بيان هام وعاجل بخصوص مشتركي شركة TEData
السلام عليكم
جميعنا يعلم أن شركة TEData لم تكن عندها التقنية التي تسمح بحساب استهلاك المستخدمين
وبناءا عليه قمنا جميعا بالتحويل للنظام Limited ADSL
والآن قامت الشركة بتحديث أنظمتها وهي الآن تحسب على كافة المشتركين استهلاكهم
بواقع 10 جنيهات لكل جيجا زائدة
برجاء الانتباه أن ذلك سيجعل الفواتير عالية جدا ولن نستطيع دفعها
أقوم الآن بتحويل جميع خطوطي إلى الباكيدج ال Unlimited
كما وضعت الشركة على السايت الخاص بها ما يمكن المستخدمين من معرفة استهلاكهم حتى هذه اللحظة
https://www.tedata.net/new/tedata_eg...mitedAdsl.aspx
وعن طريق كتابة اليوزر نيم والباسوورد الخاصين بك تستطيع معرفة استهلاكك
ياريت نلحق نحول خطوطنا واللي عايز ليمتد يخليه ليمتد بس يرشد استهلاكه
ياريت نلحق نفسنا
رد: بيان هام وعاجل بخصوص مشتركي شركة TEData
كيف الكلام دة ؟
ممكن المصدر يا eRA
رد: بيان هام وعاجل بخصوص مشتركي شركة TEData
في ناس كتير اعرفها كان اشتركها limited بس بيقولوا ان العدادات مش شغاله...
فكل واحد كان شغال براحته :)
رد: بيان هام وعاجل بخصوص مشتركي شركة TEData
السلام عليكم
مش هنخسر حاجة لو دخلنا على اللينك اللي انا بعته علشان تتأكدو
أنا فتحت موضوع عن ان الشركة مبتحسبش قبل كده
وزي مقولت في كلامي
الشركة عملت تحديث لأنظمتها الشهر ده
وباديئ الحساب من أول شهر يناير ده
وادخلو عالسايت هتلاقوا اللينك
حطو فيها اليوزر والباسوورد وشوفوا
رد: بيان هام وعاجل بخصوص مشتركي شركة TEData
معلوماتي من بورتال تي داتا ومن إدارة الموزعين فيها
أنا موزع للشركة في جميع أنحاء الجمهورية
عايز صور ممكن احط صور حالا
أنا بلغتكم وكل واحد حر
لما يروح اخر الشهر يلاقي استهلاكه بال 500 جنيه هيصدقني
وانا في انتظاركم
رد: بيان هام وعاجل بخصوص مشتركي شركة TEData
شكرا على الخبر
انا من البدايه مخليها Unlimited
شكرا على التنويه
رد: بيان هام وعاجل بخصوص مشتركي شركة TEData
يا eRA الذى اقصدة انه هذا ممكن يعتبر اخلال بالتعاقد
وممكن اى واحد يرفع عليهم قضية
لان بالعقل كيف الواحد يكون متعاقد على سعر معين ثم بعد ذلك يفاجيء ان نظامة قد حول دون حدوث اى اعتبار لا بلاغة
وكمان كيف TEdata لا تضع ملحوظة او تنبية هام فى صفحتها الاولى ?!!
رد: بيان هام وعاجل بخصوص مشتركي شركة TEData
اقتباس:
في ناس كتير اعرفها كان اشتركها limited بس بيقولوا ان العدادات مش شغاله...
اكتشفو الموضوع و تم اصلاحه
نصيحة يا جماعة الاشتراك ال limited اختراع فاشل و لا يناسب من يعملون بالمجال و يحتاجون الانترنت كمصدر تعليمي و بحثي او حتى ترفيهي
رد: بيان هام وعاجل بخصوص مشتركي شركة TEData
اقتباس:
يا eRA الذى اقصدة انه هذا ممكن يعتبر اخلال بالتعاقد
محدش قال ان الشركة غيرت نظامها
لأ
من شهر 7 اللي قبل اللي فات ونظام الليمتد موجود في مصر
والناس اكتشفت انو مفيش غير شركة لينك بس هي اللي بتقدر تحسب
وشركة تي داتا مبتقدرش تحسب الاستهلاك ومع ذلك بتبيع الخطوط الليمتد
الناس اشتركت مع تي داتا على ليمتد وهما عارفين انو بحسابات بس عارفين كمان ان الشركة مش بتحسب
يعني الناس عارفه كويس انها على ليمتد بس ميعرفوش ان الشركة بدأت تحسب
والشركة مش هتقول لأنها عايزة تعوض اي مكاسب ممكنة
كمان كل الشركات اللي واخدة من تي داتا بدأت تحسب زي IM
الموضوع بسيط وممكن اي واحد يتأكد منه
خش عالسايت بتاع تي داتا وادخل على لينك الاستهلاك ودخل اليوزر نيم والباسوورد بتوعك وهيجيبلك استهلاكك بالكامل
ولما يجي عليك فاتورة اخر الشهر بمبلغ يقطم الوسط هتقول ياريت سمعت الكلام
أنا بلغتكم وربنا شاهد
أنا موزع ومحدش اتبلغ بالموضوع غير الموزعين فقططططططططططططط
رد: بيان هام وعاجل بخصوص مشتركي شركة TEData
جزاك الله خيرا يا eRa على التنبيه
طيب يا eRa المحاسبة هتبدأ من امتى؟
الصراحة انا كنت حولت من unlimited ل limited على أساس انى كنت عارف ان تى داتا فعلا معندهاش السوفت وير اللى بيحسب الداونلوود
دلوقتى طبعا هاضطر أرجع unlimited تانى
بس السؤال هما هيبدأوا المحاسبة من امتى؟
رد: بيان هام وعاجل بخصوص مشتركي شركة TEData
بدأو فعلا من يوم 1 يناير
ومقالوش للموزعين غير من يومين
ادخل على سايت الشركة
أو عاللينك ده
https://www.tedata.net/new/tedata_eg...mitedAdsl.aspx
وحط اليوزرنيم والباسوورد بتوع خطك
بتوع خطك اللي جايين من الشركة
مش بتوع الراوتر
وهتلاقي استهلاكك لحد النهاردة
رد: بيان هام وعاجل بخصوص مشتركي شركة TEData
يعنى خلاص كدا أيام العز راحت
أنا كدا هاضطر أرجع 256 ulimited زى ماكنت الأول :ah8::(:ah8:
هاروح أدفع فرق خمسين جنيه وأغير النظام :ah19:
ربنا يكرمك انك نبهتنا بدرى قبل مايلبسونا ف الحيطة
انا واحد صاحبى ليميتد لسه داخل ولقى ان فاضله أقل من 200 ميجا
طبعا كل الأيام اللى ضاعت علينا ف موضوع قطع الكابلات مش هتتعوض لنا
هما فالحين يدوروا على اللى ليهم بس
سؤال أخير ياeRa ولو انى عارف اجابته مقدما
أكيد طبعا رصيد الداونلوود فى نظام الليمتد مش بيترحل للشهور اللى بعده
دا لو فضل منه حاجة أصلا!!!
رد: بيان هام وعاجل بخصوص مشتركي شركة TEData
لا طبعا مش بيترحل
الحداية مش بترمي كتاكيت
رد: بيان هام وعاجل بخصوص مشتركي شركة TEData
هههههههههه
أجمل مافى السوق المصرى ان العلاقة بين البائع والمستهلك لا تحكمها أى أخلاقيات .
المستهلك عارف ان البياع بيسرقه فبيحاول هو كمان يسرقه
الشاطر مين يضحك على التانى
تى داتا كانت عارفة كويس جدا ان كل اللى واخدين الباقة الليميتد فاتحين الدوانلوود ع الرابع
انت عارف دلوقتى ايه المشكلة........
أول لما يوزر هيروح ويلاقى عليه مبلغ وهمى ولازم يدفعه هيعمل نفسه ناصح ويقولك طب مش دافع وهالغى الاشتراك عندكم وهاشوف شركة تانية.
المسكين ميعرفش ان البهوات مش هيدوله الcancelation number الا لما يدفع اللى عليه :D
كله نصب فى نصب
رد: بيان هام وعاجل بخصوص مشتركي شركة TEData
والله انا لو في مدينة
لكنت اجيب خط 2 ميجا
ومدفعش
ومش عايز كانسليشن
هغير نمرة التليفون
ههههههههههههههههههههههههههه
لكنت اجيب خط 2 ميجا
ومدفعش
ومش عايز كانسليشن
هغير نمرة التليفون