استفسارات هامه جدا قبل تركيب الكارت 5770 بالجهاز . ارجو الرد من كل الخبراء
السلام عليكم ورحمه الله وبركاته
فى البدايه بشكر البشمهندس مصطفى ( AERODYNAMIC ) على مساعدته الكبيره ليا
و شراؤه الكارت و شحنه من القاهره الى الاسكندريه و جزاك الله كل خير يا بشمهندس
--------------------------------------------------------------
بالنسبه للكارت 5770
مكتوب على العلبه ان الكارت محتاج باور 450 واط او اكتر
و انا كنت عامل حسابى اشترى الباور HEC 350W هل فيه مخاطره لو جبته ؟
و هل هيكون كافى لتشغيل الكارت بكامل طاقته بدون اى مشاكل ؟؟؟؟؟
# السؤال ده مهم جدا بالنسبالى
-----------------------------------------------------------
بالنسبه للمتصفحات
من امبارح الساعه 12 بالليل بعد الماتش ( مبروك لمصر بالمناسبه ) و كل
المتصفحات بلا استثناء بتعمل CRASH مفيش دقيقه و تقفل
ده بالنسبه للجوجل
اما الفايرفوكس فمبقاش يفتح من الاصل , كل ما افتحه تطلعى رساله ان
الفايرفوكس HAS CRASHED AND NEEDS TO RESTART
و نفس الكلام مع الانترنت اكسبلورر 8
انا شغال على ويندوز 7 بقالى 5 ايام على النسخه دى
Microsoft.Windows.7.ULTIMATE.x86.Integrated.Octobe r.2009.OEM.DVD.PROPER-BIE
هل حد لقى منها مشاكل ؟؟؟ هى اصليه و بتعمل تحديثات لكن
كان بيحصل معايا الاتى
* شاشه زرقا لو حطيت اى سى دى فى السى دى روم
* شاشه زرقا عند تسطيب البت ديفيندر انتى فايروس و ريستارت بدون توقف
* شاشه زرقا عند اغلاق الجهاز ( كل شىء يقفل و تيجى الصفحه الزرقا الشيك
و يكتب WINDOS IS SHUTTING DOWN بعدها تطلع الشاشه الزرقا و اقفل الجهاز
بفصل الباور
* شاشه زرقا عند عمل ريستارت من قائمه START
ده غير ان فيه حاجه مضيقانى جدا
انا كنت بلعب الالعاب على الشاشه السامسونج ال 24 بوصه و انا على
ويندوز اكس بى كانت اللعبه full screen حتى لوكان الريزوليوشن قليل
بعد تسطيب ويندوز 7 الالعاب مبقتش FULL SCREEN اللا لو الريزوليوشن عاالى
جداااا . مع ان فيه بعض العاب بتحتاج ريزوليوشن قليل
اظبطها ازاااى دى ؟؟؟؟
و ايه احسن نسخه ويندوز 7 32 بت الاعضاء جربتها بدون مشاكل ؟؟؟؟؟
انا بستخدم النسخه دى
Microsoft.Windows.7.ULTIMATE.x86.Integrated.Octobe r.2009.OEM.DVD.PROPER-BIE
---------------------------------------------------------------------
سؤال اخير معلش
واحد صاحبى اشترى هارد جرين و قاللى ان الكوبى اعلى سرعه فيه 25 ميجا بايت
مع ان انا عندى هارد داتا 80 و بيعمل كويى ب 40 ميجا
الكلام ده صحيح وللا المشكله فين و ايه الفرق الجوهرى بين الجرين و البلاك
--------------------------------------------------------
ياريت تجاوبونى على الاسئله دى عشان اعرف افرح بالكارت الجديد يا جماعه
و باقى امكانيات جهازى ( توفيراً لوقت السؤال ده )
CPU : INTEL CELERON D 3.06 GHZ
M.B : ASUS LGA P5SD2-X
RAM : 1.5 GB DDR2 BUS 667
OS : WINDOWS 7 32BIT
SCREEN : SAMSUNG LCD MONITOR 24 INCH
HDD : W.D DATA 80 GB
الف شكر مقدماً لكل اللى يرد على الموضوع و عقبالكم :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
السلام عليكم
أخي اولا لازم تغير CPU لانه ضعيف جدا وسيعيق أستخراج كل امكانيات بطاقة الشاشة لديك فاذا كانت الظروف المادية لا تسمح فمعالج من فئة E2xxx افضل بمراحل من معالج Intel celeron .
ثانيا اعتقد ان سبب مشاكلك هو مزود الطاقة لديك فكما ذكرت ان الكرت يتطلب 450W على الأقل وانت تملك 350W حاول تغير مزود الطاقة على واحد مناسب و تسطب أخر تعريف لبطاقة الشاشة من موقع AMD.
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
الكرت سوف يعمل عادى جدا على البور ال350 ...لآن جهازك سحب الطاقة مش عالى لتواضع امكانياتة ...:)
ثانيا ...لآ بد من ترقية المعالج الذى تعمل علية لآن المالج ضعيف نسبيا ..:)
اعتقد بالنسبة لموضوع المتصفحات والشاشة الزرقاء اللى بتظهر دى ممكن تكون من اثر فيرس اصاب جهازك من على الآنترنت :)
فأنصحك ان تجرب اعادة تنزيل الويندوز مرة اخرى مع احدث تعريف صدر من ATI
طبعا المفروض ان الهاردات الساتا اسرع من الPATA ...ودى مش محتاجة كلاام كتير :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
حضرتك كل ده قبل تركيب الكارت . انا لسه مطلعتش الكارت من علبته اصلن و مشتريتش لسه الباور
عشان كده بسأل
اما المعالج فأنا مش هغيره لحين نزول الكور i9 ان شاء الله او اجيب الكور i7 فى الصيف
و مشاكل الويندوز الكراش بتاعه المتصفحات اعتقد ملهاش علاقه بالباور
ارجو حضرتك تفيدنى برضو بعد تصحيح المعلومات دى :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
اما المعالج فأنا مش هغيره لحين نزول الكور i9 ان شاء الله او اجيب الكور i7 فى الصيف
اقتراح صائب جدا يا عزيزى ...
ولكن هل هل قرأت مشاركتى ...وهذا الكلاام لى ؟؟؟
لآنك لم تحدد الى من تتكلم :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
المشاركة الأصلية كتبت بواسطة S@M
الكرت سوف يعمل عادى جدا على البور ال350 ...لآن جهازك سحب الطاقة مش عالى لتواضع امكانياتة ...:)
ثانيا ...لآ بد من ترقية المعالج الذى تعمل علية لآن المالج ضعيف نسبيا ..:)
اعتقد بالنسبة لموضوع المتصفحات والشاشة الزرقاء اللى بتظهر دى ممكن تكون من اثر فيرس اصاب جهازك من على الآنترنت :)
طبعا المفروض ان الهاردات الساتا اسرع من الPATA ...ودى مش محتاجة كلاام كتير :)
انا بستعمل BitDefender AntiVirus 2010 و عملت سكان كذا مره و مفيش حاجه :)
و المعالج ان شاء الله الكور i9 , i7 لانى مبحبش اجيب حاجه تقعد سنه او اتنين
و ايه رأى حضرتك قى نسخه الويندوز 7 . هل هى كويسه وللا فيه الاحسن ؟؟؟
و الف شكر ان حضرتك اهتميت و رديت :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
المشاركة الأصلية كتبت بواسطة S@M
اقتراح صائب جدا يا عزيزى ...
ولكن هل هل قرأت مشاركتى ...وهذا الكلاام لى ؟؟؟
لآنك لم تحدد الى من تتكلم :)
الكلام كان للاخ العزيز RADEON
و اعتذر عن البط فى الكتابه نظرا لانى احارب المتصفح قبل ما يعمل CRASH
ههههههههههههههه
و بشكر حضرتك مره تانيه على اهتمامك بالرد :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
انا بستعمل BitDefender AntiVirus 2010 و عملت سكان كذا مره و مفيش حاجه
بردو جرب مش هتخسر حاجة ...لو نزلت ويندوز ...والبرنامج بتاع الآنتى فايروس قوى وكويس
اقتباس:
Microsoft.Windows.7.ULTIMATE.x86.Integrated.Octobe r.2009.OEM.DVD.PROPER-BIE
هية النسخة دى كويسة ....بس فى نسخة نزلت افضل منها ...وفيها تحديثات حتى شهر نوفمبر :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
اما المعالج فأنا مش هغيره لحين نزول الكور i9 ان شاء الله او اجيب الكور i7 فى الصيف
بما أنك تنوي على تبديل جهازك بالكامل فكان عليك اختيار كرت مناسب لتجميعتك الحالية أخي ..
يعني الكرت 4670 أو 4770 كافي لوضعك الحالي مع بور 350w , وفي الصيف القادم ان شاء الله تكون الموديلات الجديدة قد توفرت والأسعار هبطت وتجمع جهاز جديد مع كرت شاشة أحدث براحتك .
إقتراح فقط :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
الفلوس للاسف مبتقعدش فأيدى يومين فقولت اجيب حاجه كويسه تنفع قداااام
ده غير انى جايب الكارت مخصوص فقط عشان الافلام الـ HD انا مبلعبش جيمز غير call of duty و لما بخلصها بمسحها
لكن الافلام دى اللى شغال عليها ليل نهار
و بعد ما جبت الشاشه السامسونج ال 24 بوصه . مش عايز اجيب اى كارت و خلاص . بس هى دى كل الحكايه :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
اقتباس:
المشاركة الأصلية كتبت بواسطة S@M
بردو جرب مش هتخسر حاجة ...لو نزلت ويندوز ...والبرنامج بتاع الآنتى فايروس قوى وكويس
طيب حضرتك كان ايه سبب الشاشه الزرقا لما كنت بسطبه فى الاول ؟
هى كل الشاشات الزرقا اختفت خالص الحمد لله . لكن مفيش غير ان المتصفحات بتقفل كده
و هنزل الويندوز من جديد النهارده ان شاء الله . احتفالا بالكارت
هية النسخة دى كويسة ....بس فى نسخة نزلت افضل منها ...وفيها تحديثات حتى شهر نوفمبر :)
ممكن اسم النسخه كاملاً ؟ مع العلم انى على تورنت ليتش ;)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
هحاول ادور على الرابط بتاعها ...لآن كان احد الآعضاء منزلها من فترة ...وانا عملتلها تنزيل ....بس يا رب الااقى المشاركة بتاعتة عشان اجيب اسمها بالكامل :)
ملحوظة انا هدورلك عليها بس فى المساء عشان انا ماشى دلوقتى ...
وهبعتلك اللينك فى الموضوع بردو :)
رد: استفسارات هامه جدا قبل تركيب الكارت 5770 بالجهاز . ارجو الرد من كل الخبراء
الف شكر ياباشا . انا بس عايز اسمها و هجيبها على تورنت ليتش لانى بنزل تورنت
و بجد متشكر على تعبك معايا و ارجو انى مكونش عطلتك
