GIGABYTE ATI HD4850 512M GDDR3 for Sale

السلام عليكم
الكارت أنا شاريه امبارح ولسه حتى مفكيتهوش من كيسه
وسبب البيع ان في ناس عرضت عليا تشتريه مني فاشتريت كرت تاني بداله من معرض الكمبيوتر حيؤدي نفس الغرض بالنسبالي

وبالنسبه للناس اللي بتسأل عن مكان اللي اشتريته منه هو محل اسمه تي تيم في كمبيو بلازا ودا بروموشن كان نازله من الشركه ودي آخر حته خدتها أنا منه وعليها هديه كمان شنطة اسطوانات من شركة ATI

المهم سعر الكرت في ماكسيمم هاردوير النهرده 900 جنيه

دي صورة العلبه ومحتوياتها

https://www.aim4fun.com/pico3/uploads/1233384878.jpg

الكرت نهائي 800 جنيه

تحياتي للجميع

بسم الله الرحمن الرحيم
710
ونقول يا مسهل

يامسهل :)

انا بعتلك رساله عالخاص بعتذر فيها عن تاخري في الرد

تعديل بسيط
لان في رساله خاصه جاتني امبارح قلبت موازيني في الموضوع

انا قفلت المزايده يارجاله وسعر الكرت نهائي 800 جنيه

* ملاحظات مهمه حتى ينقطع النقاش
* الكرت جديد تماما لم يركب على الكمبيوتر
* السعر ده كان بروموشن وانا كاتبه عشان محدش يسالني سبب البيع ويقولي الكرت فيه عيب ومش عارف ايه
انا حبيعه عشان حكسب فيه لان محدش حيعرف يجيب الكرت ب 899 حتى

تحياتي للجميع

بالتوفيق يا Dr-E .. بس كتير اوي انك تجيبه ب 700 و تبيعه ب 800 جنيه .. طبعا ده حقك انك تكسب فيه
بس 100 جنيه كتير شوية ..

والله انا راجل واضح يا ماكس
كان ممكن مقولش للناس على سعره وكان حيتباع ب 800 هوا برضه
بس احنا الاتنين نكسب
اللي حيشتري حيكسب 100 جنيه وانا حكسب 100 جنيه
وطول مافي تراضي حيبقى لا عيب ولا حرام وبعدنا عن شبهة الغرر في البيع كمان

بص انا مش داخل ابوظ البيعة بس عايزك تشوف الرابط دة لشركة الحمد فى اسكندرية سعر الكارت هناك 875جنية وكمان من غير فصال او كلام وفى اسكندرية يعنى السعر اعلى اكيد من القاهرة
https://elhamd.net/alex/index.php?catid=85
وعشان كدة عايز اقول ان ال800 جنية سعر مبالغ فية الان للكارت

حبيبي هيما
مشاركتك مش حتبوظ البيع ولا حاجه
وميزعلنيش برضه لو اشتريت الكرت من شركة الحمد

تم بيع الكرت ولله الحمد

في انتظار راي العضو اللي اشتراه

السلام عليكم ورحمة الله وبركاته
تم شراء الكارت والحمد لله
الكارت جديد مطلعش من العلبه
وتم استلام كل ملحقاته والفاتورة
وشاكر جدا للاستاذ احمد تعاونه وتسهيله الامور
بصراحه يا جماعه الراجل كان معايا زوق جدا
الف شكر ليك يا احمد باشا على حسن المعامله
وجزاك الله خيرا

مبروك على البائع والمشتري :)