يا مهندسين عرب هارد وير انا عندي مقابله حياتي وعاوز مسااااعده

انا عندي مقابله في شركه وعاوز اعرف الاسئله الي ممكن اتسأل فيها او اركز علي ايه في MCSE&MCSA
ارجووووووووو منكم المساااااااااااااعده
ولكم جزيل الشكر

المهم حضرتك تكون مزاكر كويس بس
انما بصراحه من ناحيه ان حد يقولك الاسئله اللي ممكن تتسال فيها ديه صعبه جدا لان المنهج كبير اصلا
كن واثق في نفسك
ولو اتسالت سوال مش عارفه حاول تقرب كلامك ناحيه السوال ده ولو معرفتش قول فكره السوال ده عارفها بس مش حاضره في دماغي دلوقتي
المهم يحس انك كويس وبتعرف تفكر
ربنا يوفقك

1- لو عندك مستخدمين بيطلعوا من خلال ISA Secure nat هيسألك يقولك واحد بيعرف يطلع انترنت والتانى لأ ايه السبب.
2- فائدة Addditional Active Directory .
3- الفرق بين ISA 2000 و ISA 2003 .

اخى احمد
تاكد ان الارزاق بيد الله وان لو ليك رزق فالمكان دا هتشتغل رغم انف اللى بيختبرك علشان كدا لازم تدخل واثق من نفسك واوعى تفكر ان دى وظيفه حياتك او املك فالحياه وانها لو ضاعت يبقي فرصه عمرك راحت منك والكلام دا
كل شي بيحصل دا ترتيب من ربك وهو اعلم بيك وبالصالح ليك عشان كدا ادخل المقابله وانت معتز بنفسك وواثق من معلوماتك واوعى تتهز ولما تجاوب على الاسئله بلاش تدخل فى تفصيل ممل ولا انك تختصر لدرجه نقص المعلومه خليك وسط واستخدم العناوين العريضه والقليل من التفصيل ودايما تقوله قبل الاجابه باختصار يعنى هنقول عن الموضوع دا كذا وكذا بحيث انك توضح ان الاجابه دى مجرد over view ولو هو محتاج تفصيل اكتر انت تقدر تشرحله
خليك متزامن مع نمط الاسئله بمعنى ان الراجل اللى بيختبرك هيبدا معاك باسئله بسيطه خلى اجاباتك بسيطه زى السؤال مش تلاقى السؤال سهل تروح دايس فتفاصيل التفاصيل وتقول احمدك يارب سؤال سهل وتفرد عضلاتك هتلاقي بعدها علطول راح سالك سؤال تقيل عشان يخليك تتهز و يشوف معلوماتك هل انت واثق منها ولا لاء
لانك لو مطبق المعلومات اللى انت مزاكرها فالكورس هتبقي متاكد منها لكن لو مكتفى بقراءتها بس هتبقي معلوماتك مش اكيد بالنسبالك بنسبه 100% علشان كدا هو هيحاول يلعب على النقطه دى لمعرفه مدى خبرتك وتاكدك من معلوماتك
اما بالنسبه للاسئله اللى ممكن تتسالها من رايي انك لو هتعمل المقابله دى بعد يوم او اتنين يبقي بلاش تدور على اسئله وراجع الفيديوهات اللى كنت بتزاكر منها اثناء دراستك للكورس لانك لو معرفتش تجاوب سؤال هتلاقى نفسك خايف ومتوتر وهتحس انك هتتسال السؤال دا فالمقابله لمجرد انك مش عارفه وبالتالى هياثر عليك فمراجعه المنهج وهياثر عليك فالمقابله وبدل ما تكسب معلومات تخسر ثقتك بنفسك انما لو فى وقت كبيره يعنى اسبوع او 10 ايام ممكن تراجع الاسئله ودا يتحدد بناء على المعاد فى وقت او لاء
اخيرا اقول لك اخى الكريم عليك بالدعاء والصلاه و التوكل على الله مع الاخذ بالاسباب من المراجعه والبحث عن المعلومات واتقان ما تعلمه
تمنياتى لك ولسائر اعضاء المنتدى والمسلمين اجمعين بالتوفيق والسداد
تقبل مرورى

الموضوع حسب اللى هيعمل معاك المقابله والاسئلة بتكون عامة وبعض الاسئلة الاكثر احترافيه ومتخفش غالبا اللى بعمل المقابلات مع الناس مش بيكون فاهم حاجة ذى ما انت متخيل وكمان انا وجهه نظرى ان الموضوع فى الاول والاخر نصيب بس الواحد يعمل اللى عليه يعنى ممكن تجاوب ممتاز ومتشتغلش والعكس صحيح وعموما ربنا يوفقك وييسر لك كل امر ويجعلها من نصيبك ان شاء الله

موفق ان شاء الله ......ز

ربنا معاك وتقبل ان شاء الله

السلام عليكم
كلام الاخ انترنت ورلد صحيح فالارزاف بيد الله وليس العباد ولك رزق هناك حتخده حتى لو ما كنش مستواك كويس
بس عموما خد بالاسباب وتوكل على الله واستعين بيه
وعموما مافيش اسئلة محددة للانترفيو لان كل شركة بتختلف متطلبانها عن التانية بس بيبقى فى اساسيا اكيد ان شاء الله حتلقيك عارفها زى الاى بى والكلاسات بتاعتها والحاجات دى
وعلى فكرة لو الشركة مش كبيرة ممكن تلاقى اللى بيعمل معاك الانترفيو مالوش اصلا فى الكمبيوتر ولا الشبكات ومش حيسالك غير اسئلة عامة عن دراستك وهاداتك وكده
وربنا يوفقك ويقدملك اللى فيه الخير

كلام جميل ربنا يوفق الجميع

ربنا معاك ويوفقك

يا ريت لما تخلص المقابلة وربنا يوفقك فيها لو ينفع تقولينا ايه اللى حصل فى المقابلة
ونوع الاسئلة يعنى من باب الاستفادة من خبرة الاخرين

عملت المقابله ونسيتنا عملت ايه يا غالي في المقابله قول ما تخبيش

الاسئلة بتختلف من شركة لأخرى حسب حاجتها لك

هناك مثلا شركات بيهمها جدا الاكستشنج

وشركات اخرى بيهما اكتر الايزا سيرفر


وشركات بيكون التركيز اكتر على الدومين ومعالجة المشاكل و

لو قدرت تجمع معلومات عن الشركة فده بيساعدك أكتر