شباب محتاج مساعدة بخصوص دروس احمد سرحان فعلا
السلام عليكم ورحمة الله
شباب انا كنت باخد كورس ال mcse فى مصر من حدود 5 شهور لكن فعلا مكملتش الكورس لانى حسيت ان الانستركتور مكنش قد كده خالص وكنت بلافى انا فيديوهات احمد سرحان احسن منه المهم انا سبت الكورس لانى حسيت انى مش بستفيد حاجة والفلوس راحت فى الهوى وقعد ازاكر من الفيديوهات وحاليا انا بره مصر وعملت انترفيوا فى شركة محترمة الحمد لله وهنزل اشتغل قريب فيها. النقطة المهمة بقى ان انا لحظت ان فى دروس مش واضحة او مش موجودة فى الفيديوهات فقولت انزل كتب وازاكر منها وهنا المصيبة لانى فعلا حسيت انى معرفش اى حاجة عن الكورس لاقيت ان فى حاجات كتير جدا معرفهاش موجودة فى الكتب ومش موجودة فى فى الفيديوهات عمتا انا حاليا هنزل الشغل بأذن الله بعد العيد وبمنتهى الصراحة حاسس انى بطيخة بطيخة بطيخة بجد :) فانا اللى طلبوا من حضراتكم تقولولى ايه اهم الدروس اللى ناقصة فى كورس احمد سرحان وهل فعلا الفيديوهات دى مع فهمى تقدر تخلينى مبدائياً اشتغل ومع الوقت هحصل المعلومات الموجودة فى الكتب مع الوقت. انا فعلا هطق المراكز اللى عاملة الكورسة فى 5 و 7 شهور ازاى بيدرسوا المنهج ده كله ولا هى نصب وخلاص
رد: شباب محتاج مساعدة بخصوص دروس احمد سرحان فعلا
بص أنا رايي بجانب الفيديوهات انت محتاج تذاكر من كتب وبرضه عليك وعلى الفيديوهات الأجنبي لإن أنا شايف بصراحة الإنتستراكتوز اللي بيشرحوا بالعربي مابيقولوش اللي بين السطور وفي حاجات مهمة فعلاً مبتتشرحش ، إنت ومجهودك ، مثلاً عندك المهندس أحمد سرحان مشرحش data recovery agent وكمان مشرحش الـ IIS ، فإللي هتزاكره بمجهودك أضمنك بإذن الله إنك مش هتنساه ، ده رأيي والإخوان هنا في المنتدى هيقدروا يفيدوك أكتر
رد: شباب محتاج مساعدة بخصوص دروس احمد سرحان فعلا
شكرا ليك اخى العزيز على اهتمامك انا بأذن الله هعمل كده وانا فعلا بعمل كده حاليا لكن سؤالى الحالى المعلومات اللى موجودة فى كورس احمد سرحان هل تكفى مؤقتا وممكن اشتغل بيها لاول مرة فى حياتى فى المجال ده ولا لأ ؟؟؟
المشكلة يا اخى بختصار انى لما عملت الانترفيو مفيش حاجة خرجت من اللى انا عارفها وكله تمام بس فعلا لما حبيت ازود معرفتى اتصدمت فى الكتب وحاسس ان شكلى هيبقى وحش جدا فى الشركة لو ان الواقع العملى هو اللى فى الكتاب وليس الفيديوهات اللى انا شوفتها او الكورس التعبان اللى انا خده فى مصر يرجى بجد الرد لانى انا خايف جدا ومشتت ومش عارف اجمع تركيزى وحاسس ان كل الشهور اللى فاتت دى ضاعت
رد: شباب محتاج مساعدة بخصوص دروس احمد سرحان فعلا
كافية مؤقتاً وبالتالي أعتقد أنك عندك خلفية جيدة جداً بالنسبة لمبتدئ ، وللعلم شرح المهندس أحمد ممتاز ، وعشان دي أول مرة هتشتغل في المجال ده في حياتك إعتبر نفسك متدرب .
وفقك الله ورعاك
رد: شباب محتاج مساعدة بخصوص دروس احمد سرحان فعلا
بص فيه شرح الكورس للمهندس احمد نظمى
ادخل موقعه و نزل الكورس و ذاكره
رد: شباب محتاج مساعدة بخصوص دروس احمد سرحان فعلا
شكرا ليك اخى العزيز starfedo وعلى تشجيعك وادعيلى ان ربنا يوافقنى وكان فى واحد انستركتور كان قالى انه فى الواقع العملى بيتم استخدام 20% بس من اللى مذكور فى الكتب هل ده فعلا صحيح عمتا كل عام وحضرتك بخير
واخى العزيز ghosteid95 انا فعلا دخلت على الموقع بتاعه وزكرت منه لكن المشكلة فيه ان فى دروس كتير مش كملة بس فعلا احلى درس اتعلمت منه هو درس ip and subnnting شرحه فيه بسيط جداا بس خرافة فهمت فعلا الدرس كويس لكن برضه انا ليا سؤال وهو بيشرح الدرس كان قال ان الروتينج تبع السيسكو مع انه موجود فى الموك وكتب الانفر ما انا مش فاه قصده هل يقصد كهاردوير يعنى ولا يقصد انه مش موجود فى المنهج عشان كده هو مشرحوش عمتا انا بشكركم كل جداا لاهتمامك وكل عام وانت بخير وبأذن الله لما هنزل الشغل هبقى اعمل موضوع واحكى فيه اللى حصل معايا بحيث اى حد مقبل على الشغل فى المجال ده ولسة جديد زى حالاتى يبقى يستفسد وياخد فكرة عامة
رد: شباب محتاج مساعدة بخصوص دروس احمد سرحان فعلا
السلام عليكم
أخي الغالي انا (MCSE freelance instructor) قمت بالتدريس في الكثير من المراكز التدريبي منها اماكن مرخصة برخصة مايكروسوفت الذهبية و لي خبرة احتكاك بالكثير من المدربين
بص ياسيدي المدرب المبتدئ بيكلف المكان مثلا قرش واحد و الخبرة خمس قروش طيب واحد داخل يبدا من الصفر فمفيش مشكلة لو جربوا فيه ابو قرش اهو منه يستفادوا ماديا و منه بيدوه خبره. كلامي دي علي مستوي جمهورية مصر العربية دون اي اي استثناء.
طيب ايه الحل بالنسبة للي ناوي ياخد الكورس مستقبلياً. يحضر من الموك -الكتاب- الخاص بميكروسوفت قبل ما المدرب يشرح و يسال المدرب في اكتر من نقطة و يسجل ردود المدرب ياتري هايقولوه حاجه من التلاتة دى ( د شرحها لسه قدام - معرفش - هايألف ) في الحالة دي انت محتاج تعترض و تطلب واحد غيره.
طيب في حالة اخونا اللي فعلا اخذ الكورس .
ابدأ بطريق منهجي شوف شركة محترمة عالمية من اللي بتعمل فيديوهات و شروحات و تتبع هذه الشروحات بالترتيب كي لا تضل و الطريق ليس قصيرا حيث انه لابد ان تعلم انه عليك ان تدرس كل حياتك كي تكون متميزا في مجالك
رد: شباب محتاج مساعدة بخصوص دروس احمد سرحان فعلا
شكرا لك اخى العزيز على رده والله للعظيم انا النهاردة كنت بقول الواحد لو كان خد خلفية الاول قبل ما ياخد الكورس على الاقل كان هيبقى فاهم ايه اللى بيتقال من الاانستركتور ويساله ويجادل معه لو فى حاجة هو مش فاهمة من الموك بس للاسف اللى حصل انا حاليا فى امر واقع وبستأذنك لو فى امكانية احصل على ايميلك لان فعلا فى حاجات مش واضحة ليا لو مفيش مانع اسألك فيها
رد: شباب محتاج مساعدة بخصوص دروس احمد سرحان فعلا
رد: شباب محتاج مساعدة بخصوص دروس احمد سرحان فعلا
اقتباس:
المشاركة الأصلية كتبت بواسطة Serro
طبعاً مفيش ادني مشكلة
السلام عليكم
حاليا أنا مقبل على لقاء مع استاذ جديد
و أريد أن تعطيني نقطتين أو أكثر لمعرفة مدى خبرة الاستاذ
المقصود من كلامي أريد منك بعض أسئلة لأقوم بسؤال الاستاذ عنها
و جزاك الله كل خير
رد: شباب محتاج مساعدة بخصوص دروس احمد سرحان فعلا
اخي الكريم ... freedomfoever
اضيف علي ردود اخواني الاتي .
مادام انك نجحت في المقابلة ووقعت العقد ... فخلاص ان شاء الله ماراح تكون ( بطيخة ) ;) .
لان الشركة سالتك في اشياء تستخدمها او محتاجاها فعلا وشافتك انك ممكن تنجز معها او في المقابلة كان موجود شخص من الاي تي وفاهم كويس وفهم انك تنقصك الخبرة او الاحتكاك بس مستواك تمام وعندك الرغبة للشغل وهذا اهم شي ( الرغبة ) .
من واقع خبراتي في المقابلات في شركات بتركز علي ( VPN ) والايزا والسكيورتي .. فتعرف ان لها فروع او معظم موظفيها محتاجين ( ريموت اكسس ) .
في شركات بتركز علي ( اكسشجن ) والايملات والاكتيف دايركتوري .
وايضا شركات بتركز علي منتجات سيسكو بالاضافة الي ما ذكر بالاعلي ... واخيرا شركات عاوزة كل حاجة حتى تصميم صفحات وعمل ابديت للموقع بتاعهم .
نرجع للمذاكرة والفهم ... انت عندك الاساس وتحتاج تطبيق فالمطلوب هو جهاز وعلي vmware وتبدا بتطبيق لابات شركة ال train signal .. الابات تجدها هنا https://www.4shared.com/dir/12135152...tion_PDFs.html
نزل اللاب الخاص بالاكسشجن فهو يغطي الدومين وخلافة والاكسشجن . ويعطيك الثقة ف النفس من التطبيق . بس نصيحة لا تنسى العشرة الاواخر من رمضان . اتمني لك التوفيق ان شاء الله .
ملاحظة ركز علي كلام اخونا Serro
رد: شباب محتاج مساعدة بخصوص دروس احمد سرحان فعلا
السلام عليكم
اخى الكريم شرح استاذ احمد سرحان جميل ويكفى مبدئيا بس هو فى بعض الكورسات اللى لسة اصلا ما نزلش شرحها زى الايزا والاكستشنج
اما التعامل مع دومين ودى اتش سى بى ومى ان اس فان شاء الله تكون المعلومات اللى عندك كفاية زيادة كامن
على فكرة فى حاجات فى منهج ميكروسوفت ممكن اصلا عمرك ما تقابلها فى شغلك يعنى الحاجات دى بتعتمد على طبيعة الشبكة اللى انت بتتعامل معاها وحتحتاج فيها ايه ومعظم مراكز التدريب مش بتقول كل المنهج
هذا والله اعلم
عموما توكل على الله ولما تبدا شغلك الامور فى الاول حتبقى ملخبطة شوية لحد ما تتعود على الشبكة ولو احتجت اى حاجة او صدفتك مشكلة الاخوة هنا فى المنتدى ممكن يساعدوك وربنا يوفقك
رد: شباب محتاج مساعدة بخصوص دروس احمد سرحان فعلا
ربنا يكرمنا كلنا يارب وشكر يا شباب على التوضيح والمساعدة بجد وعمتاً اخوى serro انا محتاج تبعتلى ايميلك على الخاص بعد اذنك عشان ااقدر اضيفك واخويا ethical شكرا جدااااااااا على الابات بجد وفعلا كلامك كلها صح وشكلك نفسك فى بطيخة من اللى عندى :) شكرا ليكم كلكم وكل عام وانت بخير