عرض للطباعة
السلام عليكم ورحمه الله
كنت عاوز ازاي اكون انستراكتور في مراكز تدريب مثل يات مثلا
بفرض اني حاصل علي ccna , mcse , ccnp
وعندي المقدره علي الشرح طيب ازاي اشتغل ف المعاهد والمراكز دي واكون انستراكتور للمناهج دي
وايه المطلوب مني كاوراق وشهادات ؟
وايه مميزات وعيوب وظيفة الانستراكتور
وعاوز اوجهي شكري الخالص للاستاذ اللي بحبه فالله محمد سمير وطبعا الاستاذ لومارك وجزاهم الله خيرا
منتظر ردودكم اثابكم الله
السلام عليكم
انا هفيدك بالمعلومات اللى اعرفها واتمنى غيرى يأكدها او يكمل عليها كمان
اولا انت لازم تاخد شهادة من ميكروسوفت اسمها Microsoft Certified trainer او MCT
وساعتها بيبقى معاك الترخيص اللى تقدر تتدرس بيه
وتقدر تروح على اى مركز وتقدم انك تشتغل انستركتور
بالنسبة للمميزات :
انك بتكون حر ومواعيدك معروفة وان كمان اللى اعرفه ان كمرتب بتبقى اعلى وتقدر تشتغل فى اكتر مكان لزيادة الدخل
العيوب :
هى انها مش دايمة ومش ثابته زى الشغل فى الشركات مثلا
وده لينك عشان تعرف ايه المطلوب منك فى الشهادة
https://www.microsoft.com/learning/m...e/default.mspx
انا رديت على حسب معلومات واتمنى انى اكون افدتك واتمنى ان حد يزود على كلامى ده بالأحسن
وربنا يوفقك ان شاء الله
السلام عليكم ورحمة الله وبركاته .............
بص يا سيدى .... الكلام اللى هاقولهولك ده ناتج عن تجارب شخصية بفضل الله تعالى وحده ثم الاساتذة العظام الذين تعلمت منهم سواء بالمنتدى او خارجه
اولاً: اهم حاجة يكون عندك ثقة قوية جداً بنفسك انك تقدر تكون محاضر وتقدر توصل المعلومة وتقدر كمان تتعامل مع جميه انواع المتدربين .... وأنك هاتقدر تتعامل مع المتدربين (خلى بالك متدربين مش طلبة) .
ثانياً: إياك ان تدخل للمحاضرة بدون ما تكون محضر الدرس اللى هاتلقيه ...ومجهزه فى شكل نقاط ... وياحبذا لو تكون مجهز بعض الأسئلة عليه كمان.
ثالثاً: لاااااااااااااااااااااازم تقراً كتير عن الدرس او عن الكورس اللى بتوصله للناس ... لأن ده اللى هايفرق بينك وبين الدارس او المتدرب ... ان معلوماتك اكتر منه ....حتى انك ممكن تكون معلوماتك اكثر من واحد مثلاً System Engineer وجاى ياخد الكورس علشان الشهادة مثلاً .
رابعاً: انا من وجهة نظرى المتواضعة شايف ان موضوع الـ MCT مش مهم ، حيث انه ليست معظم الشركات تطلبه ... كما ان هناك بعض المدربين مش Certified اصلاً ... اه والله مش Certified وشغالين كويس جداً وناجحين كمان .... المهم زى ما قولتلك الحاجات اللى فاتت ديه .... وديه بعض من اللى انا متذكره .........
عامة يمكنك مراجعة الرابط التالى وهو عبارة عن شرح اول حلقة من كورس XP 70-270 للمهندس المبدع المتألق الحاضر الغائب احمد جودة ... وهو بيعطى فيه بعض النصائح الغالية لمن يريد ان يسلك طريق التدريس .... والله لقد افادنى كثيراً ... اسأل الله ان يجعله فى ميزان حسنات الأستاذ احمد .... كمان انصحك بمتابعة حلقات المهندس ياسر رمزى ... فهو لا يقل احترافية عن المهندس جودة .... اسمعهم وتعلم منهم الطريقة الاحترافية فى الشرح وكيفية التعامل مع الدارسين .......
اللينكات بقى يا جميل وماتنسانيش من دعواتك بقى ..... :) :) :) Good Luck ya man
اللينك الأول خاص بدروس المهندس احمد جودة:
https://www.arabhardware.net/forum/s...ight=gouda2000
اللينك الثانى خاص بدروس المهندس ياسر رمزى:
https://www.4shared.com/dir/5919027/...ing_vedio.html
اتمنى ان يكون الرد شافى ووافى
شكراً
محمد سعد
جزيل الشكر لجميع الاخوة اللي تفضلوا بالمعلومات الهامة , انا عندي استفسار هل بالامكان في حالة قبلت في مثل هذه الوظيفة باي مركز معتمد هل بالامكان مثلا الحصول على كورسات بسعر مخفض مثلا او بتخفيض مجزي ولا بترجع النقطة دية للمعهد او مركز التدريب ولا لا وجود لمثل هذه النقطة
في امان الله
جزاكم الله خيرا
متشكر جدا ويارب يجزيكم خير ويكرمكم
بالنسبة للنقطة ديه يا اخى ... اعتقد انها بترجع للمركز ...........اقتباس:
المشاركة الأصلية كتبت بواسطة pheroman
يعنى فى X من المراكز كنت بشتغل فيه ... فكان اى موظف بيحب ياخد كورس ... كان بيتعملوا تخفيض 25% .... وكان ممكن لو ده فى مجال عمله ياخد الكورس مجاناً .... يعنى مثلاً واحد فى الحسابات ممكن ياخد كورس Excel مجاناً ... وهكذا .... اما من وجهة نظرى ... فأنا ارى انه من المجدى للشركة انها تخلى المحاضرين الراغبين فى تطوير انفسهم انهم ياخدوا الكورسات اللى هما عاوزينها بشرطين ... انها تكون ذات صلة بمجال عملهم بالإضافة انها تشترط انهم يخدموا الشركة لمدة سنة مثلاً ... ولو حب يمشى قبل كده يدفع مثلاً نسبة من تمن الكورس
ده من وجهة نظرى المتواضعة جداً جداً جداً
شكراً
محمد سعد
جزاك الله خيرا وربنا يوفقنا جميعا لما يحب ويرضى وباذن الله ربنا يكرمنا ونوصل للوظيفة دية على الاقل اننا نتعرف على المجال بصورة اكبر ومن منظور تاني وفي نفس الوقت لعل وعسى الواحد يحصل عل فرصة كويسة زي كده زي ما حضرتك قلت واتمنى انه يكون فيه مراكز بتبص للنقطة دية وهي تطوير المحاضرين والمدربين لديهم حتى لو بشرط جزائياقتباس:
المشاركة الأصلية كتبت بواسطة Mohammad Saad
في امان الله
جزاكم الله خيرا ياريت تكلمونا عن الرواتب بتكون كام في المتوسط ؟؟؟؟
نقطة هامة جدا وبانتظار أحد الاخوة للرداقتباس:
المشاركة الأصلية كتبت بواسطة mohaworld
للرفع
انا اعرف واحد بيدي كورس CCNA وهو معتمد بيدي جروب 10 متدربين في لاب سيسكو - 40 محاضرة للكورس - بياخد نسبة 60 % ومعرفش ده كتير ولا قليل وده للافادة
مع العلم ان ده مش مجالى انا بقول معلومة سمعتها
والله اعلم
جزاكم الله خيرا