مركز يات ccnp

السلام عليكم يا جماعة انا هاخذ كورس ccnp في مركز يات فكنت عايز اسال لو حد يعرف الانستركتور اللي هناك اسمه عماد تعلب فعل شرحة كويس ولو حد يعرف مركز تاني بيدي الكورس يقول

انت خد حاجه فى مركز ياتقبل كدا ولا لا الاول

لا ماخدتش فيه قبل كدة ياريت يا اخواني حد يقولي اي اخبار كورس ccnp هناك قبل ما ادفع الفلوس

بص يا عما انا لسه مخلص هناك قرص
ccna
وبصراحه هو مركز كويس جدا بس اهم حاجه الانستركتور لان احنا من وجودنا فى المكان عرفنا كل الانستركتور اللى هناك
وعموما افضل واحد فيهم واهو ده اللى اتمسكنا بيه هو مستر خالد يحيى
بصراحه ملووووووش حل
بجد راجل تمام جدا جدا
ونصيحه منى استنى شويا لحد ما يخلص الكورس اللى معاه دلوقتى وهو مسافر كمان وهيرجع
وكمان ا عم علشان ندخل القرص سوا انا وانت
هو القرص بقى ب 3500 جنيه

شكرا ياباشا هم فعلا قالوا ان اللي هيديكو الكورس اما المهندس خالد يحيي اما المهندس عماد تعلب فايه رايك في المهندس عماد تعلب وياريت لو حد يعرفه يقول ايه اخبار شرحه وهل مركز يات ممكن ادفع نص المبلغ الاول

شكرا يا باشا بس هم قالوا اللي هيدي اما المهندس خالد يحيي واما المهندس عماد تعلب فلو حد يعرف معلومات عن المهنس عماد تعلب يقولها ياريت قبل مدفع الفلوس وهل ممكن ادفع نصف المبلغ وبعد كدة اكمل

انا لسه جاى من هناك من شويا والقرص الجديد هيبدا اخر الشهر بس يظهر كدا انه عماد
بص هو عماد لازم يكون كويس عشان ده مركز يات بس بصراحه انا سمعته مره بيشرح وكدا بيشرح زى المدرسين ودى نقطه انا مابحبهاش
وبعدين بيديلك القرص بس انما بقى مستر خالد بيخلق روح فى التيم كله وهى ده اللى الناس اللى مع عماد بيقولوا انها مش موجوده عنده
ومخلياهم ميقدروش يسألوه على كل حاجه

ماشي يا باشا المهم اني يكون المهندس عماد يوصلنا الكورس ونفهمه كويس معلشي في سؤال تاني ممكن ادفع نصف المبلغ في الاول ولا الازم المبلغ كله مرة واحدة وايه اخبار يات في المواعيد همه قالوا ان الكورس هيخلص 1-9 فهل فعلا المواعيد تمام

هما فى المواعيد فهما مرتبطين بالمواعيد يا اما انت من حقك انك تعمل اف زى ما انت عايز و ممكن كمان تنقل فرع تانى
بس هما بيرطبطوا بمواعيد نهايه القرص انما مواعيد بقى بتاعت سبت واتنين واربع او حد وتلات وخميس ممكن يعدلو فيها

اما عن الفلوس انت ممكن تدفع نص الفلوس عشان تحجز بيها انما ماينفعش تدخل القرص غير لما تدفع كامل المبلغ

وكمان لازم يكون خضورك اكتر من 75 فى الميه عشان تقدر تكمل يعنى حوالى 30 ساعه غياب يتلغى ليك القرص بتاعك وماتخدش شهاده يات

ممكن سؤال
بالنسبة لمستر خالد يحيى
هو موجود في فرع القاهرة ولا الاسكندرية
لاني كنت محتاج ادرس CCNA ولسة مش عارف ادرسة فين
لكن كل زمايلي اللي درسوه بينصحوني بمركز Yat وفية واحد قاللي علي مركز Harvest
بس المشكلة انا خايف من عدم وجود Cisco Lab
ارجو الافادة

ايه يا شباب فين ردودكم الحلوة

مستر خالد يحيى فى القاهره فرع مدينه نصر
والحمد لله الاب موجود وكامل لحد ال ccnp
وعلى فكره انا درست فى مركز يات يعنى مش شغال هناك ولا حاجه

انا اعرف عماد يحيي ده ممتاز جدا
فارجوك اتاكد من الاسم فلو عماد يحيي اتكل علي الله وهتدعي لي