مهارة جديدة يجب على الجميع تعلمها
الاخوة الاعزاء
احب ان اقدم لكم اليوم مهارة جديدة تعلمتها فى الشبكات
اليوم هنتكلم عن نقل الصوت والفيديو عبر الشبكة
طبعا الاخوة المهندسين المبتدئين مثلي هيقولو واحنا مالنا ومال الكلام ده احنا بتوع سويتشات وروترات بس
هاقولهم مالكم ونص
انا كنت بقول زيكم كده لحد ما فوجئت ان دية حاجة مهمة جدا
هية الناس بتعمل شبكة ليها كنت فاكر ان تأسيس الشبكة ده نهاية الدنيا مكنتش اعرف ان دية البداية
ماهو طبعا بعد ما نعمل الشبكة لازم نستخدمها ومن ضمن استخداماتها التليفونات الانترنت المؤتمرات كاميرات المراقبة
وطبعا مينفعش تقول للعميل معرفش والا هتكون كارثة
على العموم الامر بسيط جدا محتاج جهاز برده بسيط اكيد بعضكم سمعتو عنه والى مسمعش من الرابط الى هاحطه فيه ملف بيشرح كل حاجة بالتفصيل
الجهاز اسمه indigo vision وبالطريقة الى هنقولها اليوم هنتمكن من نقل الفيدو عبر مؤتمر مقام فى مكان الى مؤتمر فى مكان اخر
ونفس الجهاز يمكن توصيل عليه كاميرا cctv
وكمان ممكن استخدامه بدل tandberg لعمل فيديو كونفرانس وارخص منه كتير
اسيبكم مع الملف انا طولت عليكم بس اعذروني انا حاس ان الموضوع جميل
https://www.4shared.com/file/1531477..._learning.html
وده لينك البرنامج
https://www.4shared.com/file/1545204...rolCenter.html
رد: مهارة جديدة يجب على الجميع تعلمها
جزاك الله خير
تصدق بعض الامور تمر علي واتركها مع انها ممكن تكون مهمة
اتمنى التوفيق للجميع
رد: مهارة جديدة يجب على الجميع تعلمها
جاري التحميل يا زعيم
وربنا يوفقك ويصلح حالك
أنا داخل على أجازة 16 يوم
مفيش مشروع صغير كده آجي أعملهولك
وهجبلك معاي صاروخين شاورما ( شفت بغريك ازاي ) :D
رد: مهارة جديدة يجب على الجميع تعلمها
ما شاء الله على مجهوداتك
موضوع جيد جدا
رد: مهارة جديدة يجب على الجميع تعلمها
مشكور يا باشا ربنا يبارك فيك
رد: مهارة جديدة يجب على الجميع تعلمها
اقتباس:
المشاركة الأصلية كتبت بواسطة ahab
جاري التحميل يا زعيم
وربنا يوفقك ويصلح حالك
أنا داخل على أجازة 16 يوم
مفيش مشروع صغير كده آجي أعملهولك
وهجبلك معاي صاروخين شاورما ( شفت بغريك ازاي ) :D
تصدق اني لسة شبعان من يوميها
وكل ما اجوع اتذكر السندويتش الى كلته معاك اقوم اشبع واعيش على ذكراه
اما بالنسبة للمشاريع الجديدة فاخوك قدامه مشروعين حلوين كده قول ستين ولا سبعين سويتش فى كل مشروع ايه رايك تيجي تنقنق فى واحد فيهم
رد: مهارة جديدة يجب على الجميع تعلمها
اقتباس:
المشاركة الأصلية كتبت بواسطة warior10
تصدق اني لسة شبعان من يوميها
وكل ما اجوع اتذكر السندويتش الى كلته معاك اقوم اشبع واعيش على ذكراه
اما بالنسبة للمشاريع الجديدة فاخوك قدامه مشروعين حلوين كده قول ستين ولا سبعين سويتش فى كل مشروع ايه رايك تيجي تنقنق فى واحد فيهم
والله لو ينفع وبتتكلم جد أجيلك ياباشا أنقنق وأتعشى كمان
رد: مهارة جديدة يجب على الجميع تعلمها
جزاك الله خيرا موضوع جيد اخي
رد: مهارة جديدة يجب على الجميع تعلمها
مشكور اخي العزيز
يتم تقييم الموضوع على الجهد المبذول في ال pdf ولمسة الوفاء للمنتدى منك عزيزي
رد: مهارة جديدة يجب على الجميع تعلمها
جزاك الله خيرا اخي الفاضل وفعلا مافيش حاجة مابتنغعش انا كنت بستغرب ليه سيسكو ضيفة VOICE لل CCNP لكن من كلامك اكتشفت اني لابد ان اكون ملم باي تكنولوجيا
كان عندي سؤال بعيد تماما عن ال VOICE وهوا ما مدي رؤيتك لل MULTIPLE SPANNING TREE في ارض الواقع هل هيا منتشرة ام لااحد يستخدمها واسف جدا علي السؤال انا عارف ان ده مش موضوعنا وشكرا مرة اخري
رد: مهارة جديدة يجب على الجميع تعلمها
موضوع رائع جزاك الله خيرا
رد: مهارة جديدة يجب على الجميع تعلمها
جميل جداً اخي العزيز ماشاء الله وعندي بعض الاسئله
1- ماالاختلاف مابين الـconsole cable للروترات والسويتشات والـindigo vision هل هي في الـconnector ام في الكايبل نفسه.
2- هل لك اخي ان ترينا تصميم لموضع الجهاز والكاميرات وايضاً اجهزة العرض واذا كانت هناك اجهزه ثانيه مثل سويتش وغيره وهل لازم تكون IP هذه الاجهزه ام يمكن تركيب analogue device.
3- نسيت ان ترفع البرنامج اخي احمد واكون شاكر لك اخي ان وجد لديك وهل يجب ان يتوفر الجهاز للعمل عليه ام يمكن النظر الى الوجه الخاصه به والاعتياد عليها من دونه.
وجزاك الله الف خير اخي العزيز على الجهد الذي تبذله
رد: مهارة جديدة يجب على الجميع تعلمها
اقتباس:
المشاركة الأصلية كتبت بواسطة wobooo
مشكور اخي العزيز
اقتباس:
المشاركة الأصلية كتبت بواسطة wobooo
يتم تقييم الموضوع على الجهد المبذول في ال pdf ولمسة الوفاء للمنتدى منك عزيزي
شكرا يا استاذنا العزيز على مرورك على موضوعي
اما بالنسبة للوفاء للمنتدى فالمنتدى ليه افضال على لا تحصى ولا تعد
وهو سبب الخير الى انا فيه
وده اقل شيء اعمله للاخوة الاعضاء
رد: مهارة جديدة يجب على الجميع تعلمها
اقتباس:
المشاركة الأصلية كتبت بواسطة takiadeen
جميل جداً اخي العزيز ماشاء الله وعندي بعض الاسئله
1- ماالاختلاف مابين الـconsole cable للروترات والسويتشات والـindigo vision هل هي في الـconnector ام في الكايبل نفسه.
2- هل لك اخي ان ترينا تصميم لموضع الجهاز والكاميرات وايضاً اجهزة العرض واذا كانت هناك اجهزه ثانيه مثل سويتش وغيره وهل لازم تكون IP هذه الاجهزه ام يمكن تركيب analogue device.
3- نسيت ان ترفع البرنامج اخي احمد واكون شاكر لك اخي ان وجد لديك وهل يجب ان يتوفر الجهاز للعمل عليه ام يمكن النظر الى الوجه الخاصه به والاعتياد عليها من دونه.
وجزاك الله الف خير اخي العزيز على الجهد الذي تبذله
ازيك يتقى باشا
اخبارك يا معلم واحشنا والله بقالنا فترة مش بنشوفك
بص يا عمي
الكونسول كيبل بتاعع الراوتر والسويتش معروف وبيكون ROLLVER ومن ناحية سيريال ومن ناحية RJ45
اما الكونسول ده فزي مانت شاي بيكون سيريل من الطرفين وبيكون كانه كابل كهرباء وليس مثل كابل الشبكة بس بيكون رفيع
2- بالنسبة لاجهزة الكاميرات فهناك عدة انواع من الكاميرات النوع الاول ده كايرا CCTV يعين طبعا كاميرا مراقبة ودية بنحطها فى اعلى المباني وعلى المداخل وبتتوصل بالكابل RC ده بيكون كابل فيديو معروف ويوضع فى مكان VEDIO IN عن طريق كونكتر شكله معروف
الجهاز مكن تحطه فى اى مكان انا عن نفسي حاطه فى نفس الكابينة الى فيها بقية الاجهزة الى ها أقولك عليها دلوقتى
3- بص بقى التصميم بيكون ازاى
بيكون عندنا جهاز اسمه AMPLIFIER وده بنوصل فيه المايك والسماعات
وبناخد منه وصلة بنوصلها الى INDIGO VISION فى مكان LINE IM فى حالة لو كان TRANSMITER والسماعات بيتكون متوصلة مع AMPLIFIER فى حالة لو كان الجهاز هيكون RECIVER
ملحوظة الجهاز يعمل FULL DUPLEX فى حالة AUDIO و ONE WAY فى حالة نقل الفيديو
وعندي رسمة ممتازة هاوريهالك بكرة ان شاء الله فى موضوع منفصل او ممكن اضيفها على نفس PDF ليكون الموضوع متكامل
4- بعد تحميل البرنامج يمكن العمل عليه بدون الجهاز ولكن لن تنقل شيئا طبعا والاجهزة التي ستضيفها سيكون عليها علامة اكس
رد: مهارة جديدة يجب على الجميع تعلمها
اقتباس:
المشاركة الأصلية كتبت بواسطة kamel_s_s
جزاك الله خيرا اخي الفاضل وفعلا مافيش حاجة مابتنغعش انا كنت بستغرب ليه سيسكو ضيفة VOICE لل CCNP لكن من كلامك اكتشفت اني لابد ان اكون ملم باي تكنولوجيا
كان عندي سؤال بعيد تماما عن ال VOICE وهوا ما مدي رؤيتك لل MULTIPLE SPANNING TREE في ارض الواقع هل هيا منتشرة ام لااحد يستخدمها واسف جدا علي السؤال انا عارف ان ده مش موضوعنا وشكرا مرة اخري
بالنسبة لل SPANNING TREE فهناكمن هو افضل مني فى هذا المجال
انا عن نفسي استخدم PVST
واكيد مفيش حاجة لا تستخدم بس انا ما ستخدمتهاش عن نفسي
بس لو تحب اشوفك مشاريع تانية مستخدمة فيها ولا لا انا ممكن اشوفهالك وابشر ولا يهمك
بس هتاخد مني يومين ولا 3 لاني مشغول جدا والله