بسم الله الرحمن الرحيم
انا يا جماعة بقالى شهرين عمال ادور على افضل ماركة وافضل شاشة LCD وعمال اسمع من ده واسمع من ده
المهم انا رسيت على ماركة samsung بالرغم من انى بحب ال LG في الشاشات بس سامسونج اثبتت كفاءة وكلالناس بتشكر فيها ... بس معرفش اجيب موديل ايه في samsung على العموم انا عايز يا اما 17" يا اما 19 " لو زادت عن كدة حاسس انها هتبقى تلفزيون بصراحة كمان الواحد بحكم الشغل على الكومب بيقرب من الشاشة فمش هتبقى ظريفة لو جبتها اكبر من كدة اصلا انا مستكبر الشاشة ال 19 دي بس الناس عمالة تتكلم عن شاشات 23 و 24 ده تلفزيون بكل معنى الكلمة بس كل واحد واللى يريحه بقى
تاني حاجة
اجيب انهى موديل في الشاشات ال 17 او ال 19 يعني حد عنده معلومة او تجربة شخصية ممكن يفيدني وله دعاء محترم قبل الفطار :)
اخرا وليس اخرا
انا ميزانيتي لا تسمح بحاجة فوق ال 800 جنيه ... واللى عايز يتبرع يبقى كتر الف خير .. اتبرعوا على حساب 777 بنك فيصل :p
اتمنى اكون حددتلكم مواصفات الشراء واتمنى تساعدونى
صحيح حاجة كمان بقى دلوقتى انا كارت الشاشة عندى built in مفهوش غير منفذ واحد D-sub او VGA فدلوقتى الشاشة هتبقى صورتها حلوة مع المنفذ ده ولا لازم اجيب كارت شاشة جديد ليه منفذ DVI مثلا ولا في توصيلة مثلا اركبها عشان اشغل المنفذ ده
افيدونى افادكم الله
سلام
