عاوز ادهن الكيسه من جوه ومحتاج مساعدتكم
السلام عليكم ورحمه الله وبركاته
انا عندي كيسه انتك 900 وعاوز اخليها من جوه لونها اسود زي بره فايه الخطوات المطلوب اعملها ؟
هل اجيب بخاخ اسود ولا لاكيه من غير لمعه ولون اسود وافضل اخفف لغايه لما اجيب درجه الكيسه ؟
احسن طريقه اخلى بيها لونها من بره نفس درجه لونها من جوه
شكرا لمساعدتكم
رد: عاوز ادهن الكيسه من جوه ومحتاج مساعدتكم
تصدق انا من زمان نفسي اعمل نفس الحوار ده و مش عارف اظبط اللون ازاي يا ريت لو حد يساعدنا بس من غير صنفره و معجون و الشغل الجامد ده ,انا علي فكره تحتي علي طول ورشة دوكو بس مكسوف اسالهم يتريقوا عليا عموما ادينا مستنين رد بس انا لما دورت علي النت لقيت ان اسهل حل في سبراي للماده زي المعجون كده وبعد ما ترشه علي المعدن تسيبه يجف يوم و بعدين ترش 3 طبقات اسبراي بدرجة اللون اللي انت عاوزه لما رحت لبتوع البويات اسال طبعا ام الفتي و مفيش اي معلومات خالص بس ده عندي في اسيوط جرب في القاهره كده يمكن تلقي حد فاهم شويه
رد: عاوز ادهن الكيسه من جوه ومحتاج مساعدتكم
انا ممكن اشوف مراكز الدوكو اللي بيرشوا العربيات بالكمبيوتر فدول تقريبا بياخدوا اللون ويتركب والراجل بيرشه بس المشكله ان العربيه صاج مش المونيوم زي الكيسه
انا سالت واحد شغال في محل بويات وقعد يفتى شويه ومعجبنيش كلامه خالص
فياريت لو حد يدلنى على الادوات اللازمه لاتمام رش الكيسه عشان نجمع الجهاز :D:D
رد: عاوز ادهن الكيسه من جوه ومحتاج مساعدتكم
بالتوفيق.............:)
بس انا معنديش خبرة فى الموضوع دة لآنى معملتوش قبل كدة ......بس خلى بالك
(( انت كدة هتبقا راشش دوااااخل .......:D:D:D ))......
رد: عاوز ادهن الكيسه من جوه ومحتاج مساعدتكم
هات البخاخ الاسود وسعره ب 7 جنيه عند اي محل دهانات
انا جربته على كيسه قديمه عندي من جوه وبره وبيدي لمعه بسيطه وحلوه احسن من اللون المطفي
الانتك اللي عندك هتهتحاج علبه واحده مادام هتعملها من جوه بس
رد: عاوز ادهن الكيسه من جوه ومحتاج مساعدتكم
اقتباس:
المشاركة الأصلية كتبت بواسطة wild cat
هات البخاخ الاسود وسعره ب 7 جنيه عند اي محل دهانات
انا جربته على كيسه قديمه عندي من جوه وبره وبيدي لمعه بسيطه وحلوه احسن من اللون المطفي
الانتك اللي عندك هتهتحاج علبه واحده مادام هتعملها من جوه بس
طب اعتقد كده ممكن السبراي ممكن يطلع بسهوله لان مفيش صنفره و لا معجون و لا اي حاجه غير الدهان و مفيش اسود مطفي و ايه نوع البخاخ ده بالظبط و هل في حاجه افضل منه ؟؟ كجوده مش كااوبشن يعني ؟؟
رد: عاوز ادهن الكيسه من جوه ومحتاج مساعدتكم
أشتري ورق صنفرة وصنفر الأسطح الي هتدهن وصنفرها , وبعدين نظف مطرح الصنفرة بعدين هات الأسباري ورش
رد: عاوز ادهن الكيسه من جوه ومحتاج مساعدتكم
- طيب بص الطريقة هتلاقيها بالتفصيل الممل فى المشاركة دى
https://www.arabhardware.net/forum/s...ostcount=17998
- ودى عملتها بأيدى ونفسى.
رد: عاوز ادهن الكيسه من جوه ومحتاج مساعدتكم
على فكره انا مثبت المشاركه كصفحه البدايه عندي في البراوزر لان نفسي الشغل يكون جميل زي اللي حضرتك عملته - ما شاء الله -
عارف والله اني هتعبك معايا
هجرح الكيسه بمفك ولا ايه بعد ما اسنفرها ؟ واجرحها جامد ولا خفيف ولا ايه ؟
مش فاهم تصحيح غلطات الرش بيكون ازاي لاني مرشتش فبل كده وعارف الدنيا هتلطش معايا وحتت هيكون فيها رش زياده وتبقع وكده؟
طلاء دوكو السيارات اجيبه ده منين ده ( هو رش ولا ايه / لاني معتقدتش هيكون عند السمكريه :D) ؟
شكرا لسعهه صدرك وتعبك معايا اخي كوول مان
رد: عاوز ادهن الكيسه من جوه ومحتاج مساعدتكم
اقتباس:
مش فاهم تصحيح غلطات الرش بيكون ازاي لاني مرشتش فبل كده وعارف الدنيا هتلطش معايا وحتت هيكون فيها رش زياده وتبقع وكده؟
وإنت بترش خلى راس البخاخه بعيده عن السطح اللى إنت شغال عليه بنبه 5 سم على الأقل
اقتباس:
هجرح الكيسه بمفك ولا ايه بعد ما اسنفرها ؟ واجرحها جامد ولا خفيف ولا ايه ؟
خليك حنين كدا بس مش حنين قوى علشان الدهاان يثبت أطول فتره