مطلوب المساعده ضروري يا شباب مصر
انا عندي كرت شاشة XFX GEFORCE 8400 GS و هو كويس نسبيا بس ضعيف جدا بالنسبة للعب الجديدة زي GTA IV مثلا فأنا عايز اشتري كارت شاشه يكومن الميموري 1 جيجا فياريت
لو تساعدوني يا شباب لو تعرفونو انواع و اسعار كروت الشاشه ال 1 جيجا في مصر ضروري
وبكون مشكر جدا
رد: مطلوب المساعده ضروري يا شباب مصر
اقتباس:
المشاركة الأصلية كتبت بواسطة A.S.M.O
انا عندي كرت شاشة XFX GEFORCE 8400 GS و هو كويس نسبيا بس ضعيف جدا بالنسبة للعب الجديدة زي GTA IV مثلا فأنا عايز اشتري كارت شاشه يكومن الميموري 1 جيجا فياريت
لو تساعدوني يا شباب لو تعرفونو انواع و اسعار كروت الشاشه ال 1 جيجا في مصر ضروري
وبكون مشكر جدا
الذاكرة مش مقياس أبداً لأداء كارت الشاشة الكلام د كان زمان جداً
و كارت الشاشة 8400 ضعيف في الألعاب طبعاً لإنه مش موجة لل-gamers
ياريت تقول ميزانيتك التقريبية للكارت الجديد و مواصفات جهازك بالكامل بما فيهم ماركة مولد الطاقة
رد: مطلوب المساعده ضروري يا شباب مصر
مشكور اخوي للمشارك
انا امكانيات الجهاز الي هشغل عليه الكارت هيكون رامات 4 جيجا و البروسيسر Intel® Core™2 Quad Processor Q9550 الجهاز لسه بجمعه و البروسيسور طبعا انا مش جايبه من مصر لأني ملقتهوش خالص
و بالنسبة للميزانية في حدود 800 الي 1000 بس ياريت تقلي علي كل الانواع حتي الارخص و الاغلي و يارت تنصحني بألافضل بالنسبة للجيمز
و بالنسبة لمولد الطاقه انا لسه مشترتهوش لو ممكن تنصحني بنوع جيد بكون مشكور
و بشكرك جدا علي المساعده
رد: مطلوب المساعده ضروري يا شباب مصر
لو كدة يبقي ياريت تذكر الميزانية الكاملة للجهاز عشان نفكر مع بعض و هل الميزانية تضمن الشاشة وال-processor و لا لأ
و كمان حتلعب على شاشة حجمها قد إيه عشان حيفرق معك في إختيار كرت الشاشة
رد: مطلوب المساعده ضروري يا شباب مصر
انا عندي شاشه 19 ماركتها dell موديل 2006 هي تمام و مش هغيرها و بالنسبه للرامات و البروسيسور انا جيتهم تقريبا مش ناقص غير مولد الطاقة و كارت الشاشه و الميزانيه في حدود 800 ل 1000 جنيه مصري و دي تخص كارت الشاشه لوحده مع العلم اني في اسكندرية
و مشكور جدا لأهتمامك و الله انت شكلك راجل ميه ميه والله مشكور مرة تانية
رد: مطلوب المساعده ضروري يا شباب مصر
طب و البورد ؟
بالنسبة لكارت الشاشة أنصحك بال-ATi Hd4850 من أي شركة ذي power color أو sapphire أو gigabyte سعره في حدود 1050 ل-1150 , لو مش حتقدر يبقي جيب ال-hd4830 و هو أقل حاجة بسيطة في الأداء و ب 900 ج
بالنسبة لمولد الطاقة عندك ال-HEC 450watt ب-330LE كحد أدني و تأكد إنه HEC
رد: مطلوب المساعده ضروري يا شباب مصر
انا عندي مازر زي بتعتك Gigabyte P35-DS3R
معلش انا اسف هتعبك معايا شوية انا عايز اجيب كارت تكون nvidia مش ati لو ممكن تقلي
رد: مطلوب المساعده ضروري يا شباب مصر
نصيحتي متشغلش بالك ب-ATi أو Nvidia إنت ليك في الأخر الأداء مقابل السعر
ال-Hd4830 و ال-HD4850 بيقدموا أفضل أداء مقابل سعرهم
لو مصمم عندك ال-9800GTX+ ب-1270LE و هو نفس أداء ال-hd4850 و إهتم إنه يكون ال+ مش ال-9800GTX العادي
و مأنصحش بكارت شاشة أقل من كدة لنفيديا
رد: مطلوب المساعده ضروري يا شباب مصر
مشكور اوي يا مان علي المساعده