ياريت اللي عامل سيرفر توزيع نت يساعدني ارجوكم
ياجماعه انا دخت في البحث عن شرح مفصل لموضوع انشاء السيرفر ده مش لاقي حاجه كل اللي بيتكلم بيتكلم عن السوفت وير الأيزا والميكروتك وبينسوا الجزء الأهم والاصعب من وجهة نظري اللي هوا جزء الهاردوير يعني تركيب كروت الشبكه وتظبيط اعداداتهاوالموضوع المعقد بتاع الايبيهات انا لقيت حوالي 3 طرق للايبيهات مفيش واحده فيها زي التانيه وللأسف مفيش واحده فيها اشتغلت كمان
الحمد لله انا فاهم الجزئيه اللي بعد كده كويس اللي هيا قواعد تقسيم السرعه وجربتها عملي علي برنامج زي Bandwidth Controller ونفس النظام ده لكن مش لدرجه الايزا بس مش مهم عندي اوي
المهم الجزء الاول بتاع الايبيهات انا تايه فيها ارجوكم حد يكون مجرب الموضوع ده عملي ويمشي معايا واحده واحده
وبالتحديد:
1 - اعدادات الايبيهات وال DNS علي الكارت اللي واخد من الراوتر
2 - اعدادات الايبيهات وال DNS علي الكارت اللي بيدي السويتش
3 - اعدادات الايبيهات وال DNS علي اجهزه المشتركين
* للعلم نوع الراوتر عندي Repotec
* هل في علاقه بين الموضوع ده والشيرنج بين الاجهزه
* هل يشترط وجود برنامج توزيع السرعه اولا لوصول النت للاجهزه الاخري ( مش مهم تقسيم السرعه دلوقتي يعني ) ام يمكن تشغيل الشبكه بدونه
وياريت ياجماعه الشرح يكون تفصيلي ارجوكم... ومشكورين مقدما
رد: ياريت اللي عامل سيرفر توزيع نت يساعدني ارجوكم
ياجماعه محدش بيرد ليه ارجو المساعده
رد: ياريت اللي عامل سيرفر توزيع نت يساعدني ارجوكم
اول انت المفروض يبقي عاندك اتنين كارت شبكة واحد للروتر والتاني للسويتش الروتر هياخد Ip الروتر والكارت بتاع السويتش انت المفروض بتديلوة اي IP انت عايزة حسب الرنج بتاعك وتقسيمه الشبكة وانت بتستخدم سوفت وير اية علي السرفر ميكروتك ولا ايزا وبعد كدة بتشوف اعدادات السوفت وير بتاعك انت ناوي تقسم سرعات وتشتغل انت بقي
رد: ياريت اللي عامل سيرفر توزيع نت يساعدني ارجوكم
الاخ : bkbk20032003 :
مشكور علي الاهتمام والرد , دلوقتي انا ناوي استخدم برنامج Bandwidth Controler واوزع النت من علي جهازي بالنسبه للايبيهات ياريت توضحلي كلامك بمثال يعني انا دلوقتي نوع الراوتر عندي Repotec وايبيهاته 192.168.16.1 اللي انا فهمته ان الكارت اللي واخد من الراوتر بتفضل ايبيهاته والدي ان اس زي العادي مفيش تغيير , طيب بالنسبه للكارت اللي رايح للسويتش وبالنسبه للمشتركين هتكون اعدادات الايبيهات والدي ان اس ايه؟؟ هوا ده السوال اللي محيرني وكمان سوال هل في خطوات او شروط تانيه عشان النت يوصل مثلا يكون في شيرنج بين الاجهزه كلها مثلا و الخ ......
ومشكور مقدما
رد: ياريت اللي عامل سيرفر توزيع نت يساعدني ارجوكم
ده شرح كامل عن الميكروتك من البدايه للنهايـه
وان شاء الله تآخد فكرة ويكون في شرح الميكروتك افكار مشتركـه مع Bandwidth Controler
تفضل https://www.shbakaat.com/majeed/MT-installing.zip
رد: ياريت اللي عامل سيرفر توزيع نت يساعدني ارجوكم
اقتباس:
المشاركة الأصلية كتبت بواسطة eslam mo7amed
ده شرح كامل عن الميكروتك من البدايه للنهايـه
وان شاء الله تآخد فكرة ويكون في شرح الميكروتك افكار مشتركـه مع Bandwidth Controler
تفضل https://www.shbakaat.com/majeed/MT-installing.zip
اخي الكريم : جزاك الله كل خير
لكن الرابط اللي وضعته بعد تحميلة طلب كلمة مرور التشغيل ؟؟؟؟
ياليت تسجل لنا كلمة المرور الخاصة فيه
وشكرا لك
رد: ياريت اللي عامل سيرفر توزيع نت يساعدني ارجوكم
الباسورد مكتوب جوة الملف واهوة shbakaat.com