المثلث الاصفر وويندوز 7

السلام عليكم ورحمة الله

عندي مشكله ياشباب بتدايقني مع ويندوز 7 للاسف

منذ ظهور ويندوز 7 من سنه كانت بيظهرلي اوقات مثلث اصفر على علامة النتوورك ووقتها طبعا النت مفيش خالص الى ان وقفت الخدمه خالص

ودلوقتي رجعت النت تانى وامبارح ظهرتلي نفس الرساله وبيفتح صفحة الراوتر فقط لا غير وعملت اعدادات الراوتر صحيحه وبعد مكالمه مع الدعم الفني ل TE DATA اكدلي ان النت شغال تمام عندي بس المشكله في الويندوز

غيرت لل XP شغال اجي اجرب ويندوز 7 تانى بردو نفس العلامه

هل لازم اضع اي بي مع انى كنت شغال عادي

هل المشكله خاصه ام عامه عند بعض الناس وما حلها

ارجو الافادة وشكرا لكم

العيب غالبا ما يكون من النسخة التي معك ماهي نشختك اللي نصبتها وما هو رقم الهاش المخصص للايزو تبعها

انا كانت بتحصل معايا المشكلة دية لما اعمل Update للويندوز عشان كان فى Update نازل لكارت الشبكة هوا اللى بيعطله
المشكلة بتحصل اول لما تستب ويندوز ولا لما بتستب ويندوز النت بيبقى شغال وبعد فترة بيظهر المثلث ؟؟

اقتباس:

---

المشاركة الأصلية كتبت بواسطة event88

العيب غالبا ما يكون من النسخة التي معك ماهي نشختك اللي نصبتها وما هو رقم الهاش المخصص للايزو تبعها

---

النسخه انا نزلتها من موضوع هنا في هذا القسم اظن اسم الموضوع النسخه النهائيه في شهر اكتوبر حاجه زى كده وهيا اصدارها 7600 بس رقم الهاش معرفش اجيبه منين :D

بس هيا اسمها كده WIN_EN_DVD 7

انت الراوتر عندك ولا مشترك فى شبكه والرواتر عند واحد أخر ...

اقتباس:

---

المشاركة الأصلية كتبت بواسطة TEch Zone

انا كانت بتحصل معايا المشكلة دية لما اعمل Update للويندوز عشان كان فى Update نازل لكارت الشبكة هوا اللى بيعطله
المشكلة بتحصل اول لما تستب ويندوز ولا لما بتستب ويندوز النت بيبقى شغال وبعد فترة بيظهر المثلث ؟؟

---

انا بفقل الابديت اساسا

المشكله دي زمان كانت بتحصل اوقات مع الاصدار ال 7100 بعد التسطيب

اما دلوقتي مع ال 7600 ظهرتلي من اولها

انا اوقات بسطب النسخه من على الهارد وبعد ما تخلص بمسح الويندوز القديم اللي بيكون في فولدر لوحده

هل دي فيها مشكله

اقتباس:

---

المشاركة الأصلية كتبت بواسطة Aksam75

انت الراوتر عندك ولا مشترك فى شبكه والرواتر عند واحد أخر ...

---

سبقتني يا محمد:D:D
لو مشتركين معاك ناس في الشبكة قد يكون حصل عندك conflict أنت ممكن تعمل الإعدادات بتاعت ال TCP/IP ممكن تعمل static وتوصل عادي

اقتباس:

---

المشاركة الأصلية كتبت بواسطة Aksam75

انت الراوتر عندك ولا مشترك فى شبكه والرواتر عند واحد أخر ...

---

للاسف الراوتر عندي ولوحدي مفيش حد معايا

هو في ملحوظة

تعريف النتوررك اللي بينزل مع الويندوز ممكن يكون هو المشكله مع انى جربت امبارح تعريف النتتورك الجديد وبردونفس القصه

انتا جربت تنزل تعريف ويندوز 7 للكارت من موقع الشركة بتاعت المازربورد

اقتباس:

---

المشاركة الأصلية كتبت بواسطة wild cat

للاسف الراوتر عندي ولوحدي مفيش حد معايا

هو في ملحوظة

تعريف النتوررك اللي بينزل مع الويندوز ممكن يكون هو المشكله مع انى جربت امبارح تعريف النتتورك الجديد وبردونفس القصه

---

طيب أفتح Command Prompt واكتب ipconfig وقولى الأيبى الخاص بك كام أللى هو هيكون بدل الخط الأحمر

سؤال أنت من مصر ...




https://img29.imageshack.us/img29/1017/pwlqscs79zmb.png



https://dc07.arabsh.com/i/01591/fezbbv9tl8ao.png

وعايزك تفتح صفحة الراوتر من اول صفحه تجيب الأرقام الموجوده بدل الخط الأحمر ...

https://dc07.arabsh.com/i/01591/527iav4nlv7a.png

اقتباس:

---

المشاركة الأصلية كتبت بواسطة event88

سبقتني يا محمد:D:D
لو مشتركين معاك ناس في الشبكة قد يكون حصل عندك conflict أنت ممكن تعمل الإعدادات بتاعت ال TCP/IP ممكن تعمل static وتوصل عادي

---

:D:D:D:D

أصل انا النت عندى أسرع من عندك ... :D:D ( طبعاً العكس)

جرربت تشغل الإنترنت علي جهاز آخر وإشتغل أم لأ
جرب كما قال لك الأخ TEch zone أنك تنزل تعريف ال network من الموقع بتاع اللوحة بتاعتك
جررب تعمل بينج لل default geteway من ال cmd وهل في إتصال أم لأ

اقتباس:

---

انا بفقل الابديت اساسا

المشكله دي زمان كانت بتحصل اوقات مع الاصدار ال 7100 بعد التسطيب

اما دلوقتي مع ال 7600 ظهرتلي من اولها

انا اوقات بسطب النسخه من على الهارد وبعد ما تخلص بمسح الويندوز القديم اللي بيكون في فولدر لوحده

هل دي فيها مشكله

---

لا مفيهاش اى مشكله :)

انا معنديش دى فى دى و بسطب ويندوز 7 بنفس الطريقه والحمد لله مفيش مشاكل

و كل ما فى الأمر حاجه فى الإعدادات إن شاء الله

تعبتكو جامد معايا ياجماعه

وفعلا اخي tech zone انا سطبت اخر تعريف لكرت النتوورك من موقع البورده وبردو المشكله مازالت قائمه

انا هجرب طريقتك اخي aksam وانا في مصر فعلا

هجربها كمان ساعه لانى بكلم من الشغل دلوقتي وهرد عليكو عن طريق التصفح بالموبايل

واخي event

انا معنديش جهاز تانى عشان اجرب

وهجرب موضوع البينج اللي قولتلي عليه

اسف جدا ياشباب لتعبكو معايا

فى طريقه كمان لو ينفع تجربها اخى الكريم

و هى انك تاخد راوتر من حد و تجربه عندك

لأن المشكله بتاعه المثلث الأصفر دى كانت عندى زمااااااان لما السويتش كان بايظ و قبلها كان الراوتر بايظ

يكون النت واصل لكن مفيش إشاره . و ده سببه قله التهويه للراوتر من الحراره

لو نفذت كل الحلول حاول تجرب الحل ده

و مفيش تعب ولا حاجه ده انت شخص محترم بالمنتدى و المساعده اقل واجب :)

طيب نفذ الخطوات التاليه وان شاء الله المشكله يتم حلها ...

هناك طريقه اخرى لمعرفة رقم الأيبى الخاص بجهازك وهى كالتالى

https://img709.imageshack.us/img709/...2010082956.png

https://img9.imageshack.us/img9/1229/10062010083110.png

https://img824.imageshack.us/img824/...2010091006.png

https://img375.imageshack.us/img375/...2010091034.png


هتلاقى رقم الأيبى الخاص بك بدل الخط الأحمر ...

وبعد معرفة الأيبى الخاص بك نفذ هذه الخطوات



https://img709.imageshack.us/img709/...2010082956.png

https://img9.imageshack.us/img9/1229/10062010083110.png

https://img715.imageshack.us/img715/...2010083134.png


https://img38.imageshack.us/img38/77...2010091312.png

اكتب جميع البيانات الموجوده فى الصوره السابقه بالضبط ...


ولو معفرتش تجيب الأيبى الخاص لأى ظرف أكتب هذا الرقم

192.168.1.10

المشكلة عااااااااامة يا شباب !!
اتأكدت من النقطة دى لسه حالا :)

امبارح ظهرت لواحد معانا على الشبكة بدون اى مبرر , و طبعا لإنى مش غاوى win7 قولتله ماعرفش ايه حلها اتصرف انت :D
و برضه قبل كدا بشهرين كانت بتظهر لصديق ليا و قولتله برضه "ماعرفش" :)
+ واحدة من حوالى 3 شهور كانت موصلة و فصلت و كان السبب : ان النت بيفصل كتير ,, و كانت شغاله على win7 برضه
دلوقتى بس عرفت ازاى النت كان بيفصل عندها كتير :p

انما ايه الحل ,, الله اعلم
( انا اساسا من عاشقى الـ XP و مش ناوى اغيره :D )

------------
لو فعلا الحل زى ما قال event88 فى الهاش بتاع النسخة ,

يبقى تسيبك من النسخة اللى عندك و تدور على النت على نسخة MSDN
لازم يكون فيها الكلمة دى , و انسخها على ديفيدى زى ماهى بدون اى تغيير فى ملفاتها و جرب

اقتباس:

---

المشاركة الأصلية كتبت بواسطة I-IEMA

المشكلة عااااااااامة يا شباب !!
اتأكدت من النقطة دى لسه حالا :)

امبارح ظهرت لواحد معانا على الشبكة بدون اى مبرر , و طبعا لإنى مش غاوى win7 قولتله ماعرفش ايه حلها اتصرف انت :D
و برضه قبل كدا بشهرين كانت بتظهر لصديق ليا و قولتله برضه "ماعرفش" :)
+ واحدة من حوالى 3 شهور كانت موصلة و فصلت و كان السبب : ان النت بيفصل كتير ,, و كانت شغاله على win7 برضه
دلوقتى بس عرفت ازاى النت كان بيفصل عندها كتير :p

انما ايه الحل ,, الله اعلم
( انا اساسا من عاشقى الـ XP و مش ناوى اغيره :D )

------------
لو فعلا الحل زى ما قال event88 فى الهاش بتاع النسخة ,

يبقى تسيبك من النسخة اللى عندك و تدور على النت على نسخة MSDN
لازم يكون فيها الكلمة دى , و انسخها على ديفيدى زى ماهى بدون اى تغيير فى ملفاتها و جرب

---

ياأخى المثلث الأصفر بيظهر لما بيكون فى تعارض فى الأيبى للكمبيوترات
الموجوده على الشبكه علشان أنت لو مش محدد لكل كمبيوتر أيبى خاص به
الراوتر هيحصله زى تضارب فى الأيبى ...

والمشكله دى بتحصل أكثر فى الشبكات وحلها أنك تحدد لكل جهاز أيبى خاص به والطريقه شرحتها فى المشاركه السابقه لى ...

وأحياناً بتحدث حتى لو انت لوحدك ومش مشترك على شبكه أن الراوتر مابيقدرش يحدد الأيبى الخاص بك
وحلها بنفس الطريقه ...

العيب ليس فى نسخة وندوز ..

بالنسبة لمشلة المثلث الاصفر
انا عندي برضة

افتح مكان ال local area connection بتاع النت واعمل
disable وبعدين enable النت هيشتغل عادي
ولو ستنين شوية الجهاز هيدخل نت لوحدة
المشكلة تقريبا ف ال IP بس مش عارف ايه بالضبط

جرب غير كابل الانترنت اللى موصله بالراوتر وبرده غير ال slot اللى فى الراوتر
ولو منفعش اعمل setup للراوتر من جديد ودخل الباسورد وان شاء الله كله هيبقى تمام

يا شباب هناك أمور مهمة أنتم أغفلتموها :)

أولاً - يجب عند الإرتباط مع أي شبكة سواء راوتر أو Live Box أو ماشابه - سواء عن طريق بطاقة الشبكة ( LAN ) أو البطاقة اللاسلكية ( WLAN ) , أن يتم تعريف الشبكة على أنها ( Home Network ) , هذا من ناحية .

ثانياً - لم تقترحوا عليه وقف عمل الجدار الناري الـ ( Firewall ) سواء الموجود على Windows أو الـ Firewall الخاص ببرنامج الحماية .
لنرى هل المشكلة منه ؟

ثالثاً - طالما أن الجهاز يستطيع الدخول على صفحة الراوتر , فلا داعي لعمل تحديث لتعريف بطاقة الشبكة .

من النقطة الثالثة يتضح لي أن المشكلة غالباً هي النقطة الثانية .

الكيبل لا أعتقد أن له علاقة بالمشكلة طالما أن صاحب الموضوع قام بتجربة Windows XP ( و أعتقد أنه على نفس الكيبل ) و قد كان يعمل معه .

لا داعي أن يقوم بضبط الآي بي ( IP ) على الـ Static طالما أنه الوحيد على الراوتر , بالإضافة إلى أنه قام مسبقاً بالدخول إلى صفحة الراوتر .

الـ Default Gateway هو نفسه آي بي الراوتر لذا هذه الخطوة ( أي معرفته ) غير مفيدة .

لو أنك أخي صاحب الموضوع تذكر هل هذه المشكلة تحدث مباشرة بعد تنصيب الـ Windows 7 ؟
- إذا نعم قم بإيقاف الـ .Firewall
- إذا لا غالباً بسبب برنامج الحماية أو برنامج آخر - إذا استبعدنا وجود فيروس .

نحن بانتظار ردّك .


ينقل لقسمه الصحيح - المشكلات و حلولها .

اقتباس:

---

المشاركة الأصلية كتبت بواسطة Aksam75

ياأخى المثلث الأصفر بيظهر لما بيكون فى تعارض فى الأيبى للكمبيوترات
الموجوده على الشبكه علشان أنت لو مش محدد لكل كمبيوتر أيبى خاص به
الراوتر هيحصله زى تضارب فى الأيبى ...

والمشكله دى بتحصل أكثر فى الشبكات وحلها أنك تحدد لكل جهاز أيبى خاص به والطريقه شرحتها فى المشاركه السابقه لى ...

وأحياناً بتحدث حتى لو انت لوحدك ومش مشترك على شبكه أن الراوتر مابيقدرش يحدد الأيبى الخاص بك
وحلها بنفس الطريقه ...

العيب ليس فى نسخة وندوز ..

---

الكلام دا لو الايبيهات مكتوبة manual ( يعنى انت اللى مدخلها ) ,,
لكن الكلام هنا على نظام الـ DHCP , و دا فيه الراوتر بيعطى "اى ايبي فاضى" للجهاز

حضرتك شرحت : ازاى تغير رقم الايبي الاخير فى حالة لو حد واخد رقمك
الكلام دا بيحدث فى حالة الـ Manual فقط . و مستحيل يحصل لو انت الوحيد المتصل بالراوتر ( على الاقل مش فى الاكس بى :p )

و الله اعلــــم

بص أنا زيك كانت المشكلة دي بتحصلي لغاية ما بتجنني ويبقي مفيش نت وأفضل متهم الراجل بتاع الشبكة أنه قاطع عليا بوسيلة ما

الحل اللي شغال معايا دلوقت
منزل Realtek diagnostic utility
وبدخل علي توبيب Cable وأعمل refresh في ساعتها المثلث الأصفر يشال

المشكلة دي عندي وبعاني منها كتير جدا
و المشكلة دي ممكن يكون ليها اكتر من سبب
اعتقد ان تهوية الراوتر فعلا له عامل لاني بلاحظ ان النت بيفصل في الفترة اللي بيكون فيها الجو حار
موضوع ان يتم تثبيت ip ده مالوش علاقة ..هو فعلا بيشيل علامة العجب لكنه مش بيحل مشكلة النت
و للعلم لو كان المثلث الاصفر ده سببه ان فيه جهازين واخدين نفس ال ip فهو بيطلع رسالة بتفيد بده ..
يعني لو مفيش رسالة بتفيد بكدة يبقي مش مشكلة ip

و ياريت يا جماعة ماتغفلوش دور ال splitter لان احيان كتيرة جدا بيكون العيب منه
يعني اول حاجة تشك فيها هي ال splitter

للاسف بعد محاولات كثيرة امس

وتغيير الراوتر وال splitter واشتريت كرت نتوورك جديد

والنت مش عايز يشتغل وغيرت الويندوز الى XP بردو نفس المشكله

جربت جهاز ريسيفر به مدخل LAN اشتغل تمام ومفيش اي مشكله

انا عجزت بجد عن حل هذه المشكله

احتمال اخير صديق قاللي عليه انه ممكن يكون عندى فيرس هو اللي مانع النت عندى طيب ازاى وهو بيفتح صفحة الراوتر تمام

يعني كده الجهاز خلاص :ah42:

لو حد عنده حل ياريت يلحقني بيه

قم بفك الهارد و إشبكه على جهاز مزوّد ببرنامج مكافح فيروسات محترم و محدّث , و إفحصه كاملاً .
هذا الخيار المتاح أمامك حاليّاً

للاسف ايضا بعد فحص الهارد بمكافحي فيروسات والهارد سليم ولا يوجد عليه اي فيرس

النت لا يعمل معي

خلاص كده انا ياْست من جهازى فعلا

تأكّد من إعدادات الفايروول ( يفضّل لو قمت بإطفاؤه و التجربة )
و تأكّد من البروتوكولات و من كل شيء.

اقتباس:

---

المشاركة الأصلية كتبت بواسطة SoLiD-SnAkE

تأكّد من إعدادات الفايروول ( يفضّل لو قمت بإطفاؤه و التجربة )
و تأكّد من البروتوكولات و من كل شيء.

---

الفايروول ده اول حاجه بقفلها بعد تنصيب الويندوز على طول

إذا قم بتغيير النسخة , يبدو أن نسختك فيها خطأ ما .

اقتباس:

---

المشاركة الأصلية كتبت بواسطة SoLiD-SnAkE

إذا قم بتغيير النسخة , يبدو أن نسختك فيها خطأ ما .

---

سبحان الله بجرب امبارح لقيت النت شغال من نفسه وكنت لسه هبتدى في تغيير النسخه

مش عارف العذاب ده كله كان منين

مع كل احترامى لجميع الاعضاء ... بس ممكن اعرف ايه هوه نوع الروتر عندك .. واتمنى انه ميكونش air live :D

لان المشكلة . انا شايفها . بعيدة جدا عن نسخة الويندوز نهائى ..



...!! limited or no connection

https://download.techwayservices.com...nnectivity.png

السلام عليكم
هذه الشكلة عندي حتى الان
قم بحذف تعريف ال wireless
واستخدم الشبكة مثل هذه

https://img38.imageshack.us/img38/3018/rj45.gif