذا الرابط للإرتقاء من MCSA2003 الى MCSE2003:
https://www.microsoft.com/learning/en/us/certification/mcse.aspx#tab4

مع تحيات فريق خدمة عملاء ميكروسوفت.

مروة محمد
ممثلة خدمة عملاء

ميكروسوفت تدعم خدمة العملاء باللغات الإنجليزية والعربية
للدعم باللغة الإنجليزية:https://go.microsoft.com/?linkid=9646059
للدعم باللغة العربية:https://go.microsoft.com/?linkid=9646060

خدمة عملاءميكروسوفتمتاحة جميع أيام الأسبوع
من 9:00 ص إلي 6:00م.

مشكور على الخبر الممتاز
تقبل مرورى واحترامى

انا اتصلت ب center
وقالولى لازم تكون واخد الكورس عندنا

طيب بالنسبة ل student ID card
ده ايه نظامه

اقتباس:

---

المشاركة الأصلية كتبت بواسطة eng_samehsamir

انا اتصلت ب center
وقالولى لازم تكون واخد الكورس عندنا

---

انا مخدتش الكورس وامتحنت عادي
انصحك تشوف مركز تاني تمتحن فيه
وربنا يوفقك ان شاء الله

اقتباس:

---

المشاركة الأصلية كتبت بواسطة MeDoMaNiA

طيب بالنسبة ل student ID card
ده ايه نظامه

---

بالنسبه لسؤالك انا لما رحت مسالنيش عن اي شئ يدل اني طالب
ودخلت الامتحان عادي جدا بدون اي مشاكل الحمدلله
وقبل ما تمتحن في المركز اسأل هل في شروط للخصم ده ولا لا وشوف رده ايه
وبالتوفيق ان شاء الله

اقتباس:

---

المشاركة الأصلية كتبت بواسطة ×-BeKoO-×

بالنسبه لسؤالك انا لما رحت مسالنيش عن اي شئ يدل اني طالب
ودخلت الامتحان عادي جدا بدون اي مشاكل الحمدلله
وقبل ما تمتحن في المركز اسأل هل في شروط للخصم ده ولا لا وشوف رده ايه
وبالتوفيق ان شاء الله

---

أنا المفروض هحجز أونلاين فبسأل علشان كده

اقتباس:

---

المشاركة الأصلية كتبت بواسطة eng_samehsamir

انا اتصلت ب center
وقالولى لازم تكون واخد الكورس عندنا

---

السلام عليكم

الشركه إلي تقولك كده اعرف انها شركه غير محترمه علي الاطلاق بروماتريك تتيح لك الاختبار في اي مركز تابع ليها شرطا ان يكون معك فيزا

انا لو مكانك اكلم بروماتريك واشتكي المركز ده

تقبل مروري وشكرا

اقتباس:

---

المشاركة الأصلية كتبت بواسطة MeDoMaNiA

أنا المفروض هحجز أونلاين فبسأل علشان كده

---

اتضح ان في الامتحانات دي مينفعش احجز اونلاين
لازم اخد الفاوتشر و اروح التيست سينتر

بروميتريك ارسلولي الفاوتشر و إن شاء الله اتصل بالتيست سينتر و أسألهم

انا دخلت على الروابط وشوفت الي بعتها لينا الاخ بيكو جزاه الله خيرا , بس لي ملاحظه , ان مش كل الامتحانات بتاعت MCSE موجوده ضمن نطاق 72 , الي انا شوفته قدامي ثلاث امتحانات فقط وهم 270 290 291 ولو هتمتحن ISA 2004 يبقى كدا اربع امتحانات فقط , على العموم علشان اتاكد اكتر انا بعت لميكروسوفت استفسر ايه الامتحانات الي في نطاق 72 الي ممكن الواحد يمتحن عليها MCSE واول ما هيجني الرد ان شاء الله احطه هنا .

تحياتي

اقتباس:

---

المشاركة الأصلية كتبت بواسطة MeDoMaNiA

اتضح ان في الامتحانات دي مينفعش احجز اونلاين
لازم اخد الفاوتشر و اروح التيست سينتر

بروميتريك ارسلولي الفاوتشر و إن شاء الله اتصل بالتيست سينتر و أسألهم

---

فعلا الامتحانات 72 جميعا يتم حجزها من سنتر فقط
لان مكتوب في موقع مايكروسوفت ان حجزها غير متاح اون لاين على الانترنت
وربنا يوفقك ان شاء الله

اقتباس:

---

المشاركة الأصلية كتبت بواسطة Captain_kimo

انا دخلت على الروابط وشوفت الي بعتها لينا الاخ بيكو جزاه الله خيرا , بس لي ملاحظه , ان مش كل الامتحانات بتاعت MCSE موجوده ضمن نطاق 72 , الي انا شوفته قدامي ثلاث امتحانات فقط وهم 270 290 291 ولو هتمتحن ISA 2004 يبقى كدا اربع امتحانات فقط , على العموم علشان اتاكد اكتر انا بعت لميكروسوفت استفسر ايه الامتحانات الي في نطاق 72 الي ممكن الواحد يمتحن عليها MCSE واول ما هيجني الرد ان شاء الله احطه هنا .

تحياتي

---

فعلا مش كل الامتحانات MCSE عليها خصم ولو حضرتك دخلت على الرابط التالي ده
https://www.microsoft.com/australia/...s/default.mspx
هتلاقي ان الامتحانات اللي عليها خصم فقط هي MCSA و MCDST و MCAD و MCTS
وطبعا مش موجد ضمنهم امتحانات MCSE

يعني حضرتك تقدر تمتحن MCSA عادي جدا وتاخد كل الخصم وهيفضلك بس ثلاث امتحانات في نطاق 70 بدون خصم
وتبقا حضرتك بقيت MCSE بالنهايه وتكون استفدت بالخصم استفاده كامله

وشرح اكثر بالتفصيل: حضرتك في الاول هتاخد الامتحانات دي مثلا
ISA 2004 = 72-350 بس انا افضل انك تاخد ايزا 2006 يكون افضل بس مش عليه اي خصم
72-270
72-290
72-291

وبكده هتكون MCSA وتبقا استفدت بالخصم ومشيت نصف المشاور وفضلك امتحانين او ثلاث بدون خصم وتبقا MCSE هيبقا فضلك الامتحانات 70-293 و 70-294 وبعدين 70- 297 او 70-297 وبعدها نقولك مبروك الـ MCSE
اتمنى اكون افدتك بشرحي البسيط وقدرت اوصلك المعلومه بالشكل الصحيح
وربنا يوفقك

السلام عليكم ورحمة الله

اخواني هل اخد احد منكم امتحان الايزا 2006 بهدا الخصم؟؟

طبعاً الايزا 2006 مش موجودة في خانة MCSA ولكن موجودة في خانة MCTS

ولكن السؤال هنا هل يمكن احتساب امتحان الايزا 2006 في معادلة شهادة MCSA فلو في حد جرب يا ريت يقولنا

اقتباس:

---

المشاركة الأصلية كتبت بواسطة ram_rom

السلام عليكم ورحمة الله

اخواني هل اخد احد منكم امتحان الايزا 2006 بهدا الخصم؟؟

طبعاً الايزا 2006 مش موجودة في خانة MCSA ولكن موجودة في خانة MCTS

ولكن السؤال هنا هل يمكن احتساب امتحان الايزا 2006 في معادلة شهادة MCSA فلو في حد جرب يا ريت يقولنا

---

اها طبعا الايزا موجوده في هذه الخانه لانها TS

تفضل رابط الخصم
up to 55 percent off — and a second shot at passing your exam (if you need one)

https://www.microsoft.com/learning/e...reer.aspx#tab6

اما بالنسبه لاحتساب امتحان الايزا فهذا الرابط بيه كل شئ

https://www.microsoft.com/learning/e...mcsa.aspx#tab2

السلام عليكم ورحمة الله وبركاته

صباح الخير شباب

الي انا فهمته من موقع مايكروسوفت نفسه انه لما تروح تحجر احد الاختبارات المذكورة لابد يكون عندك ID Card صالحة لمؤسسة تعليمية ، عكس كلام بعضكم الي بيقول مش لازم ، مع انه ميكروسوفت بتنص عليه في موقعها كما يلي :
((Do not forget your student ID. You will not be eligible unless you have valid verification of your student status.))

فلما تقولي ان المركز مطلبش فده يبقى تجاوز منه زي الاخ الي اتصل على المركز الي قالو لازم تكون اخذت الكورس عندنا .


على العموم هدفي الاساسي من المشاركة، هل في احد اختبر في السعودية بهذه الفاوتشرات ولم يتم طلب ID Card منه ، واين هذا المركز ، لاني لاحظت اغلب الموضوع بيتكلم عن الاختبارات في ارض مصر الحبيبة (يالبا قلبك) :)

شكرا لكم

اقتباس:

---

المشاركة الأصلية كتبت بواسطة zekobird

اها طبعا الايزا موجوده في هذه الخانه لانها TS

تفضل رابط الخصم
up to 55 percent off — and a second shot at passing your exam (if you need one)

https://www.microsoft.com/learning/e...reer.aspx#tab6

اما بالنسبه لاحتساب امتحان الايزا فهذا الرابط بيه كل شئ

https://www.microsoft.com/learning/e...mcsa.aspx#tab2

---

السلام عليكم ورحمة الله

اخي شكراً على الاهتمام لكن سؤالي كان هل في احد جرب ام لا لأن الفكرة الي تدور في راسي هيا انه لو محسوبه في معادلة MCSA ليش خلو خيارات الامتحانات الأختيارية محدوده بتلك الامتحانات بينما يعني لو دخلت على رابط المتطلبات للشهادة كل الخيارات متاحه بالنسبة للأمتحان الاختياري وبينما ايضاً خيار الايزا 2006 يظهر في MCTS فقط ولا تنسى انه احنا قاعدين نتكلمو على امتحانات 72 لو فهمت قصدي ارجو الافادة وشكراً

اعرف ما تقول انا مريت بالمراحل دي كلها وتوكل علي الله وامتحن بس لما اتنجح ادعيلي

الفارق انك بتاخذ كود الخصم تدعه في المركز فقد

والاخوه موضحه في اكثر من موضوع

وشكرا

اقتباس:

---

المشاركة الأصلية كتبت بواسطة zekobird

اعرف ما تقول انا مريت بالمراحل دي كلها وتوكل علي الله وامتحن بس لما اتنجح ادعيلي

الفارق انك بتاخذ كود الخصم تدعه في المركز فقد

والاخوه موضحه في اكثر من موضوع

وشكرا

---

السلام عليكم ورحمة الله

مرة اخرى شكراً على الرد انا الي فهمته من كلامك انك حاصل على الاقل على شهادة MCSA وانك امتحنت الايزا 2006 بهدا النوع من الفوتشرات وقد حسبت لك كأمتحان اختياري هل ما فهمته صح؟ وبارك الله فيك