عرض للطباعة
انا عايز اجيب نت لوحدى 1 ميجا و معظم شركات النت اليومين دول عندها عروض حلوة , انا استفسارى اية احسن شركة نت من الشركات دية im او link dsl او vodafone dsl من حيث البينج و ثبات سرعة الداونلود ؟ اصل الشركات دية عامله عروض احسن من tedata ارجو الرد فى اقرب وقت .
بص يا برنس اقول لك انا نفسى كنت واخدنت من im وكنت فاكر انه ميه ميه بس طلع اى كلام من الاخر عاوز نت صح هتروح ل tedata ليه
لان شركات النت كل شركه لها تصنيف للخدمه وشركه tedata تصنيفها class a ينعى من الطبقه الاولى اما im فهى class b انا موصل مع tedata ورغم انى بكره الروتين بتاعهم جدا الا ان النت تمام واحسن كتير من im سيبك من فودافون لان الروتر بتاعهم لهم وبس يعنى لو عندك روتر فودافون مفيش حد يعرف يبرمجهولك علشان يشتغل مع اى شركه تانيه وشكرااااااا اى خدمه the_dean العميد تحت امركم فى اى وقت سلااااااااااااااااااام
من غير مناقشة طبعاااا انا لنك طبعا هى الرائدة فى عالى النت
انا عن نفسى موصل منها والنت عندى ملهوش حل وكمان بتدى عروض كل شويه
اختار لنك هيا احسن شركة دلوقتى فى الوقت الحالى
بص انا كنت موصل أتصالات علشان مش عاوز وجع دماغ مع الوكيل و نظام محترم و شركة بتعمل كل حاجة قبل معادها
و موصل واحد ميجا لمتد ب 70 جنية لمدة سنة
و شركة بسم الله ما شاء الله فوق المحترمة في التعامل و لما السرعة بتنزل مش بتتبقي وحشة 256 و الداونلود 35 كيلوا بيت
دة لو عاوز ناس محترمين تتعامل معاهم
شركة لنك ولاد 60 في 70 شركة ضايعة و كل واحد بمليون كلمة و شكل تيت كلوا و عملت معاهم مشاكل طوب الأرض أشتكي منها
عاوز نت مفتوح روح تي إي داتا شركة اي نعم ففيها روتين و عاوزين ورق و صورة بطاقة و فواتير التيلفون و انا قدمت برضوا علي واحد ميجا و مستني ربنة يسهل و أركب و أسيب اتصالات برغم من أحترامهم الزائد
مع احترامى لردود الاعضاء , ولكن لو اتبعت مبدا احسن شركه ايه هتجد كل عضو بيقول لك شركه غير التانى , يااخى الفاضل الموضوع لا يتعلق بالشركه بقدر ماهو متعلق بالسنترال اللى انت تابع له , بمعنى لو كل الناس عندك موصلين من Tedata مثلا وبيشتكوا يبقى ابتعد تماما عنها والسبب انه الشركات بتدى للسنترالات Dslam خاص بيها بمعنى اصح بتاجره كمان من السنترال والdsalm ده ممكن يكون على الواحد منه 100 مشترك وبالتالى بيتقاسموا الحزمه العريضه اللى هى الانترنت الداخل الى ال dsalm وبالتالى ضعف شديد فى الانترنت تلاحظه عند المساء خاصه "المغرب" بسبب دخول معظم المشتركين التابعين على نفس ال dslam الى الانترنت فى هذا الوقت
اقد بكلامى اسال اولا وشوف احسن شركه الناس بتشكر فيها جنبك وحواليك مش يبقوا فى مكان تانى , وصدقنى كل ماكان شركه معينه مشتركينها اقل حواليك هتاخد منها سرعه انترنت فعلا تستاهل فلوسك
انا شخصيا واخد من اتصالات بعد ماعرفت ان بلدى كلها ع تى اى داتا وطالع روحهم , وظنى طلع فى محله واتصالات عدد مشتركيها عندنا قليل لانهم بيمشوا حسب الكلام الشعبى "تى اى داتا زى فريق الاهلى كده" مطلب شعبى
اشكركم على هذة النصائح الجميلة و انا عندى الجيران بيشكروا فى te data و يعنى كدة اشترك مع تى اى داتا افضل . ولا اشوف الشركة اللى العملاء فيها قليل و اشترك عشان السرعة تبقى حلوة وكاملة ؟
اتوكل علي الله وا ماتفكرش كتير
انا مثلا وصلت من اتصالات و تي داتا ولينك دوت نت ولقيت مع كل شركه مشكله عقيمه غير اللي في الشركه التانيه للاسف يعني مافيش شركه كامله من كل حاجه يعني احتمال هتلاقي عيب في اي حاجه
واخيرا احب افكر ك اننا في مصر
على فكره شركة IM ما هى الا موزع لشركة تى اى داتا ولينك .. حضرتك لما بتشترك معاهم بيجيبوا لك نت من الشركتين دول ... فحضرتك شوف الناس اللى حواليك بيشكروا فى أنه شركه وروح أتعاقد معاها
على تجربه Tedata فعلآ رائعه
وبرضوا معظم المشاكل بتبقى من السنترال
وشوف برضوا ردود الاخرين وانت اختار اللى يناسبك
نى داتا وبس
وزير الاتصالات كان صرح من حوالى شهر ان سرعة الانترنت فى مصر كلها هتضاعف أربع مرات وتطبيق استراتيجية ال Broadband من أول 15 يونيو
واتمنى ان يصدق هذا الوزير ...احنا فى سنة 2012 ولسه بنتكلم عن مشاكل فى الانترنت
قول يارب :)