عرض للطباعة
السلام عليكم اخوانى الاعزاء
كنت عاوز اخد رايكو فى الموبايل ده
Samsung Galaxy Mini S5570
كويس ولا وحش من حيث الامكانيات و الاستعمال و التاتش و الشاشة و ما غير ذلك علما بأنه اندورويد 2.2 و هل فى حاجة كويسة فى نفس رينج السعر هو تقريبا 1300 جنيه وشكرا للمساعدة
و الله أنا شخصيا شايف ان امكانياته بالنسبة لسعره كويسة مش وحشة
أى نعم الشاشة 256k فقط و الكاميرا 3 ميجا.....لكن لما تتكلم عن موبايل أندرويد فرويو ....يعنى النسخة قبل الأخيرة....و ب1300 جنيه ....و فيه كل الامكانيات تقريبا.....GPS...WLAN...radio......يبقى ولا كلمة
هو بس هيحتاج انك تزود له كارت ميمورى كبير شوية لأنه ذاكرته الداخلية قليلة....هو معاه كارت 2 جيجا بس أعتقد انه غير كافى طبعا...
فاضل حاجة أخيرة انك تتأكد ان مدة تحث البطارية ما تقلش عن تسع ساعات.....فيما عدا ذلك سعره جميل جدا
أحلى حاجة فى الموبايل دا.....انك لما تتكلم عن موبايل البروسيسور بتاعه 600 ميجا...و مشغل الفرويو !!.....يبقى اذن بقى الجالاكسى اس قدامه على الأقل خالص كمان تلات سنين ولا يفرق معاه أى نسخ جديدة تنزل.....و ان الناس دى فعلا بتشتغلنا....عمالين يزودوا سرعة المعالجات ع الفاضى
ما كانوا يشوفوا البطاريات اللى مطلعة عنينا بدل العبط دا
بس انت شوفته فين بالسعر دا؟
أنا أول مرة أسمع عنه أصلا
دا لسه نازل فى شهر يناير .....لحق ينزل مصر ؟!
لو لقيت الموبايل دا موجود برضه و بفرق سعر مش كبير هاته Samsung Galaxy Gio S5660
الشاشة 16 ميجا والبروسيسور 800 ميجا و مدة تحدث البطارية 10 ساعات و شوية....
باقى الامكانيات تقريبا واحدة فيما عدا انه مفيهوش كاميرا اضافية من قدام و مااعتقدش انها ضرورية قوى يعنى
دى مقارنة بين الموبايلين
https://www.gsmarena.com/compare.php...&idPhone2=3725
بس بيتهيألى صعب شوية انك تلاقيه لأنه لسه نازل الشهر دا
انا لسه شايفه امبارح عند واحد صاحبى فى المنيا ولما شفت مواصفاته لقيته حلو جدا بالنسبة لسعره و فعلا هو لسه نازل وشفتلو فيديويهات على اليوتيوب بس حبيت اعرف لو فيه عيوب ولا حاجة موجود على فكرة كمان عند موبايل شوب لقيته ارخص كمان 1249 جنيه
دى صفحته على موبايل شوب https://www.mobileshop.com.eg/Produc...CategoryID=114
شكرا للرد
هو مفيهوش عيوب ولا حاجة
هى الفكرة كلها انت بالنسبة لك الكاميرا لما تكون 3 ميجا بس بالنسبة لك بتعتبرها عيب ولا معقولة
لكن الموبايل فيه كل الامكانيات مش ناقصه أى حاجة