عندي امتحان بكرا وابحث عن بعض النصائح
السلام عليكم ورحمة الله
في البداية احب ان اتوجه لأعضاء المنتدى جميعهم بالثناء والتحيه لاني فعلا حسيت بروح تعاون جميله في المنتدى تدفعني للدخول دائمًا ومشاهدة كل مايتم طرحه
ونسأل الله ان يتم علينا صحبتنا في هذا المنتدى بأن تكون صحبة في دار السلام جنة الخلد نحن ورسولنا الكريم بإذن الله
نخش في الموضوع بقا :o
انا عندي امتحان بكرا CCNA ودي اول مره في حياتي ادخل امتحان والصراحه انا مرتبك بعض الشيء
خصوصا اني برتبك لما اشوف سؤال طويل كدا والكلام كتير بحس اني مش هقدر احله :(
انا كنت اطلب بعض النصائح من من دخلوا الامتحان بخصوص الاساليب في الحل والتعامل مع الامتحان عسى ان ينفعني الله بهذه الاشياء
وليا طلب مهم وهو اني حابب اعرف حاجتين
الاول هل كل اللابات في الامتحان مسموح بال Tab , ? وخاصيه كتابه اختصارا للاوامر مثل conf t
اصلي سمعت انه بتكون مش موجوده احيانا
وتاني حاجه انا حابب اعرف هو كل البلاد العربيه فعلا فيها تمديد نص ساعه من الوقت ولا ده حاجه لازم ليها اجراءات معينه؟
واتمنى منكم صالح الدعوات بالتوفيق :)
رد: عندي امتحان بكرا وابحث عن بعض النصائح
اولا بقول مبروك والف مليون مبروك النجاح مقدما ليك اخى ثق ف نفسك وف قدراتك
لان ده اهم حاجه ثانيا اكتر الاسئله كلها اختيارى وبتكون سهله ان شاء الله
اما حكاية الوامر معرفش بيها اوى والله لانى لسه ف نص الورس ودخلت اه على الاوامر بس معرفش
ف االامتحان بتبقى ازاى لانى لسه مدرستش كتير وان شاء الله انا قدمت انا كمان ف يات من يوم 23 الجاى وان شاء الله ربنا يوفقنا جمعيا والف مبروك اخى
رد: عندي امتحان بكرا وابحث عن بعض النصائح
موفق بإذن الله يا اخي وجزاك الله خيرًا على دعواتك :)
رد: عندي امتحان بكرا وابحث عن بعض النصائح
بالتوفيق والى الامام دائما ان شاء الله وتيجى بكره تفرحنا انك اجتزت الامتحان ان شاء المولى عز وجل
رد: عندي امتحان بكرا وابحث عن بعض النصائح
السلام عليكم اخى فى الله اولا علاج التوتر عند دخول الامتحان قل اللهم لا سهل الى ما جعلته سهلا وسبحانك تجعل الحزن اذا شئت سهلا
واذا تعسرعليك شىء فقا الهم زكرنى ما نسيت
وكن متفائل وتزكر دائما الايام الى تعبتها وسهرتها تزكر دائما تزكر هذا فى الامتحان وتزكر ان الله سيكون قريب جدا منك لا يحول بينك وبينه شىء فادعوة وسيجيبك انشاء الله
اما بالنسبه لل tabe فبعض الاخوة الذين دخلوا الامتحان قالوا بلاش خلينا فى المضمون احسن
وفقق الله تعالى لكل خير لنفسك وللمسلمين ولنا
والسلام عليكم
رد: عندي امتحان بكرا وابحث عن بعض النصائح
متخافش tap شغالة وكمان ? شغالة
ولو فيه سؤال اخترت اقل من المطلوب هيعرفك ولو اكتر هيعرفك ومش هيروح لسؤال التاني مباشرة
والخطأ بتعرف تصلحه
الامر بسيط جدا والاسألة هتلاقيك حلتها مليون مرة قبل كده كل العملية ان الاختيارى بيكون 6 بدل ما هو اربعة زيp4s او تيست كينج
الامر ابسط من البسيييييييييييييييييييييييييييييييييييييييييييييي ييييييط
رد: عندي امتحان بكرا وابحث عن بعض النصائح
خلاص توكلنا على الله :)
جزاكم الله خيرا على شعوركم الجيد
رد: عندي امتحان بكرا وابحث عن بعض النصائح
لاتنسى
copy run start
في نهاية اللاب
رد: عندي امتحان بكرا وابحث عن بعض النصائح
لو صادفت سؤال ولم تعرف الإجابة ،فقط استبعد الإختيارات التي لا يمكن أن تكون الجواب الصحيح في نظرك ثم ركز في باقي الإختيارات ..
ربنا يسهل عليك،و بالتوفيق إنشاء الله ،
رد: عندي امتحان بكرا وابحث عن بعض النصائح
اولا مبروك للناجحين وربنا يوفق اللى لسه هيدخلوا الامتحان
انا بس عايز حد يطمنى ويرشدنى امشى ازاى
انا خلصت الكورس وكان مستوايا الحمد لله كويس جدا نظرا انه مجال عملى
ولكن بقالى 3 شهور مش براجع وحاسس انى نسيت كل حاجه وخايف جدا
وهمتحن بعد شهر من دلوقت
تنصحونى بايه يا جماعه وانا حقيقى قلقان قوى
رد: عندي امتحان بكرا وابحث عن بعض النصائح
اقتباس:
اولا مبروك للناجحين وربنا يوفق اللى لسه هيدخلوا الامتحان
انا بس عايز حد يطمنى ويرشدنى امشى ازاى
انا خلصت الكورس وكان مستوايا الحمد لله كويس جدا نظرا انه مجال عملى
ولكن بقالى 3 شهور مش براجع وحاسس انى نسيت كل حاجه وخايف جدا
وهمتحن بعد شهر من دلوقت
تنصحونى بايه يا جماعه وانا حقيقى قلقان قوى
شوف يا سيدي العمليه سهله جدا
اعطي لنفسك موعد نهائي لعمل الامتحان مثلا يوم 20 ديسمبر مثلا
طيب ما المطلوب الان
المطلوب خطه اعداد ممكن تكون كالتالي :
الاسبوع الاول راجع الماده العلميه و قسمها لمواضيع و ابداء راجع الفيديوهات و الكتب وملخصاتك ابداء اكنبها
الاسبوع الثاني ابداء تنفيذ اي لابات ممكنه
الاسبوع الثالث راجع اي اسئله متوفره وتمارين مشابه ل الاختبار
الاسبوع الرابع زياده لوخلصت بعد الاسبوع الثالث روح امتحن على طول
كن على ثقه بالله و انه لن يضيع مجهودك
كن على ثقه بنفسك وستزداد هذة الثقه اذا كنت ملم بمواضيع الامتحان بشكل جيد
بالتوفيق للجميع
رد: عندي امتحان بكرا وابحث عن بعض النصائح
الحمد لله الكريم رب العرش العظيم
CCNA Certified - passing score 930/1000
الصراحه انا حابب احكي حاجات كدا
اولا انا دخلت الامتحان من غير محل الباسفور شور كله
يعني انا كنت بجيب الباسفور شور واحل منه test بيكون 50 سؤال اشوف مستوايا وخلاص
انما محليتش ال 500 سؤال وده دليل ياجماعه ان النجاح مش شرط يكون بإنك تحفظ الي هيجي لك في الامتحان
والصراحه انا شفت اسئلة متنوعه في الامتحان الامتحان بيكون فعلا شامل كل حاجه :)
ملاحظه اخيره بخصوص السيمولاتور في ناس قالت ان الtab متاح وناس قالت لأ
انا بقا هفصل لكم الحوارده
هو في الامتحان بيجي لك في الInstructions بيقولك انه الTab مش موجود في بعض الاسئله والي لاحظت انه بيركز على انه يكون مش موجود فيها هو الNAT بس عموما ياجماعه من غير اي زعل انت معاكش الTAB استعمل ? وهتفيدك اكتر من الTab وتخليك ميه ميه وتحل وانت متطمن وتمام .
وعلى فكره هما قالوا الTab مش موجود وانا لقيته موجود لانهم يقصدوا انهم يقولوا لي احنا مهتميناش هنحطه ولا لا اعتبره مش موجود انما هما ميقصدوش يمنعوك من استعماله هو نوع من انه بيقولك عيب يعني انك تستعمل الTAB انت كبرت :cool:
انما هو بيكون موجود والي بيكون موجود دايمًا ومش بيتمنع هو الhelp عن طريق ال?
في النهاية انا حابب اقولكوا ان اي خير يجي لنا من نجاح وتوفيق هو من ربنا وكلنا ياجماعه الي ينجح دايما يشكر ربنا كتير
علشان ربنا انعمه علينا كتير اوي واحنا قليل لما نفتكرها فياريت وقت الفرحه نفتكر الي رزقنا علشان يبارك لنا في الرزق كما قال تعالى : " ولئن شكرتم لازيدنكم " وده وعد من الصادق الملك جل وعلى :)
اشوفكم بخير
رد: عندي امتحان بكرا وابحث عن بعض النصائح
اقتباس:
المشاركة الأصلية كتبت بواسطة Nourel2mar
الحمد لله الكريم رب العرش العظيم
CCNA Certified - passing score 930/1000
الصراحه انا حابب احكي حاجات كدا
اولا انا دخلت الامتحان من غير محل الباسفور شور كله
يعني انا كنت بجيب الباسفور شور واحل منه test بيكون 50 سؤال اشوف مستوايا وخلاص
انما محليتش ال 500 سؤال وده دليل ياجماعه ان النجاح مش شرط يكون بإنك تحفظ الي هيجي لك في الامتحان
والصراحه انا شفت اسئلة متنوعه في الامتحان الامتحان بيكون فعلا شامل كل حاجه :)
ملاحظه اخيره بخصوص السيمولاتور في ناس قالت ان الtab متاح وناس قالت لأ
انا بقا هفصل لكم الحوارده
هو في الامتحان بيجي لك في الInstructions بيقولك انه الTab مش موجود في بعض الاسئله والي لاحظت انه بيركز على انه يكون مش موجود فيها هو الNAT بس عموما ياجماعه من غير اي زعل انت معاكش الTAB استعمل ? وهتفيدك اكتر من الTab وتخليك ميه ميه وتحل وانت متطمن وتمام .
وعلى فكره هما قالوا الTab مش موجود وانا لقيته موجود لانهم يقصدوا انهم يقولوا لي احنا مهتميناش هنحطه ولا لا اعتبره مش موجود انما هما ميقصدوش يمنعوك من استعماله هو نوع من انه بيقولك عيب يعني انك تستعمل الTAB انت كبرت :cool:
انما هو بيكون موجود والي بيكون موجود دايمًا ومش بيتمنع هو الhelp عن طريق ال?
في النهاية انا حابب اقولكوا ان اي خير يجي لنا من نجاح وتوفيق هو من ربنا وكلنا ياجماعه الي ينجح دايما يشكر ربنا كتير
علشان ربنا انعمه علينا كتير اوي واحنا قليل لما نفتكرها فياريت وقت الفرحه نفتكر الي رزقنا علشان يبارك لنا في الرزق كما قال تعالى : " ولئن شكرتم لازيدنكم " وده وعد من الصادق الملك جل وعلى :)
اشوفكم بخير
السلام عليكم
بارك الله فيك أخى الكريم و الف مبروك على نجاحك وعقبال ال ccie
وجزاك الله خيرآ
رد: عندي امتحان بكرا وابحث عن بعض النصائح
جزاكم الله خيرا على هذه الردود المشجعة :)
رد: عندي امتحان بكرا وابحث عن بعض النصائح