ماذا تعني هذه الاوضاع في الكتابه على السيديات سواءً cd&dvd

والله انا سبق وشرحتهم من زمان زمان ما ادري عملت بحث ما حصلت ..

ما علينا نشرح مره ثانيه ..

فيه ثلاث انواع من انظمه الكتابه

DAO = Disc At Once

وهي احدث طريقه في النسخ وهي عمليه نسخ السيدي دفعه واحد من دون عمل اطفاء لعدسه الليزر الحارقه يعني يظل الليزر يحرق من اول شيء Lead-in الى اخر عمليه lead-out بدون ما ينطفيء .

TAO = Track At Once

وهي طريقه قديمه نسبيا هو تستعمل دائما في سيديات الصوتيات ..

وفي هذه العمليه بعد كل ترا ك Track صوتي في السيدي ينطفيء الليزر فتره اجزاء م نالثانيه ثم يعود يشتغل مره ثانيه ويحرق التراك الي وراه يعني on off on off ..

علشان كذا لما تأخذ سيدي محروق في TAO وتدقق زين من الخلف بتلاحظ دوائر صغيره او مسارات كثيره على عدد الاغاني الموجوده في السيدي .

SAO = Session At Once

هي تقريبا تشبه DAO ولكن فيه فرق شوي ..

انت عارف لما تسوي multi session cd يعني السيدي لم يتم اغلاقه تماما يعني تقدر تزيد وتحط معلومات في المستقبل عادي ..

فا SAO هو يقوم يحرق من Lead-in الى lead-out بدون توقف نفس DAO ولكنه يتوقف مع اخر شيء نسخته .

لما تجي تضيف جديد راح يشتغل الليزر مره ثاني بس راح يترك مسافه بسيطه بعد اخر مسار Gap مثل TAO ..

( ارجوا انك فهمت لاني ما اعرف اشرحها زين لو انك قدامي شرحتها لك بالرسم او بالحركه لوووول )

mutli-session

وضحته فوق هو عباره عن عده فصول في السيدي يعني تقدر تضيف معلوما ت في المتقبل اذا كان فيه مساحه فاضيه ولم يتم اغلاق ال CD .

اما

Packet Writing

فا علشان اسهلها لك هي عباره انك تخلي السيدي كانه هارد ديسك متى ما بغيت تنسخ تسوي قص ولزق او نقل على طول الى السيدي وراح ينسخ ..

طبعا انا ما احب العمليه هذه لانها تجهد العدسه كثير .. وتسبب اخطاء في بعض الاحيان ..

يوجد تقنيه نفسها ولكن احدث وأأمن اسمها mount rainier ..

نعم اجهزه الدي في دي تدعم النسخ متعدد الجلسات بدون مشاكل عادي كانها سيدي ..

اي سؤال او شيء احنا حاضرين للطيبين ..

تحياتي .......